Wararkii July 1, 2006
-
Dr. Max’ed Cali Ibraahim “U maleyn
maayo in heshiiskaasi uu burburi doono..”
-
Ciidamo Itoobiyaan ah oo soo galay
qaybo Gobalka Gedo…
-
Maanta oo la filayo in
Maxkamad Islaami ah looga dhawaaqo Madiina…
-
Sheekh Xasan Daahir “Ummaddii i
dooratay ayaa iga qaadi kara Xilkaas..”
-
Xisbiga Ramaas oo Puntland
wareegto ka soo saaray....
Dr. Max’ed Cali Ibraahim “U maleyn maayo
in heshiiskaasi uu burburi doono..”
Dr. Max’ed Cali Ibraahim oo hogaaminayay
wafdigii Midowga Maxaakiimta Islaamiga ah uga qaybgalay heshiiskii ka dhacay
magaalada Khartuum ee Dalka Suudaan ayaa wax laga weydiiyay rajada uu ka qabo in
heshiiskaasi uu hirgalo, isagoo arrimahaasi ka hadlayana waxa uu yiri “Aad iyo
aad ayaan ugu rajo weynahay in heshiiskaasi uu hirgalo, uuna dhamaado khilaafka
ka dhex jira Dowladda Federaalka iyo Midowga Maxaakiimta”, waxa uu intaasi sii
raaciyay “Heshiiskii hore waxa uu ahaa mid hordhac ah, waxaana la filayaa in
15-ka bishan mar kale uu Khartuum ka dhaco heshiis lagu soo afjarayo khilaafka
Dowladda Federaalka iyo Midowga Maxaakiimta”.
Dr. Max’ed Cali Ibraahim ayaa waxa uu sheegay
in dadka Soomaaliyed ee ku nool wadanka Suudaan ay si aad ah u soo dhaweeyeen is
bedelka ka dhacay Magaalada, isagoo in Hotelkii ay deganaayeen uu ahaa maalin
walba mid uu ku qaabilaayeen ummadda Soomaaliyeed ee ku nool wadanka Suudaan,
kuwaas oo ku faraxsan is bedelka weyn ee ka dhacay Magaalada Muqdisho.
Sheekh Xasan Daahir Aweys oo dhankiisa laga
weydiiyay heshiiska Midowga Maxaakiimta iyo Dowladda iyo haddii uu aqoosan yahay
Dowladda Federaalka, ayaa waxa uu sheegay “In haddii aysan is aqoonsaneyn
heshiis dhex mara uusan suuragal noqon lahayn”.
Shacabka Soomaaliyeed meel kasta oo ay
joogaan ayaa waxay si weyn u soo dhaweeyeen heshiiska dhex maray labada dhinac,
waxayna ka codsadeen labada dhinac in ay mar kasta muujiyaan dabacsanaan, inta
uu heshiiskaasi ka miro dhalayo, sidoo kale waxa ay ka codsadeen Midowga
Maxaakiimta Islaamiga ah in ay sii xoojiyaan nabadgelyada isla markaana ay
maamul u sameeyaan gobalka Banaadir.
Ciidamo Itoobiyaan ah oo soo galay qaybo
Gobalka Gedo…
Tan iyo markii midowga Maxaakiimta islaamiga
ah ay gacanta ku dhigeen Muqdisho iyo deegaanada ku xeeran ayaa waxaa soo
noqnoqnayay in Ciidamada Itoobiya mar kasta ka soo gudbaan xuduuda Soomaaliya.
Maalintii shalay ahayd ayaa ciidamada
Itoobiya oo ku hubeysan hub aad u xoogan waxay ka soo gudbeen xuduuda gobalka
Gedo uu la leeyahay wadanka Itoobiya, waaana la sheegay in ciidamadaasi ay
degeen xiro ku taala meel ku dhow Degmada Duulow.
Maalintii Doraad ahayd ayaa ciidamo
Itoobiyaan ah oo ka soo gudbay dhinaca Feer-Feer soona gaaray deegaanka Jawiil
ayaa waxaa la sheegay in halkaasi ka wateen nin la sheegay in uu basaas u ahaa
ciidamada Itoobiya, kaasoo ku xirnaa xabsiga Degmada Jawiil.
Dhinaca kale Maalmihii la soo
dhaafay ayaa Ciidamada Itoobiya waxay Dil, Dhac, Kuf iyo boobba ka wadeen
deegaano ka tirsan Soomaali Galbeed, iyadoo dad fara badan oo deganaa
deegaanadaasi ay halkaasi isaga carareen qaarkoodna ay soo galeen gudaha wadanka
Soomaaliya.
Maanta oo la filayo in
Maxkamad Islaami ah looga dhawaaqo Madiina…
Iyadoo maalmahan wada hadal u
socday golaha Maxaakiimta Islaamiga ah iyo Wasiirkii hore ee Aw-Qaafta iyo
arrimaha Diinta Cumar Finish, ayaa wada hadalkaasi waxa uu haatan marayaa heer
gebagabo, waxaana xubno ka tirsan Golaha Maxaakiimta ay dhawaan tageen degmada
Madiina halkaas oo ay kula kulmeen ergo ka socotay Cumar Finsh, waxaana la
sheegay inay ka wada hadleen sidii deegaankasi maxkamad Islaami ah looga furi
lahaa isla markaana hubka loogu wareeji lahaa Midowg Maxaakiimta Islaamiga ah.
Warar aanu helnay ayaa waxay
sheegayaan in maanta lagu wado in Degmada Madiinka looga dhawaaqo Maxkamad
Islaami ah oo la filayo inay ka mid noqoto Midowga Maxaakiimta.
