SomaliTalk

Warbixinadii ugu dambeeyey ee dagaalada ka socda Daynuunaay, Iidaale iyo Bandiiradley
Ciidamada Itoobiya oo looga digay in ay u sii gudbaan...
Ciidamo ka tirsan Maxaakiimta Islaamiga oo ku dhow Xudur.
Abshir Bacadle oo la xaqiijiyey in uu nool yahay.
Xarunta Ismaaciil Jimcaale oo u soo jeedisey Dowladda Itoobiya..

Talaada, Dec 26, 2006

Ciidamada Maxaakiimta oo Xeelada Dagaal Awgeed....

Talaada: Wararka ka imanaya Gobolka Baay ayaa sheegay in Ciidamadii Maxaakiimta ee ku jirey aagga Daynuunay iyo goobo kale oo ay hore difaaca ugaga jireen ay dib uga soo gurteen halkaas, taas oo la xiriirta xeelad, waa sida wararku u dhegeen'e.

In Somalia, a reckless U.S. proxy war
By: Salim Lone, who was the spokesman for the UN mission in Iraq in 2003, is a columnist for The Daily Nation in Kenya.

Masar oo Ka Digtey Cawaaqibka ka Dhalan Doona Dagaalka Soomaaliya

QAAHIRA: Wasiirka Arrimaha Dibadda ee dalka Masar, Axmed Abul Gheit, ayaa Isniintii ka digey xaaladda aadka u liidata ee Soomaaliya, taas oo uu yiri waxay dhalin kartaa dagaal ka dhaca gobolka oo dhan, waxayna halis gelineysaa mustqabalka geeska Afrika, sida ay werisey wakaaladda wararka ee rasmiga ee dalka Masar ee marka la soo gabiyo loo yaqaan MENA.

Wasiirku waxa uu digniintaas ku bixiyey dhambaalka uu u dirayey Itoobiya, Eritrea iyo saddex dal oo ku jira Golaha Ammaanka oo ah Maraykanaka, Britain iyo France.

Dhammaan beesha caalamka iyo gobolku waa in ay xoojiyaan isku dayga in la joojiyo hawlgalada hubaysan ee gudaha Soomaaliya, si loo baajiyo dagaal ka qarxa gobolka oo dhan kaas oo leh cawaaqib meel dheer gaaraya, ayuu yiri Abul Gheit. [Dhegeyso: Mareykanka oo ku baaqay in la joojiyo colaadda ka taagan Soomaaliya]

Wararkii Shalay:::

Warbixinnadii ugu Dambeeyey ee Dagaalada ka socda Daynuunaay, Iidaale iyo Bandiiradley...

Waxaa maalintii todobaad galay dagaalka u dhexeeya Ciidamada Maxaakiimta Islaamiga ah iyo kuwa Itoobiya ayaa haatan dagaalku waxa uu u muuqdaa mid ku sii baahaya deegaano hor leh, haddii aan u leexano Dhinaca Degmada Baladweyne waxay wararku sheegayaan in Ciidamada Itoobiya oo wata dabaabado ayna la socdaan maleeshiyo Soomaaliyeed ay gacanta ku dhigeen waxaan magaalada shalay ciidamada Itoobiya keeneen Yuusuf Axmed Hagar (Daba-Geed), waxa uuna u jeediyey intii ka hartay dadka reer baladweyne maadaama dadka intiisa badan isaga qaxeen Magaalada, waxa uuna dadweynaha u sheegay in ay fasax yihiin wax walba oo ganacsi ah, sida Qaadka, Furitaanka Shaneemooyinka.

Ciidamadii Maxaakiimta Islaamiga ah oo ku sugan Garisyaani ayaa waxay isku abuubulayaan sidii ay dagaal rogaal celis ah ugu qaadi lahaayeen Itoobiyaanka kaas oo ay ku doonayaan inaydib ugu qabsadaan Baladweyne, waxaana shalay Muqdisho ka baxay ciidan aad u xoogan oo isku qaybiyey labo qaybood, kuwaas oo gaaray degmada Jowhar.

Dhinaca Bandiiradley waxaa doraad ka dhacay dagaal faraha la isaga gubtay oo keenay in Ciidamada Maxaakiimta Islaamiga ay dib ugu soo gurtaan Deegaanka Gelinsoor, waxaan shalay oo dhan ka socday halkaasi dagaal aad u culus oo la isku adeegsaday hubka noocyadiisa kala duwan, waxaana ciidamo gurmad ah ka baxeen magaalooyinka Bacudwaaq, Xarardheere, Dhuusamareeb, Galhareeri, Ceel Dheere iyo Ceel Buur.

