Reer Puntlandiyoow, Al-Furqaanna ma
Horistaagnay; GalMudug iyo Cabdi Qeybdiidna ma Hoostaan Gashannay
C/Waaxid
C/hi Khaliif
London, UK
cabdulwaxid@hotmail.com
Aug, 2006
ASSALAAMU
CALAYKUM WARAXMATULLAAHI WABARAKAATU
BISMILLAAHIRRAXMAANIRRAXIIM.
Ilaah
baa mahad leh. Nabadgelyo iyo naxariisna nabi Muxamed korkiisa ha ahaato.
Ilaahoow
yaannu ku sifoobin sifaadkaad ku sheegtay daalimiinta. Markuu Ilaahay ka soo
hadlay Ibliis iyo inuu diiday sujuuddii nabi Aadam baa Ilaahay na leeyahay ma
Ibliis iyo duriyaddiisaad ka yeelaneysaan wadeey, Aniga (Ilaah) sokodeyda;
iyagoo cadow idiin ah; waxaa baas lahaaday bedelkoodaas.
Haddii
maamulkii Puntland yiri: Gaalkacyo ma wadajoogayaan labo maamul iyagoo
horistaagayey Al-Furqaan maxay tahay doorashada lagu dhexqabtay Gaalkacyo oo la
leeyahay waxaa la doortay madaxeyne, ku-xigeen iyo afhayeen baarlammaan? Mise
wixii aan shareecada Islaamka ahayn dhib naguma hayaan?
Waxaa
intaas dheer wuxuu maamulka Puntland taageero dhaqaale iyo mid siyaasadeeba
siiyey Cabdi Qeybdiid! Marka maamulka sidaas ah sidee u xukumikaraa dad
muslimiin ah (reer Puntland)?
In
maamulka Puntland iyo
kan
la sheegayaba khaldanyihiin waxaa u daliil ah: Koonfurta Mudug markii laga
hadlayo waxaa ugu waaweyn waa xaafadda Wadajir (Baraxley) ee Koonfurta
Gaalkacyood, Xarardheere iyo Hobyo. Xarardheere waxaa ka taliya midowga
maxkamadaha oo ay Al-Furqaan walaalo yihiin; Koonfurta Gaalkacyana waxaa maamul
kale u diiddan Puntland ( waa siday hadalka u dhaheen); keliya waxaa soo haray
Hobyo oon filayo in iyada lafteedu ay maxaakiimtu gacanta ku dhigidoonaan haddii
Ilaah idmo. Waa markaan ka hadlayo degmooyinka. Marka hadday dhacdo in
maxaakiimtu ka taliyaan Hobyo waxaa dhacaysa in magaalada Gaalkacyo ay ka wada
talindoonaan labo madaxweyne waa Cadde iyo Kimiko. Waxaa labadoodaba ka agdhow
Cabdi Qeybdiid oo ilaa hadda tagikara labada qeybood ee Gaalkacyo. Marka
GalMudug ma Baraxley kaliyey maamul-goboleed u sameyn? Teeda kale waxay ku
fiicantahay in la yiraahdo maamul-xaafadeed!
Maqaalkeygii ahaa: wadaadada Xamar oo waranle noqday iyo kuwa Puntland oo warato
noqday ayaan ku sheegay inay wadaadada Puntland ka gaabiyeen kaalintoodii
wadaadnimo. Wadaadku waa inuu ahaadaa hormuudka bulshada. Qofka kasta siiradii
nabiga (SCW) iyo khulufaa’u Raashidiintii waa yaqaan. Ma cid nabi Muxamed ka
geesisan baad maqasheen? Ma maqalnay cid ka deeqsisan? Cid ka shaqo badan? Cid
ka naxariis badan? Maxaa wadaadada Puntland u arkiwaayeen waxa kuwii dariiqadu
arkeen? Kuwii dariiqadu waa ka bannaanbaxeen maxkamada Al-Furqaan iyagoo diinta
ku colaadinaya laakiin ilaa hadda ma maqal waxa wadaadada Gaalkacyo dhooban ka
dhaheen maamulka GalMudug ee la rabo in lagu majaxaabiyo midowga maxkamadaha
khaasatan Al-Furqaan.
Maaddaama aan u hadlo kacdoonka shacabka ee Puntland waxaan cambaareynayaa
maamulka Puntland iyo
kan
GalMudug oo usoo tafoxeytay la dagaalanka diinta Islaamka. Shacabka Puntandiyoow,
soo meydaan arag Koonfurtii Gaalkacyo ee madaxkamadda Al-Furqaan loo diiday in
doorasho la leeyahay maamul kalaa loo sameynayaa lagu qabtay? Marka maamulkiinnu
waa Ashahaado-la-dirir. Waa la yaqaan halka Ashahaado-la-dirir u dambeyneysa.
Sidaasoo kale haddii aad ka dhiidhinweydaan arrintaas ayaa idinka laftiinnu wax
ka heleysaan wixii Ilaah ku falo kuwa Ashahaado-la-dirirka ah laakiin qof kasta
hadhow baa la la soo saarayaa wuxuu ku dhinto. Kii raalli ka ah maamulka
Ashahaado-la-dirirka waxaa aakhiro la soo jamcindoonaa Zenawi iyo gaalo-raacyada
laakiin wixii qalbiga ka neceb waxaa suurtowda in Ilaahay u dambi dhaafo laakiin
haddaan gacanta la qaban maamulkaas, dhibtu waa nawadagaaraysaa.
Ogaada
in culumadiina looga saxsanaankaro mas’alo ama mas’alooyin. Soow ma xasuusataan
wiilkii yaraa ee xaddiisku ka hadlay sidoo kalana tafsiirka Suurat Al-UKhduud la
soo gasho? Marka wiilkaasi wuxuu ka fiqi batay ninkuu wax ka soo bartay. Marka
waxaan aamminsannahay in qolooyinkeennaan horboodaya kacdoonka Puntland aan
mas’aladaas kaga saxsannahay shuyuukhdeenna joogta Puntland.
Marka si
aad u baajisaan xasuuqa dadkeena degen Laasacaanood ee Xabashidu ka wado sidoo
kalana ay uga baxdo Balanbale, Kala-beyr iyo meelo kale waa inaad kacdoon
sameysaan iskana tuurtaan maamulka Puntland iyo kan la leeyahay GalMudug. Ogaada
shareecadu Islaamku ma keento waxaan kheyr ahayn. Hala iska jiro gefka ah:
nabad baan heysannaa markii maxkamad iyo shareeco laga hadlo sidii iyadoo
shareecadu dhib keento! Haddaad kacdaan, Itoobiya waa iskaga guureysaa geyigaas.
Marka xaggiina iyo Somaliland baa Soomaaliya laga soo galay.
Waxaan
mar kale ku celinayaa in maamulka Puntland iyo kan GalMudug ay kasoo horjeedaan
diinta Islaamka sidaas darteed waa in dadka ay ka soo jeedaan maamulladaas ay
dhulkooda ka sameystaan maxkamado si Soomaali isagu soo dhowaato, diinta
Ilaahayna kor u ahaato.
C/Waaxid
C/hi Khaliif
cabdulwaxid@hotmail.com
U-hadlaha kacdoonka shacabka Puntland
Afeef: Aragtida qoraalkan
waxaa leh qoraaga ku saxiixan