Duqa Degmada Qardho Cusmaan
Buux oo Xilkii iska Casilay..
C/fataax Jaamac |
SomaliTalk.com | Bosaso |
somalitalkpl@yahoo.com
Waxaa
Bilowgii Bishaan Marso iska Casilay xilkii uu u hayay Duqa
Degmada Qardho Cusmaan Buux oo Xilakaa hayay Mudo Sanad iyo
Sideed Bilooda Cusmaan oo u Gudbiyay is Casilidiisa
Gudoomiyaha Gobolka, Wasiirka Dowladaha Hoose iyo
Madaxweynaha DGPL Gen: Cade Muuse ayaa wali wax Jawaaba
aysan ka soo bixin Mas.uuliyiintaa.
Duqii hore ee Degmada
Cusmaan Buux ayaa is casilidiisa wax ku kalifay marka wax
laga waydiiyay ka gaabsaday oo aan ka bixin wax faa,faahina
iyadoo uu yiri waxaan rabaa in aan Mas,uuliyadaan aanay igu
eer sheegan.
Dhanka kale Duqa Degmada
Qardho ee Hore Cusmaan Buux ayaa hore u dhaliili Jiray sida
looga Gaabinaayo horumarka Degmada ee laga filayo Dhanka
Maamulka Sare iydoo in badan uu aad uga celceliyay in
Degmada lala shaqeeyo aadna uga Qayb qaatay Duqu Xiliyadaii
Abaaraha iyo Horu marinta Degmada oo in badan uu iskaga xil
saari jiray.
Waxaa lagu soo
Gabagabeeyey Masajida Rowda ee Magaalada Boosaaso Tartankii
Quraanka Kariimka.
Waxaa Tariikhdu markii ay
ahayd 02-03-2005 Salaadii Makhrib ka dib laga bilaabay
Masjidka way ee Rowda Tartankii Quraanka kariimka oo ay ku
tartamayaan Gobolada Mudug, Sool, Nugaal, Sanaag iyo Bari oo
hore loogu soo Qabtay Caasumadaha Goboldaa Tartan ka
dhexeeya Dugsiyada Quraanka ee ka dhisan Magalooyinka ay ka
kooban yihiin Goboladaa Tartaan ka bilowday, Magaalada
Boosaaso ee uu ka socdo Tartanka Masjidka Rowda ayaa lagu
Tartamayaa Labaatanka Jus, Shan iyo Tobanka Jus, Tobanka
Jus, iyo Shanta Jus Tartankaan ayaa ah mid lagu soo
Gabagabeynayo Tartanadii hore uga soo Dhacay Magaalooyinka
Gobolada aan soo Sheegnay oo lagu Gudoonsiin doono Ardaygii
gala Kalinta Koowaad Abaal marin aad u qiimo badan.
Tartankaa oo Sanadkiiba mar
la Qabto ayaa waxaa soo Qabanqaabiyay Culimada Dacwada ee
Gobolada Puntland ayadoo ay ka Qayb qaadanayaan Ganacsatada
Qaarkood oo ah kuwo mar walba ku Tageera Dhaqaalahooda
Dacwada Islaamka.
Tartankaa oo lagu soo
Gabagabeeyey Shalay Salaadii Jimcaha kadib ayaa Lagu balamay
in Ardayda la gudoonsiiyo Malinka Axada ee Habeenimada
Isniinta soo galayso Salaada Maqrib kadib waxaan idiin soo
Gudbin doonaa Cida ku guulaysata iyo Gobolka uu ka socdo
Ardaygaa.
Sibinaar u socday
Macalimiin ka kala socda Gobolo ka mida Puntland oo loo
xiray.
