WARARKII MAANTA::: MAY 24, 2005
- Bosaso: Xafiis Qaabilsan Dhowrida Anshaxa Suuban
oo Laga Furay..
- Laascaanod: Sidee u arkeen dadweynaha ssc
baaqii isimada ee ku aadanaa shirka sheekh
- Hargeysa: IS HAYNTA SIILAANYO IYO RIYAALE IYO
GARBA SIINTA SALEEBAAN GAAL XAGAY KU DANBAYN
- Hargeysa: WAA SIDEE MAAMULKA HARGEYSA IYO WASAARADAHA
RIYAALE
- Hargeysa: Dhibaatada Roobabkii iyo Biyo La'aanta
hargeysa
- Badhan: WARBIXINTA DUGSIGA YUBE / SANAAG
- Kismaayo: Siminaar lagu baranayay
maamulka iyo maareynta dakada
- Jilib: Robab lixaadleh oo ka da’ay
G/jubba dhexe
Xafiis Qaabilsan Dhowrida Anshaxa Suuban oo
Laga Furay Boosaaso
Xaflad iridaha logu furay xafiiska (DH.A.S) Dhowrida Anshaxa Suuban ee dawlad G
Puntland ayaa ka dhacday xarunta madaxtooyadda ee boosaso Xafiiskaa ayaa Xarumo
ku yeelan doona Dhamaan Magaalooyinka Puntland oo Agaasime ka ahaa Xuseen Sheekh
Cali (Jifo Jabsade)
Xafladaas oo si aad ah loo soo agaasima yayna soo qaban qaabisay wasaaradda arimaha
diinta iyo awqaafta ayaa waxaa ka soo qayb galay madaxda dawladda, Isimo, qoonyahan,
culumaa'udiin ganacsato, ururadda haweenka iyo kuwa dhalinyaradda intaba.
ugu horayntii waxaa shirkaas furay wasiirka diinta iyo awqaafta barkhad cali saalax
oo sheegay ujeedada kulankan maanta in uu yahay kulam iridaha loogu furayo ha'yadda
DH.A.S. oo lamid ah dhawrida anshaxa suuban ee wasaaradda diinta iyo awqaafta
Agaasime kayahay Xuseen sh cali (jifo-jabsade) isla markaas waxaa soo bandhigay
qorshihii iyo nadaamkii uu ku shaqayn lahaa agaasinkaas wasiir/ku xigeenka
wasaaradda asaga o ka akhriyay xeer hoosaadka uu ku shaqaynayo xaafiiskaas,
- 1. xeerkii ay uu ku shaqayn lahaa xaafisku
- 2. ku di sare oo lashaqaynaya xaafiiska
- 3. qaabdhismeedka xaafiiska.
Waxaa si aan caadi aheeyn uga hadlay goobtaas Beeldaaje Cali Faarax oo ku hadlay
magaca isimadda, culumada oo ay kula hadleen Sh. daahir aw-cabdi iyo sh -daad iyo
aqoonyahanadda oo uu ku hadlay jeenaraal cali ismaaciil dhamantood waxa ay si kal
iyo laab ah u soo dhaweeyeen qorshaha ay soo bandhigeen madaxweynaha iyo wisiiradu
iyo qorsha wanaaga iyo qaabdhismeedka xafiiskaan, si doo kale waxeey si wada jir ah
u wada taabteen in lo bahan yahay baramijkaan ayna ku bixinayaan maal iyo mood wixii
kaga aadan dhinacooda xaqna ay ku tahay iyo waajib si wada jir ah in looga wada
qeeyb qaato bulshaduna u kacdo in ay bad baadiso horumarkooda iyo jiritaankoodaba,
Ugu danbayn waxaa madaxwaynaa ku soo dhaweeyay barkhad cali saalax asaga o sheegay
madaxweynuhu in loo baahan yahay in laga dhabeeyo hawshaan si wada jir ahna looga
hortago asaga oo sheegay somalidu in ay yihiin dad hadal ee aysan aheeyn dad ficil,
asaga oo taabtay in arintan anshxumida ay dhaawacday melo badan oo kamid ah
dhinacyadda bulshadda ayna diyaar u yihiin in ay u istaagaan hormarinta arimaha
bulshada,
Arintaan ayaa ah markii ugu horeysay oo maamulka Puntland ku dhaqaaqo iyadoo
wakhtiyadii hore aan looga baran wax qabad noocaan oo kal ah wasaaradaha dowlada
iyo ha'yadda dawladda laakiin haddii sida iminka loo sheegay looga dhabeeyo
arrinkan ayaa waxaay noqonaysaa talaabo taariikhi ah maadaama bulshadda reer PL ay
mudo ku taamayeen wax ka qabashadda anshaxumidda. Sida daroogada aflaanta xunxun
Tahriibta iyo akhlaaqiyaatka guud ee bulshada .
