Barnaamijkii Radio Xoriyo
25
October. 2005
-
Dagaallo dhex maray gumaysiga
iyo ciidammada xoreynta Ogaadeenya.
-
Dad uu gumaysigu ku
xidhxidhay meelo kala duwan.
-
Xisbiga CUD oo bannaanbaxyo
qabanya soonka ka dib.
-
Culimo Itoobiya ku eedeeyay daroogo ay dalka
soo galiso.
-
Barnaamijkii
Aragtida Halgamaaga(Lilaahi
& Laqdabo 2)
======================
Dagaallada dhex mara ciidammada
oreynta Ogaadeenya iyo kuwa karkarka ah ee
gumaysigu ku soo ururiyay dalka Ogaadeenya ayaa
ah kuwo si joogto ah uga dhaca dhammaan
gobollada dalka Ogaadeenya. Dagaalladii ugu
denbeeyay waxay u dheceen sidatan.
01/10/05 dagal mir ah oo
ciidammada geesiyiinta ah ee xoreynta Ogaadeenya
ay ku qaadeen magaalada Xamaro, oo gobolka Nogob
ka tirsan, waxaa gumaysiga lagaga dilay 4 askari,
waxaa sidoo kale lagaga haaacay 5 kale.
01/10/05 waxay ciidammada
xoreynta Ogadeenya sidoo kale dagaal mir ah ku
qaadeen ciidammada gumysiga ee fadhigoodu yahay
magaalada Fiiq, waxayna ka dileen 3 askari, 2
kalana way ka dhaawaceen.
02/10/05 dagaal mir ah oo sidoo
kale ay ciidammada xoreynta Ogaadeenya ku
qaadeen magaalada Gasaan-gas, oo ka tirsan
gobolka Nogob, waxay ciidammada gumaysiga
Itoobiya kaga dileen 5 askari, 6 kalana way kaga
dhaawaceen.
19/10/05 dagaal ka dhacay meel u
dhaxaysa Kudunbuur iyo Toondixley, oo ka tirsan
degmada Qabridaharre, waxaa ciidammada gumaysiga
lagaga dilay 11 askari, 13 kalana waa lagaga
dhaaacay.
02/10/05 wuxuu dagaal dhex maray
ciidammada gumayiga Itoobiya ee ku sugan
magaalada Qabridaharre, waxayna iska dileen 6
askari, 8 kalana way iska dhaawaceen.
Isla taariikhdaas waxaa
dagaallamay ciidammada gumaysiga ee Dhanaan
fadhiya, waxayna iska dileen 3 askari.
Dad uu
gumaysigu ku xidhxidhay meelo kala duwan.
Ciidamada gumaysiga Itoobiya ee
ka hawlgala dalka Ogaadeenya waxay caan ku
yihiin inay dadwaynaha rayadka ah u gaystaan
xadgudubyo nooc walba, iyagoo u gaysta falalka
ay ka midka yihiin dil, xadhig, kufsi iyo
hantdooda oo ay boobaan. Xadgudubyadii ugu
denbeeyay waxaa ka mid ahaa;
20/09/05 wuxuu gumaysigu
magaalada Gurdumi ku xidhay ninka lagau
magacaabo Cabdi Dayib Cabdi Cumar.
18/09/05 wuxuu gumaysiga nacabka
ahi ku xidhxidhay magaalada Iimay dadka kala ah:
1-
1-
Xamdi
Haybe iyo wiil yaroo uu dhalay.
2-
Qoor-tolow
Dhuxulle oo ka tirsanaa booliska degmada, kaasoo
lagu eedeeyay inuu Jabhadda la shaqeeyo.
3- Diirrane Cabdi oo isaguna
arrimaha dhaqaalaha u qaabilsanaa degmada,
kaasoo lagu eedeeyay inuu Jabhadda gacan-saar la
leeyahay.
4- Siraaje Maxamed
5- Shukri Mahad Aboole
6- Iyo Shukri Mahad (Labadan nin
walaalo ma aha).
18/10/05 magaalada Far-madow
wuxuu cadowgu ku xidhay:
1- Anwar Cabdi Cilmi
2- Axmed-Sulub Maxamuud
3-
Iyo Ina
Macalin C/llaahi oo magiciisa hore aanaan haynin.4-
Waxaa dhawaan magaalada Yoocaale
laga qaqabtay niman rayad ah, kuwaasoo lagu
xidhay magaalada Awaare.
Nimankan oo tiradoodu gaadhayso
10 waxay kala yihiin;
1- C/waaxid Maxamuud Good
2- Xariir Jaamac Guhaad
3- Axmed-barre Muxumed Yuusuf
4- Axmed Yaasiin Sh Cabdi Muuse
5- Cabdi Jaamac Yuusuf
6- Xasan Cumar Axmed
7- Nuur Muuse Axmed
8- Saylici Ibraahim Gaab
9- Maxamuud Axmed Siciid
10- Cumar Maxamed Food-cadde
18/10/05 Magaalada Fiiq waxay
ciidammada gumaysiga Itoobiya ku qasheen 29 Adhi
ah oo ay ka bobeen dadwaynaha rayadka ah.
17/10/05 nawaaxiga Fiiq waxaa ku
gaddoomay babuur rayad ah, waxaana ku dhintay 3
qof, waxaa sidoo kale ku dhaawacmay 38 qof.
Dadkaasi aad ayay u dhibaataysan yihiin, wax
gargaar ahna ma ayna helin.
Xisbiga CUD oo bannaanbaxyo qabanya soonka ka
dib.
Xisbiga mucaaradka ku ah taliska
EPRDF ee CUD ayaa daboolka ka qaaday inuu
bannaanbaxyo iyo shaqo joojino samayn doono
marka laga baxo bisha Ramadaan, wuxuuna
bannaanbaxyadaas iyo shaqo joojinahan kaga
cabanayaa lix xubnood oo laga dilay iyo
boqollaal kale oo xabsiyada loo taxaabay.
Guddoomiyaha xisbiga CUD Hailu
Shawel ayaa qoraal saxaafadeed ku sheegay in
halganka dheer ee nabadgelyada ku dhisan ee ay
billaabayaan ayna habboonayn in lagu hagaajiyo
xilli ay walaalahayaga muslimiinta ahi ku jiraan
bisha barakaysan ee Ramadaan.
Mar la waydiiyay sababta uu
bannaanbaxyadan oo in badan la sugayay dib ugu
dhigay, wuxuu ku jawaabay " in xisbiga CUD uu
qayb kasta oo bulshada ka mid ah uga baahan
yahay taageero aan hagar lahayn iyo wadashaqayn,
si halganka loo billaabo".
Hase yeeshee ku xigeenka xisbiga
CUD Birtukan Mideksa ayaa sheegay inuu
xisbigiisu uu taaladada billaabayo taaktiko
fudud oo nabadgelyo ku dhisan oo bar-billow u
noqota halganka uu xisbigu doonayo inuu
billaabo, balse taaktikadani ayna marna saamayn
ku yeelan doonin soonka.
Xisbiga CUD wuxuu hadda ka hor ka
noqday bannaanbaxyo iyo shaqo joojin uu ku
dhawaaqay, ka dib markii xukuumadda EPRDF ay ugu
hanjabtay inay tallaabo adag ka qaadayso, isla
markaana ay awood u isticmaalayso.
Culimo Itoobiya ku eedeeyay daroogo ay dalka
soo galiso.
Qaar ka mid ah culimada gobolka
Baay ee dalka Soomaaliya ayaa xukuumadda
Itoobiya ku eedeeyay inay deegaannada gobolkaas
soo galiso waxyaabaha maanka dooriya, oo ay
sheegeen in da'yar badani ay hadda si wayn u
isticmaalaan.
Sh Mukhtaar Roobow, oo ka mid ah
culimada gobolkaas, ayaa dhowr jeer meelo
fagaara ah iyo masaajidda magaalada Baydhabo ka
sheegay dhibaatadan, wuxuuna tilmaamay in
khamriga soo gaadha gobolka Baay uu badankii ka
yimaado dalka Itoobiya. Dad badan ayaana
rumaysan in xukuumadda Itoobiya ay siyaasad gaar
ah ka leedahay khamriga ay u fasaxday in gobolka
lagu soo daldalo.
Sh Mukhtaar Roobow ayaa
dadwaynaha gobolka ku dhaqan ugu baaqay inay isu
taagaan sidii looga hortagi lahaa khamriga
gobolka ku soo qulqulaya, wuxuuna ka codsaday
inay arrintaas si buuxda isaga kaashadaan.
Sh Mukhtaar Roobow wuxuu bishii
Febrawari ee sannadkan magaalada Baydhabo kaga
dhawaaqay in magaalada Baydhabo noqon doonto
goob ay ku le'daan haddii ay isku dayaan inay
yimaadaan ciidamo ka socda dalalka safka hore
loo yaqaano, gaar ahaan kuwo ka socda dalka
Itoobiya.
Radio
Xoriyo
25
October.
2005
Axmed Gaal-Eri
info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda
19 MB ee dhererkeedu yahay 15670 KHZ, Maalmaha
Talaadada iyo Jimcaha 7: 30PM waqtiga Afrikada
Bari
Faafin: SomaliTalk.com |
Oct 25, 2005
"Gudbaaye" oo
Isu Sharaxay Maamulka Gobolka Banaadir
»C/wahaab
Cali oo galay kaalinta 1aad ee Quraan Akhriska
»Wasiir
ka tirsan Dowlada Federalka oo geeryooday..
»Xuseen
Caydiid oo shalay Saddex Kun oo Miino ah..
»Kismaayo
Xiisad ka dhalatay dhakhtar lagu dilay..
»Qanyare:
Ma taageerayo heshiiska ay wadaan xubnaha..
ka akhri bogga
wararka Maanta... GUJI...