Waxaa shalay loogu
Xiray sibinaar uga socday Iskoolka Imaamu Nawawi Boosaaso
Macalimiin Mudo Afar Casho ah Sibinaarkaa ayaa ku saabsanaa
sidii loo taageeri lahaa Dimoqoraadiyada tasoo oo aan ahayn
mid u gaara Wadamada Reer Galbeedka lakiin ay tahay mid ka
dhexaysa Ummada ku nool Dunida Dusheeda, Sibinaarkaan ayaa
waxaa ka soo Qayb galay Macalimin ka socota Magaalooyinka
Gaalkacyo, Garoowe, Qardho, Boosaaso iyo Magaalooyinkaele
Macalimiinta ayaa sibinaarkaan loo siiyay sidii ay u
gaarsiin lahayeen Dadweynah ugana Dhaadhicin lahayeen
Nidaamka Dimoqoraadiyada.
Sibinaarkaa ayaa waxaa
Tageerada bixiyey Hay,ada Novib waxaana Fulinayey Hay,ada
Wadanigaa ee Tadaamun.
Xiritaankii Sibinaarkaa
ayaa Waxaa ka hadlay Gudoomiyaha Hay,ada Tadaamun C/Laahi
Sheekh oo Sheegay in ay Macalimiinta ay Qaadeen Mas,uuliyad
aad u balaaran aydoo lagu jiro Xili dalku Dowlad la,aan
yahay oo ay Dhabarka u riteen in ay ka badbadiyaan Da,ada
soo koraysa in ay qadaan Qoriga intii illaahay waafajiyay
Gudoomiyaha C/Laahi Sheekh ayaa ku baraarujiya in ay
macalimiinta sii wadaan Dadaalkaa Gudoomiyaha ayaa
Waalidiinta uga Mahad celiyay sida ay uga Qayb qataan kor u
qaadida Waxbarashada Waxaa halkaa ka hadlay Maamule ku
xigeenka Iskoolka Imaamu Nawawi Boosaso Cabdixaafid Cali
Yuusuf oo Macalimiinta ku dhiira galiyay in ay waxa ay
barteen u Gudbiyaan Ummada Waajibka ka saran yahay.
C/fataax Jaamac |
SomaliTalk.com | Bosaso |
somalitalkpl@yahoo.com
Munaasibad loogu Baroordiiqayo
Samafaladdii Varena Career oo Shalay
Maqribkii lagu soo gaba gabeeyay
Magaaladda Marka.
C/casiis
M. Guuleed “Afrika”
abdiguuleed@yahoo.com
Marko, Somalia
Munaasibad si wayn loo soo agaasimay.
Isla markaana loogu baroordiiqayay
Samafaladdii Varena Career oo 4-tii
February 2002-da lagu dilay
Magaaladda Marka ayaa Shalay lagu
qabtay Xarunta Nabadda Iidda ee
Magaaladda Marka.
Munaasibad oo ay ka soo qayb galeen
Masuuliyiin kala duwan oo ka socday
Maamulka Gobalka Shabeeladda Hoose,
Hay'adaha Samafalka, Ururadda
Bulshadda Rayidka ah, iyo Dadwaynaha
Gobalka Shabeeladda Hoose ayaa waxaa
ugu horayntii halkaasi hadalo
Furitaan ah ka jeediyay Salaad
Muxumud Guuleed oo ka mida
Masuuliyiinta Hay'adda New Way
Co-operative oo ay Maamuli jirtay
Varena Career. Wuxuuna Salaad uga
mahad Celiyay dhamaan dadkii ka soo
qayb galay Munaasibadaasi
Baroordiiqda ah sidii wanaagsanayd
ee ay uga aqbaleen Martiqaadkii ay u
fidiyeen.
Mr Guuleed waxa uu sheegay in Varena
aysa ka dhiman Qoyskeeda oo kaliya
balse ay ahayd Qof Muhiim ah oo ay
waayeen Shacabka Soomaaliyeed.
Wuxuuna sheegay in Varena iyadoo
gudanaysa Waajib Bini'aadanimo inay
ku dileen Magaaladda Marka Kooxo
Dablay ah oo aan lahayn Damiir
Bini'aadanimo.
