SomaliTalk.com

Daabaco Boggan | Print

Reer Kismaayo oo Diyaar Garow ugu Jira Soo Dhoweynta Geedi

cabdi qadar nuur maxamed (filipiin)
kismaayo soomaaliya
cabdiqadar84@hotmail.com

Diyaar garoow balaaran oo looga gol leeyahay soo dhawaynta raysul wasaare cali maxamed geedi oo la filayo in maalinta barri ah uu yimaado magaalada kismaayo ayaa maanta si xoogleh looga dareemayay magaalada kismaayo

Kismaayo May 3: Diyaar garowgaan maanta ka soday magaalada kismaayo ayaa waxaa waday maamulka isbahaysiga dooxada jubba iyo ururada bulshada ayadoo ay indhahaagu qabanayeen heegan buuxa oo la galiyay ciidanka ammaanka ee isbahaysiga taasoo lagu soo dhawaynayo raysul wasaraha dowalada FKMG ah ee soomaaliyeed prof. cali maxamed geedi oo la sheegay in maalinta barri ah (May 4) uu imaan doono magaalda kismaayo oo ah caasimada sadexaad ee dalka somaliya.

Go`aankaan u ra`iisul-wasaare Geeddi ku gaaray inuu booqdo magaalada Kismaayo ayaa wararku sheegayan inay ka dambeysay wadahadal dhexmaray ra`iisul-wasaare Geeddi iyo maamulka ka arrimiya magaalada Kismaayo.

Ra`iisul-wasaare Geeddi ayaan asagu booqan magaalada Kismaayo tan iyo markii uu noqdey ra`iisul-wasaaraha Soomaaliya waxaana jirta in Geeddi safar horay uugu yimid Soomaaliya uusan ku darin magaalooyinkii uu booqanayey magaalada Kismaayo, isbaheysiga Dooxada Jubba ayaa waxaa la og yahay inay si weyn ugu dhaw yihiin hogaamiyeyaasha hubeysan ee ka arrimiya magaaladda Muqdisho oo ay isku arragti ka yihiin mowqifka diidmada Ciidamada Shisheeye.

Hadaba shir jaraa'id uu maanta qabtay wasiirka dib u dhiska iyo dib u dajinta dowlada FDKMG ah ee soomaaliyeed xildhibaan Barre aadan shire barre hiiraale ayaa waxa uu ku sheegay in ay imaatinka raysul wasaare geedi ay ku faraxsanyahiin islamarkaana ay soo dhawaynayaan waxaa sidoo kale barre hiiraale uu shirkaasi ku magacaabay dhowr waxood oo kala ah waaxda maamuuska iyo soo dhawayenta, waaxda dhaaqaalaha iyo waaxda amaanka iyo ayadoo sidoo kale ay soo dhaweynta raysul wasaaraha ay ka qayeb qaadan doonaan dhamaan ururada bulshada ee ka jira magaalada kismaayo.

Si kasta oo ay ahaataba imaatinka raysul wasaare geedi ee uu imaanayo magaalada kismaayo ayaa laga cabsi qabaa in uu hakad galiyo falkii argagaxa lahaa ee saakay ka dhacay garonka k/c/ ee magaalada muqdisho halkaasoo ay ku dhitaan dad gaaraya ilaa 8 qof ayna ku dhaawaxmeen sodomeeyo qof .

cabdi qadar nuur maxamed (filipiin)
kismaayo soomaaliya
cabdiqadar84@hotmail.com

Bombaano Lagu Qarxiyey Muqdisho
...Bomku wuxuu ku qarxay Garoonka Ciyaaraha Muqdisho oo uu markaas ka khudbaynayey Ra'iisul wasaaraha DFKMG, waxaana ku dhintay 10 qof, waxaa dhaawacmay 28 qof..

Muqdisho | May 3, 2005

Sawir muujina qof dhawac ah, oo ay faafisay bbc afrika | Google search

Sawir muujinaya xamaarjajab, oo Feb 2005 ay qaaday AP

Warar degdeg ah oo ka imanaya Muqdisho ayaa tibaaxay in bombaano lagu qarxiyey garoonka weyn ee Muqdisho (stadium Muqdisho), waxaana bomku qarxay wax yar kadib markii uu ra'iisul waraasaraha DFKMG uu halkaas ka bilaabay in uu dad weyne farabadan oo garoonka isugu soo baxay uu khudbad u jeediyo.

Waxaa la sheegay in ay bomkaas ugu yaraan ku dhintay 7 qof, warar kale ayaa sheegaya in ay ku dhinteen 10 qof (7 waxay ku dhinteen garoonka, hal qofna waxaa jiiray gaari meesha ka cararayey, laba qof oo kalena waxay dhinteen intii loo sii wadey cisbitaalka). Waxaan agoobtaas ku dhaawacmay ugu yaraan 28 qof.

Ra'iisul wasaaraha wax dhaawac ah ma soo gaarin, markiiba waa laga kaxeeyey garoonka, oo waxaa la geeyey meel amaan ah oo ka mid ah woqooyiga Muqdisho.

Waxaa la sheegay in bomkaasi uu ahaa kuwa gacanta laga tuuro. Warar taas khilaafsan ayaa sheegaya in uu bomku dhulka yaaley oo uu qarxay markii lagu istaagey. Waxana uu bobku qarxay ra'iisul wasaare Cali Maxamed Geedi oo markaas khudbada bilaabay. Arintaas oo la sheegay in ay argagax gelisey ra'iisul wasaaraha.

long.gedi.ap.jpg Daqiiqado ka hor intii aan qaraxu dhicin waxa uu ra'iisul wasaaraha DFKMG uu dad weynihii garoonka isugu soo baxay uu sheegay in uu qorshaynayo ka laabashada arintii muranka dhalisay ee ahayd in dawlada la dejiyo Baydhabo iyo Jawhar. "Xamar ayaan u soo guureynaa haddii ammaanku wanagsanaado" ayuu yiri Geedi, asagoo ku daray "ammaanku waa waxa ugu muhiimsan".. Wax yar kadibna bomka ayaa qarxay. Waxaana la sheegay in uu Geedi rabey in uu khudbadiisa sii wato qarax ka dib, laakiin lagala cararay goobta oo la geeyey meel amaan ah.

Ilaa hada lama oga cidda ka dambeysey bomkaas.

###

Ra'iisul wasaaraha Soomaaliya oo tacsi u diray dhamaan dadkii Soomaaliyeed ee...

Qore: Allasow | alasow73@hotmail.com

Ka dib dhacdadii maanta ka dhacday Muqdisho Stadium oo uu Ra'iisul wasaaraha dowladda federaalka Soomaaliya Prof. Cali Maxamed Geeddi kula hadlayay isu soo baxayaal isugu yimid halkaasi ayaa aad uga xumaaday waxyeeladii ka soo gaartay dhamaan dadkii Soomaaliyeed ee halkaasi wax ku gaareen.

Ra'suul wasaaraha dowladda KMG ah ee Soomaaliya oo saxaafadda u waramayay ayaa tacsi u diray dhamaan dadkii Soomaaliyeed ee waxyeelada ka soo gaartay qaraxii ka dhacay maanta Stadio Muqdisho, wuxuuna tacsi u diray dhamaan dadka Soomaaliyeed, gaar ahaan, qoyskii, ehelladii, qaraabadii ay ka geeriyoodeen dadkii halkaasi ku dhintay iyo kuwii ku dhaawacmay.

Dhacdadani waxba kama badaleyso dadaalkeena ku aadan wax ka qabashada xaaladda amaan iyo nabadgalyo ee caasimadda dalka Soomaaliya ee Muqdisho, wax kasta oo sahli karana sugidda amaanka caasimaddana waan soo dhaweyneynaa ayuu yiri Prof. Cali Maxamed Geeddi Ra'iisul wasaaraha Soomaaliya.

Wuxuuna ballan qaaday in uu ku booqan doono Isbitaallada la dhigay dadkii ay dhaawacyada ka soo gaareen isu soo bixii ballaarnaa ee maanta ka dhacayay halkaasi, wuxuuna ra'iisul wasaaruhu horey u soo maray intii uusan iman halkaasi dekedda weyn ee magaalada muqdisho, halkaasi oo ay aad ugu soo dhaweeyeen dadkii mas'uulka ka aha dekedda tan iyo intii ay xirneyd.

