- Qaramada Midoobey oo
Soomaalida Uga Digtey Badgariir
- Wasiiro iyo xildhibaano
gaaray Magaalada Xudur .
-
Isbahaysiga doxada Jubba iyo odayaasha dhaqanka oo ka wada
hadlay dhisida maamul goboleed
- Wafdiga DFKMG ee ku
sugan Liibiya oo halkaas shir ku yeeshay
Qaramada Midoobey oo Soomaalida
Uga Digtey Badgariir...
Hay'da Qaramada midoobey ayaa
sheegtay in ay dadka Soomaaliyeed ee deggan xeebaha ku war
gelineyso in ay ka feejignaadaan badgariir ay dhici karto in uu
ka dhasho dhul-gariirkii Isniin (Maarso 28) ka dhacay dalka
Indonesia. Dhul-griikaas Indonesia waxaa lagu qiyaasay 8.7
cabbirka lagu qiyaaso dhulgariirka. Dalkaas Indonesia oo ahaa
kii bishii December ee sannadkii hore uu ka dhacay badgariir
sababtay in ay dhintaan qiyaastii 270,000 oo qof, kaas oo
xilligaas soo gaarey xeebaha Soomaaliya.
Maxwell
Gaylard oo ka tirsan Qaramada Midoobey qaybteeda Soomaaliya ayaa
VOA waxa uu u sheegay in haddii dhul-gariirkii Isniintii ka
dhacay Indonesia uu sababo badgariir in uu markaas
badgariirkaasi uu soo gaari karo Soomaaliya waaberiga.
Sidaas
darteed hay'adda Qaramada midoobey waxay Soomalida deggan
xeebaha Soomaaliya kula taliyeen in ay ka fogaadaan xeebta.
Wararka ugu
horeeyey ee ka soo baxaya Indonesia waxa ay sheegeen in
dhulgariirkani uu jasiirada Sumatra ku diley dad lagu qiyaasay
inta u dhexaysa 1000 ilaa 2000.
Isha: VOA |
Reuters | AP
Wasiiro iyo xildhibaano gaaray
Magaalada Xudur .
Wasiiro iyo xildhibaano ka soo
jeeda baydhabo ayaa maanta gaaray magaalada xudur oo xarun ah
gobolada bay iyo bakool,xubnahan oo gaarayay 11 xubnood waxaa
hor kacayay wasiirka beeraha Maxamad Nuur Sharguduud iyo
wasiirka garsoorka iyo cadaalada Sh.Aadan Madoobe.
Xubnahan ay hogaaminayaan
labadan wasiir waxaa kale oo ku wehliya wasiirka Dastuurka iyo
arrimaha federalka C/lla deerow isak,wasiirka Gaadiidka cirka
iyo dhulka ibraahim aadan Xasan(Kiish) iyo xubno kale.
Ujeeda safarkan ayaa la xiriira
sidii ay dhinacyadan magaalada laga qabsaday xal uga gaari
lahaayeen meelahaas laga hasto,qaarkoodna waxa ay ku tilmaameen
in Al-ixtixaad ka qabsaday deegaankooda oo ay iska difaacayaan
dagaal ama nabad waxii ay kala kulmaana ay la beegsan doonaan
waxa ayna ku hanjabayeen in ay xoraysanayaan dhulkooda
itixaadkana ka qaadi doonaan sida ay hadalka u dhigeen.
Wasiiradan iyo xildhibaanada
ayaa safarkooda waxa uu ku soo beegmay xili ay dagaalo culusi ka
dhaceen magaalada baydhabo oo gaystay dhimasho iyo dhaawac xun
kadib markii la isku adeegsaday hubka calculus waxaana magaaladu
hadda gacanta ku dhigay Ibraahim xaabsade ah garab ka mid ah
labad dhinac ee dagaalkan u dhaxeeyo iyo Yuusuf indha cadde oo
sheegay In uu halkaasi u joogo dhex dhexaadin waxaana ku sugan
sida ay wararku sheegayaan 40 tikniko ah oo uu leeyahay Yuusuf
Indhaha cadde,mas’uul u hadlay dhinaca indha cadde ayaa sheegay
in ciidankoodu halkaas ka wado arrimo dhexdhexaadin ah iyo sidii
ay u kala dhex gali lahaayeen dhinayada dagaalku ka dhexeeyo.
Warar aan la xaqiijinin ayaa
sheegaya in Ciidamo la soo dhigay xudur,si ay u taageeraan
garabka shaati gaduud ee ka dagay maanta magaaladda
xudur,waxaana aad looga cabsi qabaa in dagaalo cusub ay halkaasi
ka dhacaan.
Maxamad dheere oo shalay ka
duulay magaalada Nairobi ayaa wararka qaar sheegayaan in uu
qabanqaabinayo sidii uu ciidan ugu diri lahaa magaalada xudur
una taageeri lahaa garabka shaati gaduud iyagoo ka soo wada
jeeda ururka SRRC ee lagu soo dhisay dalka itoobiya.
