Minneapolis: Xarunta Abuubakar As-Saddiiq Islamic Center oo Lala Beegsaday Fal Cadownimo ah.

Kutubta ka badbadey dabka, lakiin qoydey

xiddigta Yuhuuda oo lagu buufiyey derbiga masjidka

Kutubtii dabka ka badbaadey oo qoyan Kutbta gubatey

Waaberigii Khamiistii (Agoosto 24, 2006) xiligii salaada subax ay soo dhawayd ayaa Xarunta Abubakar ee ku taal magaalada Minneapolis, USA, waxaa soo weeraray laba nin, inta la qiyaasayo, mudo markay dhex wareegayeen sida laga daawaday Kaamirooyinka ku xiran Xarunta ayaa Salaadii Subax dhexdeeda waxaa laga dareemay goobta hadda sida ku meel gaarka ah loogu tukado qiiq iyo ur meel gubanaysa, muddo yar kaddibna waxaa la ogaaday in qayb kamida xarunta oo ay taalay kutub dab la qabad siiyey, isla markiiba waxaa lala xiriiray Dab damiska oo baskhtiiyey dabkaas.

Waxaa goobtaas ku gubtay Kutub Cilmi ah, halka qaar kalana ay aad u qoyeen markii dabka la daminayey, dabka ayaa waxaa loo isticmaalay Mashiin lagu xaaqo barafka oo xaruntu lahayd ayaa inta laga daadiyey shidaalkii dab lagu daaray.

Waxaa sidoo kale lagu arkay gidaarka Xarunta Calaamadaha tilmaamaya nacaybka oo lagu buufiyey darbiga xarunta, falkaan ayaan cidna loo qaban ilaa hadda kadib markay carareen danbiilayaashii sida laga arkay Kaamirada.

Warsaxaafadeed ka soo baxay Xarunta Abuubakar As-sadiiq

Sida ku cad warsaxaafadeed ka soo baxday maamulka Xarunta Abuubakar As-sadiiq:

• Markey saacadu ahayd 2:54 a.m. waxaa kaamarada masjidku muujisay in nin uu soo jebiyey daaqada gadaal ee masjidka ee dabaqa hoose, waxana uu ninkaasi cabaar ku warwareegey gudaha masjidka qayb mugdi ah, kaddibna waa uu ka baxay masjidka asagoo aan waxba samayn ama dhibaato geysan, waana qaybta uu dhismuhu ka socdo ee masjidka.

• Markey saacaduu ahayd 5:18 a.m. waxa ay kaamarada masjidku muujisay in nin labaad uu isla daaqadii uu ninkii hore jebiyey ka soo galay masjidka, waxana uu markiiba aaday dhinaca maqaasiinka ee aan hadda la isticmaalin, halkaas oo ay ku kaydsan yihiin boqolaal kutub iyo buugaag ah. Asagoo adegsanaya mashiin kuwa barafka lagu xaaqo ah oo uu masjidku leeyahay ayuu ninkii dab qabadsiiyey, dabkaas oo gaaray kutubta iyo buugaagta,

• Markey saacaddu ahayd 5:39 a.m. waxa ay Kaamaradu muujisay in ninkii dhibka geystey uu si degdeg ah uga baxayo masjidka isagoo ka baxaya isla daaqaddii.

• Daqiiqado ka did ayaa la dareemay dabka, markaas ayaa la wacay booliska, dabdamiskiina ay sidaas ku yimaadeen,

• Warsaxaafadeedku Masjidku waxa uu sheegay in ilaa markii xarunta loo iibiyey masjidka ay toddobaad kasta helayey, mararka qaarkoodna maalin kasta, ay helayeen fax-yo xambarsan farriimo ay ka muuqato nacayb iyo cay, iyo erayo ay ka mid yihiin "ku laabta dalkiinii";

• Warsaxaafadeedku inkasta oo uusan cidna farta ku fiiqin hadana waxa uu sheegay in arrintani u muuqato mid la xiriirta nacayb (Hate Crime); waxaana warsaxaas=fadeedku sheegay in xarrunta loo asaasay isu soo dhoweynta dadka.

• Warsaxaafadeedkii oo Af-Ingiriisi ah ka akhri halkan.... GUJI

Xarunta Abubakar As-Saddique Islamic Center ayaa Muslimiinta Soomaalida ubadan ee reer Minnesota ka gateen Magaalooyinka Mataanaha Minneapolis iyo St. Paul ee Gobolka Minnesota, hadana waxaa gaba gabo ah dhismihii qaybtii koowaad ee Masaajidka.

Falkax Naxdinta leh ayaa ay aad uga xumaadeen Muslimiinta reer Minnesota una arkeen inay mudan tahay in si deg deg ah wax looga qabto lagana hortago inuu soo noqdo fal noocaan oo kale ah, Maamulka Xaruntu wuxuu xiriir lasameeyey Booliiska qaybta qaabilsan baaritaanada kiiskana uu ka warbixiyey siduu u dhacay.

 Maamulka Xarunta ayaa ka codsaday hayada qaabilsan baaritaanada inay raadiyaan cidii ka danbaysay falkaan foosha xun.

Maamulka Xarunta Abubakar ayaa falkaan uga tacsiyeynaya dhamaan Muslimiinta reer Minnesota Gaar ahaana Soomalida, wixii arintaas kasoo kordhana waxay kasoo jeedin doonaan Kulan diineedkii lixaad ee  ka dhacaya Minneapolis Convention Center, September kowdeeda ilaa sadexdeeda (Jimce, Sabti iyo Axad).

Halkaan ka daawo sawiro laxariira dabka... Guji...

Warsaxaafadeedkii oo Af-Ingiriisi ah ka akhri halkan.... GUJI