Yemen oo Qiratay in ay Hub u
Dirtay Soomaaliya iyadoo Jebisey
Cunaqabatayntii Hubka ee
Saarnayd Soomaaliya....
- Khubaro ku talisay in
cunaqabatayn lagu soo rogo Dhuxusha laga dhoofiyo
Soomaaliya iyo maraakiibta ka kalluumaysta xeebaha
Soomaaliya....
Oct 10, 2005
SANCA - Wararka ka imanaya
dalka Yemen ayaa shaaca ka qaaday in dawlada Sanca ay maanta
oo Isniin ah qiratay in ay horraantii sannadkan hub u dirtay
Soomaaliya si ay ugu caawiso Dawlada Kumeelgaarka ah si ay
xukunka u xegsato. Waxaa sidaas warka ku bilabay shabakada
Khaleej Times.
"Yemen waxay dawlada
sharciga ah ee Soomaaliya siisay hub si ay u tageerto
Ciidanka Booliska kuwaas oo loo diyaarinayo, loona
qalabaynayo, xoojinta dawlada la doortay si ay u kobciso
nabada iyo kala dambaynta" sidaas waxaa laga soo xigtey
sarkaal reer Yemen ah oo warkaas ka sii daayey warbaahinta
ay dawlada Yemen maamusho.
Sarkaalkaasi waxa uu u
jawaabayey koox khubaro ah oo kaasocota Qaramada midoobey
kuwaas oo kor kala socdey hubka Soomaaliya, waxan aay
khubaradaasi sheegeen liiska dalalka ku xad gubdey
cunaqabatayntii Soomaalliya la saaray 1992, dalalkaas oo ah
Yemen, Itoobiya iyo Eritrea.
Sarkaalka reer Yemen ee aan
la magacaabin waxa uu sheegay in Yemen ay ogolaansho ka
heshay cidda ay khuseysey.
Warbixinta Qaramada
midoobey waxa ay sheegtay in hubka ay Yemen u dirtay
Soomaaliya ay
kamid yihiin
5,000 qori iyo 15,000 dereyska Militariga.
"Iyagoo adeegsanaya
diyaarada nooca loo yaqaan
Antonov 26 si ay hubka uga soo qaadaan magaalada Cadan ee
dalka yemen, una geeyaan magaalada Boosaso ee dalka
Soomaaliya, si ay ugu taageenaan DFKMG (Baarlamaanka) iyo
madaxweyne Cabdullaahi Yuusuf Axmed, waxa ay ciidanka Yemen
hub gaarsiiyeen siddeed jeer intii u dhexaysey 2dii iyo
10kii July 2005," sidaas waxaa qoray warbixinta ka kooban
60-ka bog.
"Khubarada kasocota UN
waxa ay soo jeediyeen in Soomaaliya lagu soo rogo
cunaqabatayn ku saabsan dhuxusha laga dhoofiyo Soomaaliya
iyo maraakiibta ka kalluumaysta xeebaha Soomaaliya, waayo
waa isha dhaqaale ee ay hubka kusoo iibsadaan qabqablayaasha
dagaalku", sidaas waxaa qortay shabakada Aljazeera .
Khubarada UN waxa ay
intaas ku dareen in ay diiwaan geliyeen 175 jeer oo hub lala
kla wareegey siddeedii bilood ee la soo dhaafay,
taas oo 378%
jeer ka badan sannadkii hore, waxaana hubkaas lala kala
wareegey ka qayb qaatay 10 wasiir iyo madaxweynaha DFKMG,
Cabdullaahi Yuusuf, waa sida warku u dhigaye.
Isha: Khaleej Times |
Aljazeera | Tarjumadii: SomaliTalk.com
Maanta waa sannad
guuradii koowaad ee ka soo wareegtey doorashadii DFKMG ee
lagu soo dhisay shirkii labada sano ka socdey dalka Kenya.
Faafin: SomaliTalk.com |
Oct 10, 2005
Tiro kabadan
20,000 oo Qof ayaa Ku Dhintay Dhulgariirkii Pakistan
Dhulgariirkii baaxada weynaa ka dhacay Pakistan ee saamaynta ku
yeeshay India iyo
Afghanistan ayaa wararku tibaaxeen in dhimashadii gaartey..
