Booqashadii
Guddomiyaha Baarlamaank ee
Ingiriiska UK
Waxaa markii ay taariikhdu
aheyd 30 September 2005, oo ahayed maalin Jimco ah booqasho
ku yimid magaalada London, ee UK, Guddoomiyaha Baarlamaanka
Soomaaliyeed , Mudane Shariif Xasan Sh Aden, iyo wafdi uu
hogaaminayey , taasoo aheyd booqasho ay si ,aad ah u
sugayeen, jaaliydaa soomaaliyeed ee ku nool wadankaan ,
maadaama horay loo ogaa , inuu imaan doono , ka dib
booqashadiisii Mareykanka iyo Canada , oo aheyd booqashooyin
taariikhi ah .
Hadaba waxaan nasiib u yeeshay
inaan ka mid noqdo xubnihii gudoomiyaha uga hor tagay Gegeda
diyaaradaha Caalmiga ah ee Heathrow International Airport,
waxaana halkaas isugu yimid wax garad isugu jiray ,
siyaasiyiin, odayaal, dhalinyaro aqoonyahano, iyo indheer
garad badan, waxeeyna dadka meesha joogay ka kala yimaadeen
daafaha fog fog ee UK, waxaana ka mid ahaa xubno ka yimid
North West England , sida Manchester , iyo Bolton, oo u jira
London , dhawr boqol oo kilo meter, waxaana xubnahaas ka mid
ahaa Mr Isbaramuuto , oo watay gaari uu calanka
soomaaliyeed ku buufsanyahay.
Hadaba markii uu gudoomiyaha
soo degay , wuxuu gacan qaadey mid mid dadkii soo dhaweeyey
, ka dibna waxaa lagu sooqaadey baabuurtii loo diyaariyey,
oo aheyd baabuur First Class ah , waxaana uu shariifka
gadaal ka fariistay Mercedes aad u bilicsan , iyadoo horayna
uu u fadhiistay waardiyo khaas ah oo loo sii diyaariyey,
kazoo ka socday shirkad hawlaha ammaanka ka shaqeysa , waxaa
loo dhaqaaaqay hoteelkii loo diyaariyey kaasoo la yiraa Novo
Hotel, oo sidaas uga fogeyn Airportiga , markiiba
gudoomiyaha, ma seexanine wuxuu mid mid mar kale u gacan
qaadey , dadkii soo dhaweeyey, iyo wax garadkii meesha isugu
yimid, waxaana lees dhaafsaday salaam iyo soo dhaweyn,
xoogaa nasasho ah ka dib waxaa uu gudoomiye shariif
habeenkii ka qeyb galay, casho sharaf uu gudoomiyaha iyo
wafdigiisa u sameeyey nin ka mid ah akhyaarta UK, oo la
yiraahdo NUUR IIDOOW BEYLE, taasoo ka dhacday faras
magaalaha London, waxaana cashada kazoo qeyb galay dhammaan
Xildhibaanadii joogey magaalada London, .
Subaxdii xigtay gudoomiyuhu
wuxuu wadey qaabilaadii iyo kulamadii uu la yeelanayey
jaaliyada soomaaliyeed ee ku dhaqan UK, wuxuuna ku
qaabilayey Hoteelka uu deganaa, kuwaasoo booqasho sharaf ugu
imaanayey gudoomiyahooda , maadaam uu yahay xubintii ugu
sareeysay ee dowlada soomaaliyeed ka socota ee qaabisha
jaaliyada , maadaama uu horey madaxweyne Abdullahi Yuusuf
uu diiday inuu la kulmo jaaliyada , markii uu yimid London,
dhawr bilood ka hor , waxaana xasuustaa waagaa inuu
madaxweynaha yiri , aniga cidna soomaalinimo maku qaabilayo,
ee qabiil , qabiil haleeygugu yimaado, cidii ii imaaneysaa,
taasoo fajac iyo amankaag ku noqotay dhammaan jaaliyada
soomaaliyeed ee degan UK.
Habeenkii labaad waxaa uu
gudoomiyah ka qeyb galay Casho soo dhaweyn ah oo loogu talo
galay, taasoo aay soo qaban qaabiyeen , qaban qaabiyaashii
soo dhaweynta gudoomiyaha, taasoo aay kazoo qeyb galeen dad
kor u dhaafay 300 oo qofood, waxaana halkaas ka hadlay qaar
ka mid odayada, hogaamiyayaasha , dhalinyarada,
aqoonyahanada, kuwaasoo dhammaantood gudoomiyaha kusoo
dhaweeyey , si farxad leh , kuna dhiiri geliyey inuu
halganka bad baadinta qaranimada soomaaliyeed meeshiisa
kasii wado.