Wariye

Allasow | alasow73@hotmail.com

###

Ugandha oo Dib u Dhigtay Ciidamadii ay Soomaaliya u diri Lahayd

Sida ay maanta (May 3) werisey jariidada ay dawladu maamusho ee loo yaqaan 'The New Vision', dawlada Ugadha waxay dib u dhigtay ciidamadii ay u diri lahayd dalka Soomaaliya. Ciidamadaas oo loo yaqaan UPDF (Uganda People' Defense Force) waxaa loo diri lahaa Soomaaliya si ay ammaanka u sugaan, isla mar ahaantaasna madaxweynaha Soomaaliya ugu gogol xaaraan sidii uu u tegi lahaa caasimada Soomaaliya ee Muqdisho.

Jariidadu waxay soo xigatey wasiiru dawlaha arimaha dibada ee Ugandha, Okello Oryem, oo sheegay in qabqablayasha dagaalka Soomaaliya ay ka soo hor jeedaan ciidamada Ugandha ee loo dirayo Soomaaliya, asagoo intaas ku daray in arinta weli la dersayo.

Afhayeenka ciidamada Ugandha UPDF ee loo dirayo Soomaaliya, Paddy Ankunda, ayaa maanta khadka telefoonka ugu sheegay jariidad ka soo baxda dalka Shiinaha in ciidamada nabad ilaalinta ee Ugandha ee loo dirayo Soomaaliya ay dhamaysanayaan tababarkoodii, laakiin uusan ogeyn marka ay Soomaaliya ayaadayaa.

Toddobaadkan ayaa madaxweynaha Ugandha, Yoweri Museveni, ahna hogaamiyaha hadda ee IGAD, waxa uu la kulmi doonaa qabqalyaasha dagaalka ee Soomaaliya, waa sida ay warka u dhigtay jariida shiinaha'e.

###

Waraysigii SomaliTalk ee Ugaas Maxamad Wali
Ugaas Maxamad Wali oo ah Ugaaska Beesha Mareexaan, isla markaasna ah afhayeenka salaadiinta beesha Daarood, oo aan maanta (May 3) ka waraysanay Khilaaf ka Taagan Jagada Taliyaha Ciidanka Booliiska Soomaaliya halkan ka dhegeyso... | May 3

::::WARARKII SHALAY:::::

War...2..May- Muqdisho... Raiisul Wasaaraha Dowladda Federaalka KMG ee Soomaaliya Prof Cali Maxamed Geedi iyo Xubnaha Labada Gole ee horay u joogay Magaaladda Muqdisho ayaa Heshiis ku gaaray inay Iska Iloobaan Khilaafkii Isfaham la'aan ee ka dhaxeeyay ayna u Istaagaan Badbaadinta Ummadda Soomaaliyeed.

Heshiiskaasi oo ka dhacay xarunta Baarlamaanka ee Xisbigii Hantiwadaaga ee hore, waxa ay ka dambeysay,mar uu soo jeediyay Ra'iisul Wasaare Geedi Xiraayay Seminaar loo xirayay Saraakiisha Maleeshiyaadka oo u socday Maalmihii tagay,kadib markuu weydistay Is-cafin iyo in leeska Iloobo wixii horay u dhacay.

Mudane cali Maxamed Geedi oo hadalkiisa sii wata ayaa caddeeyay inuu la qaatay Qorshihii ay soo jeediyeen xubnaha Xukuumadda iyo Baarlamaanka ee ku wajahnaa hub ka dhigista iyo Xareynta Maleeshiyaadka Magaalada Muqdisho, isagoo sheegay in loo bahan yahay in ficil laga dhigo Howshan oo la xareeyo Ciidamada maleeshiyaadka,Hubkana leeska dhigo.

Raiisul Wasaaraha Dowladda Federaalka KMG Mudane Cali maxamed Geedi wuxuu intaa raaciyay in sida uu sheegay Wasiirka ganacsiga Mudane Muuse Suudi Yalaxow ay Dowladda Soo guuri doonto dalkeedana ku soo laaban doonto,wuxuuna sheegay in uu ku faraxsanyahay Howshan wax ku oolka ee ay Xubnaha labada gole qabteen, maanta ay Ummadda soomaaliyeed ka sugeyso inay mid ahaadaan oo ay si wadajir ah wax ugu qabtaan Ummadda soomaaliyeed oo maanta u baahan dowlad wax u qabata oo ka saarta dhibaatada ay k soo jireen 14-sano ee la soo dhafaay.

