Daabaco Boggan | Print

---

• MADAXWAYNE CADDE OO MAANTA KORMEER KALA DUWAN KU MARAY XARUMAHA DOWLADDA MAGAALADA BOOSAASO.
• Munaasabad Lagu Maamuusayay Sanad-guuradii 63 Ee Kasoo wareegatay SYL, Oo Maanta Lagu Qabtay Galkacyo.
• Bayaan Ay Soo Saareen Isimada Sanaag, Sool Iyo Cayn Ayna ku beeninayaan Warkii Shalay BBC Laga Siidaayay.
• MUNAASABADA 15 MAY OO MAANTA si weyn looga xusay magaalda  LAGU QABTAY KISMAYO. 
• Degmada Hodan oo ka badisay degmada Balcad ciyaar kubadda…

MADAXWAYNE CADDE OO MAANTA KORMEER KALA DUWAN KU MARAY XARUMAHA DOWLADDA MAGAALADA BOOSAASO.

Boosaaso: (Somalitalk)

Axad, May 15, 2005 .

Waxaa maanta xarumaha dowladda ee magaalada boosaaso kormeel howleed oo kala duwan kutagay madaxwaynaha DGFSPL, Jen, Cadde Muse Xirsi, Madaxwaynaha ayaa ugu horayn waxa uu kormeerkiisa kutagay dakada magaalada, goobaha canshuuraha iyo daqliga dowladda ee D/hoose iyo xarumo kale.

Madaxwaynaha ayaa waxaa kormeerkiisa kuwehliyay qaar kamida wasiirada dowladda waxaana kamid ahaa Wasiirka Arimaha diinta iyo owqaafta DGFSPL, Wasiirka Caafimaadka iyo xubno kale oo ka tirsan maamulka Gobolka Bari ee magaalada Boosaaso.

Maaha markii ugu horaysay oo madaxwaynuhu kormeer ku tago xarumaha daqliga dowaldda.

Madaxwaynaha ayaa dalka ka maqnaa mudo gaaban asagoo ku maqnaa arimo kala duwan oo la xiriira xaaladiisa caafimaad iyo mida dalka intaba.

Madaxwaynaha ayaan wali soo gaarin xarunta madaxtooyada magaalada garoowe, waxa uuna haatan kusugnaa dalka intii uu dib ugu soo laabtay mudo ku dhow todobaad gudahood. 

Munaasabad Lagu Maamuusayay Sanad-guuradii 63 Ee Kasoo wareegatay SYL, Oo Maanta Lagu Qabtay Galkacyo.

Waxaa maanta ka dhacay xarunta Gobolka ee Magaalada Galkacyo Munaasabad balaaran oo lagu xusayay maalintii dhalinyarada Soomaaliyeed ee SYL, kana soo wareegatay  sanadguuradeedii 63, ayaa maanta lagu soo bandhigay xarunta gobolka xaflad ay soo qabanqaabiyeen uruka dhalinyarada Gobolka Mudug, iyo maamulka.

Xafladaan ayaa waxaa soo qabanqaabiyay gudoomiyaha ururka dalada dhalinyarada Puntaland Cabdinasir Badal Khalaf.

Munaasabadan ayaa waxaa ka hadlay Gudoomiyaha Gobolka Mudug, Taliyaha Ciiidamada Daraawiishta aaga Mudug iyo Cayn iyo qaar kale oo katirsan ururada dhalinyarada, waxaana halkaa lagu soo bandhigay masraxiyad lagu muujinayay waxqabadkii SYL, iyo heerarkii ay soo mareen waxaana masrixiyadaas soo bandhigay fanaaniin ay ka mid ahaayeen, Abwan C/qaadir Cali Cigaal iyo Abwaan Yaasiin Cali Dude, waxaana ku wehliyay fanaaniin kale, waxaana salaan calanka u bixiyay ciidamada xooga dalka Soomaaliyeed . 

Bayaan Ay Soo Saareen Isimada Sanaag, Sool Iyo Cayn Ayna ku beeninayaan Warkii Shalay BBC Laga Siidaayay.

Bayaan cad oo ay soo saareen Isimada Gobolada Sool, Sanaag iyo Cayn ayay gaashaanka u daruureen warkii ay shalay BBC,da laanta afka soomaaliga sii-daysay oo ahaa in Isimada Goboladan ay ka qayb-galayaan shir lagu qabandoono Sheekh.