Canab
Mumtaz | SomaliTalk | Nairobi
Maarso 28, 2005
Kulan ay
yeesheen isbahaysiga doxada Jubba iyo odayaasha dhaqanka ee
gobolkan oo looga arinsanayay maamul u samayenta gobolada
Jubooyinka ayaa maanta lagu qabtay hotel Tawakal ee magaalada
Kismaayo
kulankaan oo
ay ka soo qeyb galeen dhamaan odayaasha beelaha kala duwan ee
gobolada jubooyinka iyo waliba mas uuliyiin sarsare oo ka tirsan
maamulka isbahaysiga dooxada juba oo uu horkacayay gudoomiyaha
isbahaysiga dooxada Jubba xildhibaan Barre Aadan Shire ayaa
waxaa looga arinsanayey sameynta maamul goboleed uu yeesho
gobalka ayadoo ay carabaabeen masuuliyiinta isbahaysiga in
maamulkan uu gogol xaar u yahay DSKMG iyo sugida amaanka
gobalada jubooyinka .
Dhisida
maamul goboleedkan ayaa waxaa dhowaanahan laga waday qaban
qaabadisa guud ahaan gobolada jubbooyinka ayadoo ay in muda ahba
isbahaysigu ku mashquulsanaayeen midayenta fikiradaha
siyaasiyiinta ka tirsan isbahaysiga iyo waliba kuwa dadka dagan
gobolkan aydoo haatan ay muuqato iswaafaqsanaan buuxda iyo
dadaalo wada jir ah oo lagu doonayo sidii maamul loo dhanayahay
looga islaaxin lahaa gobolada jubbooyinka
Hadaba Isku
dayga ceenkan ah oo lagu doonayo in maamul loogu sameeyo
gobolada jubooyinka ayaa uusan ahayen markii ugu horeysay oo ay
isku dayaan isbahaysiga dooxada jubba waloow ay ku fashilmeen
marar badan kadib markii ay isku afgaran waayeen masuuliyiin ka
mid ah kuwa ku sugan gobolkan balse kani waa ka badalanyahay
ayaa la orankaraa kuwii hore maamdaama ay maanta ka soo
qeybgaleen kulankii manta dhamaaan hogaamiyaha beelaha oo iyguna
si rasmi ah qalinka ugu duugay in ay wax ka dhisayaan maamulakan
ugubka ah,
Dhanka kale
taliyaha ciidanka isbahaysiga dooxada jubba Maxamed rooble
jimcaale Goobaale ayaa maanta hadal uu shirkaasi ka jeediyay ku
sheegay in isbahaysiga dooxada jubba aysan lug kulahayn
dagaalada ka soo cusbonaaday deegaano katirsan gobalka Bay ,sidoo
kalana waxa uu sheegay in ay soo dhoweynayaan dadaalada
nabadeed ee gudoomiyaha gobolka sh/ hoose sh/Yusuf maxaed
siyaad Indha cade uu kawado gobalka Bay iyada oo marka
hadalkaas lahaa mudane goobaale uu ag fadhiyay gudoomiyaha
isbahaysiga dooxada jubba islamrkaana uu madaxa u ruxayay
hadalada ka soo yeeraya ninka u taliya ciidanka isbahaysiga
waloow uusan halkaas oga hadlin xilshibaan barre arimo ku
saabsan gobolka baay
Isago in
taasi ku daray taliyaha cidanka isbahaysiga mudane goobaale in
aysan ka qeybqaadanaynin dagaalada sokeeye ee haatan dib oga soo
cusboonaaday gobolka baay balse ay galayaan dagaalka hadii ay
soo gasho ama ay soo fara galiso dowlada itoobiya arimaha
soomaaliya waa sida uu hadalka u dhigay mudane goobaale.
Isku soo
wada duuboo kulankii maanta o ahaa mid ay ka soo qeyb galen
ganacsato, odayaasha beelaha dega jubbooyinka, iyo golaha
hogaaminta isbahysiga ayaa ahaa mid ku dhamaaday jawi caadi ah
oo laga dheehan karo in uu yahay kulan kabadalan kuwii ay hore
ay u yeelan jireen odayaasha dhaqanka ee gobolada jubbooyina
iyo isbahaysiga dooxada jubba .