Guji....
-
Ra’isul wasaare Geedi oo si dhaqsi leh ugu Ambabaxay
wadanka Kenya ..
-
Xildhibaan Sh. Nuur
Cali Aadan “Habeenkii la doortay Cabdulaahi Yuusuf
waxay ahay habeen Mugdi ah”
-
Kulan lagu wado in Magaalada Nairobi ku dhexmaro
Gudoomiyaha Baarlamaanka iyo Raisul Wasaare Geedi..
-
Faahfaahin dheeraad ah oo ku saabsan warbixintii
cunqabateynta hubka Soomaaliya ee Q/M..
W/D: Amiin Yuusuf Khasaaro
Email:
amiinkhasaaro@hotmail.com
Ra’isul
wasaare Geedi oo si dhaqsi leh ugu Ambabaxay wadanka
Kenya ..
Oct
9, 2005
Wararka naga soo gaaraya Magaalad Jowhar ee
gobalka Sh/dhexe oo xarun u ah qayb ka mid ah Dowladda
Federaalka ayaa waxay sheegayaan in Ra’isul wasaare Cali
Max’ed Geedi uu shalay si deg deg ah ugu amababaxay
Magaalada Nairobi ee dalka Kenya.
Illaa hadda lama faahfaahin sababihii uu ugu
ambabaxay dalka Kenya Ra’isul wasaare Geedi, hase
yeeshee warar ayaa waxay sheegayaan in uu u yeeray
wakiilka Qaramada Midoobey ee Soomaaliya Francois Fall
oo isagu maalmahan wada sidii uu meel isugu keeni lahaa
xubnaha labada gole ee khilaafku u dhexeeyo, sidoo kale
waxaa la sheegay in ay ka wada hadli doonaan
warwarbixntii ay dhawaan soo saartay Qaramada Midoobey
oo ku saabsanayd cunaqabateyntii hubka ee Soomaaliya,
iyadoo Dowladda ku meel gaarka ah garabkeedii Jowhar
lagu eedeeyay in ay hub ka soo qaateen wadamada Yemen
iyo Itoobiya
Kulan
lagu wado in Magaalada Nairobi ku dhexmaro Gudoomiyaha
Baarlamaanka iyo Raisul Wasaare Geedi..
Warar hoose oo aanu helnya ayaa waxay
sheegayaan in wakiilka Qaramada Midoobey ee Sooamaliya
Francois Fall uu wado qorshe uu ku doonayo in uu isku
soo hor fariisiyo guddoomiyaha Baarlamaanka iyo Ra’isul
wasaare Cali Geedi.
Kulankaan ayaa wakiilku doonayaa in lagu soo
afjaro khilaafka u dhexeeya xubnaha Dowladda, iyadoo
maalintii shalay ahaydna uu Magaalada Nairobi uu gaaray
Ra’isul wasaare Cali Max’ed Geedi oo isgu martiqaad
rasimi ah ka helay wakiilka Qaramada Midoobey iyadoo
saacadaha soo socda la filayo in Magaalada Nairobi uu
soo gaaro guddoomayaha Baarlamaanka Shariif Xasan Shiikh
Aadan.
Waa markii labad oo uu wakiilku doonayo in uu
meel isugu keeno guddoomiyaha Baarlamaanka Shariif Xasan
Shiikh Aadan iyo Ra’isul wasaare Cali Max’ed Geedi, isku
daygaasna waxa uu burburay markii uu guddoomiyuhu u
kicitay Magaalada New York halka Ra’isul wasaaruhun uu
isna aaday dalka Talyaaniga.
Madaxweyne C/llaahi Yuusuf Axmed ayaa mar uu
dhawaan bixiyay wareysi waxa uu ku sheegay in khilaafka
u dhexeeya xubnaha Dowladda uu yahay mid ay iyagu
dhameysan karaan, isagoo sheegay in Dalal shisheeye
aysan wax ka qaban karin khilaafkaasi, Sidoo kale
Guddoomiyaah Baarlamaanka ayaa isna horey u sheegay in
uu diyaar u yahay in la dhameeyo khilaafka u dhexeeya
xukumadda si looga miradhaliyo shirkii dib u
heshiisiinta Soomaaliyeed ee ka dhacay Wadanka Kenya.
Faahfaahin dheeraad ah oo ku saabsan warbixintii
cunqabateynta hubka Soomaaliya ee Q/M..
Guddi loo xilsaaray dabagalka cunaqabateynta
hubka Soomaaliya ee Qaramada Midoobey ayaa waxa ay
guddigaani soo saareen warbixin ka kooban lixdan bog
sideedii bilood ee ugu dambeysay, waxayna warbixintaani
faahfaahin dheeraad ah ka bixineysaa dowladaha ku xadgudbay
cunqabateynta hubka Soomaaliya, Dowladahaas ayaa waribixintu
sheegtay in ay ka mid yihiin Itoobiya, Yemen iyo Erateriya
iyadoo 378% ay korodhay hubka soo galaya Soomaaliya mudadaa
sideeda bilood ah, waxayna warbixintu sheegtay in hubkaasi
uu Soomaaliya ku soo galay qaab siyaasadeed iyo mid ganacsi,
iyadoo Madaxweynaha Dowladda Federaalka C/llaahi Yuusuf
Axmed mar uu ku sugnaa dalka Yemen uu Dowladda Yemen si toos
ah uga codsaday in la siiyo noocyada hubka kala duwan oo
isugu jira hubka fudud, lidka taangiyada iyo midka garabka
laga gano ee sawaariiqda ee lagula dagaalamo diyaaradaha,
hase yeeshee Dowladda Yemen ayay warbixintu leedahay waxay
ogolaatay in ay bixiso hub fudud oo gaaraya ilaa iyo shan
kun oo qori.
Warbixinta waxaa kalloo lagu sheegay in
Madaxweyne C/llaahi Yuusuf Axmed uu hubkaasi ka soo dejiyay
dekedda Magaalada Boosaaso qaarkoodna la sheegay in uu
gaaray xarunta ku meel gaarka ah ee uu haatan fadhiyo
Madaxweynuhu ee Jowhar.
Dowladda Yemen ayaa mar ay guddigu la xiriireen
waxa ay wax ka weydiiyeen in dowladda Federaalka ay siisay
wax hub ah, waxayna dowladda Yemen ay sheegtay in ay bixisay
hub ay sheegtay in ay ugu talagashay dowladda Federaalka si
wax loogu hubkaasi qabto ammaanka guud ee dalka, waxayna
meesha ka saartay in ay bixisay wax hub ah oo noocoodu yahay
kuwa waaweyn.
Madaxweynaha ayaa markuu uu ka soo dejiyay
hubkaasi Magaalad Boosaaso, waxa uu kulan deg deg ah la
yeeshay ganacsatada maamulk goboleedka Puntland waxa uuna ka
dalbaday in uusan hubkaan gacanta u gelin beelaha Hawiye ee
ku nool koonfurta Soomaaliya si uusan mar kale u noqon mid
nakula soo weeraro, wuxuuna Madaxweyne C/llaahi Yuusuf Axmed
ciidamo aad u xoogan dhigay goobaha la is dhihi karo waa uu
ka dusi karaa hubkaasi. waxay warbixintu leedahay in
Madaxweyne Cabdulahi Yuusuf iyo 10 Wasiir oo kalle ay ku lug
leeyhiin Xadgudubka Cunaqabateynta hubka ee soomaaliya
Warbixinta waxaa kalloo lagu sheegay in 4-tii
Juulay ee sadankii 2004 Markab lagu magacaabo Al-Nasar hubna
la sheegay in uu u soo siday dalka Soomaaliy ay qabteen
ciidamda Mareykanka ee ilaaliya xeebaha Soomaaliya waxaana
hubkii iyo Markabkiiba dib loogu celiyay dalka Yemen.