Mr URIS oo ah Wiil ay dhashay Varena
Career oo Xubin ka ah Hay'adda New
Way Co-Operative, isla markaana ka
yimid Dalka Switzerland ayaa isna
Khudbad uu halkaasi ka jeediyay waxa
uu Mahad ballaaran u jeediyay Dadka
Reer Marko oo uu sheegay inay yihin
Bulsho Nabadeed. Wuxuuna si gaar ah
ugu mahad celiyay Kooxihii kala
duwanaa ee halkaasi ku soo bandhigay
Ciyaaraha. isagoo si gaar ah ammaan
ugu jeediyay Masuuliyiinta Xafiiska
New Way ee Marka oo soo qaban
qaabiyay Munaasibadan.
intii ay socotay Munaasibadaasi
waxaa dhex socday Ciyaaro kala duwan
oo lagu maamuusayay Varena Career.
Waxaana Ciyaarahaaasi lagu billaabay
Ciyaarta Baskett Ball-ka oo ay isaga
hor yimaadeen Labo Kooxood oo Gabdho
ah kana dhisan Magaaladda Marka.
iyadoo Ciyaartaasna ay aad uga
maqsuudeen intii ka soo qayb gashay.
Waxaana Gabdhahaasi oo ay da'dooodu
ay aad u yarayd ay halkaasi ku soo
bandhigeen Ciyaar Farsamadeedu
sarayso.
Kooxo Gabdho iyo Wiilal isugu jira
ayaa iyaguna Orod ay ka soo
billaabeen Ceel Jaalle waxay ku soo
gabagabeeyeen Xarunta Nabadda Iida
oo ay ka socotay Munaasibadda
Baroordiiqda ah. Waxaana Kooxahan
Dhinaca Wiilasha Kaalinta Koowaad
galay Maxamed Yuusuf Dhiblaawe oo ka
socday Bisha Cas, Kaalinta Labaad
waxaa galay Aways Xasan Muumin oo ka
socday Shirkadda Nation Link, halka
Kaalinta Saddexaadna uu galay
Abuukar Maxamed Yuusuf.
Dhinaca Gabdhaha waxaa Kaalinta
Koowaad gashay Najmo Maxamed Boore
oo ka socotay Hay'adda IIDA,
Kaalinta Labaad waxaa gashay Amaal
Maxamed Malakoow oo ka socotay B.H.O,
halka Kaalinta Saddexaadna ay gashay
Faadumo Maxamed Malakoow oo ka
socotay Iftiin Team.
Lixdan Qof ee Dhinaca Orodda ka
galay Kaalimaha Koowaad ayaa
halkaasi waxaa lagu guddoonsiiyay
Billado. Waxaana guddoonsiiyay
Billadahaasi Madaxwaynaha New Way
Co-Operative iyo Xubin ka socday
Maamulka Gobalka Shabeeladda Hoose.
Munaasibaddan Baroor Diiqda ah oo
ahayd mid si wayn loo soo agaasimay
ayaa waxaa lagu xardhay Darbiga
Goobta ay ka dhacaysay Hal ku dhigyo
ka tarjumaya sida ay Shacabka
Gobalka Shabeeladda Hoose uga
murugaysan yihii Dhacdadii foosha
xumayd ee lagu dilay Samafaladdii u
dhalatay Switzerland ee Varena
Career. Waxaana ka mid ahaa Hal Ku
dhigyadaasi HOOYO VARENA, HOOYADDII
NAXARIISTA LAHAYD, HOOYADDII DHAMAAN
BULSHO WAYNTA MARKO, WAAN XASUUSAN
DOONAA ADIGA IYO WAXQABADKAAGII,
HOOYO VARENA WAXAAD U DHIMATAY KUWA
TABAALAYSAN DARTOOD, WAXA KALIYA EE
AAN SAMAYN KARNO WAA INAAN LAABTA
KUGU HAYNO.
Munaasibadan Baroordiiqda ah ayaa
sidoo kale waxaa goob joog ka ahaa
Shaqsiyaad Ajanabi ah oo ay ka mid
ahayd Megda, iyo Gabar ka socota
Hay'adda COSV. Waxaana ay ku
dhamaatay Xafladaasi jawi wanaagsan.
C/casiis M. Guuleed “Afrika”
abdiguuleed@yahoo.com
Marko, Somalia