|
Ra'iisul wasaaraha Ethiopian
Meles Zenawi oo wajiga qabsaday markii uu khudbada jeedinayey Xoghayaha
Guud ee Qaramada Midoobey Kofi Annan, khudbadaas oo ku saabsanayd
arrimaha Afrikaanka, taas oo uu
July 1, 2006 ka jeediyey kulanka Midowga Afrika uga
socda caasimada dalka Gambia ee Banjul. Kulankaas oo laba maalmood
soconaya waxaa looga hadlay arrimaha Soomaaliya iyo gobolka Dafur ee
dalka Suudaan. Sawirka REUTERS.
Warbixinta Khudbadii Annan ka akhri halkan...
|
|
Wararka:: July 4, 2006
- Madaxwaynaha Puntland oo ku soo laabtay
Boosaaso bil kaddib
- Gudoomiyaha golaha degaanka degmeda Galdogob
oo soo gaaray magaalda Garowe..
- Ciidanka amniga magaalada Bosaso ayaa
hawlgal ay sameeyeen gacanta ku soo dhigay 79 'danbiilayaal' ah.
Madaxwaynaha Puntland oo ku Soo Laabtay
Boosaaso bil kaddib
Madaxwayanaha DGPL ayaa galabta (June 4,
2006) ka soo dagay garoonka diyaarahada ee magaalda Bosaso kadib markii uu ku
maqnaa safaro dibeda ah oo inta badan la xiriira caafimaadkiisa.
Madaxwaynaha puntland oo mudo bil ah ka maqnaa
dalka ayaa hada dib ugu soo laabtay isaga oo ka soo kici timay emaaraadka
carabta, safarka madaxwaynaha ayaan cidina ku wehelin sida looga bartay madaxda
Puntland.
Madaxwayana ayaa waxaa garoonka ku soo
dhaweeyay madax aad u badan oo isugu jira wasiiro iyo kuxigeeno sidoo kalena
waxaa ka qaybqaatay soo dhawaynta madaxwaynaha shacab aad u badan.
Cadde Muuse, madaxwaynaha DGPL, ayaa ka dhoofay
dalka bishii hore (June 4, 2006) isaga uu u duulay dalka Jarmalka, waxana uu
safarkaasi la xiriiray caafimaadkiisa, sidoo kale madaxwaynuhu waxa uu maray
wadamo kale duwan oo ay ka mid ahaayeen Holland, Belgium, emaaraadka carabta iyo
waliba dalka Ethiopia oo safar aan la qorshayn si wayna looga hadlin ku tagay
dalkaasi Ethiopia ilaa iyo hadana lama garanayo waxa ka soo baxay safaradaas uu
madaxwaynuhu soo maray.
Dalka Ethiopia ayaa ka mid ah dalalka
gacansaarka laleh Puntland, waxana uu madaxwaynuha DGPL uu Addis-Ababa tegey
xili uu ka soo duulay dalka emaaraadka carabta oo habeenimo ah, ilaa iyo hadana
macadda sababaha dhabta ah ee uu madaxwaynuhu u tegey dalkaasi Ethiopia loomana
ogolaan saxaafada in ay wax ka ogaato safarka Ethiopia ee Cadde Muuse uu ku
tagay.
Cadde Muuse mar uu maanta ka hadlayay Boosaaso
waxa uu shegay in garoonka diyaaradaha ee Bosaso loo dhisi doono runway-ga ee
garoonka diyaaradaha ee magaalada Boosaaso oo loo dhisi doono si casri ah,
dhismahaasna uu bilaaban doono labaatan casho kadib.
