Ilaahay
sidaan ka arki jirey way ku socotaaye
C/Waaxid
C/hi Khaliif
London, UK
cabdulwaxid@hotmail.com
Ilaah baa mahad leh.
Nabadgelyo iyo naxariis nabi Muxamed korkiisa ha ahaato.
Cinwaanka maqaalka iyo
meerisyadan ka dambeeyaba waxaa iska leh gabyaaga Axmed Ismaaciil Diiriye "Qaasim".
Qaasim gabaygan soo socda wuxuu tiriyey maalmo ka hor cinqilaabkii uu Kacaankii
21 Oktoobar ku qabsaday waddanka. Sidii dowladdii rayidka ahayd u socotay baan
hadda fileynaa in hogaamiyayaasha sheegtay la dagaalanka argagixisaduna u
socondoonaan haddii Ilaah idmo. Sida Qaasim gabayga soo socda ku caddeyndoonaba
waxaad mooddaa in hogaamiyayaashaasi uu haruubkoodii buuxsamay. Qaasim wuxuu
yiri:
·
cirsan-ka-yeerkii maantana
warbuu sheegay Caliyo'e ·
wuxu yiri halkuu ku cuyubnaa
cirirki soo dhaafye ·
carruuraha la dhacay Awliyada
laga caraysiiyey ·
carshigaaba laga soo aqbalay
cabashadoodiiye ·
caawaa la kala soocayaa Caabud
iyo Gaal'e ·
casha aan fogeyn waxays beddeli
ciidan fara weyne ·
caaddaa rag koraybuu nabsigu
hoos u soo celinne ·
caanuhu dhawaan way ka quban
ciil dar loo qabaye ·
inay curaddo khayr lihi kacaan
ciiddan la arkeeye ·
ceeryaamo Subaxeed nin nool
curadka roob moodye ·
marse haddii cadceed lagu
dhexdaro wayska cidinciide ·
caloolyow aan kugu raagahayn
ciidda haw qodin'e ·
cagta ii dhig waakaa nabsigu soo
cadceedsadaye
Allaylehe hadda arrintu
waxay u taal shacabka Soomaaliyeed iyo dhallinyarada. Wax badan baa shabaabku
dadka ku boorriyeen in cadowga Islaamka iyo kan Soomaaliyeedba lala dagaalo. Wax
badan baa la waayey meel loo maro dagaaloogayaasha xalaaleystay dhiigga
masaakiinta. Laakiin waa Ilaah mahaddi hadday dhaheen “argagixiso halala dagaalo”
. Markii aakhiro la tago waxaa la caddeeyey in dadka dambiilayaasha ah ay
gacmahooda, lugahooda iyo maqaarkoodu ku markhaatifuridoonaan. Hadda, sidii oo
kale ayaa dagaaloogaashu u dhaheen: argagixiso halala dagaalo. Shabaabkii iyo
shacabka badankiisu waxay dhaheen: waan yeelnay; idinkaana argagixisaa waana
idinla dagaaleynaa.
Wallee waxay ceebi joogtaa
markii Waqooyiga iyo Waqooyi-Bari Soomaaliya la waayo dhallinyaro iyo shacab
usoo hiiliya walaalahooda Xamar jooga si ay iska celiyaan dagaaloogayaasha ay
soo kireysteen hay’ado sirdoon iyo Xabashidu. Sidoo kale wax badan baan
internetka ku arkaa rag gabay-aqoodnimo sheegtay. Marka bal waa maanta waxay ka
dhahaan arrintaas sidii gabyaagu ula lahaa:
·
murti haddaad lahaydeen wax tara
lagu mahluukeeye.
Waxaan halkan ku xusayaa
meerisyo uu Khaliif Shiikh Maxamuud ku wajahay Maxamed Siyaad. Gabyaagu wuxuu
sheegayaa in belaayo Xamar degtay isagoo madaxweynaha heysta. Runtii, Khaliif ma
arag waxa hadda Xamar heysta oo kale waxayna ku fiicneyd in meerisyadan lagu
wajaho dagaaloogayaasha Xamar iyo sirdoonka kireystayba. Qeybtii ugu dambeysay
gabaygaas waxay ahayd:
-
afartaas ma gabangaabiyee gibilka moow u taagay
- ma
gilgilay sidii qaansadoo leebka laga gooyey
- gobo’
kalana waa halaan shacbiga ula garwaaxeystay
- calankaas u soo howlgasheen haatan gorofoowye
- gubatiyo runtii kama duwana galangal sheydaane
- haddaad guudka saarteen dabadeed uma gargaartaane
- good
iyo abeesaa u galay gaararkii Xamare
- sida
loo gigaayaa qalbigu ila gariiraaye
- gol-caddihii Talyaaniga ka daran gucurka heystaaye
- gobanimadu maahan inuu bahal garqaadaaye
- maaheyn dhurwaa inuu la galo god iyo booraane
- war
waa loo gudboonyahaye waa guurto kaa maqane
- isticmaarka guunka ah ninkii shalay u guuxaayey
- geligaanka olalkaa ninkii nagu galaandeyray
- oo
kabo gafuur weyn ilkaha nagu garaacaayey
- SYL
ninkii gaabiyee laga geyoon waayey
- ninkii gacan-ku-dhiigluhu dorraad gacanta dhiigeystay
- Ee
nagu garmaameynayee gabanna noo reebin
- sirtayada ninkii goobijiray goor aan la ogeyne
- jeneraal garoomo leh ninkii ula guxleynaayey
- garaad xumo daraadeed ninkii gacalki moodaayey
- Dhagax-tuur gambalihii ninkii naga dul giisaayey
- ha
galgalato meydkii ninkii geystay tabarteeda
- ninkii buuryo-gedefoow kufriga noo garqabateeyey