Soo dhaweyntii jaaliyada ka
dib waxaa hadalka lagu soo wareejiyey wafdigii gudoomiyaha,
waxaana hadlay qaar ka mid ah xildhibaanada, waxaana aad
loola dhacay hadal uu jeediyey mudane Zakariye Maxamuud
Xaaji Cabdi, oo aad loogu yaqaano , qiirada, iyo
dadnimada, waxaana xusid mudan in Zakariye uu hada ka hor
shir ay lahaayeen wadamada IGAD oo lagu qabtay
Suudaan, uu gacan ka hadal dhex mari gaaray isaga iyo
Wasiiru dowlaha arimaha dibeda ee Ethiopia arimaha
soomaaliya daraateed , waagii dowladii Carta uu ka ahaa
wasiirka, hadaba mudane Zakariye wuxuu yiri soomaaliyeey
Ceydiid gar leh , iyo Cali gar leh horay ayaa dhib badan
loogu muteeystay, ee waxa leesku hayo dowlada dhexdeeda ,
waa dastuurkii la qortay , ee inta aad akhrisiin, hadii aan
qaldanahay na dhaha adinkaa qaldan , hadii qolada jowhar
joogta qaldanyihiina iyaga dhaha qaladka joojiya, waxaa kale
uu Zakariye xusay in waxa leesku hayo aanan dhex dhexaad
laga noqon Karin, ayna tahay madax banaanidii dalka iyo
dadka soomaaliyeed, iyo Amxaaro hala hoos geeyo somaaliya ,
ee hadii taas la qaadan karo soomaaliyeey noo sheega???
Xildhibaanadii ka dib waxaa
hadalkii lagu soo dhaweeyey gudoomiyaha Baarlaanka
Soomaaliyeed Mudane Shariif Xasan Sh Aaden , waxaana lagu
soo dhaweeyey sacab iyo farxad, Gudoomiyaha waxa uu ugu
horeyn ka mahad celiyey sida diiran ee loo soo dhaweeyey ,
wuxuuna jaaliyada ka codsaday in ay dalkaan aay joogaan ay
si fiican ula noolaadaan , maadaama ay matalayaan magacii
soomaaliya, wuxuuna u mahad celiyey dowlada UK, soo
dhaweynta iyo dejinta aay siisay dadkaan soomaaliyeed ,
Gudoomiyaha waxa uu ka hadlay
khilaafka dowlada dhexdeeda ah waxaana uu sheegay in sadex
shay leesku hayo, kuuwaasoo ah
-
In dalka la keeno ciidamo
Ethiopa
-
Caasimada in laga
shaqeeyo lana nabadeeyo
-
In dastuurkii la qortay ee
lagu heshiiyey lagu dhaqmo
Wuxuuna gudoomiyaha sheegay in
aysan jirin cid cid kale jago ku heysata ee aay tahay waxa
laysku hayo sadexdaa arin , wuxuuna ka codsaday ummmadda
soomaaliyeed in aay fiiriyaan cidii ku qaldana aay dhahaan
ka joog qaladkaada , wuxuuna sheegay gudoomiyaha in uusan
marna ku talo jirin in wixii la soo dhisay aay bur buraan
,.
Gudoomiye shariif wuxuu
shacabka soomaaliyeed uga digay in hadii aysan ka hor tagin
qorshaha la rabo in soomaaliya lagu keeno ciidamada
Ethiopia, aay jiilka soo socda ee soomaaliya sida FALASTIIN
dhagax ku tuuri doonaan taangiyada Ethiopia, oo dalka
soomaaliyana lala wareegi doono.
Wuxuu kaluu gudoomiyaha ka
hadlay in Soomaaliya dhibaatada gaartay aay ugu wacneyd Kali
talisnimo, iyo iyadoo talada dalka ay hal qof gacanta ugu
jirtay, mida hada uu isagu diidan yahayna aay tahay in
sidaas soo noqoto, wuxuuna gudoomiyaha xusay in hadii dowlad
kali talis ah dalka ka dhalato , uu noqon doono meel dadka
dibada joogaa aaysan ku soo laaban doonin, wuxuuna xusay
inuusan dalkiisa iyo dadkiisa marna siisan doonin wax kastaa
, uuna ku dhiman doono u halganka in soomaaliya aay ka
dhalato dowlad aay u siman yihiin dhammaan ummada
soomaaliyeed , go,aankeedana uusan laheyn hal qof, wuxuuna
gudoomiyaha sheegay , in loo baahanyahay in laga wada sha
qeeyo sidii dalka iyo dadka loo bad baadin lahaa , wuxuuna
sheegay inuu ka hor tagayo inuusan baarlamaanka noqonin
Shaabad aay dowlada sideey rabto ka yeesho, oo wax lagu
shaababdeysto, maadaama Baarlamaanka uu matalayo Shacbi
weynaha Soomaaliyeed , oo uu ku rabo in la helo waxa loo
yaqaano Check and Balance.