Isimada oo ka jawaabaya hadalkii shalay ayaa waxay soo saareen bayaankan, oo SomaliTalk ay ka soo xigatay wariye madaxbanaan oo ku sugan magaalada Laascaano' waxa uuna u qornaa sidatan

To:BBC.Somali Service.                                             14/5/05. To.Saxaafadda Madaxa banaan  Ka: Isimada Sool Sanaag iyo Cayn.  BEEN ABUURKII 2001 ee " NAAGO ISKU GUURSADEY BOOSAASO"... Guji.. Kadib markii aanu maqalnay war ay shalay sii daysay Idaacada BBC-da oo ka hadlayey shir la sheegay in lagu qabanayo Magalaada Shiikh 1da Jun,ayaa waxaa ka dhashayb shir deg deg ah oo ay maanta oo Taariikhdu tahay 14/5/05 ay isagu yimaadeen Isimada Beesha Sool Sanaag iyo Cayn kaasoo looga arin sanayey hadalkaas idacada laga sheegay ,ayaa waxaa aakhirkii Isimada beeshu ka soo saareen bayaan u qornaa sidaan.  Anagoo ah Isimada Beesha degta Gobollada Sool Sanaag iyo Cayn waxaanu ummada Soomaliyeed iyo Idaacada BBC-da u sheegaynaa in aanan waxaba kala socon shirkaas la sheegay ee lagu qabanayo Shiikh.Waxaa jiray wadahalo u socday Isimada labada Dhinac kaa soo looga hadlayey arimaha nabad galyada Beelaha Dariska ah ayaanan wax go’aan ah ka wada qaadan meesha shirka lagu qabanayo iyo meesha lagu qabanayo midna,Taas macnaheedu ahayn in aanu joojinay wadahalkii nabada,lakiin qaabkan wax u socdaan waxba kala socono mana tagayno.  Garaad C/qani Garaad Jaamac Garaad Saleebaan Garaad Max’ed. Garaad Abshir Saalax Max’ed Garaad C/salaam Xasan Max’ed. Suldaan Siciid Cismaan Cali Garaad Saleebaan Baraale. ### Laanta Af-Soomaaliga ee BBC-da oo Jawaab u Weydey Eedaymihii Kaga Yimid Reer Boosaaso (2003)

Isku dubaridkii:
Sahro Sheikh
sahrosiglan@hotmail.com

MUNAASABADA 15 MAY OO MAANTA si weyn looga xusay magaalda  LAGU QABTAY KISMAYO. 

• cabdi qadar nuur maxamed (filipiin)
  kismaayo soomaaliya

Boqolaal dad ah ayaa maanta isugu soo baxay in ay ka qayb qaataan u dabaal dagida maalinata dhalinyarada soomaaliyeed oo si wayn maanta loogu qabtay beerta xoriyada ee degmada kismayo. 

Munaasabada maanta ee loogu dabaal dagayay 15 may oo ku beegnayd maalinta dhalinyarada somaliyeed ayaa waxa ay ka dhacday beerta xoryada ee degmada.oo ay bilicdeeda hareeyeen dad aad u faro badan. 

Munaasabada maanta oo ahayd munaasabadii ugu balaarnayd ee ka dhacda magaalada kismayo tan iyo sanadihii la soo dhaafay tasoo loogu dabaal dagayo maalinta dhalin yarada soomaaliyeed ee 15 may ayaa waxaa soo abaabulay ururka dhalinyarada kanava & maamulka dagmada. 

Waxaana munaasabadan ka soo qayb galay masuulyiinta isbahaysiga, ururada bulshada, aqoonyahanka, culumada,iyo dadwayne faro badan oo u sacbtumayay munaasabada maanta oo lagu soo bandhigay riwaayado ka tarjumayay qiimaha ay dhalin yaradu ugu fadhiyaan bulsho walba. 

masuulyiintii halkaasi ka hadashay oo aad u faro badnaa waxaa ka mid ahaa,Genaral,Axmada Warsame Max'ed,ahana xildhibaan ka tirsan dawlada faderalka K.M.G.,ah,afhayenka isbahaysiga Bille Cabdule Cabdi,amaanduulaha ciidamada C/laahi Sh/ismaaciil (Fartaag)gudoomiyaha dagmada Daahir Carabeey, G/ku xigeenka labaad ee arimaha bulshada C/rixmaan waldiiro,& qaybaha bulshada oo aad u faro badan. 

