Barnaamijkii Radio Xoriyo
11 October. 2005
-
Ogaadeenya: Ciidammada gumaysiga oo darsi
lama-illaawaan ah la siiyay.
-
-
Mucaaradka Itoobiya oo qaaddacay
Baarlamaanka cusub.
-
-
Ciidammada nabad ilaalinta
Afrika ee Darfur oo qaar laga afduubay.
-
-
Guddi Qaramada Midoobey ah oo sheegay in
Itoobiya hub keentay Soomaaliya.
-
-
Barnaamijkii aragtida halgamaaga(Guulaha
Ramadaanka).
======================
Ciidammada gumaysiga Itoobiya ee
ku sugan dalka Ogaadeenya ayaa si wayn loogu jabiyay
dagaallo kala duwan oo toddobaadyadii u denbeeyay dhemaray
iyaga iy ciidammada xoreynta Ogaadeenya.
Dagaalladaasi waxay u
dheceen sidatan;
25/09/05 dagaal ka dhacay
Balli-Wariiri oo u dhaw magaalada Shilaabo waxaa ciidammada
gumaysiga Itoobiya lagaga dilay 3 askari, 4 kalana waa
lagaga dhaawacay.
25/09/05 dagaal ka dhacay
Isku-Dhoonley, oo ka tirsan degmada Qabridaharre, waxaa
ciidammada codwga lagaga dilay 2 askari, 2 kalana waa lagaga
dhaawacay.
27/09/05 dagaal ka dhacay
Goora-Maac oo ku taalla duleedka magaalada Far-Madow, waxaa
ciidammada codawga lagaga dilay 2 askari, 3 kalana waa
lagaga dhaawacay.
29/09/05 Meesha lagu magacaabo
Dhadhiin, oo Qabridaharre u dhaw waxaa ciidammada gumaysiga
Itoobiya lagaga gubay seddex baabuur, waxaana inta la
ogyahay ku dhimataya 75 askari, oo 7 asrgaal ku jiraan.
Sarkaaiisha halkaas lagu dilay waxaa ka mid ahaa kornaylkii
siyaasada ee xukumay ciidammada Ogaadeenya oo lagu magacaabi
jiray Dajane.
Markii ciidamada gumaysiga
dhibaatadan la gaadhsiiyay, waxay saraakiisha ciidammada
gumaysigu shir degdeg ah ku yeesheen magaalada Qabridaharre,
iyagoo is-tusay in weerarkan magaalada laga agaasimay,
sidaas darteed ay tahay in laga abaalmariyo dadwaynaha ku
dhaqan.
Saraakiisha gumaysigu waxay
ku taliyeen in la laayo dadwaynaha ku dhaqan magaalada
Qabridaharre, hase yeeshee haddana way la qumanaan wayday,
ka dib markii ay ka cabsadeen in arrintu ku ballaadhato.
Markaas ka dib waxay go’aansadeen inay u yeedhaan odayaasha
magaalada, isla markaana ay ku amraan inay ciidammo keenaan,
hase yeeshee odayaashii magaalada ayaa arrintaas ka diiday.
Dhacdadani waxay taliska Addis
Ababa ku keentay naxdin iyo niyad-jab aan la qiyaasi, iyadoo
maalmihii dhacdadan ka denbeeyay hoos loo dhigay calanka
gumaysiga ee xaq-darradda uga sudhan magaalooyinka
Ogaadeenya. Waxaa kaloo la arkayay iyadoo saraakiisha
ciidammada ee Qabridaharre ay dhar cadcad xidheen.
30/09/05 dagaal mir ah oo lagu
qaaday ciidammada gumaysiga ee Shaygoosh ku sugan waxaa
lagaga dilay 7 askari, 9 kalana waa lagaga dhaawacay.
30/09/05 dagaal mir ah oo
sidoo kale lagu qaaday ciidammada gumaysiga ee ku sugan
Wiji-Waaji waxaa lagaga dilay 4 askari, 5 kalana waa lagaga
dhaawacay.
