Barnaamijkii Radio Xoriyo
04 October. 2005
======================
Keligii
taliye Meles Zenawi ayaa sheegay inuu diyaar u yahay inuu
wadaxaajood la galo xisbiyada mucaaradka ah, oo iyaguna
dhinacooda oggolaaday inay ka noqdaan shaqao joojin seddex
maalmood ah oo ay taageerayaashooda ugu baaqeen inay
sameeyaan laga billaabo maalintii isniinta ah.
Keligii
taliye Melses Zenawi ayaa axaddii goor denbe oggolaaday inuu
mucaaradka la fadhiisto, si ay uga wadahadlaan waxyaabaha la
isku hayo, ka dib markii safiirrada Midowga Yurub iyo
Maraykanka iyo afar diblumaasi oo kale oo reer galbeed ahi
ay Meles Zenawi iyo hooggaamiyayaasha mucaaradka midba
goonidooda ula kulmeen, si ay xal ugu raadiyaan khilaafka
ba'an ee labada dhinac u dhexeeya.
Keligii
taliye Meles Zenawi ayaa dibmlumaasiyiinta reer galbeedka u
sheegay, ka dib markii cadaadis adag saareen, inuu madaxda
mucaaradka la kulmayo haddii ay ballanqaadaan inay shaqa
joojinta ka noqonayaan oo kaliya, taasoo ay mucaaradkuna
oggolaadeen.
Madaxda
mucaaradka ayaa keligii taliye Meles Zenawi la kulmi doona
talaadada ama arbacada, si ay si qoddo dheer ugaga
wadahadlaan khilaafka xooggan ee ka dhashay doorashadii May
ee mucaaradku aaminsan yihiin in EPRDF ay ku shubatay,
goobjoogayaasha caalamkuna ugu markhaati keceen. Waxay kaloo
mucaaradku Zenawi kala hadli doonaan ku tumashada xuquuqda
aadanaha iyo xaaladda siyaasadeed ee qallafsan ee Itoobiya
hadda ka taagan.
Hase
yeeshee in kastoo keligii taliye Meles Zenawi u debcay
cadaadiskii dalalka reer galbeedka ah kaga imanayay, isla
markaana yeelay inuu mucaaradka kala xaajoodo arrimaha
siyaasadeed ee ay isku hayaan, haddana ururkiisa EPRDF ayaa
sabtidii ansixiyay go'aan uu horay u gaadhay guddiga fulinta
ee EPRDF oo ka dhigan inaan marna wadaxaajood lala gelin
xisbiyada mucaaradka ah, oo ay ku eedeeyeen inayna
ixtiraamin sharciga.
Saraakiil Itoobiyaan ah oo Baladweyne jooga.
Saraakiil
Itoobiyaan ah ayaa la sheegay inay soo gaadheen magaalada
Baladweyne iyadoo aan la ogayn sababta rasmiga ahee ay
halkaas u yimaadeen iyo inay martiqaad ka heleen maamulka
magaalada Baladweyne iyo in kale.
Dad ku
sugan magaalada Baladweyne ayaa sheegay inay magaalada
dhexdeeda ku arkayeen saraakiishan Itoobiyaanka ah oo
magaalada dhex wareegayaa dhammaadkii toddobaadka. Waxaa
jira warar sheegaya in saraakiishan Itoobiyaanka ahi ay
kulanno la yeesheen maamulka magaalada Baladweyne.
Ma aha
markii ugu horraysay ee saraakiil Itoobiyaan ahi ay soo
gaadhaan magaalada Baladweyne. Waxaa jirta marar badanoo
hore ee saraakiil Itoobiyaan ahi ay magaalada Baladweyne
yimaadeen, isla markaana kulanno la yeeshee marba maamulka
halkaas ka jira. Xukuumadda Itoobiya ayaa si joogto ah
faraha gula jirta arrimaha Soomaaliya, iyadoo ka sahqaysa
sidii ay u sii kala fogaan lahaayeen kooxaha soomaaliyeed ee
isku haya siyaasada dalka Soomaaliya.
Xildhibaanbo Kenyati oo ah
la sii daayay.
Labo ka
mid ah xildhibaanada dalka Kenya ayaa la sii daayay, ka dib
markii ay dhammaadkii toddobaadka xabsi ku jireen. David
Mwenje iyo Reuben Ndolo waxaa jimcihii laga qabtay dhismaha
maxkamadda, ka dib markii ay habaynimadii khamiista ahad ku
baryeen dhismaha Baarlamaanka Kenya oo ay ku soo carareen
markii boolisku isku dayay inuu qabto.