Deegaanka Daynuunaay ayaa isna waxaa ka socda dagaalkii ugu kharaaraa , iyadoo habeenkii xalay ahaa ay si aad ah ugu dhawaadeen Magaalada Baydhabo, iyadoo rasaasta si weyn loo maqlayey magaalada Baydhabo, sidoo kale deegaanka Iidaale ayaa isna shalay ilaa iyo xalay waxaa ka socday dagaal aad u kharaaraa oo la isku adeegsaday hubka noocyadiisa kala duwan, iyadoo Degmada Diinsoor ay shalay gaareen ciidamo Maxaakiimta Islaamiga ah oo ka tagay gobalada Jubbooyinka Kuwaas oo si aad ah u xoojiyey Ciidamada Maxaakiimta Islaamiga ah.

Dagaalka ka socda Deegaanka Bandiiradley ayaa la sheegay in uu u soo gurtay dhinaca Degmada Diinsoor, waxaana la sheegay in Ciidamada Maxaakiimta Islaamiga ah ay ka dagaalamayaan deegaanka Diinsoor, iyadoo ay si aad ah isaga caabinayaan ciidamadaasi oo wata hubka dabaabaadka.

Dhanka kale diyaaradaha Ciidamada Xabashida ayaa shalay duqeeyeen magaalooyinka Muqdisho iyo Garoonka Diyaaradaha ee Balidoogle, waxaa kaloo lagu waramay in Garoonka Diyaaradaha ee Balidoogle ay shalay galabnimadii diyaaradaha Xabashida ay dib ugu soo laabteen, hase yeeshee si aad ah ayay Ciidamada Maxaakiimtu isaga difaaceen, waxayna Diyaaradahaasi qasaaro gaarsiiyeen xoolo halkaasi daaqayey.

Diyaaradaha dagaalka ee Xabishada ee shalay duqeeyey garoonka Diyaaradaha ee Magaalada Muqdisho, ayaa halkaasi ku dhaawacay Haweenay ka mid ahayd Dumarka Nadiifiya Garoonka, waxaana shalay markiiba la geeyay hubka lidka Diyaaradaha.

Halkan ka Daawo Garoonka Muqdisho duqayntii ka dib...

Ciidamada Maxaakiimta Islaamiga ah ayaa uga digay dadka in ay ku dhawaadaan goobaha laga cabsi qabo inay duqeeyaan ciidamada Itoobiya, waxaana shalay Muqdisho ka dhacay banaanbaxyadii ugu balaarnaa waxaana dhallinyarada loogu baaqayey in ay u dhaqaaqaan Jihaadka.

Ciidamo ka tirsan Maxaakiimta Islaamiga ah ayaa iyana shalay ka dhaqaaqay Magaalada Muqdisho kuwaas oo ay tiradoodu gaareysay 2-kun iyo shan Boqol kuwaas oo si aad ah u hubeysnaa, waxaana la sheegay in ay u dhaqaaqeen dhinaca Degmada Duunaanay oo uu ka socdo dagaal aad u kharaar.

Isku soo wada duuboo dagaalku waxa uu u muuqdaa mid ku baahaya dhamaana gobalada ay Maxaakiimtu ka taliyaan iyadoo Ciidamada Itoobiya si weyn looga adkaaday dhinaca dhulka, balse ay haatan adeegsanayaan dhinaca Diyaaradaha, hase yeeshee Shacabka Soomaaliyeed ayaa waxaa soo mareen duqeyntii ciidamad Mareykanka ee Sagaashameeyadii iyo waliba duqeyntii ciidmada Itoobiya ee sanadihii Sideetameeyadii, dhamaan duqeyntaas oo aan wax guul ah laga gaarin, shacabkuna ay yihiin kuwo waayo arag u ah dagaalada dhinaca diyaaradaha.

Duqayntii diyaradaha ee dagaalkii 1977-78 ee diyaradaha xabashidu ay duqeeyeen gobolada dhexe ee Soomaaliya waxay aakhrikii sababtay in xabashidu xabsiga u taxaabto Cabdullaahi Yuusuf oo taariikhdu sheegto in uu diyaaradaha xabashida kusoo hoggaamiyey gobolada/dhulka uu asal ahaan ka soo jeedey, waxaana C/laahi Yuusuf la xiray markii ay Itoobiya ka gaartey danteedii ahayd laynta shacabka Soomaaliyeed.

