Sheekh Shariif oo kulan gaar ah la yeeshay Madaxweynaha..

Ummadda Soomaaliyeed ee ku nool Dalka Suudaan iyo Ardayda wax ka barata wadankaasi ayaa hal mar ku soo baraarugay imaanshaha Gudodomiyaha Maxaakiimta Islaamiga ah kaddib markii Taleefishinka Suudaan ay ka daawadeen isaga oo kulan la leh Madaxweynaha Suudaan Cumar Xasan Al-Bashiir, uuna uga warbixiyey xaaladda wadanka Soomaaliya, durbadiiba ummadda Soomaaliyeed, waxay bilaabeen in ay soo hor tubtaan hotelkii uu deganaa iyagoo doonaya in ay arkaan Guddoomiyaha Golaha Maxaakiimta, Sheekh Shariif Sheekh Axmed. Kulankii dhex maray Madaxweynaha Suudaan Cumar Al-Bashiir iyo Guddoomiyaha Golaha Maxaakiimta Sheekh Shariif Sheekh Axmed ayaa Golaha Maxaakiimta waxay halkaasi ka caddeeyeen in ay diyaar u yihiin in ay ka qaybgalaan kulanka Khartuum oo la filayo in maalinta beri ah uu ka furmo wadanka Suudaan Caasimadiisa Khartuum. Guddoomiyaha Golaha Maxaakiimta waxa uu u mahadceliyey Dowladda Suudaan oo uu sheegay in ay mar kasta ku taagan sidii Wadanka Soomaaliya cagihiisa isugu taagi lahaa. Sheekh Shariif, waxa uu sheegay in Soomaaliya ay haatan u baahneyn ciidamo Shisheeye, balse ay u baahan tahay in laga saacido dhanka adeega Bulshada sida Caafimaadka, Waxbarashada, biya iyo wixii la mid ah. Madaxweyne Cumar Xasan Al-Bashiir ayaa waxa uu sheegay in Dowladda Suudaan ay ka go’an tahay sidii nabad loogu soo dabaali lahaa Soomaaliya, loona dhameyn lahaa khilaafka u dhexeeya Golaha Maxaakiimta iyo Dowladda Federaalka.

Wasiirka maaliyada puntland Dr: maxamed Cali Yuusuf Gaagaab iyo wasiir kuxigeenka dekedaha iyo kalluumaysiga Prof Cabdiweli  Abdirixmaan gayre ayaa socdaal maalmo qaatay kadib maanta dib ugu soolaabtay  dalka iyaga oo ka soo dagay garoonka diyaaradaha ee amgaalada bosaso.

Wasiirka Maaliyada ee Puntland Dr: Mohammed Ali Yusuf, iyo Wasiir kuxigeenka Dekkadaha iyo Kaluumeysiga ee Puntland Md Abduweli Abdirahaman Geyre, ayaa la kulmay Madaxa Guud ee Waxbarashada ee Maamulka gobolka Minnesota iyo Soomaalida ku dhaqan gobolkaas oo siwayn iyagu u soo dhaweeyay intii ay ku guda jireena socdaalkooda ay kala kulmeen niyad wanaag.

Wasiirrada Puntland ayaa sidoo kale soo sameeyey xiriiro dhinaca ganacsiga iyo waxbarashada ah oo lagu mataanaynayo Puntland iyo Minnesota.

Wafdiga ka socday puntland oo in mudo ah ku sugnaa dalka maraykanka ayaa  waxay muujiyeen in ay la kulmeen waji wanaagsan ayna kala hadleen madaxdii ay la kulmeen sidii loo hormarin lahaa dhinacyada waxbarashada iyo ganacsiga  waxayna sheegeen in arimaas iyo kuwa kaleba ay si wanaagsan ay  ugu guulaysteen sida uu carabaabay wasiir ku xigeenka dekedaha  mudane gayre.

Wasiirrada ayaa waxay caasumaad ka heleen haya’dda weyn ee u shaqaysa Soomaalida deggan gobolka Minnesota, hay’addaas oo lagu magacaabo Confederation Somali Community of Minnesota.

