Ilaah
baa mahad leh. Nabadgelyo iyo naxariis nabi Muxamed korkiisa ha ahaato.
Halka shalay
qolyo u dabbaaldegeyeen sanad-guuradii 46-daad ee ka soo wareegtay ciidanka
xoogga dalka Soomaaliyeed ayaa kuwa kale waxay jidka u galeen oo soo
afduubteen arday iskuul u socday! Inkastooy dhicikarto inaan mooryaantaasi
shuqul ku lahayn ururkii dhowaan la magacbaxay la dagaalanka argagixisada
iyo soo celinta nabadda ayaa haddana waxaa shaki keenay xaafadda laga
sheegayo in wiilkii la geeyey, C/Casiis. Waa la yaqaan cidda xaafaddaas ka
talisa iyo shacabka taageeraba.
Waxaan
xasuustaa falsafad lagu muujinayo karaamada ardey Qur’aanka khaasatan markuu
ka soo laabto dugsiga isagoo quraac doon ah. Waxay dhihi jireen xitaa
geedkii maradiisa qabsada waa qalalaa iska daa in qof isku dayo inuu celiyo
ama wax u dhimee. Kuwa iskuulkana waa la mid maaddaama uu Islaamku ogolyahay
aqoon aakhiro iyo mid adduunba. Ka warran wiilkaas yar ee shalay isagoo
Ilaahiis kaalmo weydiisanaya ood mooddo inuu qaadayo heestii caanka ahayd ee
ahayd:
-
Ardey
baan ahayoo
-
ardey
baan ahayoo
-
ubaxii
waddankaan ahaye
-
waxaan u
ordayaa ordayaa
-
dugsiyada u aadaa
-
inaan
aqoon kororsadoo
-
arligeyga anfacee
-
dadaalkii la imidee
-
Allahayoow ii gargaar
-
aamiin
aamiin
-
Ilaahayoow ii gargaar
Waxaad
mooddaa in Ilaahay usoo diray ururkaas iyo mooryaantiisa ood mooddo iney
subaxii markey shaqotagayaan ay qaadaan heestaas oo la geddiyey oo
dhahaysa:
Haddii,
dadka wiilkaas afduubay ay xiriir la yeeshaan ururka la dagaalanka
argagixisada waxaa caddaaneysa iney bilaabeen sheeko aan horay Soomaaliya
looga aqoon oo ah marka ragga dagaal la iskaga celinwaayo in dumarka iyo
carruurta lagu guryonoqdo.
Mar hore
ayaan dagaaloogayaasha caqligooda waxaan ka iri:
-
waxaan
ahay waanada macallinka (Zenawi)
-
waxaan
ahay waddada la sii maro (awr-ku-kacsi)
-
waagii
beryaba
-
jago
lagu wareershoo
-
waxaan
ku warwereynaa
-
waddankiinna wax u dhima
-
waddankiinna wax u dhima
-
haku
jiro waxyeeladdee
-
guul
wacan
-
caddow
ku waani
-
iyo
belaayo
-
nabad
lagu wareemoo
-
hagu
waayo waddankiinnu
-
waddankeennu waa
-
waax ka
mid ah Itoobiyoo
-
waan ku
werwereynaa
Marka, hadda
waxay u muuqataa in la dagaalankii argagixisada uu isu rogey afduubka
carruurta Soomaaliyeed. Kaaga daran, dadka lagu afduubto Xamar waxay u
badanyihiin dadka ka soo jeeda qabiillada aan hubeysneyn. Taasina waa ceeb
kale oo lid ku ah dagaalka ragga.
Waxaan shaki
lahayn in sidii dagaalkii Badar markii sheydaanku Qureysh ku yiri: iska
cesha Muxamed (SCW) anaa idin garabsiine laakiin markii dagaalkii qarxay uu
garabkooda ka baxay. Sidoo kale wataas ay hay’ado sirdoon ku dhaheen
ururkaas iska cesha maxaakimta annagaa idin caawineynee laakiin Ilaah
qaddaray inay ku sigteen in la qabqabto. Waan ognahay in hub iyo qalab
caafimaadba ay hay’ado gargaar iska dhigayaa siiyaan ururka la dagaalanka
argagixisada laakiin tan Ilaah baa soconeysa.
Waxaa Ilaah
lagu mahadiyaa in shacabkii Maraykanka, Yurub iyo adduunkii oo dhan u
caddaatay sida dowladaha reer Galbeedku ay ula dhaqmaan muslimiinta. Hadda
taageeradii shacabka Maraykanku u hayey maamulkooda waxay gaartay heerkii
ugu hooseeyey. Sidoo kale, dadkii Soomaaliyeed waxaa u soo baxay sawirka
saxdaa ee dowladda Maraykanka kaddib markey la safatay dagaaloogayaashii ugu
xumaa inta taariikhda la xasuusto. Waxaa Ilaahay ummadda muslimiinta usoo
ceshay dadkii dhihi jiray: reer Galbeedku waxay hayaan oo agtaal “xaquuqda
binu Aadamka”! Marka gargaarkii Maraykan nooga yimid wuxuu noqday inay mar
kasta la shiraan oo lacag siiyaan dagaaloogayaasha aan wada naqaan ee
dambiga ay geysteen aan labo isku khilaafin. Ilaah baa i diliye iyagaa nooga
sii daran dagaaloogayaasha.
Marka
shacabka Soomaaliyeed ee degen xaafadaha wiilkaas lagu afduuboow waa inaad
ka dhigtaan wiilkaas ilmahiinna oo kale. Marka waa in laga soo daayo
wiilkaas mooryaanta afduubtay. Haddii kale idinkaa aakhiro iyo adduunba u
hoogin.
Maqaal ku socda Reer Muqdisho iyo Maamulkooda
Cusub: Qore C/Waaxid Khaliif
C/Waaxid
C/hi Khaliif
London, UK
cabdulwaxid@hotmail.com
Afeef: Aragtida qoraalkan waxaa leh qoraaga
ku saxiisan
Faafin:
SomaliTalk.com | April 14,
2006
Max’ed Dheere oo
ku soo laabtay Jowhar kaddib markii ay isa soo khilaafeen Geeddi..
»Saraakiil
ka tirsan CRD oo Gaalkacyo kula kulmay Odoyaal..
»Qaar
ka mid ah Gobalada dalka oo uu ka curtay Roobab..
»Baydhabo
oo laga qaaday 18-Jidgooyo..
»Xuseen
Cusmaan “Qanyare waxba lagama weydiinayo amiga
»Ciidamadii
ku xareysnaa Waajid oo dilay nin deegaanka ah
»Shaqaaqo
ka dhacday Magaalada Kismaayo...
»Tartankii
S.Y.L. MN oo Soo Gabagaboobay...
Wararka oo dhan ka akhri halkan... Guji...
April 3
WARBIXIN: GUDDIGA
GURMADKA ABAARAHA SOOMAALIYA…