Xafiiska waxaa lagala xiriiri karaa: Xuseen Sheekh
Cali (Jifo Jabsade)
jifo10@hotmail.com
Waxaa soo tebiyey: c/fataax jaamac |
Somalitalk | Bosaso
Sidee u arkeen dadweynaha ssc
baaqii isimada ee ku aadanaa shirka sheekh
Maxamed
Gaaxnuug
Somalitalk Laascaanood
LAASCAANOOD: May 24:- Waxaa in
dhowaalaba dadka Sool,Sanaag iyo Cayn dhegahooda ka guuxayey shir uu
maamulka isku magacaabaa soomaliland uu ugu baaqay Garaadada iyo wax
garadka gobaladaa dega in ay shir isugu yimaadaan Magaalada Sheekh si ay
uga mid noqdaan maamulkaa is magacaabay .
Hadaba waxa isa soo taraya diidmo iyo
caro weyn oo ay dadka deegaamadaa degaa ay kaga horjeedaan in aan laga
qayb gelin shirkaa isaga ah ee lawado inuu ka dhaco bishan
dabayaaqadeeda sida uu sheegay u qayb samaha warfaafinta ee maamulkaa la
magac baxay somaliland.
Si kastoo ay ahayd ayaa waxa dadka
dareenkooda sii kiciyay garaadada goboladaa oo iyagu markii ugu horaysay
talo isugu yimi kagana arinsaday waxa laga yeelayo shirkaa isaga taas oo
ay isimadu go'aan ku gaadheen in aan laga qayb gelin meelna layskaga soo
jeesto sidii layskaga ilaalin lahaa maamulkaa isaga ah iyo cidii u
adeegaysa .
Sidaa dartee ayaa waxa dadweynaha
deegaamada ssc ay aad ugu riyaaqeen talaabadaa ay markii ugu horaysay
ay isla qaateen iyadoo ah mid aan horay looga baran isimada ayaa
dadweynaha ku abuurtay dareen farxadeed waxaana saaka maraan la kulmay
isin kamida isimada uu ii sheegay in ay hada tahay is difaac oo aanay
cid danbe ka dul qaadanayan.Go'aankuna uu yahay sida ay u soo saareen.
Dhanka kale waxaa saaka ka dhacay hoolka
shirarka ee dawlada hoose ee laascaanood shir balaaran oo ay ka soo qayb
galeen maamulka gobolka iyo waxgarad farabadan waxaana halkaa laysla
qaatay in meel layskaga soo wada jeesto shirkaa isaga ah.Dhanka kalena
waxa ay madaxda maamulku soo dhoweeyeen hadalkii ka soo yeedhay isimada.