Dhismaha garoonka diyaaradaha Bosaso ayaa waxa
uu hadda marayaa meel aad u xasaasi ah waxana uu dhismahaasi socdaaa in ka badan
sanad iyo bar, waxana markii la bilaaabayay Cadde Muuse uu sheegay in uu socon
doono mudo 6bilood ah taasina sida muuqata sadex laab ayuu dhaafay, waxaana
xiligii la bilaabayay la qorsheeyaya in ay ku bixi doonto lacag dhan
600,000,000$ waxana uu hada marayaa in ka badan hal billyan, waxana
aad moodaa in uu yahay mashruuc u furan madaxda dawlada oo kaga gabanaysa wax u
qabadka dadka. Garoonka diyaaradaha Bosaso ayaa ah il furan oo aan dhamaad
lahayn, waa sida dad badan ay is waydiinayaan waxa dhismihiisa loo soo afjari
la'yahay.
Madaxda Puntland sida caadiyan ah intabadan waa
ay dhoofta iyaga oo kali ah waxayna soo laabtaan iyaga oo kali ah, waase la arki
doonaa Cadde waxa uu safar bil ka dib soo kordhiyo.
Marar badan ayaa loogu baaqay in uu Cade Muuse
is casilo kadib markii uu fulin waayay balanqaad yadiisii uu ku galay
doorashadii uu xukunka kula wareegay.
Bayaano badan ayaa waxaaa soo saaray xisbiga
mucaaradka ah ee Ramaas Political Party kaasi oo uu ku dalbanayo in dawaladu
iscasisho maadaama ay ka soo bixi wayday ballan qaadyadeedii, sidoo kalena
dadbadan ayaa u arka xukunka Cadde in uu yahay mid uu caafimaadkiisa ku
illaashanayo waayo tan iyo markii uu xukunka Cadde Muuse la wareegay wali wax
muuqda oo la taaban karo lama qaban waxaana la orankaraa waaba ay ka sii dartay
Puntland, waxaana hadda ka jira Puntland musuq maasuq aad u baahsan oo xataa
gaaray heer uu shacabku ogaaday iyo waliba wax qabad la'aan aad u wayn taas
ayaana keentay in loogu baaqo in uu iscasilo madaxwaynaha Puntland Cadde Muuse.
»»Akhri:
Marunbaa mise waa Rati ku kacsi
Khudbadii Madaxwayne Cade (Jun
2005)
»»
"Guddoomiyihii Baarlamaanka Puntland ee Xilkii
Laga Qaaday oo lagu Maslaxay 100,000,000 sh.so ($80,000) iyo Gaarigii...."
»»Cadde Muuse
intii uu dalka ka maqnaa waxaa
Xilkii Laga Qaaday
Guddoomiyihii Baarlamaanka Puntland
»»Madaxweynaha
Puntland intii uu joogey Dubai waxa uu Markii Ugu Horeysey Sheegay In Shirkado
Kale Imaan Karaan Puntland -
Hadalkaas oo Khilaafsan
Heshiiskii ay Puntland La Gashay Shirkadda "Consort ltd".
»»Halkan
ka dhegeyso Hadalkii uu Cadde Muuse ka jeediyey kulankii Jaaliyada
Holland...
Gudoomiyaha golaha degaanka degmeda Galdogob
oo soo gaaray magaalda Garowe.
Wafdi ka socda degmada Galdogob oo uu horkacayo
duqa cusub ee degmada Goldogob Cabdullaahi Yuusuf Xaaji, ahna guddoomiyaha
golaha deegaanka degmadaas oo maalmahaanba ku sugnaa magaalada Garoowe ee
xarunta dawlad goboleedka Puntland ayaa kulamo la yeeshay madaxda sarsare ee
dawlada Puntland oo uu ka mid yahay madaxweyne ku xigeenka maamul goboleedka
Puntland Xasan Daahir Afqurac.