Dowladda Itoobiya ayaa sheegay in ay iyana ay
qayb libaax ka qaadatay jabinta cunaqabateyntii hubka
Soomaaliya waxayna warbixintu leedahay waxaa dalka Itoobiya
laga hayaa sawiro caddeenaya gawaari hub u soo siday gudaha
dalka Soomaaliya, balse warbixintu ma aysan soo bandhigin
sawiradaasi iyo noocyada hubka ay Dowladda Itoohbiya soo
gelisay gudaha dalka Soomaaliya, waxaa kalloo warbixintu
leedahay in diyaarado hub sida iyana ay soo gaareen deegaano
ka tirsan maamul gobaleedka Puntland iyo deegaano kale oo ay
Dowladda federaalka fadhido.
Warbixinta oo hadalkeeda sii wadata wxaa kalloo
lagu sheegay in uu kor u kacay sideedii bilood ee ugu
dambeysay ka ganacsiga hubka ee Soomaaliya wuxuuna
soomaaliya hubka ka soo galay Bad iyo Beri, waxayna
warbixintu leedahay in kororka hubka uu hoos u dhac ku yimid
intii uu socday shirkii dib u heshiisiinta soomaaliyeed ee
Nairobi, iyadoo dowladdii cunaqabateynta hubka Soomaaliya ay
ku xadgudbeen wadamadaani, waxaana hubkaasi Soomaaliya ku
soo gaaray qaab dowladeed iyo mid hoggaamiye kooxeed, iyadoo
lacagaha laga helo Maraakiibta la afduubo iyo sunta
haraadiga ah ee lagu shubo Badaha Soomaaliya ay keentay in
si xad dhaaf ah loo iibsado hubka.
Warbixintaani waxay ku soo beegantay xilli
wadamada Itoobiya iyo Yemen ay haatan ku sugan yihiin xubno
ka tirsan dowladda federaalka oo la sheegay in halkaasi ay
tageen sidii ay wadamadaasi uga soo heli lahaayeen hub kala
duwan, hase yeeshee Dowladahani waa ay dafireen in ay wax
hub u gudbiyeen gudaha dalka Soomaaliya, hase yeeshee
dowladda Yemen waa ay qiratay in hub ay siisay Dowladda
Xildhibaan Sh. Nuur Cali Aadan
“Habeenkii la doortay Cabdulaahi Yuusuf waxay ahay habeen
Mugdi ah”
Maanta oo ay bishu tahay
10-ka October waa maalinkii la doortay Madaxweyne C/llaahi
Yuusuf Axmed waxaana ka soo wareegtay muddo sanad ah,
haddaba xildhibaanada ku sugan Magaalada Muqdisho sidey u
arkaan doorashadii C/llaahi Yuusuf, xildhibaan Shiikh Nuur
Cali Aadan ayaa isagu waxa uu yiri “Habeenkii la doortay
C/llaahi Yuusuf Axmed waxay ahayd habeen mugdi ah, waayo
Madaxweyne C/llaahi Yuusuf waxaa laga filayay in uu ka
shaqeeyo isku keenida shacabka Soomeeliyeed, hase yeeshee
taasi waxa uu Madaxweyne C/llaahi Yuusuf u bedelay burbru,
hub u uruursi iyo in uu Qaranka ummadda Soomaaliyeed u
gacanta u galiyo caddowga ummadda Soomaaliyeed, xildhibaan
Suleymaan Colaad wuxuu yiri isna “laguma tilmaami karo
sanad-guuro farxadeed ee waa sanad-guuro baaruurdiiqeed,
waayo Soomaaliya waxaa ka lumay fursad qaali ah, sidaa
darteed C/llaahi Yuusuf wax auu dhibaato hor leh ku sii
abuuray ummadda Soomaaliyeed, niyad jab”, wuxuuna u soo
jeediyay Suleymaan Colaad Madaxweyne C/llaahi Yuusuf in uu
waayo aragnimadii sanadka ahyd ee uu helay in uu ka
faa’iideysto oo uu shacabka u hogaamiyo wado wanaagsan si
loo soo celiyo sharaftii iyo karaamadii dalka. Xildhibaan
Jamaal Xasan Ismaaciil ayaa isna ka yiri hado kooban
doorashadii C/llaahi Yuusuf Axmed “Habeenkii la doortay waxa
uu Madaxweyne C/llaahi Yuusuf uu sheegay in haddii uu wax
qaban waayo uu dib ugu soo celinayo xilka gacanta shacabka
hase yeeshee waxa uu Madaxweynuhu weli taagan yahay
jabhadnimadii uu ku hogaamin jiray Jabhadii SSDF”, wuxuu
intaa sii raaciyay ‘Madaxweyne C/llaahi Yuusuf sodon sano
ayuu ku halgamay in uu noqdo Madaxweynaha Soomaaliya taasi
waa uu ku guuleystay waxaan is lahayn waxa uu soo celinayaa
qaramadii Soomaaliya, waxaanse leeyahay waa Odey
khasaaray”.