Waxaase dhanka kale ay dadweynuhu ay
dhaliilayaan sida aysan madaxda sare ee maamulka Puntland uga jawaabin
faragelinta ay ku hayso somalinad deegaamada ssc oo ah kuwo iyagu ka
tirsan maamulka puntland waxayna dadku inta badan ay dhaliilayaan
madaxweynaha puntland Jen.Cade muuse oo ay inta badan maamulka
soomaalilnd u soo qaato inuu yahay saaxiibkooda keliya ee ay kala hadli
karaan dhulkan ay ku doodayaan.
Waxayna dadku inta badan ay soo xasuustaa
hadaladii horay uga soo yeedhay madaxweynaha ee ahaa IYAGAY U TAAL mar
laanta BBCdu ay wax ka weydiisay in uu ka soo dabcayo sheegashadii uu
madaxweynihii ka horeeyay uu ku doodi jiray in ay yihiin gobolo ka
tirsan puntland.
Isku soo wada duuboo waxaa iyana maalinka
berito ah la filayaa inuu ka dhaco banaan bax wen magaalada laascaanood
oo dadku dareenkooda ay kaga soo horjeedaan shirkaa sheekh inaysan
taageersanayn.Waxaana maanta la sii wada war geliyay dhamaan mushtamaca
ku nool deegaamada SSC.
Maxamed Gaaxnuug
Somalitalk Laascaanood
gaaxnuug10@hotmail.com
IS HAYNTA SIILAANYO IYO RIYAALE IYO
GARBA SIINTA SALEEBAAN GAAL XAGAY KU DANBAYN
Hargeysa:22/05/Axad:-Waxaa in
dhowaalaba ka taagnaa maamulka soomaaliland ee madaxweynaha ka yahay
daahir riyaale is haysad weyn oo ay iskaga soo horjeedaan ninka xisbiga
mucaaridka ah hogaamiya ee Siilaanyo iyo Riyaale
Hase ahaatee waxaa in dhowaaleba uu
Siilaanyo iyo rag ay isku hayb yihiin ka shaqaynayeen sidii kursiga
looga tuuri lahaa ninka isagu ka soo jeeda magaalada Boorame ee
madaxweyne riyaale waxaana qabiilka Isaaqa ee uu ka soo jeedo
gudoomiyaha xisbiga mucaaridku ay sameeyeen in ay soo ururiyaan lacag ku
dhow ilaa 200.000$ oo loogu talo galay in loo qaybiyo xubnaha wakiilada
si ay ugu codeeyaan riyaale sidii ay kursiga uga tuuri lahaayeen.
Waxayna arintani keentay tafaraaruq ku
yimi maamulkaa oo isu bedelay in uu Saleebaan Gaal uu la safto Siilaanyo
waxaana ka dhigtay riyaale nin biyo uu cabayey ku haftay.Sababtoo ah
waxa uu saleebaan gaal ahaa ninkii u hiiliyay xiligii uu socday
tartankii doorashada madaxtinimadu .
Safashadaa saleebaan gaal ayaa waxa ay
sababtay in uu isku dhac weyni uu ku yimaado riyaale iyo ninkii ay
saaxiibka ahaayeen waxana uu riyaale heshiis hoose la galay xubnaha
Guurtida oo uu sheegay in ay u codeeyaan saleebaan gaal si looga tuuro
kursiga gudoomiyenimada guurtida .
Waxaana
iminka ku baahay magaalada gudaheeda is haynta labadan nin ee Riyaale
iyo Saleebaan gaal Waxayna wararka qaar ii sheegeen maraan u kuur galay
qaar ka tirsan mucaaridka waxa ay ii sheegeen in madaxweyne riyaale uu
talo iyo tusmo uu weydiisanayo madaxweynihii hore ee Zanbia Keneth
Kaunde oo booqasho ku jooga hargeysa.
Hadaba
waxa aan la saadaalin karin halka ay ku danbayn doonto isu codaynta
labada dhinac ee guurtida iyo wakiiladu oo qoloba looga fadhiyo kii laga
tuuro meesha waa riyaale iyo Saleebaan gaale.