Waftigan ayaa sheegay in loo baahanyahay in si
wayn la sikula shaqeeyo islamarkaaana la iska ilalaiyo dacaayadaha beenta ah
sidoo kalena loo baahan yahay in la taageero maamulka cusub ee degmedu ay
yeelatay madaxweyne ku xigeenka Puntland Xasan Daahir ayaa sheegay in dawladda
ay mar walba tixgalineyso rabitaanka dadka cidkasta oo ay soo doortaana ay la
shaqeynayaan waxa uu ugu danbayntii Xasan Daahir Afqurac cadeeyay in ay aqbaleen
doorashidii ka dhacday galdogob isla markaasna ay la shaqeyn doonaan maamulka
cusub ee degmada Galdogob, sidoo kale wuxuu madaxweyne ku xigeenka u sheegay
maamulka cusub ee degmadu yeelatay in ay looga baahan yahay inay wax u qabtaan
sidii loo soo doortay dadkuna aysan maamulka kaliya wax ka sugine ee loo baahan
yahay in la is kaashado oo wax lawada qabsado.
Doorashooyinka dhanka deegaanaka oo xiliyadaa
ku jira dardar cusb ayaa ah dimuquraadiyad ay puntland uga bixi karto soo
magaacib shaqsi samayn jiray hadii ay soo afjarmaana dhamaan golayaasha
xildhibaanada deegaanka waxaan shaki ku jirin in la samayn doono doorashooyin
madaxwayne, baarlamaan iyo mid dastuurb say doonaanba ha u kala hormareene.
Ciidanka amniga magaalada Bosaso ayaa
hawlgal ay sameeyeen gacanta ku soo dhigay 79 'danbiilayaal' ah.
Hawlgal ballaaran oo ay wada jir u qaadeen
ciidammada Booliiska iyo Asluubta ee magaalada Boosaaso habeenkii xalay ayaa
lagu
soo qabqabtay 79 dhallinyaro ah oo lagu soo eedeeyey in ay gacanta kula jireen
falal burcadnimo ah.
Dhallinyaradan ayaa inta badan lagu soo qabqabtay iyaga oo dadweynaha ka
ugaarsanaya agagaarka shirkadda isgaarsiinta ee Golis, waxana saaka bilowday
baaritaan lagu kala saarayo dadkaas si loo sii daayo kuwa aan iyagu dembiga
lahayn.
34 kamid ah dhallinyaradaas ayaa ciidamada
ammaanku ay u gudbiyeen xabsiga dhexe ee magaalada Boosaaso kuwaas oo wadey
falal burcadnimo iyo isticmaal maandooriye ah iyadoo intii kalena la sii daayey.
Ugaarsiga dhallinayarada loo yaqaan ciyaal Faay
Caliga ayaa ay ciidamada kala duwan ee amniga Boosaaso ay haatan dib u soo
cusboonaysiiyeen kadib markii ay dhallinyaradaasi ay soo laba kacleeyeen, kuwaas
oo inta badan dadka ku baarta dariiqyada magaalada Bosaso.
Dhalinyaradaan hada la soo xir xiray qaar kood
ayaa ah kuwo marar badan la xir xiray loona xir xiray falkan iminka lagu soo
qabtay ilaa iyo hadana macada waxa laga yeeli doono maadaama ay u barteen xukun
dabacsan oo lacag lagu furto ama la siidaayo markay maalmo ku jiraan xabsiga
bosaso.
C/risak koronto
Garowe Puntland
koronto_65@hotmail.com
Faafin: SomaliTalk.com | July 4, 2006
Barnaamijkii
Radio Xoriyo
04 July 2006
Dagaallo
ciidammada Itoobiya lagu jabiyay.
Dadwayne ay
ciidammada gumaysigu dileen iyo kuwa ay xidhxidheen.
Maxkamadaha
Islaamiga ah oo Itoobiya u digay.
======================
Wariyaha RX uga
soo warrama dalka Ogaadeenya ayaa noo soo sheegay dagaallo dhawr ah oo
ciidammada Itoobiya waxyeello aad u ba’an loogu gaystay, kuwaasoo ka
dhacay meelo kala duwan oo Ogaadeenya ka mid ah.
Wariyuhu wuxuu
noo soo sheegay in muddadii u dhaxaysay 21/06 – 01/07/2006 dagaallo
dhexmaray ciidammada xoreynta Ogaadeenya iyo kuwa caga-jiidka ah ee
gumaysatada Itoobiya in ciidammada gumasatada lagaga dilay 28 askari.