Subaxdii xigtay gudoomiyaha
iyo wafdigiisii waxeey booqasho ku tageen magaalada
Birmingham oo ku taalo Galbeedka dhexe ee England, iyadoo
aay la socdeen , qaar ka mid ah gudigii iyo odayadii reer
London, waxaana aay wateen in ka badan 5 Gaari, oo laba ka
mid ah qaadaan, 7 qofood kiiba , waxaana si diiran ugu soo
dhaweeyey dhamaan , waxgaradka soomaaliyeed ee degan
halkaas, kuwaasoo aay hogaaminayeen Gudoomiyaha golaha
odayada Soomaaliyeed ee magaaladaas, Mudane Madeey
iyo ku xigeekiisa Mudane Maxamuud Cabdi Gaab, waxana
gudoomiyaha iyo wafdigiisa halkaas ka jeediyeen, khudbooyin
taariikhi ah oo aay aad u jecleysteen dadkii dhageysanayey ,
waxeeyna ka jawaabeen wixii su,aalo ah ee dadka qabeen,
waxaana loo sameeye qado iyo casho si, aad ah loo soo
agaasimay, waxaana uu gudoomiyaha usoo hoyday London ,
halkaasoo markii uu yimid hoteelkii uu deganaa uu u yimid
iyadoo aay dad badan sugayeen, wuxuuna meeshii ka sii waday
qaabiladii jaaliyada.
Maalintii xigtay ee Isniinta
gudoomiye shariif wuxuu tagay wasaarda arrimaha dibedda ee
dalkaan UK, waxaana si diiran ugu soo dhaweeyey, xubno uu
hogaaminayey wasiirka u qaabilsan Africa, waxaana ay ka wada
hadleen arimo badan oo quseeya soomaaliya , waxaana aay
dowlada UK, ku casuuntay gudoomiyaha Baarlamaanka
somaaliyeed inuu kazoo qeyb galo kulan loo qaban doono
guddoomiyaasha baarlamaanada Africa , kaasoo lagu qaban
doono London 19—21 October 2005, waxaana shariifka
gacanta loo geliye casuumadii kulankaas , ka dib la kulankii
wasaarada arrimaha dibeda iyo Baarlamaanka, gudoomiyaha
Baarlamaanka soomaaliyeed wuxuu tagay waaxda horumarinta
caalamiga ah ee UK, waxaana halkaas ku soo dhaweeyey madaxda
hayadaas kuwaasoo uu la qadeeyey gudoomiyaha , waxeeyna aad
uga wada hadleen sidii soomaaliya wax loola qaban lahaa ,
waxeeyna isku afgarteen dhammaan wixii aay ka wad hadleen, .
dhaamaanba madaxda UK, ee uu
la kulmay shariifka ayaa usoo dhaweeyey si diiran , iyagoo
aad ula dhacsan sida uu gudoomiye shariif ugu dadaalayo in
soomaaliya laga dhaliyo dowlad dimoqoraadi ah , oo aan hal
nin jeebka ugu jirin, waxeeyna u sheegeen in aay ku garan
taagan yihiin , sida uu ku hogaaminayo baarlamaanka
soomaaliyeed ee ah in baarlamaanka iyo dowlada la kala saaro
, baarlamaankana uu la xisaaabtamo dowlada , waxeeyna u
sheegeen ineey wax badan la qabna doonaan baarlamaanka
soomaaliyeed.
Maalintii xigtay ee taaladada
waxaa gudoomiye Shariif , casuuntay Hay,ad caalami ah oo
gacan ka geysata meelaha colaadaha hala keeyeen, hada ka
horna ka soo shaqeeysay meelo aay South Africa ka mid tahay
, waxaana kulankaa gudoomiye shariif ka dhageysteen warbixin
ku saabsaneyd soomaaliya , waxaana lees dhaafsaday su,aalo
iyo jawaabo, badan , iyadoo aay goobjoog ka haayeen,
xildhibaano ka tirsan dowlada UK, iyo xildhibaanada
soomaliyeed, iyo marti sharaf kale oo uu ka mid ahaa Mudane
Cismaan Kalluun .
