::: SomaliTalk.com :::

Daabaco Boggan | Print

:::C/LAAHI YUSUF & AWEYS::

Hadaladii C/Laahi Yuusuf (Jawhar) iyo Sh. Aweys (Muqdisho)... Guji

:::JAAMACADA KISMAAYO:::

Dhagax dhigga jaamacada Kismaayo... Guji..

SHACABKA PUNTLAND vs TERRY:

Puntland iyo Terry (oo sheegtay Shirkad aan la aqoon) oo Dubai ku kala saxiixday heshiis... Guji
01 | 02 | 03 | 04 | 05 | 06 |

:::UGAAS MAXAMED WALI:::

YAA MAALI JIREY? Faallo:Ugaas Max'ed Wali oo ku bilawday C/ahi Yuusuf Axmed Muxuu Kusoo Kordhin Karaa Somalia Guji..

::MPLS: BUUGGA XASUUS QOR :::

Xaflad Lagu Soo Bandhigay Buugga "Xasuus Qor" oo Lagu Qabtay Minneapolis.. Guji...

19-JIR LAGU DILEY MINNESOTA:

Wiil Soomaaliyeed oo La Toogtey Asagoo Dhex Fadhiyey Gaari Taagan Meel Gaaska Laga Qaato oo ku yaal Magaalada St.Paul, Minnesota, USA... Guji

::SH. CIISSE XASSAN JUMALLE::

Walaalahayga Soomaaliyeed baan gargaar ka sugayaa; UAE way iga tuureen cusbitaalkii aan xaqa u lahaa... Guji...

:::C/NUUR FAARAX CALI:::

Xaflad Shahaado Master oo ka dhacday Qaahira.. Guji..

:::MAQAALKII YUSUF SHABAC:::

XAMAR CAASIMADA HALAGA BEDELO; Calankana bil halagu saa’idiyo... Guji...

:GAAJADA & CARRUURTA SOM:

Carruurta Soomaaliyeed ee gaajada iyo cuduradu ku aafeeyeen dalkooda Soomaaliya oo ay hay'adda MSF Video kasoo duubtay...daawo Halkan [Waxaad u baahan tahay Windows Media oo laga soo Rogan karo halkan]. Qoraal Soomaaliya la xiriira oo ku qoran English ka akhri halkan...

:::XAFLADII DHALLINYARADA:::

Xafladii Masjidka Abuubakar ee Xagaaga 2005 Loo Qabtay Dhallinyarada... Guji...

::: LAASCAANOOD:: ALHUDA:::

Masjidka Al-Huda oo Saddex Dabaq ah oo Laga Dhisayo Laascaanood... Guji...

::: MASJID DAR AL-HIJRA:::

Nala Iibi Dhismaha Masjidka Dar Al-Hijrah, Minneapolis... Guji

Intii aanan maqaalkayga u galin, Akhristoow ii ogoloow in aan idiin soo bandhigo sidii aan ula kulmay - Mr Magan A. Dahir. The Greate S. hope.

Waxay ahayd 10:kii Subaxnimo 1May-2005 aniga oo fadhiya shirkii World table tennis ee kadhacay magaalada Shanghai ee dalka Shinaha , shirkaas oon Somalia u masalayay anigu maadaamaa aan xubin buuxda ka ahay Somali -table tennis F.

Waqtigii shirka loogu talagalay markii uu dhamaaday ayaa sidii caadada noo ahayd waxaan la kulmay Secratery General Mr. Sven-E.Norby oo ka socday Wadanka Norway, oon sadaxdii sanadood ee ugu danbaysaba wada kulmi jirnay , maadamaa aan Norway Daganahay.

Mr Sven waxaa uu ila socodsiiyay in bisha 12/June ee sanadkan ay-Norway qaban qaabin doonto ciyaarihii curyaamada dunida ee kubada miiska. (World table tennis handikap). Waxaa uu Mr Sven uu ku daray hadalkiisii in ay Oslo iman doonaa 480 cayaartooy oo ka kala socda 61 wadan.