Wasiirka Ganacsiga Dowladda Federaalka KMG Mudane Xaaji Muuse suudi yalaxow oo isna munaasabaadasi ka hadlaayay ayaa caddeeyay in Howshan ay sii wadi doonan ilaa ay ka gaaran Horumar la taaban karo,iyadoo uu tilmaamay ay isku tashadeen haddii ay helaan kaalmo ay sii wadi doonaan howshaasi isagoo intaa raaciyay in ay sii dhameystiri doonaan ka soo qeybgalinta dadka haray.

Wasiiir ku xigeenka Iskaashi Gobaleedka Kenya Joseph Nyaga oo isna ka hadalay ayaa aad usii dhaweeyay kulankooda,isagoo sheegay in uu darsaayay maalmahan in Shacbiga Soomaaliyeed ay doonayaan Dowlad, isagoo tilmaamay in uu taasi ka arkay Ardaydii,Waxgaradkii ,aqoonyahankii uu la kulmay shalay iyo maanta. Mr.Joseph Nyaga, wuxuu uu weydistay Xubnaha Labada Gole,Xubnaha saraakisha sare iyo maleshiyaadka inay is cafiyaan ay u midooban sidii ay wax u qaban lahayeen,isagoo intaa raaciyay in loo baahan yahay in Beesha calamka u caddeeyaan inay mid yihiin,wuxuu kaloo ka dalbaday inay iska dayaan Qab weynida iyo is riixriixa.

Waxaa kaloo isna halkaasi ka hadlay Wakiilka gaarka ah ee Xoghayaha guud ee u qaabilsan Arrimaha Soomaaliya Femi Badajo wuxuuna sheegay in arrintan ay tilmaameyso in aanu jirin wax khilaaf ah oo u dhaxeeyo labada Gole, Madaxwynaha, raisul wasaaraha, wuxuuna amaanay howsha ay qabteen, isagoo caddeeyay in ay sii wadi doonaan Taageerada ay Qaramada Midoobay siiyaan Dalka soomaaliya isagoo intaa raaciyay in uu rajeynaayo in Xoghayaha guud inta aanu xafiiska ka tagin uu rajeynayo in uu soo booqdo Caasimada dalkan Soomaaliya.

Raiisul Wasaaraha Soomaaliya mudane cali Maxamed geedi wuxuu kaloo maanta soo booqaday Dugsiga dhexe iyo Sare ee Alfajri, Jaamacadda Muqdisho, Machadka Simad oo uu kula Kulmay Ardayda,Macalimiinta waxayna dhamaantood Raiisul Geedi u balanqadeen inay Taageero Hiil iyo Hooba ay sii doonaan

Mudane Geedi wuxuu kaloo soo kormeeray Cusbitaalka Banaadir ee Hooyada iyo Dhalaanka, wuxuuna ku soo wareegay qeybaha uu Cisbitaalka ka kooban yahay, wuxuuna halkasi dhaliil uga soo jeediyay Hay'adaha Samafalka oo aan taagero wax ku ool ah siinin.

Wasiirka 1aad ee dowladda soomaaliya oo maantay sheegay inuu u tanaasulay xubnaha labada gole ee ku sugan Muqdisho.

Md.Cali Maxamad Geedi r/wasaaraha dowladda cusub ee soomaaliy oo isaga iyo wafdi uu horkacayay ay maalintii afaraad muqdisho kusugnaayeen ayaa maantay waxaa uu ka qeybgalay xaflad si weyn loo soo agaasimay oo lagu soo gebagebeynayay tababar maalmahaan usoconayay illaa 45 horjoogayaasha malleeshiyaadka muqdisho ah, kaasoo lagu qabtay xarunta baarlamaanka .

Intii aan laguda gelin xeritaanka tababarka ayaa waxaa r/wasaaraha hortiisa lagu dhaariyay xubno kale oo kamid ahaa iyaguna malleeshiyada xamar intaa kadib md Geedi waxaa uu warbixin ku saabsan xaaladda ciidamada la sheegay in loogu talo galay sugitaanka amniga muqdisho ka dhegaystay Jenaral Maxamed Nuur Galaal iyo saraakiil kale oo ka tirsanaa ciidamadii qalabka siday ee soomaaliya taasoo uu Geedi aad madaxa ugu luxay.

Intaa kadib r/wasaare geedi oo hadlay waxaa uu aad u amaanay howsha xamar ka socota isagoo sidoo kale ammaan usoo jeediyay dhammaanba dadkii howlahan abaabulay iyo kuwii gacanta ka geystayba wuxuuna caddeeyay inuu raalli ka yahay islamarkaana uu qaatay mowqifkii ay qabeen xubnaha labada gole ee horayba muqdisho u sii joogay mar qura ayaa jawigii goobta waxaa uu isku beddelay meel aad uxammaasad badan isagoo ku sii daray cafis waaye xaggeyga dadkii aan mowqifka ku kala duwanayn anna waxaan rabaa buu yiri inlay cafiyo wuxuuna dalbaday in nayroobi lagu wada noqdo taasoo isna laga aqbalay.Guud ahaan jawigu waxaa uu ahaa mid farxadeed siwanaagsanna waa laysu marxabbeeyay.

Wakiilka Xoghayaha guud ee Qaramada midoobay u qaabilsan Arrimaha Soomaaliya Dr.Baaba femi oo sheegay in UN-ku uu soo dhaweynayo Muqdish oo noqota Nabad

Dr.,Baaba Femi ayaa maanta warkan kaga dhawaaqay shir jaraa,id oo uu saxaafada ugu qabtay xarunta heyadda qaramada midoobay uqaabilsan horumarinta barnaamijyada UNDP ee Muqdisho, hadalkan uu jeediyay wakiilka xoghayaha guud ee somaaliya ayaa ku soo beegmay waxyar kadib markii uu wasiirka Amniga Qaranka Md Maxamed Qanyare Afrax uu isna saxaafadda u sheegay in Wasiirka 1aad iyo wafdiga la socdaahuba ay dib udhac iyo luggooyaba ku yihiin howlihii ay muqdisho horay uga Wadeen, hase ahaatee diblumaasigan oo isagu ka mid ahaa wafdiga r/wasaaraha kana mid ah sida muuqatay raga uu qanyare eedeynta u soo jeediyay ayaa ku nuuxnuuxsaday ineysan habayaraatee jirin wax qilaaf ah oo sidaa uweyn isla markaasina ay soconayaan wadahadallo lagu xallinayo xurgufaha yaryar ee ku kala dhexjira mas,uuliyiinta sarsare ee dowladda, waa sida uu hadalka u dhigaye.

Ergaygan ka socday Xoghayaha Guud ee Qaramada Midoobay waxaa kaluu sheegay inuu jecelyahay lakulanka Qanyare isagoo waliba xusay in isla maantadanba uu rajaynayo inuu qabsoomo kulan uu la yeesho Max,d Qanyare, waxaanan quud-darreynayaa buu yiri kadib marka aan is aragno Qanyare in ay wax weliba hagaagi doonaan, isagoo sidoo kalena gaashaanka u daruuray inay dibudhac ku yihiin howlihii lagu nabadeynayay magaalada Muqdisho wuxuuna ugu dambeyntii hadalkiisa ku soo gunaanaday qaramada midoobay waxy soo dhaweyneysaa ,taageeraysaana magaalada Muqdisho oo yeelata Maamul iyo Amaan laysku halleyn karo.

Wasiirka A/Dibada Dowlada Suudaan oo Sheegay in Mareykanku Raadinayo Waddo uu ku weeraro Dalka Somaliya.

Wasiirka Arrimaha Dibada ee Dalka Suudaan Muftafa Cali ismaaciil oo Shalay ku qabtay Shir Jaraa�id magaalada Qarduum ee Caasimadda Suudaan ayaa been abuur ku sheegay war ku Soo baxay Wargayska �Times�ee ka soo baxa dalka Mareykanka war uu ka qoray wasiirka oo sheegayay in sirdoonka suudaan ay soo arkeen Xarumo ku yaalada Dalka Somaaliya oo lagu tababaro Argagaxisada(Al-qaacida) waxa uuna warkaas ku sheegay mid ka fog xaqiiqada meelna looga dhacayo Sirdoonka suudaan iyo sumcadda dalka suudaan iyo tiisaba.

Wasiirka waxa uu sheegay in maraykanku raadinayo waddo uu ku weeraro dalka Soomaaliya,�warka lagu qoray wargayskaas waa mid ka fog ayuu yiri xaqiiqada waxaana u sheegayaa dadka Somaliyeed iyo Aduunkaba in warkaasi ahaa been abuur aan raad lahayn ool damacsanaa in lagu xumeeyay.

�Xiriirka Wanaagsan ee ay Suudaan la leedahay Dalalka Islaamka,Afrika iyo kuwa Caalamkaba maahan mid wax u dhimi kara warkaas la igu been abuurta�ayaa ka mid ahaa hadaladii wasiirka arrimaha dibadda ee dalka suudaan Mustafa Cali Ismaaciil shalay ka jeediyay magaalada Qarduum.

