 Daabaco
Boggan | Print |
TACSI:::
INAA LILAAHI WA-INAA ILEYHI RAAJICUUN
Marxuum Sharmaarke Mahdi
Cabdi-Orod-dheer oo ku geeriyooday Denmark.
Iyadoo Geeradu xaq tahay
Aduunkuna cidi ku waareyn balse lakala hormarayo,hadaba waxaan
Tacsi u direynaa Qoyskii iyo Qaraabadii uu ka dhintay Alaha u
naxariistee Marxuum Sharmaarke Mahdi Cabdi-Orod-dheer oo ku
geeriyooday Xalay Magaalada Kobenhegan ee Wadanka Denmark.
Tacida ayaa waxaa diraya anagoo
kala :
1-Isir Maxamuud Gureey.
2-Xuseen Yaasiin Gode-Gode
3-Dhabaneey Sheekh C/laahi
Maxamuud Gureey.
4-Eng-Jamaal Cabdi Nuur Gode-Gode.
5-Axmed Cabdi Beyra.
6-Drs-Maryan Maxamed Cali Ashkir.
7-Eng-Cabdulaahi Cabdi Shire
Gode-Gode.
8-Xaliimo Cilmi Xasan.
9-Cabdinaasir Cilmi Xasan.
10-Cabdinaasir Maxmuud Gureey.
11-Cali Cali Cabdishire Gode-Gode.
12-Maryan Amaan Cali Mire.
13-Xaali Maxamed Nuur.
14-Cabdisalaan Maxamed Nuur.
15-Cabdiweli Maxamuud Gureey.
16-Xaliimo Caad Gode-Gode.
17-Cabdulaahi C/kariin Diiriye.
18-Suldaan Cabdiwaab Suldaan
Maxamuud Gureey.
iyo anigoo ka mid ah Qoraasha
Soomaaliyeed ee Danaha iyo Maslaxada Shacabka ku soo bandhiga
Internetka Xuseen Yaasiin Gode-Gode,waxaan Tacsi u direynaa
dhamaan Qoyska Reer Orod-Dheer iyo Xaaskii iyo Caruurtii uu ka
geeriyoday Marxuum Sharmaarke Mahdi oo xalay ku geeriyooday
Magaalada Kobenhegen ee Caasimada Dalka Denmark.
Qore: Xussen Yassin
godegode_6@hotmail.com
|
|
|
Sanad
guuradii Koowaad ee
dhaarintii Madaxweynaha
Soomaaliya oo la xusay.
-
Canab Mumtaz |
SomaliTalk | Kampala | Oct 14, 2005
Email: cmmumtaz@somalitalk.com
Sanad buuxa ayaa ka soo
wareegay markii C/llaahi
yuusuf Axmad loo dhaariyay
Xilka Madaxweynenimo ee
Soomaaliya,munaasabado la
xiriira Maalintaas ayaa ka
dhacay magaalooyinka
Mogadisho Iyo jowhar.
Munaasadda Ugu weyn waxa ay
ka dhacday Caawa Magaalada
Jowhar sida uu Somalitalk u
xaqiijiyay xubin ka mid ah
dowladda oo halkaas ku
sugan,jowhar oo ah halka uu
hadda ku sugan yahay
Madaxweynaha Soomaaliya iyo
Ra'iisul wasaare Cali
Maxamad Geddi ayaa waxaa
kala soo qaybgalay
munaasabada xubno ka socday
Qaramada midoobay IGAD iyo
wadamo kale.
Isla Munaasabad kale ayaa
waxa ay ka dhacday maanta
Caasimadda Soomaaliya ee
Mogadisho iyadoo uu soo
qabanqabiyay Ra'iisalwasaare
ku xigeenka ahna wasiirka
Arrimaha Gudaha Soomaaliya
Xusein Maxamad Caydiid oo
waayadan ku sugnaa
Mogadisho,qudbad halkaas ka
jeediyay Wasiirka ayuu
sheegay in Sanad ka dib ay u
dabaal u dagayaan dhismihii
dowladd iyo dhaarintii
Madaxweynaha oo ka soo
baxday shirkii ka socday
kenya laba sanno,Wasiirka
Arrimaha Gudaha waxa uu
xusay in Dowladda ay
fariisin u tahay Mogadisho
Madaxtooyaddana ay ka
howlgali doonto,
Wax la taaban karo ma
qabatay Dowladda Soomaaliya.