W/D:
Amiin Yuusuf Khasaaro
Email:
amiinkhasaaro@hotmail.com
Faafin: SomaliTalk.com |
Oct 9, 2005
Shirkadda Dahabshiil oo gargaar lacageed guddoonsiiyay
halgamaa Abwaan Axmed Nuur
Xafladda Guddoonsiinta oo ka
dhacday xarunta dhexe ee Dahabshiil ee Magaalada Muqdisho
ayaa...
Guji...
Booqashadii
Guddomiyaha Baarlamaank ee Ingiriiska UK
Faalladii
Cabdullahi
Nuur |
Guji...
Oct 9
DILKA WAXASHNIMADA EE LOO GEYSTEY
G/SARE MAXAMED MAXAMUUD RAAGE
| Dr. Black MAQAALADA KALE EE MAANTA::::
»DOOD
GABAY OO DHEX MARTAY DHAGAAFE & NABADOON
»Gabay:
Waajib - Waxaa Tiriyey Inj. Maxamed Cali Cibaar
»Gabay:
Halgan - Waxaa Tiriyay Abwaan Maxamed Dhagaafe Cilmi
»Bandhiga
weydiimo iyo bareerayaal ugub ah - Wacays
»MURTI
& SHEEKOOYIN: Buug Cusub - C/Qadir
»"BUUGA
CAAFIMAADKA" Waa Buug Cusub - Xarriir
»Doorashadii Golaha
wakiilada somaliland | Qodax
»Miyaa
Maxamed-dheere la Masaafurinayaa | C/waaxid Khaliif
»CIIDAMADA
QARANKA OO LOO ABAABULAYO QAABKII USC | C/risaq
»Madaxda PL oo Jowhar Lagu Maamuuso,
kuwa kalena la Xiiro |
c/waxid
»INJ. MUNYE OO
FOGEEYAY EEDEYN LOO SOO JEEDIYAY | Abucar
»Jini Boqor
oo Muqdisho looga baxshay ALLE BOQOR | C/raxman
»Dib u
heshiisiinta Soomaaliya: Maxaa qaldan? | Raage
»Somaaliya
Katarina iyo Rita | Amiin Yuusuf
»Waraaq furan
oo ku socota Ururka midnimada islaamka | Saciid
»HALKEEN
XALKA KA RAADINAA??? | Xuseen
»Hargeysaay
hambalyo | C/Raxmaan Taysiir
»Dalka
Yaa Iska Leh, Dadka Yaa Umaqan | Axmed Cali
»Xasuuqii
Malka-durduro | Warfaa
»Morgan
oo Noqday Makaalintii Barre Hiiraale |
Maxamed
»Qarnigaan
qabiil ku faan qiimo Ma leedahay | Mowlidyare
»MIDOWGA
AFRIKA: MIDNIMO KATALIN MISE MINDIYO AFAYN? | Garaad
»DIGNIIN CULUS: AIDS-KA
& SOOMAALIDA | Dhagaafe
»S.Y.U.P
oo War ka Soo Saaray Doorashada ka Dhacday Somaliland
»Gabadhii xumaan damacda:
"nin iga weyn
ayaa lagu dari lahaa"| Ikram
»MAQAALADA KALE
EE MAANTA:::
KA AKHRI HALKAN... GUJI..
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |