Dhaqdhaqaaqa Nabadda Soomaaliyeed
DH/N/S/011/2005 London, 13/05/05
Dhaqdhaqaaqa Nabadda Soomaaliyeed wuxuu soo
dhaweynayaa dhamaan dhaqdhaqaaqyada nabadeed ee ka socda gudaha iyo dibedda
dalka ay dagaallada aafeeyeen ee Jamhuuriyadda Soomaaliya, Dhaqdhaqaaqu
wuxuu mar kale ugu digayaa dhamaan madaxda iyo hoggaamiyayaasha Soomaaliya
in ay ka haraan abaabulka dagaal ee ay ka wadaan Gobollo iyo Degmooyin ka
tirsan kuwa Koofurta Soomaaliya, gaar ahaan magaalada Baydhabo.
Sidoo kale wuxuu dhaqdhaqaaqu ka xun yahay
qilaafka u dhaxeeya madaxda dowladda fereraalka KMG ah ee Soomaaliya,
qilaafkan soo kala dhexgalay mas'uuliyiinta ugu sarreysa maamulka
siyaasadeed ee Jamhuuriyadda Soomaaliya oo maraya meel xasaasi ah darteed,
Dhaqdhaqaqa Nabadda Soomaaliyeed ka codsanayaa in lagu xalliyo wada hadal,
haddii taasi la waayana ay dhici doonto burbur gebi ahaanba ku yimaada
dowladda feredaalka KMG ah ee Soomaaliya.
Waxaan si cad u taageereynaa isla markaana
ku tartarsiineynaa dhameystirka dadaalka ay wadaan hoggaamiyayaashii hore ee
magaalada Muqdisho, hadana noqday wasiirada, waxna looga qabanayo amaanka
caasimadda Soomaaliya ee Muqdisho, si loo suurtagaliyo in ay ka howl gasho
dowladdii lagu soo dhisay shirkii dib u heshiisiinta ee Nairobi.
Waxaan Tacsi u direynaa dhamaan Qoyskii,
Ehelladii iyo Qaraabadii ay ka geeriyoodeen dadkii waxyeelada ay ka soo
gaartay qaraxii ka dhacay Stadio Muqdisho, qaraxan oo aan fileynayo in uusan
waxba u dhimi doonin howlaha lagu doonayo in lagu xasilliyo magaalada
Muqdisho.
Waxaan la yaabannahay isla markaana
beenineynaa hadalkii ka soo yeeray hoggaamiyaha dowladda federaalka
dimoqraadiga ee Itoobiya Atto Melles Zanawi kuna saabsanaa in Soomaaliya,
gaar ahaan magaalada Muqdisho ay tahay goob ay ka howlgalaan ururro
Argagaxiso ah, taas oo ay horey u beeniyeen laamaha sirdoonka ee wadamada
isu xilsaarey ladagaalankooda.
Hadalkan oo aan u heysano in uu yahay mid
uu qiil ugu sameynayo xalaaleysashada in ciidamadiisu ay ka howl galaan
gudaha dalka Jamhuuriyadda Soomaaliya, iyadoo dadka Soomaaliyeed intooda
badani diidan yihiin, kuna taageeraya ciidamadiisa xubno ka tirsan madaxda
uu qilaafka ka dhaxeeyo ee dowladda federaalka KMG ah ee Soomaaliya.
Waxaan xusuusineynaa Atto Melles Zanawi
abaalkii ay u galeen shacbiga Soomaaliyeed xilligii ay la dagaalamayeen
xukuumaddii Mingistu Heyle Mariam , Hadalkanna uu yahay abaal ka dhacyo uu u
geysano ummadda Soomaaliyeed, dadka Soomaaliyeedna ay ka jawaabi doonaan wax
kasta oo xume ah oo loo geysto.
Codsi:- Ugu dambeystii waxaan ka
codsaneynaa dhamaan madaxda urur gobolleedka IGAD iyo AU in aysan ciidamo u
soo dirin Soomaaliya, ka hor inta laga xallinaayo qilaafka u dhaxeeya
hoggaamiyayaasha sar sare ee xukuumadda Federaalka KMG ah ee Soomaaliya.
Xoghayaha Guud
Dhaqdhaqaaqa Nabadda Soomaaliyeed
C/casiis Cali Ibrahim "Xildhiban"
xildhiban@hotmail.com
Faafin: SomaliTalk.com | May 13, 2005
Zenawi:
Soomaaliya waa Argagixiso, C/laahi iyo Geedi: Itoobiya waa saaxiibadeen!
Zenawi ayaa Markale Soomaalida Ku Sheegay "Argagixiso"
kaddib markii ay waraysatay AP...
Guji May 13
BFKMG oo ansaxiyay
in dowladu dagto Baydhabo & Jowhar
|