Waxaa sidoo kale dagaalladaas lagaga dhaawacay inta la ogyahay 33 askari.
Waxaa
ciidammada gumaysatada Itoobiya laga gubay hal baabuur oo Uuraal ah,
kaasoo wixii saarnaa oo dhan ayna waxba ka bixin. Ciidammada gumaysiga
baabuurkaas kaga dhintay ayaa lagu qiyaasayaa in ka badan 40 askari.
Dadwayne ay
ciidammada gumaysigu dileen iyo kuwa ay xidhxidheen.
Ciidammada
nacabka ah ee gumaysatada Itoobiya ayaa meelo kala duwan oo Ogaadeenya
ka mid ah ku laayay dadwayne rayad ah oon waxba galabsanin, qaar kalana
ku xidhxidhay.
Markii ay
taariikhdu ahayd 16/06/06 waxay ciidammada gumaysigu ku dileen magaalada
Garigo’an haweenay 70 jir ah oo lagu magacaabi jiray Cadar Maxamuud
Aaden. Haweenayda da’da ah ayaa la sheegayaa in ciidammada gumaysigu
kufsadeen ka hor intii ayna dilin, ka dibna ay meel xas ah ku tuureen.
Haweenaydani waxay deegaanka Garigo’an ku ahayd socoto, waxayna u
socotay dad ehelkeeda ah oo deegaankaas ka daggan markii ay ka soo
dul-dhacday meel ay ciidammada gumaysigu dageen.
Isla 16/06/06
waxay ciidammada gumaysigu ku dileen Miir-khaliif, oo gobolka Doollo ka
tirsan, gabadh lagu magacaabi jiray Shiino Maxamed.
11/06/06
magaalada Ceelwayne waxay ciidammada gumaysigu ku dileen C/llaahi
Maxamed Caafi.
24/06/06
magaalada Yoocaale waxay sidoo kale ciidammada gumaysigu ku laayeen
dadka kala ah:
Faadumo
Aw-Siciid
Maxamuud
Muxumed Oomaar
Iyo Ibraahim
Muxumed Aw-Nuur
Duleedka
Qabridaharre waxaa maydkooda laga helay seddex nin oo dhalinyaro ah oo
ciidammada gumaysigu mirrijiyeen. Dhalinyaradan ayaa lagu xabaalay
magaalada Qabridaharre, iyagoon la aqoonsanin.
Dhinaca kale
waxay ciidammada gumaysigu meelo kala duwan ku xidhxidheen dad rayad ah
oon waxba galabsanin. Dadka la xidhxidhay inta aan magacyadooda helnay
waxay akla yihiin:
Magaalada
Maraacaato waxaa markii ay taariikhdu ahayd 09/06/06 lagu xidhxidhay
dadka kala ah;
1-
Haybe Kilaas
Xuseen
2-
Maxamuud Taani
C/naasir
3-
Sh Faysal Aaden
4-
Deeq Qoofal
Saahid
5-
Saafi Faarax
Dhaabe
6-
Tiriig Qoofal
Saahid
7-
C/llaahi Nuur
Aabi iyo
8-
Ayaan Nuur Halab
Markii ay
taariikhdu ahayd 19/06/06 waxaa raashiin gargaar ahaa oo yaallay
magaalada Maraacaato dadwaynaha u qabiyay odayaal deegaanka ah.
Raashiinkan ayaa dadwaynaha loo diiday, isla markaana lagu hayay meelo
ay ciidammada gumaysigu ku ilaashadaan.
Ciidammada
gumaysiga Itoobiya ayaa markaas ka dib xabsiga u taxaabay odayaashii
raashiinkan dadwyanaha u qaybiyay oo kala ah;
1-
Haraami Muxumed
Cadwaan
2-
Cabdi Cumar
Barre
3-
C/llaahi Cabdi
Ciilmooge iyo
4-
C/qaadir Nuur
Badhi-cadde
Ciidammada
gumaysigu waxay sidoo kale qaar ka mid ah dadwyanaha halkaas deggan ka
boobeen raashiin ay dadwaynahaasi lahaayeen. Dadka raashiinka laga
boobay waxaa ka mid ah;
1-
Xuseen
Gadh-cadde
2-
C/wahaab Xasan
Nuur
3-
Anfi Maxamed
Hirmaame
4-
Qoolaf Saahid
5-
Suleeqa Faarax
Madoobe iyo
6-
Haweenay lagu
magacaabo Ceebla’ oo magaceeda oo buuxa aanaan haynin. Raashiinka dadkan
laga dhacay wuxuu isu gayn gaadhayaa 45 Kiish.
Maxkamadaha
Islaamiga ah oo Itoobiya u digay.
Guddoomiyaha
guddiga fulinta ee Golaha Maxkamadaha Islaamiga ah ee Soomaaliya Sh
Shariif Sh Axmed ayaa sheegay in xukuumadda Itoobiya ay faragalin ku
heyso dalka Soomaaliya, isla markaana ay magaalada Baydhabo ku sugan
yihiin ciidammo Itoobiyaan ah.
Sheekhu wuxuu xukuumadda Itoobiya uga digay inay sii waddo faragalinta
ay Soomaaliya ku hayso, isagoo tilmaamay in shacabka Soomaaliyeed ay
arrintaasi ka dhiidhiyi doonaan.
Sh Shariif ayaa digniintan bixiyay mar uu shir jaraa’id ku qabtay
magaalada Muqdisho.
Digniinta Sh
Shariif ayaa ka danabaysay markii ay soo baxeen warar sheegaya in
ciidammo Itoobiyaan ahi ay galeen magaalada Baydhabo ee xarunta u ah
dawlada ku meelgaadhk ah ee Soomaaliya. Ciidammadan Itoobiyaanka ah ayaa
la sheegayaa inay ka yimaadeen dhinaca gobolka Gedo, isla markaana ay
yihiin ciidammo badan oo wata dhawr baabuur oo kuwa ciidammada
ciidammada ah.
Qaybo ka mid ah
ciidamada Itoobiya ee galay dalak Soomaaliya ayaa ku hadhay oo wali
fadhiya tuulada Bardaale, waxayna ciidammadani qayb ka yihiin ciidammo
Itoobiyaan ah oo maalmihii la soo dhaafay galay gudaha dalka Soomaaliya.
Ciidammadan ayaa soo fadhiistay dhawr meelood oo dalka Soomaaliya ka mid
ah, waxaana meelahaas ka mid ah degmada Buulaxaawo oo ka tirsan gobolka
Gedo, taasoo ay tegeen ciidammo Itoobiyaan ah oo toban gaadhi wata.
04 July
2006.
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 25 MB ee dhererkeedu
yahay 11865 KHZ,iyo internetka Radioxoriyo.com,Ogaden.com Maalmaha
Talaadada iyo Jimcaha 7: 30PM waqtiga Afrikada Bari
Wararka Kale ee Soomaaliya:::
3 Qof oo ku dhintay Rasaas La isku Weydaarsadey
Magaalada Kismaayo
»Wafti uu
hoggaaminayo Barre Hiiraale oo soo gaaray..
»Wafdi Qaramada
Midoobey oo la kulmey Maxkamadaha...
»Ciidamo Itoobiyaan
ah oo lagu arkay gudaha Baydhabo..
»Shariif Xasan oo ku
soo jeeda Magaalada Muqdisho...
»HOWLIHII GUDDIGA GURMADKA ABAARAHA MUDDADA 5 BILOOD AH
»Koobkii Jaaliyada
Finland ee Xagaaga ku Guulaysatay..
Wararkii oo dhan
ka akhri halkan... Guji... July 4
Xisbiga Ramaas oo
Bayaan ka soo Saaray Garoowe
Waxana uu xisbiga Ramaas shaaca ka qaaday in...
Guji....
| 
Daabaco
Boggan | Print
