Wafdigii uu hogaaminaayay Gudoomiyaha oo la hadlay
soomaalida ku nool finland
![](shirifk2.jpg)
Xaflad gabogabo oo aad
loo soo agaasimayay ayaa ka dhigtay caasimada
Finland ee Helsinki, xafladaan ayaa waxaa ka soo
qeeyb galay boqoleeyo dad soomaaliyeed oo dagan
finland oo ka koobnaa dhamaan degaanada kala duwan
oo eey soomaalidu ka soo kala jeedaan. Soomaalida
finland oo dhibaatooyin badan ku qabo dalkan finland
ayaa ah dad isku xiran, imaatinka wafdiga uu
hogaaminaayo gudoomiyaha baarlamaanka soomaaliya
ayeey dadka qaar ku tilmaamayeey in eey keeni karto
kala jab ku dhaco soomaaliada dagan finland oo eey
kala taageeraan garabyada siyaasadeed ee ka jira
soomaaliya, taasina eey beenoowday, wafdigaan ayaa
waxaa loo soo dhaweeyay si heer qaran ah.
![](shirifk3.jpg)
Gudoomiyaha iyo
wafdigii sharafta lahaa ee halkaas ka hadlaayay ayaa
waxa eey la hadleen shacabweynaha soomaaliyeed ee
dagan finland, soomaalida dagan finland ayaa aad ula
dhacay wafdigii gudoomiya uu hogaaminaayay
sheegeena in eey tahay markii ugu horeeysay oo eey
finland ku soo baaqdaan wafdi ka socda dowlad
soomaaliyeed laga soo bilaabo markii eey soo dageen
soomaalidu dalkan finland, taasna eey sheegeen in
eey mahad gooni ah u hayaan wafdigaan oo eey ka mid
ahaayeen gudoomiyaha baarlamaanka mudane Shariif
Xasan Shiikh Aadan, wasiirka isku xirka baarlamaanka
iyo dowladda Md. Pro. Cabdirahmaan Ibraahim Aadan
”Ibbi”, Xildhibaan Zakariye Maxamuud Xaaji,
Xildhibaan Caasho Axmed Cabdalla, Mudane Maxamed
Shiikh Xasan xogheynta gudoomiyaha iyo howlwadeen
Liibaan Cali Shiikh Doon .
![](shirifk1.jpg)
Ururo soomaaliyeed oo
ka jiro dalkan finland iyo shaqsiyaad qaas ah ayaa
si wada jir ah u soo dhaweeyay wafdiga uu
hogaaminaayay gudoomiyaha, goobtaasna ku siiyay
hadiyado kala duwan, hadiyadihii la siinayay wafdiga
ayaa waxaa ka mid ahaa Kutaabka Quraanka oo loo
sheegay wafdiga in aan loo siineeyn in eey xaafadaha
ku sharaxdaan eey doonayaan in isaga lagu dhaqo
baarlamaanka, gudoomiyaha ayaa isla goobtii ku
dheegay in eey noqondoonaan kutaabada lagu dhaarin
doono dadka xililka kala duwan ka qaban doono dalka.
Kadib markii eey
wafdigu u sheegan dadweeynihii isugu yimid xafladaan
xaalada dalka soomaaliya uu maraayo hadeer ayeey
shacabka reer Finland fursad u heleen in eey
weydiiyaan su’aalo dhowr ah oo eey ka mid ahaayeen
sababta loo xallin la’yahay dhibaatada ka jirta
dowlada ukala qeybsan Xamar iyo Jowhar, iyo inta eey
la egtahay rajada eey ka qabaan in dowladu heshiiso
iyadoo la sheegay in Madaxweeynuhu uu ka tanaasulay
mid ka mid ah arimihii la isku heeystay, iyo sababta
kaliftay in wafdigaan eey mudo labo bilood ah eey
wareegayaan dalka dibadiisa iyadoo looga baahnaa
gudaha soomaaliya xaalada jirta oowgeed.
Gudoomiyaha iyo
wafdigii uu hogaaminaayay ayaa uga jawaabay
su’aalihii la waydiiyay si eey dadkii meesha isugu
yimid ku qanceen, iyagoo sheegay in eey soo
dhaweeynayaan habka kasta oo xal lagu helayo oo
waafaqsan sharuucyada qoran, sheegayna in aan iyaga
xataa lagu cafineeyn hadii eey axdi qarameedka meel
uga dhacaan. Gudoomiya ayaa sheegay ugu danbeeystii
in uu rajo fiican ka qabo in eey heshiiyaan labada
garab ee dowlada ukala qeeybsan tahay xilli aan
dheereeyn.
![](shirifk4.jpg)
Gudoomiya oo
amaankiisa aad loo adkeeynayay ayaa waxaa galbinayay
Boliiska dalka Finland iyo howl wadeeno soomaaliyeed
oo ka soo kala jeedo ururo kala duwan.
Wariye Mustafa Indhoos
Email:
talaado@hotmail.com
Faafin:
SomaliTalk.com | Oct 28, 2005
Muqdisho: Dadka
Shaneemooyinka Ka Shaqaysta oo Loo Sheegay in ay Meherado kale
Raadsadaan
Kulan ay isugu yimaadeen qaar
ka tirsan Maxaakimta Islaamiga iyo Imaamyada Masaajiddada Qaarkood ayaa
Guji...
Terry oo
Soomaalida Melbourne Ugu Ololaynaya Wixii uga Qabsoomi Waayey Puntland
Waxaa magaalada Melbourne ee dalka
Australia booqashu ku yimid Terry si uu...
Guji...
Oct 27