- gar
loo dayaba goonyaha ninkii naga galfoofaayey
- war
waakaas go’yaasha isku dayey garanse meysaane
- guntadoo ka kaca waxaad tihiin gun iyo shaashleeye
- gabbashiyo la soo dhaaf xantoo lala gurguurtaaye
- gujis
iyo waxay taagantahay gaaddo-ka-ciyaare
- cara
aanadiinii la galay gabar u naafeeya
- gooriyo ayaam yoon dagaal cara ku gaarraada
- gabaldhiciyo waabberi qoryaha cara ku geyraada
- cara
goolashiinnii la qalay sumal u qoorgooya
- gashigaaga maqan waa inaad goobataa abide
- godabtaada waa loo dhintaa yaad gawaab noqone
- bal
car sidii laguu gurubsanjiray mar is garwaaqsiiya
- cara
Maxamed gabiguu ku jiro gowga ka istaaga
- bal
car geyrarkiisaa jiree fooda soo geliya
- cara
gabaxyaxdaas la idin baday gar uun u weydaarta
- cara
goor iyo ayaan warmaha gaatan ula jooga
- naagaha gambada xooriyiyo go’ayda yeeraysa
- cara
siday kuwiina u galeen qaar kale u geysta
- Rabbi
uma gargaaroo fuluhu waa gob laga naarye
- waxaa
guusha hela kaan wadnaha gaashi ku lahayne
- bal
car meesha la isagu gurmday keena garabkiinna
Halkaan waxaan ku qorayaa
gabay kale oo Khaliif u tiriyey Kulmis laakiin waxay ku fiicneyd inuu shacabka
Xamar iyo maxkamadaha u tiriyo. Innagoo meerisyadaas ku wadna maxkamadaha wuxuu
yiri:
-
idinkaa dantiinii u huray dal aad xoreysaane
-
idinkaan u daaleyn sidii duul Malaa’igahe
-
idinkaa halkaad dooneysaan degeya goor dhow’e
- idinkaa dariiqii Alliyo diinta aaminaye
- idinkaa siduu Daa’in yiri dowga kheyr maraye
- idinkaa Rasuulkii dugsaday daahirka ahaaye
- idinkaa diyaarsaday hubkii diiradda lahaaye
- idinkaa daruuraha cirkiyo daafigaa maraye
- idinkaa cadowgii idin dayaa dabada taagaaye
- darajada Ilaahay ka badan doogga geedaha’e
- nimuu
doortay iyo baa ka hela deeqsi geesi ahe
- darsigiina xaqa daalibaa laga duceystaaye
- doorroonayaaloow Jahaad waad u dareerteene
- xargihii la daahiyo haddaan derykii laga boodin
- oo
aan duqii weli la qaban waan dayeysnahaye
- inkastood dadaal iyo waddaan doorar sharaf weyn leh
- darar
saa’idiyo waan jeclahay ………………….
- durkiyoo kusii dara ma foga dowladnimadiiye
- ninna
looma duurxulo halkuu doog ku leeyahaye
- dhakharrada ninkii geystayoo ina dubaaqeeyey
- oo
dibadda idiin soo tubaa daakhilkii jira’e
- dumaal seege naagihii hadday da’i ku laabneyde
- sidii
bey agoon daacufaa ula dareeraane
- sidii
bey ilmada dililiqlihi uga da’eysaaye
- sidii
Doollo dhaan loo direy ina dayaayaane
- dabka
wax uma saaraan ilmaha waaga daalacaye
- degdeg nooga soo gaaraya iyo dooddu waa innaga’e
- haddaan diilalyada heysa iyo diifta laga baanan
- dayacey qabaanniin haddaan laga daweyneynin
- Wallee labada doolaqoo lushiyo dalowgu waa beene
Teeda kale shacabka Xamar
iyo maxkamaduhu ha xasuusteen in diinta difaaceedu uusan ciyaar ahayn oo ay
rabto samir dheer iyo adkeysi sida diintu sheegtay. Runtii bishaarooyinkii ay
diinta sheegtay ayaa ka madaxtaagan qariibnimada diintu sheegtay ee aan muddo ku
jirnay. Insha Allaahu yeysan wiilasheenna iyo shacabkeennu noqon dibi-cadde oo
yaan cadow iyo cadow-kalkaal loo loogin. Wallee haddaan dadka Xamar iyo Soomaali
oo dhan diintooda difaacan waxaa dhaceysa in sidii Gedo ka dhacday la yiraahdo
marka Cabdi-waal, Qarnayre iyo Muuse usoo haraan Xamar dhahaan: lama
dhegeysankaro Boqol-soon, Shariif C/Nuur, Cumar-Faaruuq iyo culumo kale! Sidoo
kalana dhahaan lagama hadlikaro jihaad, siiradii nabiga (SCW) iyo saxaabada
(RC), masaafada gabdhaha iyo axkaam badan. Shakina ma leh inay xiridoonaan
dugsi-Quraan iyo iskuullo badan sida ay haddaba dacaayadda u sameeyaan. Gabyaa
baa lahaa:
-
degdeg weerar baa geestayada loo diyaar yahaye
-
idinkaa docdiinnii hagraday dowdariinyahaye
-
dugaagga iskarow yuu sidii deero kuu cuniye
Marka shacabkii iyo
Maxkamadihii Koonfur waa diyaare waxaan ka shakisanahay waa reer Waqooyi-Bari
iyo Waqooyiga Soomaaliya. Wax dhan baa “laandheere” la isagu faanay laakiin
Ilaah baan ku dhaartee waxaa shariif iyo nasab ah ninkii cadowga wajaha.
Ciribta dambe waxaa iska leh
kuwa Ilaah ka baqa.
|