Cabdi Abshir Dhoore � waxaan dadaal u galney in la sii daayo shakhsiyaad u shaqeynayey shirkadda barakaad ee uu ku jirey Aas -aasihii ururkan

Cabdi Abshir Dhoorre oo ah gudoomiyaha ururka lagu magacaabo Swidish Somali Institute oo ka dhisan dalka Sweden maalmahanna booqasho ku joogay magaalada Muqdisho oo u warramayay saxaafadda ayaa sheegay in laba arrimood oo muhiim ah uu u taagan yahay ururkooda kuwaasoo ah inuu fududeeyo xiriirka u dhexeeya Soomaalida iyo dadka ay la nool yihiin ee reer Sweden, tan labaadna waxay tahay in la siiyo tababarro dadka Soomaalida ah ee doonaya inay dib ugu soo laabtaan dalkooda si ay awood u yeeshaan inay iskood u shaqaystaan waxna ku soo kordhiyaan dalka, wuxuu kaloo sheegay Cabdi Abshir in ay isku howlaan sidii loo heli lahaa xarun ay ku kulmaan aqoonyahannada Soomaaliyeed.

Mar uu ka hadlayay fikirka iyo aasaaska ururka ciddii lahayd wuxuu sheegay in C/risaaq Aadan uu ahaa shaqsigii lahaa fikirka iyo aasaasidda ururka oo sannadkaan toban jirsaday hadana ay ka shaqeeyaan dad badan oo Soomaali iyo Sweden isugu jira.

Gudoomiyaha SSI Cabdi Abshir Dhoorre wuxuu mar uu sharaxaad ka bixinayay waxyaabihii ugu muhiimsanaa ee la xusi karo ee uu ururkoodu qabtay wuxuu sheegay inay aad u fara badan yihiin balse uu jecel yahay inuu ka xuso dhowr qodob oo ay ka mid yihiin, in ururkooda uu ku guulaystay in magaalo madaxda dalka Sweden ee Stockholm ay isugu keenaan madaxdii hoggaanka u haysay shirkii dib u heshiisiinta Soomaaliyeed ee magaalada Nairobi si ay uga warbixiyaan heerka uu marayo shirka dib u heshiisiinta isla markaana talo iyo tusaale lagu daro.

Sidoo kale bishii October ee sannaadkii hore waxaan ka shaqaynay in ururada Caalamiga ah ee daneeya arrimaha Soomaaliya ay shir caalami ah isugu yimaadaan magaalada Stockholm anigu shaqsiyanna anoo matalaya magaca ururka ayaan ka qayb galay kulankaas oo ahaa mid aan loo oggolayn wax ka baxsan hay�adahaasi caalamiga ah.

Waxaan kaloo xusi karaa in ururka Swedish Somali Insititute oo fadhigiisu yahay magaalada Stockholm uu dadaal xoog leh iyo ololeba u galay sidii loo sii dayn lahaa shaqsiyaadkii Soomaaliyeed ee u shaqaynayay Shirkaddii BARAKAAT ee lagu xiray dalka Sweden oo uu ka mid ahaa aasaasihii ururkan C/risaaq Aadan, wuxuuna ururka ku guulaystay inuu dadwaynaha iyo mas�uuliyiinta Sweden ka dhaadhiciyo in arrinta Barakaat aysan ahayn sida uu Maraykanka u sheegayo.

Muqdisho: Ra'uusul Wasaare geeddi iyo Waftigiisa oo Maanta Booqanaya Goobo Muhiim ah

Hal Libaax arkeeysaa ma Godlato oo Geedi waxa uu ka baqayaa C/laahi Yuusuf,
Xidhibaan Cabdi Saciid Cabdulle Jini Boqor oo isagu ka mid ah Xidhibaanada Golaha Baarlamaanka Soomaaliyeed ee Fadhigoodu Yahay Nairobi ,

BOOSAASO & LA DAGAALANKA ANSHAX XUMIDA
Waxaa (19-04-2005) lagu qabtay Hoolka Jamacada Bariga afrika Boosaaso Shir aad u balaaran oo ay yesheen Wasaarada Diinta iyo Awqaafta iyo Culumo owdiinka Gobolda Puntland Qaar ka mida... Guji...