Waxaa hubaal ah in
dowladda dhinaca dibada
ay ku soo kordhisay
aqoonsi jiritaan dowlad
Soomaaliyeed haddana
waxa ay in badan kaga
cabanayaan in aysan
hanan karin kalsoonida
caalamka oo meel walba
lagu leeyahay soo
heshiiya markaas ayaan
idin caawin karnaa.
Dowladda Soomaaliya waxaa
lagu eedaynayaa in ay ka
leexatay wixii loo dhisay
iyo wadadii ay ku dhaarteen
Xubanaha dowladu,Waxqabad
iska daaye intii ay jirtay
dowladda Soomaaliya waxa ay
wadanka ku soo kordhiyeen
khilaaf dhexdooda ah,halkii
ay ahayd in la abaaro dib u
heshiisiinta oo ahayd
qodobka ugu sareeya ee lagu
heshiiyay,waxaana sii kala
fogaaday intii iskugu
dhawayd,dalka waxaa soo
galay hub badan iyagoo isku
muujinaya madaxda dowladda
iyo baarlamaanka
mucaaradnimo aan fogayn
laakiin u eg mid lagu marin
habaabinayo shacabka
Soomaaliyeed.
Dhamaan intii u dhaaratay in
dalka ay wax u qabanayaan
Madaxweyihii la doortana
garab istaagayaan uun ka mid
yahay Madaxweynaha Laf
ahaantiisa ayaa lagu
eedaynayaa in ay buriyeen
balantii Alle iyo dhaartii
ay ku hor galeen boqolaal
mujtamac Soomaaliyeed oo si
weyn u soo dhaweeyay
dhaarintoodi.
Waxyaabaha ugu waaweyn ee
lagu dhaartay ayaa ahayd in
hubka lagu wareejinayo
dowladda,lana samaynayo
ciidamo isku dhafan oo
dowladeed,dastuurkana sida
uu yahay loogu dhaqmayo
iyadoo aan lagu xadgudbin
waxa uu qorayo laakiin
dhamaan arrimahaas sanad ka
dib waxa ay ka sii fogaadeen
halkii ay joogeen intii
aanba lagu laaban dalka bilo
gudahood dhaarintoodi kadib.
Dowladda Soomaaliya waxaa ka
dhex muuqda siyaasiyiinta
xooga dalka ku leh ee hubka
iyo maliishiyaadkaba
xukuma,si loo yareeyo dhibka
mudada fog dalka ka jiray
ayaa ahayd sababta ugu weyn
ee loo fariisiyay kuraasta
baarlamaanka iyo Gollaha
wasiiradda iyo si looga
cafiyo waxyaabihii ay horay
uga galeen shacabka,laakiin
wali waxa la is waydiinayaa
goorta ay diyaar u noqon
karaan in ay fulinayaan waxa
ay ku dhaarteenm laakiin ma
muuqato Heshiisiin sax ah.
Mustaqbalka
dhaw.
Inkasta oo aan sanad ama
laba lagu keeni karin
nabadda Soomaaliya iyo
isfaham buuxa oo dhex mara
siyaaasiyiinta oo dhan
haddana waxaa meesha ka
maqan isku muujin kalsooni
dowladeed iyo mid
Soomaalinimo,Waxaa hubaal ah
hadii sidan xaalku ku sii
socdo oo aan la helin isku
soo dhawaansho siyaasadeed
in mustaqbalka dhaw Arrinta
Soomaaliya sii xumaan
karto,waxyaabaha loo
daliilinayo ayaa ah hadalada
ay had iyo goor
isdhaafsadaan Mas'uuliyiinta
dowladda,Hubka soo galaya
dalka iyo Aruurinta
ciidamada aan heshiiska lagu
ahayd oo maalinba meel
iskaga talaabaya iyadoo
aysan jirin cid ay ka amar
qaataan Qabiil,siyaasi ama
dowlad midna.
Taageerada caalamka oo aan
buurnayn iyo iyadoo wali ay
jirto faragalin shisheeye
iyo wadamo ku xadgudbaya
cunaqabataynta hubka ee
Soomaaliya,maraakiibta ay
soo diraan dowlahadaha
waaweyn oo mushkilad abuurta
iyadoo afduubyada loo gaysto
maraakiibtana ay inta badan
ku salaysan yihiin danno
gaar ah iyo kuwo siyaasadeed
oo la xiriira siyaasadda
dalka ka jirta.
C/llaahi
Sheikh Ismail: Hubka lagama
mamnuucin dowladda ee dagaal
ooge ayaa loo diiday waxaana
sugeynaa hub kale oo kan Yeman
ka badan.