Ciidamada Itoobiya oo looga digay in ay u sii gudbaan...

Iyadoo maalintii todobaad uu galay dagaalka u dhexeeya Ciidamada Maxaakiimta Islaamiga ah iyo Ciidamada itoobiya ee gardarada ku soo galay gudaha dalka Soomaaliyeed, ayaa haddana waxaa Dowladda Itoobiya soo gaaraya cadaadisyo badan oo ka imaanaya wadamada deriska la ah Soomaaliya, Wadamada Midowga Afrika, iyo Jaamacadda Carabta, waxaana Ciidamada Itoobiya looga digay Itoobiya in ay gudaha u sii gasho dalka Soomaaliya, iyagoo sheegay in ay u keeni karto dhibaatooyin ballaaran oo ku faafa wadamada Geeska Afrika.

Ciidamada Itoobiya oo ka soo gudbay Kumanan kun ayaa waxaa la sheegay in ay ku hafan doonaan gudaha dalka Soomaaliyeed, waayo shacabka Soomaaliyeed waxay dhamantood ka midoobeen gardarada Ciidamada Itoobiya, kaddib markii diyaaradaha dagaalka ee Ciidamada Itoobiya ay shalay duqeeyeen Goobo ka mid ah Muqdisho, gaar ahaan garoonka Diyaaradaha ee Magaalada Muqdisho, waxayna taasi ka careysiisay shacabka Soomaaliyeed ee ku nool dalka gudihiisa iyo dibaddiisa.

Ciidamada Itoobiya oo looga awood roonaaday dhinaca dhulka ayaa haatan waxay bilaabeen in ay adeegsadaan diyaaro, iyadoo wargeysyada mucaarada ee ka soo baxa Dalka Itoobiya ciidamada Itoobiya looga digay in ay galaan gudaha dalka Soomaaliya, waxayna mucaaradda Qaarkiis soo jeediyeen in sida ugu dhaqsiyaha badan Ciidamada Itoobiya uga soo baxaan Soomaaliya, sidoo kale muslimiinta ku dhaqan dalka Itoobiya ayaa iyana waxa ay aad uga caroodeen gardarada Ciidamada Itoobiya ka wadaan Soomaaliya, waxayna u soo jeediyeen Dowladda Itoobiya inay ciidamadeeda kala baxdo Soomaaliya, inta aysan arrintu faraha ka bixin oo aysan ku faafin gobalada Dalka Itoobiya. Sidoo kale wadamo IGAD ayaa Dowladda Itoobiya ka dalbaday inay joojiso weerarada ay ku hayso dalka Soomaaliya, waxayna sheegeen in haddii ay sii socdaan weeraradaasi ay keeni karto caro weyn oo ka dhalata dagaaladaasi.

Ciidamo ka tirsan Maxaakiimta Islaamiga oo ku dhow Xudur.

Wararka naga soo gaaraya Degmada Xudur ee Gobalka Bakool waxay sheegayaan in Ciidamo Maxaakiimta Islaamiga ah oo wata 35 Tikniko ah ay ku dhawaadeen Degmada Xudur ee Gobalka Bakool, waxayna shalay duleedka Magaalada Kulamo kula yeesheen odoyaasha iyo waxgarada iyo culima'udiinka degmadaasi.

Ciidamada Maxaakiimta oo doraad qabsaday Magaalada Tiyeeglow ayaa halkaasi si weyn loogu soo dhaweeyey waxaana la sheegay in ciidamadaani ka qayb-qaataan hareereynta lagu hayo Degmada Baydhabo oo ay si aad ah ugu sii siqayaan Ciidamada Maxaakiimta Islaamiga ah, kuwaas oo weeraro ka wada deegaanada Iidaale iyo Daynuunaay.

Ciidamada Maxaakiimta oo wata hub aad u xoogan ayaa waxaa la sheegay in ay doonayaan inay jaraan wadada keliya ee ay isticmaalaan Ciidamada Itoobiya, gaar ahaan Degmada Bardaale, waxaana lagu waramay in ay isku qaybiyeen labo qaybood oo ay qayb u dhaqaaqday dhinaca Degmada Qansax Dheere iyo kuwo u dhaqaaqay dhinaca Degmada Xudur.

Abshir Bacadle oo la xaqiijiyey in uu nool yahay.

Abwaan Abshir Nuur Faarax oo ah Guddoomiyaha Golaha Abwaaniinta Islaamka Soomaaliyeed oo shalay wararka la soo geliyey Magaalada Muqdisho ahaayeen inuu geeryooday, ayaa haatan waxaa la xaqiijiyey in Abshir uu nool yahay oo uu ku sugan yahay Diinsoor ee Gobalka Baay.