Cabdi
qadar nuur maxamed (filipiin)
Kismaayo soomaaliya
Cabdiqadar84@hotmail.com
Wafdigii u hagaaminayay
Madaxwaynaha Soomaaliya Mudane Cabdulahi Yuusuf Axmed &
Rasulwasaare Prof Cali Maxamed Geedi ayaa Hotelka Al
Kabiir ee Liibiya shir ay maanta ku yeesheen
Waxaa maanta Hotelka ay
daganyihiin ee Al Kabiir shir ku yeeshay Wafdigii
madaxwaynaha Soomaaliya Mudane Cabdulaahi Yuusuf Axmed
iyo Rasulwasaare Cali Macamed Geedi ay kalla horkacayeen,
Ujeedada shirku waxa ay
ahayd Xaalada nabadgalyo iyo siyaasadeed ee wadanka
Soomaaliya iyadoo kulankaa diirada lagu saaray xaalada
colaadeed ee Gobolka Bay& Bakool gaar ahaan magaalada
Baaydhabo,
Kulankan waxaa
gudoominayay Madaxwaynaha Soomaaliya Mudane Cabdulaahi
Yuusuf Axmed waxaana madaxwaynaha warbixin ka siiyay
xaalada Siyaasadeed ee Soomaaliya Prof Cali Maxamed
Geedi rasulwasaaraha Soomaaliya,
Prof Cali Maxamed Geedi
waxa uu ku dheeraaday xaalada Siyaasadeed iyo dhaqaale&
Nabadgalyo ee Soomaaliya waxa uuna sheegayy in umada
Soomaaliyeed ay doonayaan nabad kuwada noolaansho,
Markii madaxwaynaha
Soomaaliya Muudane Caabdulaahi Yuuusuf Axmed dhagaystay
warbixintii rasulwasaaraha Soomaaliya ayeey Maadaxda
Saare ee Xuukuumadu ujeediyeen baaq nabadgalyo xubnaha
ku dagaalamaya Baaydhabo,
Madaxwaynaha Soomaaliya
Muudane Caabdulaahi Yuuusuf Axmed waxa uu sheegay in
Shacabka Soomaaliyeed uusan hada diyaar uahayn is
colaadin waxa uuna ugu baaqay dadka dagaalamayaa in ay
Jooojiyaan Coolaada kuna laabtaan dageenadoodii,
Dhinaca kale Madaxwayne
Cabdulaahi Yuuusuf Axmed waxa uu sheegay in u ka
xunyahay Dagaaladaa isagaa sheegay in Hantidii iyo
dadkii Sooomaaliyeed ee Gooobtaa ku geeriyooday ay
yihiin wax qaranka Soomaaliyeed wax utari laha.
Waxaa hore baaq colaad
joojina udiray Guudomiyaha Baaarlamaanka Soomaaliya Sh
Xasan Sh Adan isaga oo ugu baaqay in ay joojiyaan
Coolaada qolyaha ku diriraya baydhabo xaaladana ay ku
dhameeyaan wada hadal.
Dhinaca kale waxaa
manta ku biiray wafdiga madaxwaynaha ee ku sugan
Liiibiya Waasiirka Arimaha Dibada ee Xukuumada
Soomaalida Feederaalka Soomaaliyeed Prof Cabdulaahi Sh
Issmaaciil oo isagu ka qaybgalay shir ay magaalada
Kaaasa balanka ku lahaayeen Wadamada Caarabta& kuwa
Laaatiin Ammeerika,
Shirkaa sida u ii
sheegay Afayeenka Xuukuumada Cabdirixmaan Nuur Diiinaari
oo goordhawayd ila soo xariiray waxa ay ka
qaybgalayaashu ku balanqaadeen in ay garab istaagi
doonaan xukuumada Sooomaaliya,
Wafdiga madaxwaynaha
Soomaaliya ee ku sugan Liiibiya waxaa kamid ah
rasulwasaaraha Soomaaliya Prof Caali Maaxamed Geeedi
Raasulwasaare ku xigeen ahna Wasiirka Arimaha Guudaha
Eng Xuuseen Maxamed Faaarax Caydiid,Rasulwasaare ku
xigeen ahna wasiirka Maaliyada Dr Saalim Caliyoow
Ibrow,,Wasiirka Arimaha Dibada Prof Cabdulaahi Sh
Ismaaciil, Xuseen Ceelaabe Faahiye,Afayeenka Xukuumada
C/rixman Nuur Maxamed Diinaari, iyo xubno kale,
Axmed Muusse
Cabdulle(idaawaqaca)Kenya_Nairobi
Axmeddheere65@hotmail.com
Faafin: Somalitalk.com | Maarso 28, 2005
8
Maxaabiis ah oo Lagu Wareejiyey Beesha Saleebaan
»Magacyada
siddeeda qof ee maxaabiista ahaa...
»Dagaal ka Dhacay Gelinsoor
»Shir
ay Gaalkacyo Ku Yeesheen Beelaha Cayr iyo Saleebaan
»Waraysiyo:
Gudoomiyaha dagmada cadaado
Wararka oo dhan ka akhri halkan... Guji...
WARARKA
TODOBAADKA EE SOOMAALIYA
»Gudoomiyaha
baarlamaanka oo diray baaq nabadeed...
»Xubno ka mid ah
DFKMG: "baydhabo itixaad ayaa qabsaday"
»Xidhibaan black oo
dagaalka Baydhabo ku eedeeyey DFKMG
»Sh. Aweys oo ka
digay ciidamo la geeyo Soomaaliya..
Warka oo dhan
ka akhri halkan...
Xashiishad lagu Gubey Kismaayo
Waxaa daroogadan meel fagaare ah
si wada jir ah ugu gubey maamulka degmada iyo kan maxkamada
islaamiga
Guji
Mar 27
Waftiga Madaxweynaha oo Qaabilay Xog-Haynta ururka Saaxil iyo
Saxaraa
Waftiga DFKMG oo ku sugnaa Liibiya ayaa...
Guji..
Mar 27
Daabaco
Boggan | Print