Cumaa Finish waxa uu sheegay in
Golihii uu ka mid ahaa uu gebi ahaanba burburay isla markaana, waxa uuna haatan
sheegay in uu la shaqeyn doono Midowga Maxaakiita.
Sheekh Xasan Daahir “Ummaddii i
dooratay ayaa iga qaadi kara Xilkaas..”
Sheekh Xasan Daahir Aweys oo dhawaan loo
magacaabay Guddoomiyah Golaha Shuurada ee Maxaakiimta Islaamiga ah ayaa mar uu
wareysi dheer siiyay Idaacadda British Broadcasting Corporation waxa uu sheegay
in Golihiisu uu diyaar u yahay in xiriir uu la sameysto beesha Caalamka haddii
aysan ku soo xadgudbeen arrimaha Soomaaliya.
Sheekh Xasan mar loo soo jeediyay in xilka
loo doortay uu ka degayo maadaama uu cadaadis ka imaanayo Beesha Caalamka, ayaa
waxa uu yiri Sheekh Xasan “arrintaasi waxay u taalaa ummaddii i dooratay”.
Sheekh Xasan Daahir Aweys waxa uu sheegay in
Mareykanka iyo Itoobiya ay yihiin kuwo mar kasta u taagaan in ummadda
Soomaaliyeed ay kala qaybiyaan, sheegayna in ay doonayaan in marnaba ummadda
Soomaaliyeed hesho qaran iyo nabadgelyo.
Sheekh Aweys ayaa waxa uu sheegay in
golihiisu haatan wixii ka dambeeya uu ka shaqeyn doono sidii loo xaqiijin lahaa
nabadgelyada isagoo sheegay in hadafkii ay dagaalka u galeen uu ahaa mid ay ka
dambeeyeen kooxo u adeegayay caddowga islaamka, kuwaas oo uu sheegay in laga
adkaaday, kadib markii shacabku ay ku kaceen.
Sheekh Xasan Daahir Aweys waxa uu sheegay in
wixii haatan ka dambeeya ay ka shaqeyn doonaan sidii Muqdisho u heli lahayd
maamul iyo nabadgelyo buuxda.
Mudane Cali Daacuun “Golihii Deegaanka Gobalka Banaadir
waa uu fashilmay...”
Mudan Cali Max’ed Axmed (Cali
Daacuun) oo ka mid ah Golaha Gobalka Banaadir ayaa waxa uu sheegay in golahaasi
uu fashilmay kadib markii uu jabiyay mid ka mid ah axdigii lagu soo dhisay
Shirkii Dib heshiisiinta ee Kenya.
Mudan Cali Daacuun waxa uu
tilmaamay, in xubno ka tirsan Golaha Deegaanka ay mowshin u soo gudbiyeen Golaha
Deegaanka, si looga doodo kaasoo oo uu sheegay in uu ahaa in la bedelo magaca
Golaha Deegaanka loona bedelo golaha sharci derjinta Gobalka Banaadir.
Waxa uu sheegay in arrintaan uu
hor istaagay Guddoomiyaha Gobalka Banaadir Maxamuud Cumar Tootoow, waxa uuna
Cali Daacuun sheegay in Tootoow yiri, waxaan la soo tashanayaa siyaasiyiin iyo
waxgarad ku nool Gobalkaan Banaadir.
Xisbiga Ramaas oo Garoowe
ka soo saaray Bayaan ku wajahan DGPL...
Ayaan Xirsi oo sabab u noqotay burbur ku
yimid Dowladdii Holland…
Waxaa maalintii shalay ahayd kulan isugu
yimid Dowladda Wadanka Holland waxaana looga hadlayay waxa laga yeelayo Ayaan
Xirsi oo asal ahaan ka soo jeeda Soomaaliya oo dib loogu celiyay sharcigeedii
wadanka Holland.
Markii la hor keenay Golaha dowladda ee
Wadanka Holland ayaa waxay Dowladdu u kala jabtay labo qaybood, qaar la saftay
Ayaan Xirsi iyo kuwo ka soo horjeestay, taasi waxay keentay in Ra’isul
Wasaarihii wadankaasi uu Istiqaaladiisii u gudbiyo Boqorada wadankaasi, taasina
waxay keentay in la kala diro Dowladdii, isla markaana ay halkaasi ku burburto.
Ayaan Xirsi oo ah tii hore
aflagaadada u gaystay Diinta Islaamka ayaa arrintaasi waxay keentay in buuq
iyo qalalaase ay geliso wadanka Holland, iyadoo markii dambe laga saaray Golaha
Baarla-maanka wadankaasi oo ay xubin ka ahayd lagana noqday sharcigii wadankaasi
ee ay haysatay, ayna u boqooshay wadanka Mareykanka, waxaase mar dambe soo
baxday war sheegayay in sharcigeedii dib loogu celiyay.
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | July 1, 2006
WARBIXIN: MAALINTA DEGAANKA ADDUUNKA
Abshir Bacadle "Dhulka dhiig
Bixiisu waa kuwa Dhuxusha Dhoofiya"...
Guji...
Sweden: Hooyo
Soomaaliyeed oo loo xiray gudniin ay ku sameysay gabdhaheeda
Ciidammada Itoobiya oo dhoolla-tus ku samaynaya Ogaadeenya
Wararka ka imanaya gudaha Ogaadeenya
ayaa sheegaya in ciidammada gumaysatada Itoobiya ay...
Guji...
Jun 30
Daabaco
Boggan | Print