WAA SIDEE MAAMULKA HARGEYSA IYO WASAARADAHA
RIYAALE
Hargeysa:-22/05/Axad.Waxaa ii suurto
gashay inaan socdaal ku tago magaalo madaxda maamulka iskii isu
magacaabay ee somaliland hadaba intii aan joogay magaaladaa waxaan la
kulmay isbedel weyn oo ka muuqda qaybaha bulshada kala duwan ee ku
dhaqan magaaladaas.
Hase ahaatee waxaan aad ula yaabay
maraan dhex maray wasaaradaha iyo madaxtooyada somaliland oo dadku ay u
yaqaanaan VILLA MOORGAN hase yeeshee ah guriga xafiisyada iyo hurdada
madaxweynaha maamulka somaliland
Waxaan ku arkay wasaarado amase xarumo
horay ay u lahayd dowladii hore oo iminka laga dhigay wasaarado waxaana
aan ku arkay amase laygu sheegay in ay yihiin sidii dawladii hore kaga
tagtay dhismahooda marka laga reebo qalabka ay kaga dhex shaqaystaan .
Wasaaradahaa inta badan waa kuwo loo
soo shaqo tago 10 subaxnimo oo aan la imaan xiliga shaqada maraan wax ka
weydiiyay mid ka mida shaqaalaha wasaarada arimaha gudaha waxa uu ii
sheegay in la Qayilo habeenkii oo sidaa darteed aan loo soo shaqo tegin.
Dhanka kale waxa ay ii sheegeen
shaqaalaha wasaaraduhu in aanay mushahar ku filan qaadan ayna ugu wacan
tahay dhaqaalo la'aan ka jirta wadanka iyo musuqmaasuq ku baahay qaybaha
kala duwan ee canshuurtu ka soo baxdo wixii soo hadhaana inta badan ma
soo dhaafaan madaxda sare.
Sidoo kale dadku inta badan waxa ay ka
cabanayaan maamulka jira oo ay siyaabo kale duwan u dhaliilayaan hase
ahaatee aad moodo in aan cid kale oo dadka ku nool goboladaa u dhaantaa
aysan jirin.Sababtoo ah buu yidhi Cabdi Xasan kaahin oo ka mida shacabka
hargeysa in nala xukumo mooyee anagu isma xukumi karno kii na xukumaana
nagama nabad gelayo.
Isku soo wada duuboo maamulka iyo
wasaaradaha hargeysa ayaan ahayn kuwo isu dheeli tiran amase la oran
karo waa wax jira marka laga reebo muuqaalka guud ee lagu xardhay
boodhadhka ku xardhan
Dhibaatada Roobabkii iyo Biyo La'aanta
hargeysa
Hargeysa:-22/05/Axad:-Waxaa in
dhowaalaba ka da'ayey magaalada hargeysa iyo nawaaxigeeda roobab
qasaarooyin badan geystay iyo biyo la'aan soo waajah day dadweynaha ku
dhaqan magaaladaa
Hadaba waxay roobabkaasi dumiyeen guud
ahaan Biriij isku xiri jiray dhinaca Hargeysa Kilaab iyo magaalada
inteeda kale waxaana uu ahaa mid ka kooban laba qaybood oo akala ah mid
dadku raaco iyo mid gaadiidku maro sidoo kalena waxa uu dumdumiyay guryo
farabadan
Iyadoo aan la soo koobi karin qasaaraha
roobabka ayaa hadana waxa dadka u dheer biyo la'aan ku baahday magaalada
waxaana uu ii sheegay mid ka tirsan shaqaalaha biyuhu in dhibaato ka
haysato xaga ceelasha oo ah kuwo ay dhistay dawladii Maxamed Siyaad
bare oo aan helin dayactir
Waxaana Biyahaa laga keeni jiray Geed
deeble iyo meesha la yidhaahdo Biyo shiinaha oo ay ka qodnaayeen ilaa
iyo 40 Ceel oo ay qoday wasaaradii hore ee macdanta iyo biyaha ee
soomaaliya waana kuwo iminka wada hawlgab ku dhow marka laga reebo afar
ceel mooyee.
Biyo la'aantan ayaa waxa u dheer
jaahwareer siyaasadeed oo ay dadku isku hayaan siyaasada waxaadna
arkaysaa dad ugu jira kayuu Jirikaamo si qof walbaaba u helo laba
jirikaan oo biyo ah
Qaali Cumar Shiikhdoon ayaa igu tidhi
waxaan biyo la'aanta kaga bixi karnaa anagoo walaalahayo reer soomaaliya
wax la qabsana.Waayo dhowr iyo toban sano ayaa lana lahaa waxbaad
helaysaan iyo wadankeenu waa barwaaqo biyihiina samaysan kari weynay oo
waa nala dhaamaa
In badan ayaa hadaba waxa ay is
weydiinaysaa ma ka bixi doonaan reer hargeysa biyo la'aantan soo
waajahday
Maxamed gaaxnuug
Hargeysa Somalitalk
gaaxnuug10@hotmail.com
WARBIXINTA DUGSIGA YUBE / SANAAG.
Badhan :- Magaalada Yube waxay ka mid tahay magaalooyinka ugu faca weyn
magaalooyinka ka tirsan degmada Ceergaabo ee gobolka Sanaag.
Waxay magaalada Badhan u jirtaa 58km dhanka woqooyi, , waxana muddo si xidhiidh ah
oo aan kala go’lahayn uga furnaa dugsiga H/dhexe ee Yube, waxana ka qalin jebiyey
arday badan oo u gudubtey dugsiga sare ee Ceergaabo, ardaydaasi waxay noqdeen
ardaydii ugu darajada sarreysey gobolka sanadihii la soo dhaafay, taasina waxay ku
tusineysaa tayada waxbarasho iyo dadaalka
bareyaashaba.
Maamulaha dugsigaas Sh/Cabduraxmaan Xasan Faarax ayaa wargeyska Calmadow u sheegay
inaanu dugsigu meella ka helin wax jaangooyo dhaqaale ah , marka laga reebo gunno
ay jaaliyadaha dibaddu siiyaan bareyaasha, fasaladana qayb ku kordhiyey intii
burburka ka danbeysey , ee nin walbi u halgamay daryeelka degaankiisa.
Maamuluhu wuxu intaas ku daray in jaaliyadihiina caajis ku yimid oo ay kala dib
dhacaan gunnooyinka ay siiyaan bareyaasha .
Dhismaha dugsiga ayaa wuxu ka kooban yahay 7 fasal oo wax lagu dhigto , maamulaha
iyo macalimiintuse ma laha xafiis ay wax ka maamulaan ama ku nastaan, dugsiga
laftiisu ma helin wax dayactir ah ama qalabayn ah , taasoo muuqaalkiisuba uu kaala
hadlayo inuu u baahan yahay dayactir.
Waalidiinta ardayda iyo waxgaradka reer
Yube ayaa mahad celin weyn u haya jaaliyadaha dibadda waxyaalihii ay ay hore u
qabteen , waxayna ka codsanayaan inaaney hilmaamin gunnada bareyaasha oo ah waxa
keliya ee ay ku joogaan .
Maxamuud Ciyoon / Badhan.
Wargeyska Calmadow
wcalmadow@yahoo.com
Minneapolis:
Habeenka Waxbarashada Soomaalida Minnesota 2005
Siminaar lagu baranayay maamulka iyo
maareynta dakada oo lagu qabtay magaalda kismayao ayaa manta lagu soo
gabagabeeyay hotel tawakal ee magaalada kismaayo
Xiritaanka
saminaarkaan ayaa waxa ka soo qeyb galey aqoon yahano wax garad maamulka
isbaheysiga dooxada jubba
Ayadoo uu Saminaarkaan uu socdey mudo lix
cisho aha islamarkaana uu ka socday hotel tawakal ee magaalda kismaayo
Siminaarkan ayaa lagu tababarayey maamulka
dekada islamarkaana labarayey maamulka iyo maareynta dekada xalinta iyo
qilaafaadaka iyo mas uuliyad wadaaga dakada ayadoo uu siminaarkan soconayay
mudo lix cisho ah.
Siminaarkaan ayaa waxaa bixinayay Hayada
fobak ee fadhigeedu yahey magaalada kismaayo
Ugu horeen waxaa halkaasi ka Hadley mid ka
mid ah macalimiintii cashirada ka bixinayey saminaarkaan
Cabdi shire warsame oo halkaasi kasoo
jeediyey warbixin ku saab san cashiradii ay bixinayeen.
Sidoo kale waxaa halkaasi ka hadle
maareeyaha dekada C/laahi salaa yarrow oo amaan balaaran u soo jeedidey
Maamulka sare ee isbaheysiga dooxada jubba
iyo macalimiintii cashirada ka bixinayey isago ku amaanay xilka ay iska
saareen u faaiideynta iyo wax u bidhaaminta maamulka kala duwan ee kadakada
magaalda kismaayo.
Sikastaba ha ahaatee waxaa gunaanadkii ka
Hadley wasiirka dib udhiska iyo dib udajina dowlada federalka Somalia
xilibaan bare aadan shire hiiraale oo sheegey in ay muhiim tahey in ay si
wanaagsan u shaqeeyaan maamulka takada oo iyagu siminaarkaasi loo xirey
isagoo sidoo kale amaan balaaran u soo jeediyay macalimiintii casharada ka
bixinaysay siminaarkan oo uu ku tilmaamay kuwo u tafa xaytay baraarujinta
umadooda iyo sidii xaqa loo soo saari lahaa baadil kana loo yareen lahaa oo
uu kala jeeday in ay si cadaalda ah loo maamulo xoolaha dakada ee ka
dhaxeeya dad weynaha waa sida uu hadalka u yiriye
Hadaba ma ahan markii ugu horeysay oo ay
hey,ada for back ay siminaar u furto maamulayaasha illaha dhaqaalaha ay ka
soo xaroodaan magaalda kismaayo ayadoo ay dabayaaqadii isbuucaan ay siminaar
ay u soo xireen maamulka iyo ilaalada Airoportka magaalda kismaayo ayagoo
hadana sheegay in ay sii kordhinayaan siminaarada cayen kan oo kale ah ee
loo furayo madaxda iyo maamula yaasha goobaha muhiimka ah ee ay dhaqalaha
xoogan kazoo galaan maamulka isbahaysiga dooxada juba iyo waliba siminaaro
kale oo ay u qabanayaan bulshada nocyadeeda kala duwan .
Robab lixaadleh oo ka da’ay G/jubba dhexe
ayaa qasaarooyin ugeystey tuulooyin faro badan oo hoos yimaada degmada jilib..
In ka badan sagaal tuulo ayey dadkii
deegaanka ka barakaceen ka dib markii ay biyo xoogan oo togag soorogeen ay
bur bur ugeysteen dhul beereed iyo guryo ay ku hanti beeleen dadka
deegaankaasi tuulooyinka laga soo barakacey waxaa ka mid ah Kamdaada, Shiib,.