Ugu horayn waxaa munaasabada ka hadlay G/ururka dhalinyarada Kanava,Yaxye Jaamac Samatar,oo ku xeel dheeraaday qiimaha ay dhalinyaradii hore lahaayeen iyo sida ay dalka ugu soo halgameen,waxa uuna asaga oo munaasabada ka faaiidaysanaya ugu baaqay dhalinyarada somalyeed in ay in ay gacmaha is qabsadaan kana baxaan dhibaatooyinka iyo dagaalada loo adeegsado da'yarta somalyeed. 

G/ururka haweenka marwo Xaawo ugaas Xirsi ayaa iyana dhankeeda tibaaxday in ay dhalinyaradu yihin tiir dhaxaadka bulsho walba loona baahanyahay

in,ay dhalinyardu ka midoobaan siyaasada guracan ee ku soo laalabanaysa somalya oo ay ku tilmaantay in awoda ay hogaamiyayaashu ku fanaan ay yihiin dhalinyarada. 

G/dagmada Daahir Carabeey ayaa dhankisa ka muujiyay in dhalinyaradii hore ay ku dayasho mudanyihin marka loo fiiriyo marxalada lagu jiro asaga oo amaan u

u soo jeediyay dhalnyarada goboldan oo wada dadaalo ay wax ku qabanayaan,sida ayaga oo furay goobo ay dhalinta da'da yar wax ku baraan iyo farsamooyin kale oo ay dhalinyaradu ku abuurtaan xirfado shaqo,sida in la baro farsamada dabka,gaari wadida,tolida harqaamada,& xirfado kale 

bidix: daahir carabey, dhexda: jeneral axmed warsame, midig: waldiire

Ugu danbayn waxaa munaasanada ka hadlay xildhibaan Axmad Warsame oo asagu ugu horayntii uu beerta soo gaaray sameeyay dhagax dhig uu fiyoore saarayo taalada lagu xasuusto ururka dhalnyaradi xornimo u dirirka ee beerta xoriyada ku taal,waxa uuna hadalksii  ku soo qaatay sida ay dhalinyaradu wax u hagaajin karto waxna u qari karto,asaga oo soo qaatay oraah dhahaysa,dhalnyaradu waa  awood hadii aan la jahayn ku jabinaysa,waxa uuna xildhibaanka oo aan in mudaa kuna oo siman ilaa iyo sideed sano aan meel fagaaraa kahadal uu munaasbada kaga faa'iidaystay oraah ama hadal uu usoo jeedinayo falalka tacadigaa ee lagula kacay kitaabka quraanka ee ay sameeyeen ciidamada maraykanka oo uu ku tilmaamay in ay tahay mid islaamka lagu firinayo wadajirkooda iyo in la heli karo fursado ka faaiidaysasho ah. 

Sidoo kale munaasabd midan lamd ah ayaa maanta ka dhacday magaalada Afmadow,waxa ayna munaasabadahan oo ay hareeyeen roobab qabow ay ku soo gab gaboobeen jawi nabadeed ooo aad u wanaagsan. 

cabdi qadar nuur maxamed (filipiin)
kismaayo soomaaliya
cabdiqadar84@hotmail.com
ama cabdiqadar@somalitalk.com

Degmada Hodan oo ka badisay degmada Balcad ciyaar kubadda…
Waxaa galabnimadii Jimcaha ahayd kulan aad u xiiso badan isaga horyimid dhallinyaro ku ciyaaryaya Magaca degmada Hodan iyo kooxda Towfiiq oo ka dhisan degmada Balcad ee gobolka Shabeellada Dhexe, waxaan ciyaartaas waqtigii loogu talogalay ku soo gabagabowday 1-0 oo ay guushu ku raacday ciyaartoydii Degmada Hodan,. Waxaana goolka oo ahaa mid rigoore ah dhaliyay ciyaaryahan Maxamed Xasan Cabdi Carrbey....  Warka oo dhan...

Qaar kamid ah Golaha Baarlamaanka oo ka dhoofay Nairobi

Faafin: SomaliTalk.com | May 15, 2005

BFKMG oo ansaxiyay in dowladu dagto Baydhabo & Jowhar

BAARID | SEARCH