Waraysi gaar ah oo ay
SomaliTalk la yeelatay wasiirka arrimaha dibada
soomaaliya Mr.Abdullahi Sh.Ismail oo aan soo koobay ayuu
uga hadlay hubka somaliya, burcada xeebaha, xiriirka ay
la leeyihiin caalamka iyo intii ay jireen waxa ay
qabteen ee sanadka ahayd. Iyadoo walwal badan
laga muujinayo hubka ku jira gudaha Soomaaliya lana
adkeeyay cunaqabataynta hubka Soomaaliya ayaa waxaa soo
baxay warbixin ay QM ku muujinayso in sanadkan uu kor u
kacay hubka galay gudaha Soomaaliya, dowladaha qirtay
ilaa hadda in ay hub siiyeen Soomaaliya ayaa waxaa ka
mid ah Dowlada Yeman, Haddaba waxaa noo suurta gashay
inaan waraysi dhinacyo badan leh la yeelano Wasiirka
Arrimaha dibadda Soomaaliya.
Waraysiga oo aan soo
koobayno nuxur ahaan kana qaadanay nuxurkiisa ayaan ugu
horayn waxaan waydiiyay halka saraakiishan (Booliska)
ay ka howlgalayaan, waxa uuna yiri "waxa ay qabanayaan
shaqadii loo xilsaaray ee la shaqaynta dowladda iyagoo
sii tababari doona maliishiyaadka loo diyaarinayo in ay
noqdaan ciidamo la shaqeeya dowladda Soomaaliya.
Halka looga keenayo
dhaqaale iyo hub ay ammaanka ku sugaan marka la
diyaariyo ciidanka uu tilmaamay ayuu kaga jawaabay in ay
haysato dowlada xiligan dhaqaale ku filan balanqaadyona
ay jiraan,dhinaca hubkana ay ka sugayaan wadamo badan in
ay soo gaarsiiyaan hub kan yaman ka badan.
Sow ma aadnaan jabinin
cunaqabataynta hubka Soomaaliya hadaad hub soo galisaan
dalka iyadoo kii hore loo taag la'yahay ayaan waydiiyay?
waxa uuna yiri.qorshaha Golaha Amaanku maahan in ay
dowlad amaankeeda sugaysa hub u diido ee hubka waxaa
laga joojiyay dagaal oogayaasha ku laynaya ummadda ee
aan xalka rabin in la iskaga celiyo waxaana markiise
hore loo soo saaray sidaas ayuu yiri.
Mar aan wax ka waydiiyay
halka ay geeyeen hubkii yaman siisay iyo cida ay kula
dagaalamayaan ayuu yiri wasiirka "waxa uu ku jiraa
hubkaas gacanta dowladda waxaanna u gudbin doonaa
hay'adaha amaanka ka shaqeeya si ay ugu difaacaan
danahooda tuugadda iyo burcadana iskaga difaacaan marka
saraakiishan howsha bilaabaan ayaana lagu wareejinayaa
iyadoo lagula dagaalamayo burcad badeedka ku howlan in
ay gargaarada dhacaan" sida uu hadalka u dhigay.
Intii aad jirteen ee
sanadka ahayd waxaa la idinku eedaynayaa inaad wadanka
galiseen hub badan isna khilaafteen oo aadnaan wax kale
qabanin ayaan waydiiyay "waxaan ka dhamaan waynay dib
ugu guuristeeni dalka,intaas ayaaba ah wax qabad weyn
hadaan mar u guurnay dalka,hubkana sida aad ogtahay waa
waxa kaliya ee looga shaqayn karo wadan burburay una
baahan in amaankiisa la sugo,khilaafkana waa wax ku
salaysan aragti waana laga gudbi doonaa hadii Alle idmo
dhawaan"ayuu yiri.
In ay jiraan wadahadalo
iyo dhexdhexaadin mas'uuliyiinta dowladda ah mar uu ka
hadlayay waxa uu sheegay in la qabtay laakiin wali ay
socdaan,dowladaha aduunkana waan kala hadalnay sidii aan
u dhamayn lahayn khilaafka dhexdeena ah iyo in ay nagala
shaqeeyaan waana sugaynaa ayuu yiri.
Intii uu hayay Jagada
wasiirka arrimaha dibadda waxa uu ku soo kordhiyay
dowladda mar uu ka hadlayay ayuu sheegay in ay jiraan
xiriiro badan in uu la soo sameeyay wadamo badan oo
aduunka ah,waxa uu xusay in dhamaantood ay balanqaadyo u
sameeyeen wadamada muslimka,kuwo carabta, yurub iyo
dhamaam dowladdo kale diyaar noola ah gargaar waana
sugaynaa ayuu yiri.