Labadan
mudane waxaa lagu eedeeyay inay dhaliyeen rabshado la
xidhiidha doodaha ku saabsan dastuusrka cusub ee Kenya ee
labadan mudane ay ka soo horjeedaan in la ansixiyo. Qayb ka
mid ah xisbiga talada Kenya haya ee NARC ayaa iyaguna
diiddan dastuurka cusub, isla markaana ka qayb qaadanaya
ololaha xilidhibaannada dastuurka diiddan ee MAYA-da
taageersan.
Taageerayaasha labadan xildhibaan ayaa booliska ku eedeeyay
xabsiga nimankan, qaraabadooduna waxay walwal ka muujiyeen
caafimaadkooda.
Xiasbiga
dawlada intiisa badan waxay taageersan yihiin dastuurka
cusub. Waxaana hadda ka hor dalka Kenya ka dhacay rabshado
dhawr ah oo ka dhashay dastuurka cusub.
Aljeeriya oo lacag ku
caawisay dalka Soomaaliya.
Dawlada
Aljeeriya ayaa sheegtay inay ugu deeqday dalka Soomaaliya
lacag gaadhaysa 2 milyan oo doollarka Maraykanka ah,
sidaasna waxaa qortay wakaaladda wararka ee waddanka Kuwayt
ee KUNA.
Dawlada Aljeeriya ayaa deeqdan Soomaaliya siisay, iyadoo
oofinaysa ballanqaadkii lagu sameeyey shirwaynihii ugu
denbeeyay ee ay yeesheen dalalka xubnaha ka ah Jaamacadda
Carabta.
Safiirka dalka Aljeeriya u fadhiya Jaamacadda Carabta C/qaadir
Xajar ayaa sheegay in waddankiisu bixiyay qaybtii uu ku
lahaa deeq gaadhaysay 26 milyan oo doollar oo Soomaaliya
loogu ballanqaaday kulankii ugu denbeeyay ee madaxda
Jaamacadda Carabta isugu yimaadaan.
Dawlada
Aljeeriya ma ayna caddaynin lacagtan deeqda ah meesha ay ku
hagaajisay iyo cidda ay u dhiibtay, iyadoo dawlada
Soomaaliya ay labo garab u kala jaban tahay.
HALKAN KA
DHEGEYSO BARNAAMIJKA RADIO XORRIYO
Radio
Xoriyo
04 October.
2005
Axmed Gaal-Eri
radioxoriyo@ogaden.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 19 MB ee
dhererkeedu yahay 15670 KHZ, Maalmaha Talaadada iyo Jimcaha
7: 30PM waqtiga Afrikada Bari
Afeef: Aragtida qoraalkan
waxaa leh qoraaga ku saxiixan....
Faafin: SomaliTalk.com | Oct
4, 2005
»CIIDAMADA
QARANKA OO LOO ABAABULAYO QAABKII USC | C/risaq
»Madaxda PL oo Jowhar Lagu Maamuuso,
kuwa kalena la Xiiro |
c/waxid
»INJ. MUNYE OO
FOGEEYAY EEDEYN LOO SOO JEEDIYAY | Abucar
»Jini Boqor
oo Muqdisho looga baxshay ALLE BOQOR | C/raxman
»Dib u
heshiisiinta Soomaaliya: Maxaa qaldan? | Raage
»Somaaliya
Katarina iyo Rita | Amiin Yuusuf
»Waraaq furan
oo ku socota Ururka midnimada islaamka | Saciid
»HALKEEN
XALKA KA RAADINAA??? | Xuseen
»Hargeysaay
hambalyo | C/Raxmaan Taysiir
»Dalka
Yaa Iska Leh, Dadka Yaa Umaqan | Axmed Cali
»Xasuuqii
Malka-durduro | Warfaa
»Morgan
oo Noqday Makaalintii Barre Hiiraale |
Maxamed
»Qarnigaan
qabiil ku faan qiimo Ma leedahay | Mowlidyare
»MIDOWGA
AFRIKA: MIDNIMO KATALIN MISE MINDIYO AFAYN? | Garaad
»DIGNIIN CULUS: AIDS-KA
& SOOMAALIDA | Dhagaafe
»S.Y.U.P
oo War ka Soo Saaray Doorashada ka Dhacday Somaliland
»Gabadhii xumaan damacda:
"nin iga weyn
ayaa lagu dari lahaa"| Ikram
»MAQAALADA KALE
EE MAANTA:::
KA AKHRI HALKAN... GUJI..
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 | 
Daabaco
Boggan | Print