Arbacadii gelinkii dabe ayuu
gudoomiye shariif ka soo dhoofay London, iyadoo laga
dhoofiyey qeybta VIP ga , ee Heathrow International Airport
, halkaasna loogu sameeyey afur aad u wanaagsan oo aay
diyaariyeen wasaarada arrimaha dibedda .
Waxaa xusid mudan xubno ka mid
ah jaaliyada soomaaliyeed ee UK, ee sida aadka uga qeyb
qaatey amaba hogaaminayey agaasinka booqashada gudoomiyaha
kuwaasoo ay ka mid ahaayeen
-
Eng Abdirahmaan Yariisow-
Gudoomiyaha Somali Concern Group
-
Mr Abdullahi Abdi (
Telefoon) –Xoghaya Somali Concern Group
-
Mr Abdi-weli sh Ali
-
Mr Wadad yare
-
Mr Kadiye
-
Mr Abshir
-
Xildhibaan Mustafe Sh Ali
Dhuxuloow
-
Mr Abuukar Ali Geedi
-
Mr Nuur Iidow Beyle
-
Mr Cali Cadow (Cali Jarmal)
-
Abwaan Abdullahi Sahal
-
Mr Daahiye Cabdi
-
Mr Maxamuud Cabdi Gaab
-
X Xirsi X Jaamac
-
Iyo saxaafada soomaaliyeed
gaar ahaan, Onkod, HornAfrik, Dayniile, Midnimo, Marka
Cadeey iyo kuwo kale oo badan oo soo tabinayey
booqashada gudoomiyaha
Waxaan soo qori doonaa qoraal
kale oo ku saabsan shakhsiyada Guddomiyaha Baarlamaanka
Soomaaliyeed Mudane Shariif Xasan Sh Aden
Diyaariye: Abdullahi Nur |
Freelance Writer
aosman66@yahoo.co.uk
Faafin: SomaliTalk.com |
Oct 9, 2005
MAQAALADA KALE EE MAANTA::::
»DOOD
GABAY OO DHEX MARTAY DHAGAAFE & NABADOON
»Gabay:
Waajib - Waxaa Tiriyey Inj. Maxamed Cali Cibaar
»Gabay:
Halgan - Waxaa Tiriyay Abwaan Maxamed Dhagaafe Cilmi
»Bandhiga
weydiimo iyo bareerayaal ugub ah - Wacays
»MURTI
& SHEEKOOYIN: Buug Cusub - C/Qadir
»"BUUGA
CAAFIMAADKA" Waa Buug Cusub - Xarriir
»Doorashadii Golaha
wakiilada somaliland | Qodax
»Miyaa
Maxamed-dheere la Masaafurinayaa | C/waaxid Khaliif
»CIIDAMADA
QARANKA OO LOO ABAABULAYO QAABKII USC | C/risaq
»Madaxda PL oo Jowhar Lagu Maamuuso,
kuwa kalena la Xiiro |
c/waxid
»INJ. MUNYE OO
FOGEEYAY EEDEYN LOO SOO JEEDIYAY | Abucar
»Jini Boqor
oo Muqdisho looga baxshay ALLE BOQOR | C/raxman
»Dib u
heshiisiinta Soomaaliya: Maxaa qaldan? | Raage
»Somaaliya
Katarina iyo Rita | Amiin Yuusuf
»Waraaq furan
oo ku socota Ururka midnimada islaamka | Saciid
»HALKEEN
XALKA KA RAADINAA??? | Xuseen
»Hargeysaay
hambalyo | C/Raxmaan Taysiir
»Dalka
Yaa Iska Leh, Dadka Yaa Umaqan | Axmed Cali
»Xasuuqii
Malka-durduro | Warfaa
»Morgan
oo Noqday Makaalintii Barre Hiiraale |
Maxamed
»Qarnigaan
qabiil ku faan qiimo Ma leedahay | Mowlidyare
»MIDOWGA
AFRIKA: MIDNIMO KATALIN MISE MINDIYO AFAYN? | Garaad
»DIGNIIN CULUS: AIDS-KA
& SOOMAALIDA | Dhagaafe
»S.Y.U.P
oo War ka Soo Saaray Doorashada ka Dhacday Somaliland
»Gabadhii xumaan damacda:
"nin iga weyn
ayaa lagu dari lahaa"| Ikram
»MAQAALADA KALE
EE MAANTA:::
KA AKHRI HALKAN... GUJI..
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |