Ururka Somali Community Information Center oo xaflad weyn ku qabtay London

WD: Saleban hassan Alasow alasow73@hotmail.com

 

Ururka Somali Community Information Center wuxuu magaalada London ee dalka Britian ku qabtay munaasabad si weyn loo soo agaasimay ujeedadeedana ay aheyd soo dhaweynta xubnaha labada Gole ee Baarlamaanka iyo Golaha Wasiirada ee ku sugan magaalada London.

 

Shirkan madaxdii ka qeyb gashay waxaa ka mid ahaa:-

 

1. Xildhibaan Maxamed Sh. Maxamuud Gacmadheere Wasiirka Horumarint Reer Miyiga

2.Xildhibaan Cali Maxamed Faqey Wasiirudowlaha Kall. & Qeyraadka Badda

3. Xildhibaan Maxamed Cusmaan Maye Wasiirka ka hortagga Aafooyinka

4.Xildhibaan Sahro C/qaadir C/raxmaan Wasiir K/X Haweenka iyo Daryeelka Qoyska

5. Xildhibaan Aamino Maxamed Mursal

6. Xildhibaan Jeneral C/llaahi Cali Cumar

 

Sidoo kale waxaa shirkan ka qeybgalay qeybaha bulshada Soomaaliyeed sida:-Aqoonyahannada, Indheergaratada, Dhallinyarada, Haweenka Culimada waxay halkaasi ka soo jeediyeen dhamaantood sida ugu habboon ee wax looga qaban karo dhibaatada Soomaaliya iyo sida ay u arkayaan sida loo xallin karo khilaafka u dhaxeeya dhinacyada dowladda federaalka KMG ah ee Soomaaliya.

 

Iyadoo intii uu shirku socday dadweynihii ka qeybgalay ay su'aallo weydiinayeen, isla markaana soo jeedinayeen talooyin ku saabsan xal u hellidda arrimaha Soomaaliya

 

Dadkii Soomaaliyeed ee goobta ka hadlay waxaa ka mid ahaa:-

 

1. Maxamed Cali Magan

2. Maxamed Xussein Abuukar "Owliyo"

3. C/llaahi Maxamed Cabdi "C/llaahi Telefoon"

4. Axmed Ibraahim

5. Cumar Shariif Muqtaar

6. Sureer Abshir Musse

7. Suldaan C/llaahi Macallin Maxamuud

8. Faadumo Cusmaan Axmed iyo xubno kale oo fara badan

 

Shirkan intii uu socday waxaa shir guddoominayay C/casiis Cali Ibrahim "C/casiis Xildhiban" iyo Gaashaale Sare C/weli Sheikh Axmed wuxuuna ku dhamaaday sidii loogu talagalay, iyadoo shirkani uu daba joogay shirkii ka horreeyay ee la qabtay dhamaadkii bishii hore. Waxaana jiri doono shirar kale oo la isugu soo laaban doono sidii hore loogu marin lahaa talooyin wax ku ool ahna looga soo saari lahaa shirarkaasi.

 

Wariye

Allasow

London, UK
alasow73@hotmail.com