In uu wanaagsan yahay
hadda xiriirka kala dhexeeya carabta iyo Islaamkaba
maadaama ay isaga iyo madaxweynuhuba xuseen in Somaliya
ay ku sugan yihiin kooxo argagaxiso ah,waxa uu yiri "hadda
ayaan kuu sheegayaa in ay argagaxiso wadanka joogto,
halkana waan ka cadaynay hadii aan wax laga qaban
haddana waxaa hubaal ah in ay sii badanayaan, waana sii
sheegaynaa wadamada islaamka ayaga ayaa noo keenay in aan
kala shaqayno la dagaalanka argagaxisadda waana wadnaa
qorshahaas waana mid dunida ka wada jira" ayuu intaas ku
daray wasiirka Arrimaha dibadda Somalia.
Dowladda Kenya war ay
faafisay dhawaan waxa ay sheegtay in ay talaabo ka
qaadayso hadii ay ka mid noqdaan xubnaha dowladda
afduubayaasha maraakiibta ee badaha Soomaaliya,waxa uu
kala socdo arrintaas dowlad ahaan waxa uu yiri: "Waan ku
taageersanahay waliba aduunka ayaan ka dalbanaynaa in ay
wax ka qabtaan kuwo caadaystay in ay badaha ka
ugaarsadaan.Qaramada midoobay ayaan ka dalbanaynaa in ay
talaabo ka qaado."
Idinku ma ogoshihiin in
talaabo la idinka qaado maadaama aad hub keenaysaan
dalka ka hor kuwaas inta aadnaan u sheegin QM, Ayaan
waydiiyay waxa uu yiri Hubku waa kan aan ku soo celin
karno amaanka dalka maadaama aan nahay dowlad dhisaysa
dalkeeda, Amaankana soo celinaysa, hubka annaga ayaaba
xafidi karna.
Dhamaad............
FG. maahan waraysigii oo
dhamaystiran laakiin waxaa naga xasuusin ah inaan soo
koobnay nuxur ahaan.
Canab Mumtaz | SomaliTalk |
Kampala
Email: cmmumtaz@somalitalk.com
Faafin: SomaliTalk.com |
Oct 14, 2005
Yemen oo Qiratay in ay Hub u Dirtay Soomaaliya iyadoo
Jebisey Cunaqabatayntii
Sarkaal ka tirsan Yemen ayaa qiray in
dawlada Yemen ay hub gaarsiisey Soomaaliya intii u dhexeysey...
Guji... Oct 10
»Jawaab
Maqaalkii "SHIRKA BALCAD MAXAA LOOGA GOL-LEEYAHAY"
»SALADHIGGA
GUULDARADA SOOMAALIYA!! | Garaad
»Xuska
Maalinta Nabadda Adduunka | Baaq Nabadeed | Xuseen
»Diiwaan: Maansadii 41aad ee DoodWanaag
| Cali-Mataan
»Cali
Xalane waa ku fududaayey Dhaleecaynta Dhaqanka
| Cabdinur
»Muqdisho
iyo Jowhar Barbar dhac | Amiin Yuusuf
»»Ka
dan raaco: “Jawaab maqaalka Maamul Goboleedka Lamagacbaxay Somaliland Lama oga
nimay u xuntahay iyo nimay u san tahay | Cige
»PL:
Horumar miyaa laga Hortaagan yahay mise Burcad
»Terry
iyo Sh. Cabdallahii Qarnigii 19aad |
Maestro
»Shacabka
Puntland wKhayraadkooda Ha difaacdaan
»Waxaa
la Rabaa in dadka reer Puntland laga hor istaago khayraadka
»Cade
Muuse Ma Hoogaamiye Siyaasadeed baa, Mase waa Ganacasade
»Qoraalkii
Maxamed Baashe Xusuustii uu kiciyey | Kayse
»Ficilada
Jaahilnimada Soomaalida samayso waxaa ka mid ah | MM
»Maamul
Goboleedka Somaliland Lama oga cid ay dan u tahay | Eng. Siciid
»Baaqa
Baarlamaanka Puntland Ma Mid Wadaniyadeedbaa|
kaashawiito
»Qoraal uu
London kasoo saaray Inj. Sayid Axmed Sh. Daahir....
»MAQAALADA KALE
EE MAANTA:::
KA AKHRI HALKAN... GUJI.. | 