Wafdigan ayaa maanta si her sare ah loogu soo dhaweeyaya magaalada bosaso iyaga oo ka soo dagay garoonak diyaaradaha bosaso oo ay markii horeba ka dhoofeen.

Laascaanood: ciidan hubaysan  aya saacadaha soo socda ku wajahan magaalada gaalkacyo kuwaas oo tababar u furmi doono.

 wararka laga helayo magaalada laascaanood ayaa xaqiijinaya in ciidamo gaaraya ku dhawaa  700 oo  askari oo kakala yimid magaalooyinka laascaanood iyo buuhoodle ee gobalada sool iyo cayn ay ku wajahan yihiin magaalada  gaalkacyo.

Ciidankan oo aan horay uga tirsanayn ciidamada daraawiishta puntland   ayaa hada loo furayaa tababar ciidan kaasi oo uga bilaaman doona magaalada gaalkacyo sida ay xaqiijiyeen saraakiil ka tirsan xukuumada puntland.

tababarkan loo furayo ciidamadan gaaraya 700 ayaa waxa uu socon doonaa mudo 3 bilood ah kaasi oo marka ay dhamaystaaana  ay si toos ah uga mid noqondoonaan  ciidamada draawiishta puntland.

Cidamadan ka tegay deegaamadan daraawishta sool sanaag iyo cayn ayaa ku soo beegmay xili ay diyar garow ku jiraan ciidamada maamulka labaxay Somaliland ee fadhiya duleedka laascaanood isla markaana doonaya in ay mar’uun gacanta ku dhigaan magaalada laascaanood.

Sikastaba  ciidanka hada tababarku u furmayo ayaa ku soo beegmaya xili cabsi wayn laga qabo in dagaal ku dhexmaro gobalka mudug ciidamada puntland iyo kuwa maxaakiimta oo shegay in ay galkacyo tagayaan mar un puntland na ay sheegtay in ay isdifaacayso oo aanay cidna duulaan ku ahayn balse hadii la soo weeraro ay isdifaacayso.

Beirut: Kofi Annan  oo boqasho uga bilaamatay bariga dhexe maanta.

Xoghayaha guud ee qaamada midowbay  Mr: Kofi Annan ayaa maanta oo isniin ah booqasho uga bilaamtaya dalalaka bariga dhexe.

Wadamada laguwado inta uu ku gudajiro nooqashadisa   waxaa kale oo ka mid ah  Isreal, flastin, suria, iyo dalka ay sida wayn ugu xarbina in uu helo hubka nugliyerka ee Iran, waana booqashadhii ugu horaysay  ee uu kofi annan ku tago dalkaasi Iran tan iyo wixii ka  markii uu xukunka qabtay madaxwaynaha hada talada haya ee Mr: maxamuud axmed najad.

Mr. Annan ayaa lagu wadaa inuu madaxda dalka Lubnaan kala hadli doono hawlaha xabad joojinta la dhex dhigay Xisbullah iyo Israa’iil iyo hawlaha ciidamada nabad sugidda ee Qaramada Midoobay.
 

Mr, Annan waxaa laga codsan doonaa sida ay wararku sheegayaan in uu ka qeyb qaato sidii ay maxaabiis isu dhaafsan lahaayeen Xisbullaah iyo Israa’iil.
 

Mr. Annan oo  kadagay dalka lubnan maanta oo isniin ah ayaa lagu wadaa in uu la kulmo raysal wasaaraha dalkaasi  Fuad Siniora, Mr Berri  iyo diblamaasiyiin kale.

Macada in uu la kulmi doono hogamiyaha xisbulah MrXassan  Nasrallah kaasi oo soo dhaweeyay wada hadalada labada shinac.

Intii uu dagaalku socday waxaa ku geeriyooday 1,100 lubnaaniis ah iyo 159 isreal ah  mudo dhan 34 maal mood oo uu dagaal xoogani ka socday koonfurta lubnaan halkaasi oo lagu soo waramayo in ay gabi ahaanba burburtay.