Abshir Bacadle oo wajiga hore ee dagaalka u tagay sidii uu u guubaabin lahaa Ciidamada Maxakiimta Islaamiga ah ayaa horey waxa uu u sheegay in uu doonayo in uu ku geeryoodo dagaalka Jihaadka ah ee u dhexeeya Soomaaliya iyo itoobiya ayaa waxaa noloshiisa ku farxay shacabka Soomaaliyeed oo aad u guubaabin jiray ahna abwaan markasta shacabka fara wanaaga, una adeega Suugaanta.

Abshir oo xiran Tuutihiisa iyo qorigiisa ayaa waxa uu doonayaa in uu ka qayb-qaato dagaalka lagula jiro ciidamada itoobiya oo si gardaro ah ugu soo duulay dalka iyo ummadda Soomaaliyeed.

Xarunta Ismaaciil Jimcaale oo u soo jeedisey Dowladda Itoobiya..

Xarunta Ismaaciil Jimcaale ee Xaquuqda Aadanaha ayaa cambaareysay dagaalka baahsan ee ka socda Gobalada Baay, Hiraan iyo Mudug, dagaalkaas oo ay si weyn ugu lug leedahay Dowladda Itoobiya oo is ticmaaleysa hubka calculus iyo Diyaarado, dagaalkaas oo sababay barakac weyn oo ku yimid shacabka kaas oo xadgudub qayaxan ku ah Xuquuqda Aadanaha, Hay'addu waxay sheegtay in mudo 16 sano ah shacabka Soomaaliyeed ku jireen dagaalo Sokeeye oo ka dhashay xadgudubyo liddi ku ah xaquuqda Aadanaha, dagaalka socda uu bilow u yahay xadgudubyo kale oo la doonayo in dhiigga shacabka lagu daadiyo.

Xaruntu waxay u soo jeedineysaa Dowladda Itoobiya in ay kala baxdo Ciidamadeeda gudaha dalka Soomaaliyeed ayna dhowrto madaxbanaanida iyo xaquuqda dhuleed ee ay Soomaaliya leedahay, sidoo kale waxay u soo jeedineysaa Maxaakiimta iyo Dowladda Federaalka in ay khilaafkooda ku dhameeyaan wada hadal iyo is afgarad.

W/D Amiin Yuusuf Khasaaro
E-Mail amiinkhasaaro@hotmail.com

Wararkii ugu Isniintii Dagaalka Itoobiya Kusoo Qaaday Soomaaliya.

DAAWO: Video: Meles Zenawi oo Afkiisa ka Qirtay in uu Weeraray Soomaaliya

:::FILIM:: XORAYNTII 77:::

Daawo Filim laga duubay: Xorayntii Soomaali Galbeed & Soomaali Abow ee 77.. Daawo

Shabakadda The Conservative Voice oo ka hadleysey dagaalka uu Zenawi ku qaaday Soomaaliya, waxay tiri Eygii Waalaa Meles Zenawi oo Dagaal ku dhawaaqay... AKhri

Wararkii Dec 25, 2006

Ciidamada Itoobiya oo Duqeeyey Garoonka Diyaaradaha Muqdisho

Dec 25, 2006: Saakay subaxnimaddii ayaa guuxa diyaaradaha Ciidamada itoobiya laga maqlay hawada Magaalada Muqdisho, waxaana diyaaradahaasi ay argagax geliyeen dadweynaha ku nool magaalada.

Diyaaradahaasi ayaa markii dambe waxay gantaal ku dhifteen garoonka Diyaaradaha ee Magaalada Muqdisho, wuxuuna weerarkaasi dhaawac ka soo gaaray Haweenay kuwa nadiifiya garoonka ka mid ah, waxayna duqeyntu markii ay socotay garoonkaasi aysan ku sugneyn wax diyaarado ah, iyadoo garoonka isugu soo baxeen dadweyne fara badan oo ka careysnaa weerarkaasi kuna tilmaamay mid nafla caarinimo ah, waayo waxay sheegeen in Ciidamada Itoobiya ay ku jabeen dhinaca dhulka.

�Shacabka Muqdisho horey u soo arkeen duqeyntii ciidamada Mareykanka ee sanadihii sagaashameeyadii wax guul ahna kama aysan gaarin� ayuu yiri nin odey ah oo aad uga careysnaa weerarkaasi oo u soo jeediyey shacabka Muqdisho inay ogaadaan in diyaarad aan waxba lagu qaadi doonin.

