• Minneapolis: Xaflad lagu soo dhaweeyey Dahabo Faarax  (pdf)
• Michigan: Xafladii soo dhoweynta ee Michigan loogu sameeey waftigii Gaagaab (pdf)

Sheekh Shariif oo la tashi u yimid Magaalada Muqdisho..

Gudoomiyaha Golaha Maxaakmiimta Sheekh Shariif Sheekh Axmed oo mudo labo maalmood ah ku sugnaa Dalka Suudaan ayaa si dhaqsi leh ugu soo laabtay Magaalada Muqdisho kaddib markii uu dalka Suudaan kulamo kula soo yeeshay Madaxweynaha Dalka Suudaan Cumar Xasan Al-Bashiir iyo Jaaliyadda Soomaaliyeed ee ku dhaqan Dalkaasi. Kulankii dhex maray Sheekh Shariif iyo Cumar Xasan Al-Bashiir ayaa la iskula soo qaaday sidii loo soo gebagabeyn lahaa khilaafka u dhexeeya Maxaakiimta iyo Dowladda Federaalka.

Guddoomiye Sheekh Shariif ayaa Magaalada Muqdisho ugu soo laabtay sidii uu la tashi dheer ula sameyn lahaa mas’uuliyiinta kale ee Golaha Maxaakiimta, iyadoo la tashigaasi uu yahay waxa laga yeelayo kulanka dhex maraya Maxaakiimta iyo Dowladda Federaalka. Maxaakiimta islaamiga ah ayaa iyagu aad u diidan in dalka la keeno ciidamo shisheeye, sidoo kale waxay si aad ah uga soo horjeedaan faragelinta Dowladda Itoobiya ay ku hayso arrimaha Soomaaliya, sidoo kale waxay doonayaan in Dastuurka lagu bedelo Kutubka Alle, sidoo kale waxay doonayaan in Dowladda Federaalka ay joojiso ciidamada ay ku soo daldaleyso Gudaha Dalka Soomaaliya. Sheekh Shariif markii uu ka so tagay dalka Suudaan waxaa halkaa gaaray Guddoomiyaha Golaha Baarlamaanka Shariif Xasan Sheekh Aadan oo isna la filayo in uu kulamo la yeesho Madaxweyne Cumar Xasan Al-Bashiri, hase yeeshee warar aanu helnay ayaa waxay sheegayaan in Golaha Maxaakiimta u dirayaan Aqoonyahano iyo Culuma’udiin si ay uga qayb-qaataan wada hadalada Dowladda Federaalka, hase yeeshee Dowladda Federaalka waxay dooneysaa in kulankaasi uu ka soo qaybgalo Sheekh Shariif, maadaamay Khartuum u direen Guddoomiyhii Soomaaliya Shariif Xasan Sheekh Adan iyo wafdi balaaran oo uu hogaaminayoi.

Miles Zanawi oo ka codsaday Musavini in ay si wadajir ah isaga difaacaan waxa ay ugu..

Iyadoo maalintii shalay ahayd Magaalada Kambala ee Dalka Suudaan kulan ay ku wada yeesheen madaxda labada wadanka ee Itoobiya iyo Yugaandha Miles Zanawi iyo Musavini, waxaana kulankaasi looga hadlayey  xaaladda Soomaaliya gaar ahaan sidii gacan loo siin lahaa Dowladda Federaalka.

Miles Zanawi ayaa Madaxweynaha Uganda ka dhaadhiciyey in ay iska kaashaadaan waxa loogu yeeray kooxaha Argagixisada ee ku sugan Geeska Afrika, sidoo kale labada mas’uul ayaa waxa ay isku afgarteen in wada shaqeyn dhex marto ciidmadooda inta ay ku sugan yihiin.

Sidoo kalana waxay isku afgarteen in ay si wadajir ah isaga difaacaan kooxaha Islaamiyiinta ah ee doonaya in ay ku soo siqaan Magaalada Baydhabo.

Dhawaan ayaa qalab iyo saraakiil ka tirsan Wadanka Uganda waxay gaareen Magaalada Baydhabo oo xarun u ahayd Dowladda Federaalka, waxayna imaanshaha qalabkaasi iyo saraakiishaasi horudhac u yihiin ciidamo badan oo ay Dowladda Uganda u soo direyso Soomaaliya, iyadoo horey ay Baydhabo u joogeen ciidamo ka socda Dalka Itoobiya.

Dowladda Ereteriya oo ku hanjabtay in ay Soomaaliya u soo direyso ciidamo..

Dowladda Ereteriya oo waayadan waday qorshe ah in Soomaaliya aan loo dirin ciidam ka socda Wadamada IGAD ayaa qorshahaasi waxa uu noqday mid fashilmay iyadoo Dowladda Ereteriya haatan ku hanjabtay in ay Soomaaliya u direyso Ciidamo, maadaama wadamada Itoobiya iyo Yugaandha u hogaansami waayeen in Soomaaliya aan loo dirin ciidamo ka socda IGAD.

Imaanshaha ciidamada Wadamada IGAD oo iyagu ku kala qaybsan arrimaha Soomaaliya ayaa waxaa laga yaabaa in uu dagaal ku dhex maro gudaha dalka Soomaaliya, haddii aan xal deg deg ah loo helin arrimahaasi, waxayan dadka qaarkood sheegeen in ay la mid noqon doonto xaaladda sida tii dalka Kongo oo labada ciidan oo iska soo horjeeda oo ka socday wadamada Deriska la ah ay galeen, hase yeeshee waxaa markii dambe lagu heshiiyey in ay gebi ahaanba ka baxaan cidamadaasi dalka Kongo.  

Dowladaha Itoobiya iyo Ereteriya ayaa si weyn isugu haysta arrimaha Soomaaliya, iyadoo dowladda Ereteriya lagu eedeeyo in ay taageero siiso Maxaakiimta Islaamiga ah, halka Itoobiya iyana lagu eedeeyo in ay taageero siiso Dowladda Federaalka.

Dowladda Federaalka oo aad uga carootay dib u soo laabashadii Sheekh Shariif..

Dowladda Federaalka ayaa si weyn uga carootay dib ugu soo laabashadii Guddoomiyaha Maxaakiimta Islaamiga ah Sheekh Shariif ee Magaalada Muqdisho, iyadoo Dowladda Federaalka ay Shirka Khartuum u dirtay Guddoomiyaha Baarlamaanka Shariif Xasan Sheekh Axmed, waxayna ku tilmaantay soo laabashadaasi mid lagu fashilinayo shirka Khartuum ee u dhexeeya Dowladda Federaalka iyo Maxaakiimta.

Kulankii horey u dhex maray  Golaha Maxaakiimta iyo Dowladda Federaalka ayaa waxa ay Dowladda Federaalku sheegtay in Golaha Maxaakiimta ay kulankaasi u soo dirsadeen rag heerkoodu hooseeyay, waxayna soo jeediyeen in wada hadalada dhex maraya Dowladda Federaalka iyo Golaha Maxaakiimta uu noqdo mid uu ka soo qaybgalo Guddoomiyaha Guddiga Fulinta ee golaha Maxaakiimta.

Golaha Maxaakiimta ayaa waxay doonayaa in ay shirkaasi u diraan Culuma’udiin iyo Aqoonyahano ka tirsan Golaha Shuurada.

W/D Amiin Yuusuf Khasaaro
E-Mail: amiinkhasaaro@hotmail.com

---

ROOBABKII MUQDISHO KA DA,AY OO DHIBAATOOYIN GEYSTEY  

 

Dhibaatooyinka iyo  jidgooyada roobabkii  xalay iyo maantaba ka da.ayey ay u  geysteen  magaalada muqdisho iyo xaafadaha biyaha u nugul oo qasaare lixaadlehi soo gaarey ,

 

Isusocodka gaadiid iyo dadka lugta ah ayaa yaraday ka dib markii xalay iyo manta ay da.ayeen roobobkii raxmada lahaa kuwaasi oo ka bilowday muqdisho iyo magaalooyin ku dhowdhow waxaana qasaare ka soo gaaray meelo kala duwan oo ka tirsan wadooyinka waaweyn  oo an la dayactirin mudo 16 sano ah ,

 

Magaalada muqdisho ayaa ka mid ahayd meelihii ay ka istaageen dadka iyo  gaadiidka  isla markaan waxa yaraaday dadkii socotada ahaa  waxeyna siteen dadka intiisa badan dalaayadaha roobka iyo kobo loogu talagalay in lagu dhexmaro biyaha ,

 

Dhibaatooyinka soo gaaray dadka iyo gaadiidka ayaa waxey ka kala dhaceen meelo kala duwan oo magaalada ka mid ah iyada oo dadbadani ay ka soo bixi kari waayaan guryahodii  qaarna ayba ku dul dumeen sida ka dhacday xaafada yaashiid iyo warshadii kooka koolada oo ay ka dhaceen dhimasho iyo dhaawacba waxaana manta la raadsan waayey nolol maalmeedii caadiga ahaa ,

 

Dadka muruq maalka ah ayaan helin wixii ay ku kasban jireen muruqooda sida gaariganada ,xamaaliga , biyoolayaasha, IWL ,

 