Waxa uu Mr Sven ii sheegay in lacagta Norway ugu talagashay ciyaarahan ay aad u yartahay , uunan awood u heli doonin in uu helo garsoorayaal ku filan cayaarahan, iyo waliba dhalinyaro ka caawisa soo qaqabashada kubada miiska , maadaamaa ay cayaartooydani tahay curyaamo kuna adagtahay soo qabadka kubada miiska, aynan u baahnaan doonaan dhalinyaro yar yar oo soo qabqabta kubada miiska. Taa daraadeed waxaan Somalia ka codsanayaa in ay naga caawiso garsoorayaal iyo dhalinyaro yar yar oo soo qaqabata kubada marka ay dibada uga baxdo ciyaartooyda curyaamada ah ayuu hadalkiisii ku soo gaba gbeeyay Mr Sven Erik.

Sidaan ula wada soconaba 480 cayaartooy oo curyaan ah ,soo dajintooda gurya geentooda dulqaadkooda waxay u bahan yihiin spesial care , mana aha wax fudud.

Madaamaa aan Norway daganahay waxaan Mr Sven u sheegay in aan ka caawindoono inta ay awoodaydu gaarsiisantahay. Waxaan u sheegay in aan diyaarin doono 10 garsoore oo Somali ah iyo 25 dhalinyaro oo soo qaqabata kubadaha . Runtii Mr Sven aad iyo aad ayuu ugu farxay, mana uu filayn in Somalia ka caawindoonto arimahan maadaamaa dugsiyadii ay furanyihiin oo uunan heli karin caawimaadkale oo uga yimaada shacabwaynaha Norway.

Intii aan hadalada iswaydaarsanaynay ayuu Mr Sven i waydiiyay bal in aan garanayo Mr Magan Ahmed oo Somali ah, lakiin ka socda Dalka Nederland caana ka ah Europe iyo dunida xiisaysa cayaaraha curyaamada ee kubada miiska. nasiib daro waxaan ugu jawaabay in aanan garanayn.

Waxaan ku soo laabtay Norway aniga oo xasuusta balanqaadkii aan ka
balanqaaday Mr Sven Erik in aan- keeno10 garsoore iyo ilaa 25 dhalinyaro oo
Somali ah soona qabqabta kubada miiska, si ay ugu keenaan cayaartooyda curyaamiinta ah

Nasiib wanaag, codsigii ay soo codsadeen dalka Norway waxaan markiiba la /
socodsiiyay urur aan ka tirsanahay oo la yiraa Somali Sport and Culture Norway..

Dhamaan masuuliyiintii iyo dhalinyaradii ka tirsanaa ururkan waxay iyana
dhinacooda balan qaadeen in ay intii ay awoodoodu tahay ka caawindoonaan
Norway qabanqaabada cayaarahan kubada miiska.

Norway waxaa dagan cayaartooydii hore ee Somaliyeed, cayaari jirtayna kubada
miiska,haystana shahaadooyin- garsooranimo caalami ah. Cayaartooydaas oo
2003 wacdaro layaableh ka muujiyay Paris wadanka Farance, kuwaasoo kala ah
Mr Saacid iyo Abdi Adam. Waxaa isna dagan Norway Xoghayihii hore ee kubada miiska Mr Abdi Jama khibradna fiicana- uleh cayaaraha kubada miiska. Waxaa isna joogay oo garsoore ka noqday cayaarahan Mr Hassan Warabecade,kana socday Somaliland Yuth Sport UK. Waxaa isna qaybtiisa ka qaatay tababaraha Norway Mr Hassan Muse iyo Ali Malin.

12 June 2005 Universty Oslo

Ururka Somali Sport & Culure Norway waxa uu waqtigaas iibsaday Gaari Bas ah oo uu ururkani ugu talagalay in- uu dhalinyarada ka caawiyo waqtiyada ay tababarka leeyihiin iyo waqtiyada ay u socdaalayaan wadamada dhowdhow ee Europe, gaar ahaan Sweden & Danmark.

