SAKARIYE:
Waa Wiil ay Maskaxdiisu Banaanka taal una baahan Gargaar
isaga iyo Qoyskiisa
Markey taariikhdu ahayd April 12, 2006 ayaan booqday
Isbitaalka Madiina ee Magaalada Muqdisho si aan u soo eego
xaaladda ay ku sugan yihiin dadkii ku dhaawacmay Dagaaladii
dhawaan ka dhacay Magaalada Muqdisho, ee u dhexeeyey
kooxihii isku magacaabay la dagaalanka Argagixisada iyo
Midowga Maxkamadaha Islaamiga ah ee Magaalada Muqdisho, waxa
uuna dagaalkaasi saameeyey dadka dan yarta ee ku nool
Magaalada,
![](apr1628.jpg)
Dareenkaygu waxa uu kacay
markay indhahaygu qabteen wiil 12-jir ah oo ay maskaxdiisu
muuqato markii uu Hoobiye ku dhacay Dugsi Quraan oo uu
dhiganayey kuna yaalay Xaafadda Buula Xuubeey ee Degmada
Madiina Taariikhdu markey ahayd 20-kii Febaraayo ee
sanadkaan.
Wiilkaaan oo lagu
magacaaabo Sakariye Macalin Maxamed ayaa waxaa ag dhoobnaa
Hooyadiish, Aabihiis iyo walaalihiis kuwaas oo si aad ah uga
murugaysnaa dhaawaca halista ah ee wiilkooda ka gaaray
Madaxa, waa qoys aan awoodin inay wiilkoodo la tacaalaan
ama awood u leh inay u qaadaan dhaqtar dibadda ah, waa qoys
sabool ah oo u qaybsami waayey Guriga iyo Isbitaalka, oo
waxay dantu kaliftay inay Isbitaalka wada joogaan ka dib
markii uu sidaasi u ogolaaday Maamulka Isbitaalka.
![](apr1621.jpg)
Hooyo Khadiijo Maye oo ah
Hooyadii dhashay wiilkan yar ayaa ilini ka socotay markii
aan eegayey xaaladda wiilkooda markaas ayaan waxaan ku iri
anigu wax awood ah uma hayo laakiin walaalahaaga
Soomaaliyeed ee ku sugan dalka gudihiisa iyo dibaddiisa
ayaan qaylo dhaantaada gaarsiinaya si wiilkaagu u helo
gargaar deg deg ah, maadaama dadka Soomaaliyeed ay u soo
jeesteen inay is caawiyaan ayna gacan siiyaan shacabka iyo
walaalahooda dhibaataysan.
![](apr1622.jpg)
Aabbe
Macallin Maxamed waa Aabbihii dhalay wiilkaan yar waxaan
waydiiyey sida ay tahay xaaladda wiilkiisa waxa uuna ku
jawaabay “ILAAH baa u maqan balse waxaan rajo ka qabaa
walaalahayga Soomaaliyeed ee ku nool dibadaha inay il
naxariis leh ku eegaan wiilkayga”.
Haddaba su’aasha
iswaydiinta mudan waxay tahay “Yaa qaadaya masuuliyadda
sakariye iyo inta la midka ah ee waxyeeladu ka soo gaartay
dagaaladii dhawaan ka dhacay Magaalada Muqdisho iyo kuwii
horey u dhacay”.
Dr. Maxamed Yuusuf oo ka
mid ah dhaqaatiirta ka howl gasha Isbitaalka Madiina ayaan
wax ka waydiiyey xaaladda wiilka waxa uuna ii sheegay in
haddii uu helo gargaar dibadeed oo Caafimaad uu ka kici karo
dhaawacaasi ka soo gaaray madaxa, waxa uu sheegay in madaxa
uu uga jiro firir Hoobiye isagoo intaas raaciyey in aan
waxba looga qaban Karin dalka gudihiisa.
Haddaba Qoyskaan oo ah
qoys ka soo jeeda Beelaha laga tirada badan yahay ciddii
doonaysa inay u gargaarto ama ay caawiso waxay kala soo
xariiri karaan.
Tel: 252-1-532494 /
252-1-655533
E-Mail :
amiinkhasaaro@hotmail.com
amiinkhasaaro@yahoo.com
Muqdisho-Soomaaliya