Mobalaynka, Sandariyo, iyo kuwa kale waxa ay dadkii ka soo barakacey
tuulooyinkaasi haatan ku sugan yihiin tuulooyinka ay ka mid yihiin may-gaab
feer-gaabo iyo kuwa kale
dadka ka soo bara kacey tuulooyinkaan oo ah
dad beeraley ayaa waxa ay walaac ka muujinayaan dhibaatada soo gaartey
beerahooda iyo guryihii ay dagnaayeen islamarkaana ay sheegeen in ay biyuhu
xaaqeen dhulbeereed ay ka baxayeen SISIN GALEY MUUS iyo miro kale oo
xiligaan ay rajo ka qabeen intifacsigooda xiligaan
Qaar ka mid ah dadka deegaanka oo la
ildaran cuduro sida maleeriyada ayaa waxa ay baaritaan iyo daaweyn u aadaan
deegaamada hargaysa yarey iyo mareerey oo ay ku sugan yihiin Hayado
caafimaad iyo kuwa samafal
sikastaba ha ahaatee amuurtaan ayaa ku soo
beegantay xili uu wabiga shabeele uu soo fatahmey iyadoo khasaaraha uu
gaysanayo wabigu ay isasootarayaan.
Hase yeeshee ilaa iyo haatan ma jiraan wax
taakula ah oo lala soo gaarey daka ku soo bara kacey daadakaan
cabdi
qadar nuur maxamed (filipiin)
cabdiqadar84@hotmail.com
kismaayo soomaaliya'
Faafin: SomaliTalk.com | May 24, 2005
BAAQ NABADEED IYO HESHIIS DEG DEG AH.
Anagoo ah Salaadiinta,Culumaa'udiinka,Aqoonyahanka iyo wax garadka
beesha reer Biciid yahan ee ku nool Waqooyi Ameerica waxaannu soo
saaray baaqaan nabadeed, kadib markii ay is dagaaleen beeshaan ka
dhalanay iyo beesha aan walaalaha iyo dariska nahay........Guji
May 23
Qaar kamida dhaawacyadii Yamaaruglay oo
lasoo gaarsiiyey Gaalkacayo..
»Madaxwaynaha
ku xigeenka PL oo Booqasho ku yimid......
»Mdaxwaynaha
PL oo digreeto kasoo saaray Madaxtooyada...
»Baaq
Nabadeed Beelaha ku dagaalamaya Yamaaruglay...
Wararka oo dhan
ka akhri halkan... May 23
Baaq: Dhibta
Haysata Beesha Gabooyuhu Waa Maxay? Maxaase Inagu Waajib ah?
Iyada oo
aynaan xaashiyo yar kusoo koobi karin dhibaatada culus ee beeshaas
haysata hadana bal aynu..
Guji...
May 23
Waraysi: Garaadka
Beesha Gabooyaha
Nin
u Dhashay Beesha Gabooyaha ayaa Hargeysa Lagu Diley, Dadkii Arintaas Ka
Mudaharaadayna Xabsi ayaa la dhigay, waxaana arintaas ka waraysanay Garaad Axmed
Diiriye Geylan...
Guji... May 20
HAFZA oo ku
adkaysaneysa Heshiiskii Xaafuun iyo DGPL & DFKM oo aan war cad kasoo saarin
Ciise
Maxamuud Dholowaa oo ay SomaliTalk waraysi la yeelatay ayaa waxa uu DGPL ugu
baaqay in ay war cad ka soo saaraan arinta shirkada Xafza maadaama shirkadaasi
ku adkaysaneyso heshiiskaas
Guji..
May 20
Madaxwaynaha
Soomaaliya oo Markii 3aad Baaritaan Caafimaad lagu samaynayo
UK: Dhakhaatiirta Cisbitaalka Cromwell ee
ku yaala koonfur galbeed London ayaa baaritaankii 3aad waxaa ay
Guji May 18
Caasimadaha
Addis-ababa iyo Muqdisho oo diiday Xukunka Zenaawe
Zenawi:
Soomaaliya waa Argagixiso, C/laahi iyo Geedi: Itoobiya waa saaxiibadeen!
Zenawi ayaa Markale Soomaalida Ku Sheegay "Argagixiso"
kaddib markii ay waraysatay AP...
Guji May 13
BFKMG oo ansaxiyay
in dowladu dagto Baydhabo & Jowhar
|