06/10/05 dagaal ka dhacay
Isku-dhoonley waxaa ciidammada cadowga lagaga dilay 3 askari,
2 kalana waa lagaga dhaawacay.
03/10/05 Jeerinka oo Fiiq u
dhaw dagaal ka dhacay waxaa cadowga lagaga dilay 3 askari,
oo sargaal kabtan ahi ku jiro, waxaa kaloo laga dhaawacay 4
askari.
03/10/05 Haar-Dhagax oo Fiiq
iyo Baabili u dhaxaysa dagaal ka dhacay waxaa cadowga lagaga
dilay 3 askari, 3 kalana waa lagaga dhaawacay.
03/10/05 Jaleelo oo Shilaabo u
dhaw dagaal ka dhacay waxaa cadowga lagaga dilay 10 askari,
12 kalana waa lagaga dhaawacay.
Mucaaradka Itoobiya oo qaaddacay
Baarlamaanka cusub.
Baarlamaanka cusub ee
gumaysiga Itoobiya ayaa albaabada loo furay maalintii
isniinta ahayd, hase yeeshee waxaa qaaddacay xubnihii
mucaaradka ee ka ashkatoonayay musuqmaasuqii xukuumadda
EPRDF ku samaysay doorashadii la qabtay bishii May, kuwaasoo
wali codsanaya in la sameeyo xukuumad loo dhan yahay oo soo
diyaarisa doorashooyin kale.
Munaasabadda furitaanka
Baarlamaanka cusub waxaa ka qayb qaatay siddeed xubnood oo
kaliya oo ka mid ah xubnaha xisbiga mucaaradka ah ee CUD oo
gaadhaya 109 xubnood. Xisbiga kale ee mucaaradka ah ee UEDF
oo 52 xubnood Baarlamaanka cusub ku leh waxaa munaasabadda
furitaanka ka soo qayb galay hal xubin oo kaliya.
Xisbiyada mucaaradka ah aya
ajimcihii sheegay inay ka baxeen wadahadalladii ay
oggolaadeen in la galeen xukuumadda EPRDF, si loogu helo
dhibaatada siyaasadeed ee ka dhalay musuqmaasuqii doorashada.
Wadahalladaas ayaa axaddii billowday, iyadoo looga dan lahaa
in lagaga hortego qaaddacaad Baarlamaanka cusub ee xisbiyada
mucaaradka ahi ku baaqeen.
Waxaan dadwaynaha Itoobiya iyo
beesha caalamkaba u sheegaynaa in wadahalladu ay soo oodmeen,
ka dib markii taliska EPRDF uu istaagay mawqif burburin ah,
sidaas waxaa yidhi Berhanu Nega oo ka tirsan xisbiga CUD.
Xisbiyada mucaaradka ahi waxay
sheegeen in EPRDF ay diidday in ajandayaasha wadahadalka
lagu soo daro in laga doodo dhismaha xukuumad loo dhan yahay
iyo in laga wadahadlo musuqumaasuqii lagu sameeyay
doorashadii 15 May.
Ciidammada nabad ilaalinta Afrika ee Darfur oo qaar laga
afduubay.
Dhaqdhaqaaqa Cadaaladda iyo
Sinnaanta ee dagaalka hubaysan kula jira xukuumadda Suudaan
ayaa sii daayay 36 ka mid ah ciidammo uu afduubay oo ka mid
ah ciidammada nabad ilaalinta ee Midowga Afrika ee ka
hawlgala gobolka Darfur ee galbeedka dalka Suudaan, sidaas
waxaa sheegay afhayeenka ciidammada Midowfa Afrika ee Darfur
ku sugan Nuuraddiin Mezni.
Dhaqadhaqaaqa mucaaradka ah ee
ciidammadan afduubay waxay wali sii haystaan ninkii kooxdan
ciidammada ah madaxda u ahaa oo u dhashay dalka Sinigaal iyo
turjubaankii la shaqaynayay
Tirada ciidammada la afduubay
ayaa markii hore lagu wareeray. Waxaa markii hore la sheegay
in 18 askari la afduubay, ka dib ayaa haddana la ogaaday in
tiradu intaas ka badan tahay.
Ciidammadan waxaa laga
afduubay magaalada Tine.
Afduubkani wuxuu dhacay hal
maalin oo kaliya ka dib markii ciidammada nabad ilaalinta ee
Midowga Afrika laga dilay labo askari, tiro kalana laga
dhaawacay.
Guddi Qaramada Midoobey ah oo sheegay
in Itoobiya hub keentay Soomaaliya.
Hub aad u farabadan ayaa ku
soo qulqula dalka Soomaaliya, kaasoo si qarsoodi iyo caddaan
ahba looga soo geliyo dhinaca dalalka Itoobiya iyo Yemen,
arrintaasoo jebinaysa xayiraadii hubka ahay ee Qaramada
Midoobey ku soo rogtay dalka Soomaaliya sannadkii 1992.
Arrintan waxaa lagu sheegay
warbixin dheer oo ka soo baxday Guddi khubaro madaxbannaan
ah oo Goalaha Ammaanka ee Qarammada Midoobay u magacaabay
inay baadhis ku sameeyaan xadgudubyada loo gaysto xayiraada
hubka ee Soomaaliya saaran.
Warbixintu waxay tilmaantay in
siddeedii bilood ee tegay 175 mar hub lagula kala wareegay
dalka Soomaaliya gudihiisa. Warbixintu waxay kaloo
tilmaantay in hubka Soomaaliya la soo geliyo uu 378% marka
loo eego siduu ahaa sannadkii hore.
Hubkaas waxaa la soo kala
degay toban wasiir oo ka tirsan dawlada ku meelgaadhka ah ee
Soomaaliya iyo Madaxwaynaha dowladda ku melgaadhka ah ee
Soomaaliya C/llaahi Yusuf Axmed.
Warbixintu waxay sidoo kale
sheegtay in dawlada ku meelagaadhka ah ee Soomaaliya ay hub
ka hesho dawlada Itoobiya, kuwaasoo ay k amid yihiin qoryaha
culculus oo kuwa darandoorriga u dhaca ay ka mid yihiin,
wuxuuna guddiga warbixintan soo saaray sheegay inuu hayo
sawirro hubkaas laga qaaday.
Warbixinta ayaa sidoo kale
sheegtay in millatariga Itoobiya uu tababbarro siiyo
malleeshiyada dowladda ku meelgaadhka ah iyo waliba
hoggaamiye kooxeedyada gacanta ku haya malleeshiyadaas.
Dhinaca kale masuuliyiin
Maraykan ayaa xukuumadda Itoobiya kala hadlay arrimaha
Soomaaliya. Kaaliyaha arrimaha Afrika ee dalka Maraykanka
Donald Yamamoto ayaa dhawaan kulan dheer la yeeshay keligii
taliye Meles Zenawi, isagoo kala hadlay arrimaha
Soomaaliya.
Waxaa la sheegay in kulankan
lagag wadahadlay sidii Soomaaliya nabaddeeda loo sugi lahaa,
taasoo ay Itoobiya ay sheegtay inay ka shaqaynayso sidii
Soomaaliya xasillooni loogu soo celin lahaa, hase yeeshee
dhinaca kalana waxay beesha caalamku hadda ku dhiirratay
inay sheegto in Itoobiya ay tahay dawlada sida xad-dhaafka
ah hubka u soo gelisa dalka Soomaaliya ee caqabadda kowaad
ku ah nabadgelyo Soomaaliya laga dhaliyo.
Radio Xoriyo
radioxorio@yahoo.com
11 October.
2005
Faafin: SomaliTalk.com |
Oct 12, 2005
Tiro kabadan
20,000 oo Qof ayaa Ku Dhintay Dhulgariirkii Pakistan
Dhulgariirkii baaxada weynaa ka dhacay Pakistan ee saamaynta ku
yeeshay India iyo
Afghanistan ayaa wararku tibaaxeen in dhimashadii gaartey..
Guji....
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |