Waxaa isku soo dubaridey:
Sahro Sheikh | sahrosiglan@hotmail.com

Monday, May 09, 2005.
Bosaso (Somalitalk).

Waxaa maanta dalka dib ugu soo laabtay Madaxwaynaha Dowlad Goboleedka PL, Jen, Maxamuud Muuse Xirsi (Cadde) Madaxwaynaha oo in muda ahaydba dalka dibadiisa safaro kala duwan ugu maqnaa ayaa maanta ka soo dagay gagida diyaaradaha ee magaalada Boosaaso halkaasi oo ay ku soo dhoweeyeen qaar kamida wasiiro iyo xildhibaano, oo ay wehliyaan masuuliyiinta maamulka gobolka bari.

Safarka uu Madaxwaynaha kaga soo laabtay dalalka Isutaga Imaaraadka Carabka ee shaariqa iyo Dubai ayuu kula kulmay Madaxda dalkaasi waxa ayna kawada hadleen arimo kusaabsan dhinaca wadashaqayna iyo isdhexgalka labada dhinacba, Madaxwaynaha ayaa sidoo kale waxaa kamid ahaa safarkiisa uu kutagay dalka imaaraadka xaalad caafimaad.

Isla safarkan mid kabadalan ayuu madaxwaynaha DGPL, kutagay dalka jabuuti waxa uuna kaqayb galay munaasabaddii iyo caleemasaarkii lagu doortay marlabaad madaxwaynaha dalka jabuuti Imaaciil Cumar Geele, halkaasi oo uu madaxwayhu kusugnaa dhowr maalmood.

Madaxwaynaha DGPL ayaa lafilayaa in uu khudbado usoo jeediyo wasiirada iyo xildhibaanada uuna uga warbixindoono dhamaanba arimihii kala duwanaa ee uu sooqabtay lana soo kulmay mudadii uu dalka kamaqnaa. 

DAGAALO DHIMASHO IYO DHAAWACBA GAYSTAY OO KA SOO CUSBOONAADAY DEEGAANKA BALI HARAALE OO KATIRSAN ISMAAMULKA SOOMAALIDA EE DALKA ETHIOPIA.

Bali haraale: (Somalitalk).

Dagaalo xoogan oo maalmahanba dhexmarayay labo beelood oo wada daga deegaano katirsan ismaamulka Soomaalidu dagto ee bariga Ethiopia ayaa waxaa maalin kahor dagaalo kadhacay ay udhinteen labo ruux halka midkalana uu dhaawac soo gaaray, ayadoo dhaawaca haatan lakeenay isbitalka wayn ee magaalada galkacyo ayaa qaar kamida shaqaalaha caafimaadka ee gacanta ku haya oo aan wax kawaydiiyay xaalada caafimaad ee dhaawacanaha in ay warbixin naga siiyaan ayaa Somalitalk u xaqiijiyay in uu ladanyahay.

Dhaawaca ninkan ayaa waxuu ka soo gaaray gacanta dhinaca garabka ayadoo ay u muuqatay in uu yahay mid sahlan.

Dagaaladan ka socda deegaanka bali-haraale oo u dhexaysa dhaqayaboor iyo bali midgaan ayaa in muda ahayda ay ku dagaalamayeen beelaha kala ah Reer Biciyahan(Majeerteen) iyo Celi (Mareexaan) dagaaladan oo dabayaaqadii bishii aynu soo dhaafnay ay ku dhinteen labaataneeyo halka tobaneeyo kalana ay ku dhaawacantay.

Dagaaladan dhexmaraya labada dhinac ayaan wali cidi kala dhexgalin, ayadoo ay saamayn u gaysteen magaalooyinka galkacyo iyo caabudwaaq gudahooda ay cabsi  galisayna dadka ka soo kala jeeda labada beelood ee iyagu kala jooga magaalooyinkaa aynu kor ku soo xusnay, waxayna wax udhimeen dagaaladan  dhinaca ganacsiga ayadoo ay xayireenna hab-sami u socodka iyo isu gudubka gaadiidka ganacsiga. 

NIN RASAAS KAGA QAADAY OODA QAAR KAMIDA EHELADIISA KADIB MARKII UU QARWAY.

Galkacyo: (Somalitalk)

Nin dhalinyaro ah ayaa dhaawac ugaystay afar ruux oo katirsan qoyskiisa kadib markii uu ku qarway in ay weerar ku soo qaadeen niman burcad ah, halkaas oo uu isna qorigiisa ooda karogay kadibna uu dabada uqabtay afar qof oo kala ahaa walaaladii iyo waalidkii  kadibna uu dhaac sahlan gaaray qoyskaas.

ROOBAB LIXAADLEH OO XALAY KA DA' AY MAGAALADA GALKACYO.

Roobab xoogan oo dabaylo wata ayaa xalay saqdii dhexe ka da'ay magaalada galkacyo, roobabkan ayaa waxyeelo gaarsiiyay xeryaha qaxootiga ee magaalada, kuwaas oo ah meesha ay degan yihiin dadkii ka soo bara kacay koofurta Soomaaliya kuna sugnaa magaalada tan iyo intii ay dalka Soomaalia dagaalada sokeeye ka dhaceen.

Roobabkan ayaa sidoo kale waxyeelo ugaystay qaar kamida gurayaha kadhisan magaalada ayadoo ay qaarkooda roobabkii illaa toban casho kahor kada'ay magaalada ay burbur xoogan kudhufteen aqalada, halka kuwa kalana ay barakac ku kalifeen dadkii daganaa ayadoo ay wada hareeyeen ilaa jiingada dusheeda.

Roobabka guga ayaan ku ekayn magaalada galkacyo oo kaliya balse waxay si siman uga hooreen guud ahaan gobolada PL iyo kililka shanaad ee ismaamulka ay Soomaalidu dagantahay, deegaanada PL ayaa waxaa kamida meelaha ay sida wanaagsan uga shuxeen roobabkan, dagmada goldogob oo katirsan gobolka Mudug dagmada burtinle oo katirsan goboka Nugaal iyo kuwo kale.

Dhinaca ismaamulka Soomaalida ayaa roobabkani sidoo kale ay ka da'een ayadoo ay qaar kamida gawaarida ganacsiga ay xayireen roobaabka guga kuwaas oo inta badan ka soo qaadi jiray qudaarta dhanka ethiopia, waxaa sidoo kale xayiran gawaaridii rakaabka oo iyaguna u ambabixi jiray dhanka magaalada hargaysa taasina ay sababtay in ay dad badan oo doonayay in ay kayimaadaan dhinaca hargaysa ama Ethiopia ay xayiraan roobaka halka dad kalana ay ku xayiranyihiin dhinaca galkacyo iyo laascaanood.

Nin Jarmal ah oo Diley Xaaskiisii oo Soomaali ah, Laba Carruur ah iyo Labadiisii waalid. 

WARBIXINADII AFAR BILOOD LAHA EE QARAMADA MIDOOBEY EE SOOMAALIYA:::
APRIL 2005 | JANAAYO 2005 [.pdf]