Hawlihii garoonka ayaa dib u bilowday, waxaana garoonka ka soo degay guddoomiyaha guddiga fulinta ee Golaha Maxaakiimta Sheekh Shariif Sheekh Axmed iyo Guddoomiyaha Golaha Shuurada Sheekh Xasan Daahir oo iyagu la sheegay in ay ka yimaadeen dalka Imaaraadka Carabta.

Sheekh Shariif iyo Sheekh Xasan Daahir Aweys oo ka soo degay Garoonka Muqdisho...

Waxaa garoonka Diyaaradaha Muqdisho ka soo degay labada mas�uul ee ugu sareysa golaha Maxaakiimta Islaamiga ah oo kala ah Sheekh Shariif Sheekh Axmed iyo Sheekh Xasan Daahir Aweys.

Intii aysan soo degin mas�uliyiintaani ayaa waxaa garoonka duqeeyay diyaaradaha Tikreega oo waxyeelo aan sidaasi u weyneyn gaarsiiyey Garoonka, balse markii dambe, waxaa Garoonku uu dib u bilaabay hawlihiisii, waxaana ka ka soo degay dhowr diyaaradood.

Soo labaashada mas�uuliyiintaan ayaa waxay dardargelineysaa dagaalka lagula jiro ciidamada Xabashida ee ku soo xad-gudbay dalka Soomaaliya, waxaana markiiba bilowday abaabul kii ugu balaarnaa oo looga hortagayo ciidamada Xabashida.

Guddoomiyaha Shuurada ayaa markiiba labistay tuutihii ciidamada, waxaana la filayaa in sida ugu dhaqsiyaha badan uu u aado goobaha dagaalka.

Wararkii ugu dambeeyey ee dagaalka ayaa waxay sheegayaan in dagaal aad u qaraar uu ka socdo Aaga Daynuunaay oo iyadoo ciidamada Maxaakiimta ay horey ugu dhaqaaqeen dhinaca Magaalada Baydhabo, waxaana la maqlayey rasaasta xoogga leh ee ka soo dhaceysa dhinaca Maaya-Foolka.

Dhinaca Bandiiradley waxaa isna ka socda dagaal aad u qaraar oo la isku adeegsanayo hubka culus iyo midkiisa fudud, waxaana la sheegay in diyaarad ay leeyihiin ciidamada xabashida lagu soo riday jiidda dagaalka ee Bandiiradley.

W/D Amiin Yuusuf Khasaaro
E-Mail amiinkhasaaro@hotmail.com

SOMALIA.NEWS | SOMALIA NEWS: TODAY | ReutersTV |

Bandiiradlay

Wararkii ugu Axadii ee Dagaalka u Dhexeeya Soomaaliya iyo Itoobiya

Waxaa maalintii lixaad galay dagaalada u dhaxeeya Ciidamada itoobiya iyo kuwa maxaakiimta islaamiga, waxaana illaa shalay iyo xalayba socday dagaalo aad u kharaar kuwaasoo ka dhacay Aaga DeyNuunaay, Manaas, Kala Beyrka oo ka tirsan Gobolka Hiiraan iyo Bandiradleey oo ka tirsan Gobola Mudug, dagaalkaasna waxaa soo qaaday ciidamada Itoobiya oo markii ugu horreysey adeegsaday diyaradaha dagaalka, gaar ahaa aagga gobolka Hiiraan oo ay wax yeelo ugu geysteen dad rayid ah oo ku sugnaa magaalada B/weyne.

Ciidamada Maxaakiimta Islaamiga oo iyagu guulo ka soo hooyay dagaalada ka socda gobolka Bay ayaa iyagu haatan ku sii siqaya magaalada Baydhabo oo fadhiga Dawladda FKMG ah, waxaana ciidamada maxaakiimtu ay gaareen halka lagu magacaabo Gasarta oo Baydhabo u jirta illaa 20 kiilo mitir halka ciidamadii ka dagaalamayay Aagga Iidaale ay ku soo dhawaadeen halka lagu magacaabo Xerada Manaas oo ah halka ay tababarada ku qaataan Ciidamada Dawladda FKMG.

Dagaalka ka socdey aagga kala bayrka ayaa waxa lagu waramay inuu ku dhawaaday degaanka Feer Feer, sidoo kale dagaalkii ka socday degaanka Bandiiradleey ayaa isaguna lagu tilmaamay inuu ahaa dagaalkii ugu kharaaraa ee dhex mara ciidamada Itoobiya iyo Maxaakiimta, waxaana dagaalkaas ka qayb galay diyaaradaha dagaalka ee Itoobiya kuwaasoo ka soo duulay garoonka diyaaradaha Gaalkacyo, dagaalkan ayaa u muuqda mid ku faafaya dhamaan gobolada soomaaliya, waxaana si weyn looga dareemay gudaha itoobiya iyadoo Isbitaalada Magaalada Addis ababa ay buux dhaafiyeen Dhaawaca Ciidamada Itoobiya, sidoo kale mas�uuliyiinta maxkamadaha waxay sheegeen in wixii hadda ka danbeeya uu dagaalku ku faafi doono waddamada geeska afrika iyadoo ciidamo Itoobiyan ah oo dagaalka ka baxsaday ay isku dhiibeen dawladda Kiinya, gaar ahaan magaalada Mandheera.

Sarkaal Itoobiyaan ah lagu diley Gudaha Baydhabo

Wararka ka imaanaya magaalada Baydhaba waxay sheegayaan in sarkaal Itoobiyan ah saakay lagu dilay bartamaha baydhaba kaddib markii ay soo weerareen koox dableey ah oo diidan joogitaanka ciidamada itoobiya ee gudaha soomaaliya.

Dilka sarkaalkaas waxaa wel wel iyo walbahaar uu ku abuuray ciidamada Itoobiya ee baydhaba ku sugan, waxaana magaalada Baydhabo lagu arkayaa ciidamo Itoobiyan ah oo si aad ah isu ilaalinaya.

Mas�uuliyiinta xukuumadda federaalka iyo saraakiisha ciidamada itoobiya ayaa la sheegay inuu khilaaf soo kala dhex galay, khilaafkaas oo la xiriira dhina dagaalka kaddib markii ciidamo fara badan oo dawladda u xaraysnaa ay u baxsadeen dhinaca Maxkamadaha.

Magaalada baydhaba ayaa shalay waxaa laga gooyay isgaarsiinta, waxaana gooyay Saraakiisha Itoobiyanka ah ee ku sugan magaaladaas baydhabo kaddib markii ay saraakiishu dareemeen in wararka ay bixiyaan isgaartsiinta hase yeeshee mar danbe ayay is gaarsiintii dib u soo laabatay, sidoo waxaa magaalada Baydhabo maalinimadii shalay ahayd laga furay Idaacad u gaar ah dawladda, waxaana furey madaxweyne Cabdullaahi Yuusuf.

Ciidamada Itoobiya oo markii ugu horeysey u isticmaaley Dagaalka Diyaaradaha..

Dagaalka u dhaxeeya Maxkamadaha iyo Ciidanka Itoobiya ayaa markii ugu horeysey u isticmaalay dagaalka Diyaaradaha gaar ahaan Aagga kala bayrka oo ka tirsan gobolka Hiiraan, waxayna diyaaradahaas geysteen khasaarooyin naf iyo maalba leh waxaana la arkayay dad rayid ah oo ka qaxayay guryahoodii oo magaalada Beled-weyne.

Siddeed diyaaardood oo noocoodu yahay Miig ayaa ka qayb galay dagaalkaas, wuxuuna dagaalkaa u muuqda mid u dhaxeeya Soomaaliya iyo Itoobiya, waayo waxaa meesha ka baxay mar marsiinyadii Dawllada Itoobiya oo ahaa inay difaacayso Dawladda taagta daran ee ku ururtay magaalada Baydhabo Ciidamada Itoiobiya ayaa haatan u muuqda kuwo doonaya inay dib isaga riixaanb ciidamada Maxkamadaha Islaamiga oo ku sii siqaya Xuduudda Itoobiya iyo Soomaaliya iyagoo ka cabsi qaba inuu dagaalku u gudbo Gudaha Waddanka Itoobiya.

Dagaalka Bandiiradleey ayay Ciidamada Itoobiya u adeegsadeen diyaaradaha Helikobtariska, nin Oday ah oo aan kala xiriirnay magaalada Gaalkacyo ayaa waxa uu yiri �Waxaa maanta Nasiib darra ah in Garoonkii Diyaaradaha ee Gaalkacya ee loo dhisay in lagu difaaco qaranka in Maanta ay ka kacaan diyaaradaha Itoobiya�.

Askar Itoobiyaan ah oo ka baxsaday dagaalka oo gaarey wadanka..