Baskan oo runtii soo daldalay dhamaan garsoorayaashii iyo dhalinyaradii Somaliyeed ee ka shaqaynaysay cayaarahan kubada miiska.

Waxaa markiiba cayaarihii furay Wasiirka dhaqanka Norway , taasoo ugu tahniyadaysay dhamaan masuuliyiintii soo qabanqaabiyay, iyo dhamaan cayaartooydii ka soo qaybgashay cayaarahan.

Waxaa isla markiiba lamagacaabay garsoorayashii ugu horeeyay ee qabanlahaa cayaarta ugu horaysa, kuwaas oo loo doortay Mr Abdi Adan iyo Saacid oo ka socday ururka Somali Sport Culture Norway.

Abdi Adan waxaa uu qabtay ciyaartii ay wada ciyaarayeen wadanka Nederland iyo wadanka Poland.

Wadanka Nederland waxaa u ciyaarayay yar madoow oo dhalinyara ah oo runtii sidii uu u ciyaarayay ay shacabwaynihii daawanayay ay aad ugu riyaaqeen.

Waxaan aniga oo Mahad ah aan soo dul istaagay inankan dhalinyarada ah ee ka socday dalka Nederlaand, waxaanan la yaabay sida ay korkiisu u dhisanyahay iyo sida uu cayaarahan ugu jajabanyahay,. Waxaa kaloo uu aad iila ekaaday in uu yahay Somali.

Markii ay cayaartii dhamaatay ayaa waxaa isku soo booday Garsoorihii garsoorayay cayaartan oo Abdi Adan ahaa iyo cayaartooygii ka socday dalka Nederland.

Waxaan runtii aad u jeclaystay in aan la kulmo waxna ka ogaado taariikhda cayaartooygan indhahayga soo jiitay oo waliba Somaliga ah , kana socda wadankale .

Waxaan markiiba iskugu yeeray dhamaan garsoorayaashii iyo dhalinyaradii soo qab-qabanaysay kubada si aan ugu sheego in uu cayaarahan uu ku jiro wiil dhalinyara ah oo ka socda dalka Nederland, lakiin u dhashay Somalia.

Mr Abdi Adan Mr Saacid iyo Mr Abdi jama Farah waxay markiiba garteen cayaartooygan Magaciisa la yiraa Mr Magan Ahmed Dahir oo ay ugu war danbeeysay isaga oo lugihiisa ku socda cayaarijirayna cayaaraha kala duwan ee laga ciyaari jiray Somalia intii ka horaysayay dagaaladii sokeeye.

Markii ay cayaarihiisii hore dhamaadeen ayaan waxaan ka codsaday Mr Magan in uu iiraaco magaalada Oslo si aan u ogaado taariikhdiisa, runtii Mr Magan wuu iga ogolaaday inkastoo ay sugayeen jaraaido iyo Tv farabadan , maadaamaa uu caan ku yahay kubada miiska qaybta curyaamada, uuna koobab badan ka soo qaaday wadamo kala duwan ee dunida , kii ugu danbeeyayna uu hada ka so qaaday wadanka Maxco.

Waxaa uu cayaaraha bilaabay markuu ahaa 8jir, waxaa uu waqtigaa aad u jeclaa kubada kolayga ama basketball. 1986 waxaa uu ka mid ahaa cayaartooy yar yar oo garoonkii stadio Mugdisho furi jirtay marka ay kooxda qaranka Somaliyeed cayaarayaan.

1988 Waxaa uu Mr Magan ka qaybgalay tartan dugsiyeedkii sare , isaga iyo Walaalkii Liibaan Dahir oo waqtigaa u ciyaari jiray kooxdii Juunyarka Jeenyo ama LLPP hadba sida aad u taqaan.

Isla sanadkaa 1988 ayuu wacdaro layaableh uu Mr Magan ka soo hooyay cayaaraha kubada kolayga ee dugsiada sare ee ka dhacayay Magaalada Mugadisho.

Kooxdii la oran jiray Sancada ayaa markiiba aad u jeclaysatay cayaarwanaaga Mr Magan, markiiba waxay ka codsadeen in uu ku soo biiro kooxdan oo uu markaa macalin u ahaa Mr BURUNO.

Waxaa kaloo uu Magan aad u jeclaa ciyaarta kubada miiska , waxaana ciyaartaa ku dhiirigalin jiray saxiibkiisa Mr Abdulgadir Fuube oo waqtigaas u ciyaari jiray qaranka Somalia ee kubada miiska.

Waxaa bilaabmay dagaaladii sokeeye, nasiibdaro 1992 ayuu kudhaawacmay dagaaladaas oo ii sheegay in uu hada gaari ka koray,. 1994 waxaa uu yimid wadanka Holand caafimaad daro awgeed.

Runtii si wayn ayay Holand ii gacan qabatay, oo xanuunkaygii waan ka soo kabtay.

Waxaa uu dib u xasuustay ciyaartii uu jeclaa ee kubada miiska , taas oo hada uu ka marayo heer qaran.

Waxaa uu Mr Magan ii sheegay in qof walba uu gaari karo meesha uu doonayo, waa hadii uu dadaal la yimaado.

Waxaa curyaan ah ninka madaxa looga jiro ama caajislowga ah ayuu hadalkiisii ku soo gabagabeeyay.

Intii aan la sheekaysanayay ayuu Mr Magan waxaa uu ii sheegay in uu heesaana yahay oo uu ku heeso heeasaha Somaliga iyo heesaha Westrenkaba, waxaanu dhowaan soo saari doonaa Albumkisii ugu hoeeyay.

Waxaan runtii aad ula yaabay farxada ka muuqata Mr Magan , qosolkiisa , ixtiraamkiisa iyo dabeecadiisa.

Runtii marnaba ma arag ciyaartooy la dabeecad ah, sida uu ugu kalsoon yahay naftiisa, iyo sida uu u ixtiraamayay wadanka uu masalayay.

Intii ay cayaarahani socdeen waxaa u Mr Magan galay kaalinta Afaraad , halkaas oo uu bilad sharaf ku muteeystay.

Waxaa uu ii sheegay Mr Magan in uu ilaa hada ka soo ciyaaray wadamo farabadan sida, India, Hongkong, Jermeny, U.S.A , MEXCO iyo Norway.

Waxa kaloo uu ii sheegay in uu aad u jeclaan lahaa in uu wadankiisa mar uun masalo.

Mar aan la kulmay qaar ka mid ah 480kii ciyaartooy ee ka soo qaybgalay ciyaarahan in ay dhamantood aad u jecelyihiim Mr Magan, jeclaan lahaayeena in ay ku daydaan Dabeecadiisa, dadla dhaqankiisa, iyo sida uu kubada miiska u ciyaarayo.

Waxaa uu isna Mr Magan aad ugu mahad celiyay masuuliyiintii iyo dhalinyaradii Somaliyeed ee soo qabqabanayay kubadaha iyo garsoorayaashii wacdaraha ka muujiyay garoonka.

Mrnaba ismaan lahayn in aan arki doono garsoorayaal Somali ah oo ka dhex muuqda garoonka ayuu hadalkiisii ku soo gabagabeeyay. Waxaa kaluu aad ugu farxay Baskan uu Somali Sport Culture Norway uu u iibiyay dhalinyarada Somaliyeed ee dagan Norway.

Akhristoow waxa hadaba muhiim ah in aad barato cayartooydadii hore iyo kuwa cusuba.

Ma-aha kaliya in aad ku mashquusho ciyaartooy ka socda wadamo kale, waana muhiim in aad barato cayaartooy Somali ah , tariikhdiisii iyo meeluhuu ciyaarta ka gaarayba.