Barnaamijkii Radio Xoriyo
04August 2006
================================
Dadwayne lagu
xidhxidhay magaalada Dhuxun.
Ciidamo Itoobiyaan ah oo
soo galay gudaha Somaliya.
Go’aano ka soo baxay
wasiirrada IGAD oo Soomaaliya ku saabsan.
Dad badan oo Oromo ah oo
fatahaad Wabi ku guryo belay.
Qorshahii Itobiya ay ka
lahayd Somaliya oo burburay(Faalo).
================================
Wararka ka imanaya magaalada
Dhuxun ee gobalka Nogob ayaa sheegaya in magaalada lagu xidhxidhay dadwayne
rayad ah oo aad u tira badan.
Dadkan ayaa la sheegayaa inay u badan yihiin dad u shaqaynayay maamulka
degmada, wuxuuna amarka xidhaygoodu ka soo fulay sargaalka u sarreeya
ciidammada gumaysatada Itoobiya ee degmadaas.
Ninka u sareeya
ciidammada gumaysiga ee degmada Dhuxun ayaa hadda ka hor amar ku bixiyay
inaan wax mushaaro ah la siin karin dadka shaqaalaha ah haddii ayna geeri
ama nolol ku keenin ciidammada JWXO ee aaggaas ka hawlgala.
Hase yeeshee
amarkaas sharci darrada ah ayaa la jabiyay, ka dib markii uu ninkaasi hawlo
u baxay, waxaana qaar shaqaalaha ka mid ah la siiyay mushaarooyin. Markii uu
Dhuxun dib ugu soo laabtayna wuxuu xabisga u taxaabay dhammaanba shaqaalihii
degmada ka shaqaynayay iyo waliba dadwyane kale oo rayad ah, kuwaasoo lagu
xareeyay xerada ay ciidammada gumaysatadu degmadaas ku leeyihiin.
Dadkaa ayaa la
xaqiijiyay in jidhdil ba’an loo gaystay, qaar ka mid ahna lala baxay oon la
garanaynin meesha ay ku denbeeyeen.
Waxaa sidoo kale
tuulada Fooljeex ee gobolka Qorraxey lagu xidhxidhay dad shacab ah oo ka mid
ah dadka deegaankaas, waxaana ka mid ah dadka aan magacyadooda helnay;
Diib Cabdi Aar
Baan Maxamed Aar
Faa'iid C/qani
Maxamed iyo
Nuur Gaal-eri
Ciidamo Itoobiyaan ah oo
soo galay gudaha Somaliya.
Ciidamo Hubeysan oo Ethiopian ah ayaa mar kale soo
galay deegaanka Jawiil oo ka tirsan gobolka Hiiraan .Ciidamadaas Ethiopianka
ah oo aad u fara badan kuna hubeysan gawaarida dagaalka ayaa maalintii
arbacada ahayd soo gaaray deegaanka Kala Beerka ee gobolka Hiiraan .
Lama garanayo sababta dhabta ah ee ka dameysa soo gali
taanka ciidamada Ethiopia ee halkaasi, mana ahan markii ugu horeysay oo
ciidamo Ethiopian ah ay soo galaa gudaha Somalia siiba gobolada Hiiraan iyo
Gedo.
Inta badan marka ciidamada Ethiopia ay soo galaan
deegaanka Jawiil ayaa waxaa cabsi ay soo wajahdaa dadka ku dhaqan magaalada
B/weyne.
Gudoomiyaha maxkamadaha somaliya sheekh Shariif ayaa
mar kale ku celiyey inaysan tagaynin shirkas inta ciidamada itoobiya joogaan
gudaha soomaaliya.
Soogalidan cusub ee ciidamada itoobiya
ayaa waxay cirka kusii shareertay rajo laga qabay inay isu soo dhawaadaan
maxkamadaha iyo DFKM ee soomaaliya,iyadoo lagu waday inuu wajigii labaad ee
kulankii khartuum dhexmaro.Raisul wasaare Geedi ayaa mar kale ku dhawaqay
in shirkaas dib loo dhigay 10 ilaa 15 casho,halka gudoomiyaha Baarlamaanka
Shariif Xassan uu cadeeyey inay DFKM ahi ka qaybgalayso kulankaas jirina wax
isbadal ah oo ka yimid dhinaca DFKM.
Waftigaas ayaa lagu waday inuu
hogaamiyo Shariif Xassan kana ambabaxaan magaalada Baydhabo,hasa-yeeshee ay
suura gali weyday kadib markii ay iman weyday diyaaradii ay raaci lahaayeen.
Go’aano ka soo
baxay wasiirrada IGAD oo Soomaaliya ku saabsan.
Wasiirrada
arrimaha dibada ee dalalka xubnaha ka ah urur goboleedka IGAD ayaa kulan
degdeg ah oo ay talaadadii ku yeesheen magaalada Nairobi ee dalka Kenya
waxay ka soo saareen go’aano la xidhiidha arrimaha Soomaaliya.
Wasiirrada IGAD
ayaa sheegay in xilligan hadda ah loo baahan yahay in diblumaasiyad
ballaadhan loo adeegsado arrimaha Soomaaliya, si looga gudbo marxaladda
qallafsan ee dalka Soomaaliya ku sugan yahay.
War murtiyeed ka
soo baxay kulankaasi ayaa ku baaqay in xoogga la saaro sidii ay miiska
wadahadalka u iman lahaayeen dowladda ku meelgaadhka ah iyo maxkamadaha
islaamiga Soomaaliya.
Waxay kaloo sheegeen inay raacayaan mowqifyada siyaasadeed ee Qaramada
Midoobey ka qaadatay dalka Soomaaliya iyo xayiraadda hubka ee saaran dalka
Soomaaliya.
Warmurtiyeedkan ayaa sidoo kale lagu sheegay in wasiirradu isku afgarteen
inay wafdi heer sare ah u diraan caasimadaha dalalka xubnaha ka ah Golaha
Ammaanka ee Qaramada Midoobey.
Wafdigan ayaa la sheegay inuu u hawlgali doono sidii beesha caalamku mowqif
midaysan uga qaadan lahayd xal u-helidda dhibaatada Soomaaliya.
Dalalka IGAD, oo ay hormuud u
tahay xukuumadda Itoobiya, ayaa wixii hadda ka horreeyay u ololaynayay sidii
ciidammo shisheeye loogu diri lahaa dalka Soomaaliya, hase yeeshee waxaa
hadda muuqata in wasiirrada IGAD ay arrintaas wajiga ka dedbeen, ka dib
markii wakiilka Qarammada Midoobey u qaabilsan arrimaha Soomaaliya uu ku
sheegay hadal uu ka jeediyay kulanka wasiirrada IGAD in Qarammada Midoobey
ay hadda xoogga saarayso sidii arrimaha Soomaaliya diblumaasiyad loogu
dhammayn lahaa.
Dad badan oo Oromo ah oo
fatahaad Wabi ku guryo belay.
Qiyaastii 15,000 oo qof ayaa
guryo beelay, ka dib markii uu si wayn ugu fatahay Wabiga Awasha oo qaaday
tuulooyin badan oo ku yaallay Koonfurta Gobolka Oromiya.
Roobab dhawr toddobaad
da’ayay ayaa keenay in Wabiga Awasha uu karaar dhaafo oo ku fataho
tuulooyinka ku dhaw oo dhan.
Ilaa iyo hadda lama sheegin
wax dad ah oo fatahaadaas ku dhintay, hase yeeshee waxay wararku sheegayaan
in qiyaastii 15,000 oo qof ay hoy la’aan ku yihiin meelihii Wabigu ku
fatahay, isla markaana ay dhibaatooyin badan oo cunto iyo dawo la’aan ahi
haystaan.
Markii ugu denbaysay ee
Wabiga Awash fataho waxay ahayd bishii Abriil ee sannadkan, iyadoo kumannaan
dad ah ay dhibaato ka soo gaadhay, ka dib markii uu daadku qaaday tuulooyin
badan, xoolo badana ay ku le’deen.
04 August
2006.
C/nuur Sheekh
Maxamed
Info@radioxoriyo.com
raadioxoriyo@yahoo.com
Radio Xoriyo
waxaad ka dhegaysan kartaa Mawjadda 25 MB ee dhererkeedu yahay 11865 KHZ,iyo
internetka Radioxoriyo.com,Ogaden.com Maalmaha Talaadada iyo Jimcaha 7:
30PM waqtiga Afrikada Bari
Faafin:
SomaliTalk.com | Aug 4, 2006