Waxaa magaalada Mandheera ee W/Bari ee dalka Kenya maalintii shalay ahayd gaaray ciidamo Itoobiyaan ah oo tiradoodu gaareyso 34 askari, kuwaas oo ka baxsaday dagaalka u dhexeeya Soomaliya iyo Itoobiya, waxaana halkaasi ku qaabilay Dowladda Kenya.

Ciidankaan oo dalbaday mangelyo Siyaasadeed ayaa waxay sheegeen in sababaha ay u soo baxsadeen ay tahay iyadoo si aad ah uga soo horjeeday weerarka gardarada ah ee ay Itoobiyaanku ku soo qaadeen Soomaaliya.

Qaar ka mid ah Ciidamadaasi oo la wareystay ayaa waxay sheegeen in ciidamo fara badan ku soo jiraan wadada kuwaas oo doonaya in iyana la siiyo mangelyo Siyaasadeed, hase yeeshee Dowladda Itoobiya ilaa iyo haatan kama hadlin baxsashada ciidamadaasi.

Ma ahan markii ugu horeeyay ee ay Ciidamo Itoobiyaan ah ka baxsadaan Itoobiya, ka hore ayay ahayd markii ciidamo ka tirsan Itoobiya ay ka baxsadeen deegaanka Nageyle iyagoo weydiistay mangelyo siyaasadeed iyo waliba deganaasho Dowladda Kenya.

Banaanbax looga soo horjeeda Ciidamada Itoobiya oo ka dhacay..

Waxaa Magaalada Muqdisho shalay ka dhacay Banaanbax ka socdey waddooyinka waa weyn ee magaalada Muqdisho, banaan baxaas oo looga soo hor jeeday dagaalada ciidamada Itoobiyanka ay ka wadaan gudaha waddanka Soomaaliya, waxayna b anaan baxayaashu klu dhawaaqayeen ereyo ay ka mid ahaayeen �Gaal Gaal dooni mayno,� �Ha Dhacdo Itoobiya�, �Itoobiya waxay mareyaa wadadii bur burka� iyo ereyo kale, banaan baxayaasha qaarkod ayaa xirayay goobaha ganacsiga, waxayna dadka u soo jeedinayeen in la aado Jihaadka.

Banaan baxayaasha oo wajiyadoodu ay ka muuqatay caro aad u fara badan ayaa waxa mararka qaarkood ay tuuryeynayeen goobaha ganacsiga iyadoo banaan baxayaasha ay dalbanayeen in sida ugu dhaqsiyaha badan loogu qaado dagaalka

Shalay waxaa la fasaxay dugsiyadii ay ardeydu wax ka baranayeen iyadoo qof kasta oo Muqdisha ku nool uu u dheg taagayay natiijada waxa uu ku danbayn doono dagaalka u u dhaxeeya Itoobiya iyo Soomaaliya.

Maamulka Puntland oo si weyn looga dareemey dagaalka u dhaxeeya..

Wararka naga soo gaaraya maamul Goboleed Puntland waxay sheegayaan in gobolada maamulkaasi uu ka taliyo si weyn looga dareemay dagaalka ka socd degaanka Bandiiradleey, waxaana magaalooyinka qaarkood lagu soo daadiyay ciidamo si weyn u baarayay gawaarida iyo dadka waxayna magaalooyinka qaar ka samaysteen kontoroolo.

Magaalada gaalkacyo oo ku dhow halka uu dagaalku ka socdo ayuu maamul goboleedku ka wel welsanaa in magaaladaasi ay ka bilowdaan kacdoono looga soo hor jeedo, waxaana magaalada marayay ciidamo Itoobiyan ah oo dadka si aad ah u baarayay, iyadoo lagu soo waramay in Isbitaalka Magaaqlada gaalkacyo la soo buuxiyay dhaawac aad u tira badan oo ku soo dhaawacmay dagaalka u dhaxeeya Ciidamada Maxkamadaha iyo kuwa Itoobiya, sidoo kale garoonka Magaalada gaalkacyo ayaa waxaa la wareegay ciidamada Itoobiya, waxaana shalay ka kacayay garoonkaasi diyaaradaha dagaalka ee Ciidamada Itoobiya kuwaasoo duqeyn u geysanayay Aagga hore ee dagaalka.

Dowlad Kenya oo dooneys in ay kala dhexgasho Itoobiya iyo soomaaliya..

