|
Faalo
kooban: Muqdishu oo ku caan baxday soo dhoweyn aan shaqo la socon
Qormadan waxaan ku bilaabayaa hadalo aanka soo xigtey siyaasiyiin waaweyn ee
ku nool magaalada muqsisho. Kuwaasoo ka hadlaaya sida siyaasiyiinta loogu
soo dhoweeyo xamar.
” Geedi, sida adiga laguugu soo dhoweeyey xamar, si ka daran ayaa loogu soo
dhoweyn doonaa halkan madaxweynaha dowlada ku meel gaarka ah mudane. C/lahi
yuusuf” sidaa waxaa yiri siyaasiga caanka ah ee Cali mahadi maxamed”
” Md. Ra’iisal Wasaare u sheeg Madaxweyne C/llaahi Yuusuf sidan oo kale ayay
dadka Muqdisho diyaar ugu yihiin in ay soo dhaweeyaan ee yaanan Qaranka
nalooga xawilin meel kale” Sidaasna waxaa yiri: Ku simaha gudoomiyaha
gobolka banaadir Md. Cabdullahi xassan geney Firinbi.
“ku soo dhawaada magaalada Xamar iyo dadkeeda oo dowladnimo u hamuun qaba,
wixii kale oo farsamo ah oo aad nagu biirineyso Md. Ra’iisal Wasaare waan
kaa rabnaa” Taasna waxaa yiri Xildhibaan Cumar Xaashi.
Tana waxaa yiri madaxweynihii dowladii carta Md. C/qasim salad xassan:
"Md. C/llaahi Yuusuf tan iyo markii uu soo garaadsaday wuxuu ku noolaa
halkan oo uu guryo ku leeyahay, Prof. Geedina waxaan xusuustaa in uu
Jaamacaddii Umadda uu duruus ka bixiyay aniga oo madax ka ah Wasaaradda
Tacliinta sare"
Oraahyada aan ku soo sheegnay ee ay ka dhawaajiyeen madaxda magaalada
Muqdishu waa kuwo run ahaantii aad iyo aad u wanaagsan. Waxaa iyana xusid
mudan sida ay isugu soo baxeen dadwenaha ku dhaqan magaalada muqdisho, oo
badankood u hamuun qaba in la helo dowlad loo dhan yahay. Balse waxaa iyana
lagama maarmaan ah in la falanqeeyo meesha ay wax ka qaldan yihiin iyo waxii
la bedeli karo.
Soo dhoweynta madaxda dowladu waa wax wanagsan, muujineysana in dadweynuhu
uu rabo dowlad. Balse aan dib u eegno waxyaalihii horey u dhacay, kuwaasoo
ay haboon tahay in cashar lagu qaato. Waxaa la wada xasuustaa soo dhoweyntii
xamaasadu ku dheehnayd ee uu la kulmay madaxweynihii carta c/qasim salaad
xasan kolkii uu xamar soo caga dhigtay. Aan isweydiinee maxaa ka dameeyey?
C/qasim iyo dowladiisii waxaa ay ku oodmeen in ka yar hal xaafad. Aawey
dadkii tirada badnaa ee soo dhoweeyey? Miyey taageeradii kala noqdeen?
Waxaan kaloo xasuusanaa soo dhoweyntii uu la kulmay kolkii Cali mahdi loo
doortay madaxtinimada? Maxaa ku xigey?
Waxaan kaloo ognahay sidii loo soo
dhoweeyey gudoomiyaha baarlamaanka Md. Shariif hasan. Waxaan kaloo ognahay
sidii loo soo dhoweeyey hogaamiyaasha xamar kolkii ay Nairobi ka yimaadeen?
Hadaba suàasha isweydiinta mudani waxaa yeelaan: Dowladu hadii ay xamar ka
degto ma waxaa keliya oo ay u baahan tahay, soo dhoweyn idaacadaha laga
sheego mise taageero qoto dheer oo lala garab istaago? Maanta oo aan kusoo
dhoweeyo berina aan isbaaro kuu dhigo, ma aha dhaqan wanaagsan. Hadaba waxaa
haboon in dadweynaha iyo siyaasiinta xamar ay soodhoweynta ku daraan
taageero ficil ah. Taas oo aan ula jeedo in niyada wanaagsan ee soo
dhoweynta loo rogo ficil wacan oo wax qabad. Hadii kale waxaa laga yaabaa in
caasimada ay weydo kaalinteedii ay ku lahayd siyaasada soomaliya. Oo ay soo
baxdo magaalo kale oo isku darsata soo dhoweyn iyo wax qabad ficil ahaaneed.
Mahadsanidin
C/risaq maxamed Xuseen- Sweden
habdirisak@hotmail.com
Afeef: Aragtida qoraalkan waxaa leh qoraaga
ku saxiixan
Faafin: SomaliTalk.com | May 1, 2005
XAMAR
DAAWO DACALADA... SAWIRO....
AKHRI BOGGA MAQAALADA
DADWEYNAHA.. Guji
 BOOSAASO
& LA DAGAALANKA ANSHAX XUMIDA
Waxaa (19-04-2005) lagu qabtay Hoolka
Jamacada Bariga afrika Boosaaso Shir aad u balaaran oo ay yesheen
Wasaarada Diinta iyo Awqaafta iyo Culumo owdiinka Gobolda Puntland
Qaar ka mida...
Guji...
Kulaabo bogga www.SomaliTalk.com
| 
Daabaco
Boggan | Print