Waxaa biyo dhex ceegaagaan dhamaan dariiqyadii la mari jirey gudaha xaafada bakaaraha waxyaalada biyihu ay guryahay u geysteen ayaan dhaqso loo ogaan Karin ayaa muuqaalka ugu weyni yahay wiil  ku dhintey  biyo fadhiisidka masaajidka dabaqeynka ee bakaaraha kaa soo ay biyuhu liqeen halka yaqshiidna ay sido kale ku dhinteen laba wiil oo yaryar waxaa dhaawac ka soo gaaray guri ku dumay warshadii kooka koolada haweeney uur lah  iyo burbur soo gaaray qoysas aad u badan oo aan iskala tacaali Karin biyaha guryahooda hor fadhiya waxeyna sababtu tahay kaarikooyin  caro kaawo ah oo la hordhigay guryahay qaarkood si ay biyuhu u soo gaarin taasoo sababtey in guri kasta biyihii jiingadiisa ka soo hoora ay isagii marti u noqdaan dhowr biloodna ay qaadan karto inta dhulku ka liqayo ,

 

Muuse Maxamuud Jiisow

Somali39@hotmail.com

Muqdisho somaliya

002521576666

---

---

Hyderabad: Gambool xaqiisu waa in aysan galin gorgortan Bayaan ay soo saareen ardayda puntland ee hindia.

Bayaan ka soobaxay ardayda puntland ee waxkabarata dalka Hindia   ayay kaga hadleen xaalada  haysata ardayda dugsiga sare ee gambool kaasi oo natijadii imtixaankoodi laga soo qaaday waxkamajiraan kadib markii ay dhamaandood ku baaseen imtixaankii ay galeen sida ay shaacisay haayada unesco balse ayhadan dabadhigtay arin lagu sheegay in uu dhacay qish kaasi oo sababay burbru natijadii ay sugayeen,

bayaanka ardayda puntland ee dalka hindia ayaa sidatan u qornaa:

Ardayda puntland: Hindia Hyderabad

• Ku: madaxwaynaha puntland
• Ku: wasiirka waxbarashada
• Og: Ardayda puntland ee hindia

Ujeedo:  Gambool xaqiisu waa in aysan galin gorgortan

sida aan lawada socono waxaa lalaalay ama waxbakamajiraan lagasooqaaday natiijadii imtixaanka fasalka afraad dugsiga sare ee Gambool ee magaalada garoowe fasalkaas oo ay kudhaqaaqday Hay adda Unesco taas oo iyadu maamusha Imtixaanada dugsiyada sare ee puntland ,hadda warkaan markii uu soobaxay waxaa uu ahaa mid fajac iyo amma kaag ku abuura gaar ahaan ardadii imtixaanka lagabaabi,iyay iyo guud ahaanba dadka daneeya waxbarashada iyo horumarka dugsiga sare ee garoowe.

haddanaba anagu  oo kuhadlayana magaca ardayda puntland ee waxkabarta magaalada hyderabad ee dalka hIndia waxaan sishuruud la,aan ah uga codsanaynaa hay,adda Unesco inay kanoqdaan go aankaas oo ahaa mid lagu deg degay ayna sooceliyaan natiijadda imtixaanka ee arday waayo maahan wax si dheel dheel ah lagu baa bi,inkaro natiijo imtixaan oo la ogyahay inay tahay meesha ugu saraysa ee adduunka qof higsado ,haddii ay hay adu iskadhagatirto codsigaan waxaan dadwaynahay kunool magaalada garoowe iyo cidkasta oo waxkaqabankarta ama dib usoocelinkarta natiijadda ka codsanaynaa inay qaataan talaabo wax ku ool ah.

 imtiaxaan arday laga baa bi,iyay maahan wax sisahal ah laysku ilowsiinkaro  mana ahan wax dadyar ay go aanka gaarikaraan tan kale oo meesha laga arkaa waxaa weeye caddaalad daro lagu sameeyay iskuul dhan imtixaankiisii oo aysan ahayn dhawr ama xataa kala bar ardayda ee waaa mid lalabeegsaday iskuulka oo dhan iyo dhamaan ardadii imtixaanka gashay oo aan hal qof ka bad baadin ,waxaa kale oo iyana meesha kujirta waxaa loolafiirsaday maadooyinka muhiimka ah sida saddexda sayniska ah  xisaabta iyo social sayniska.

Hadaba guud ahaan madaxda puntland gaar ahaana madaxwaynaha waxaan ka codanaynaa in aysan dhayalsan  natiijada ardayda 4sano u soo fadhiyay in ay mar dhameeyaan dugsiga sare oo ay u hawlgalaan  cidii qaladka lehna la saaraa qaladkooda.

Wasirka waxbarashda puntland isagana waxaan ka cosanaynaa  in uu san galin wax gor gortanah natiijada imtixaanka ardayga gambool iskana daayaa madax adayga oo uusan difaac u noqon haayada unesco oo uu la saftaa dadka uu madaxda u yahay   oo ay ardaydu ka midka yihiin.

arintaan  hadii la soo afjaro oo ardaydu ay si niyad ah u helaan natiijadoodii waxaa ay farax galinaysaa guud ahaan reer puntland.