Dawlada Kiinya ayaa la sheegay inay waddo dadaal ay ku dooneyso inay ku dhex dhexaadiso Maxkamadaha iyo Ciidamada Itoobiya, waxaana maalintii shalay ahayd Magaalada Addis ababa gaaray wasiirka arrimaha dibadda ee dalka Kiinya si mas�uuliyiinta itoobiya ay isula soo qaadaan xaaladda Soomaaliya oo haatan cirka isku shareertay.Sababa dawladda Kiinya ay arrimahan u waddo ayaa ah kaddib markii dagaalka u dhaxeeya ciidamada Maxaakiimta Islaamiga iyo Ciidamada Itoobiya si weyn looga dareemay Kiinya, gaar ahaana Muslimiinta halkaa ku dhaqan ay si weyn uga caroodeen gar darada Ciidamada Itoobiya ay ku soo qaadeen Soomaaliya, waxaana waddanka Kiinya ka bilowdey is diiwaan gelinta dadka doonaya inay ka qayb galaan Dagaalaka u dhaxeeya Itoobiya iyo Soomaaliya.

Sidoo kale Zoonka 5aad ee Soomaalidu ay degto ee Itoobiya ayaa si weyn looga dareemay dagaalka u dhxeeya maxkamadaha Itoobiya, waxaana ka bilowdey Dagaalo ku dhufo oo ka dhaqaaq ah .

Maalinta Carruuta Soomaaliyeed oo laga xusey Dalka..

Shalay oo ay ku beegneyd 24-ka December ayaa ahayd maalin loo aqoonsaday maalinta Carruuta Soomaaliyeed, waxaana xaflad si weyn loo soo agaasimay oo lagu xusayey maalinta ka dhacday Hotelka Nabadda ee magaalada Muqdisho, waxaana ka qaybgalay qaybaha kala duwan ee Bulshada iyadoo xafladdaani ays oo qaban-qaabisay Hay�adda Somali Child Protection and Development (SOCPD).

Maanta waxay ku beegan tahay maalinkii xasuuqa loo gaystay arday Soomaaliyeed oo wax ka baraneysay dugsiga Sare ee Axmed Gurey, maalinkaas ayaana loo aqoonsaday maalinka Carruurta Soomaaliyeed.

Guddoomiyaha Hay�adda SOCPD mudane Max�ed Cabdi Max�ed oo ka hadlay xafladdaasi ayaa waxa uu sheegay in Carruurta Soomaliyeed ay haysteen awalba dhibaato kala duwan, waxaana sii muujiyey dhibaatooyin ay keeneen abaaraha, guddoomiyuhu waxa uu sheegay in hay�adaha kala ah SOCPD iyo TPO ay iska kaashadeen barnaamij wax loogu qabanayo dhibaatooyinka haysta Carruurta Soomaaliyeed.

W/D Amiin Yuusuf Khasaaro
E-Mail amiinkhasaaro@hotmail.com

Wasiirka arrimaha dibada Sweden oo walaac ka muujiyey dagaalka ay Itoobiya ku soo qaaday Soomaaliya

Iyadoo beesha caalamka ay si aad ah ula yaaban tahay gardarada qaawan ay cadowga soo jireenka ah ku soo qaadeen Soomaaliya iyagoo sheegtay iney difaacayaan dowlada taagta darran ee Beydhaba ku go'doonsan ayaa hadana durba waxaa soo yeereysa qeylo dhaan la xirriirta sidoo loo joojin lahaa dagaalka markiisa horeba ahaa anaa kaa awood badan ee cadowgu soo qaadeen.

Markii ugu horeysay ayaa dowlada cusub ee dhawaan ka dhisantay wadankan Sweden waxaa wasiirkeeda u qaabilsan arrimaha dibada Carl Bildt ka digay dagaalo lugu hoobto oo ku fida geeska Afrika. Waxaa uu sheegay iney muhiim tahay dib loogu laabto miiska wadahalada iyadoo la daminayo xiisada.

Hadalkan ayuu sheegay wasiirka xilli uu la hadlayey kooxo reer Yurub ah oo haatan ku howlan lo socdo xiisadda haatan ka cusboonatay waxaana uu tilmaamay iney muhiim tahay in cadaadis siyaasadeed la saaro dowlada maqaar saarka ee rajiimka Zanaawi hogaamiyo. Waana markii ugu horeysay ee dowlada Sweden ka hadasho dagaalada bareerka ah ee cadowga soo jireenka ah ku soo qaadeen jamhuuriyadda Xorta ah waxaana isagoo siyaalo kala duwan uga hadlaya arrimahaasi xusay iney muhiim tahay in beesha caalamka ay si deg deg ku demiso dagaalkaasi.