Axmed Muusse Cabdulle(Idaawaqaca)
Axmeddheere65@hotmail.com
Golaha Baarlamaanka Soomaaliya Ayaa Gacan ka hadal ka dib ucodeeyay in aan Soomaaliya la keenin Ciidamada Safka Hore
Shirkii Golaha Baarlamaanka Soomaaliyeed ee maanta ka Furmay Magaalada Nairobi ee Dalka Kenya ayaa soo gaba gaboobay iyadoo looga hadlayay Laba Arimood aa kala ahayd in Soomaaliya la keeno Ciidamo ka Socda Midoowga Afrika iyo Wadamada Carabta oo isku jira,
Iyo Figarad kale oo ahayd in Soomaaliya la keeno Ciidamo Ka Socda Wadamada Midoowga Afrika iyo Wadamada Carabta Balse aysan Ku Jirin Wadamada Safka Hore ee Soomaaliya Xuuuda lalleh,
Hadaba Gudoomiyaha Baarlamaanka Soomaaliya Sh Xasan Sh Adan ayaa isagu ku dhawaaqay natiijadii isagoo warkiisa ku bilaabay Sidan
156 Xidhibaan waxa ay ucodeeyeen in Soomaaliya la keeno Ciidamo Ka Socda Wadamada Midoowga Afrika iyo Dalalka Carabta, laakiin aysan ku Jirin Wadamada Safka Hore,
55 Xidhibaan waxa ay ucodeeyeen in Soomaaliya la keeno Ciidamo Ka Socda Midoowga Afrika iyo Wadamada Carabta oo aan lakalla Saarin
dhinaca kale 6 Xidhibaan ayaa iyagu ka aamusay Labada Figaradood
Kulanka Baarlamaanka ee Maanta waxaa Hareeyay Buuq gacan ka hadal dhaliyay
Axmed Muusse Cabdulle(Idaawaqaca)
Axmeddheere65@hotmail.com
WARARKII SHALAY:::::
BAARLAMAANKA OO BARI COD U QAADAYA CIIDAMADA SOOMAALIYA LOO DIRAYO EE SAFKA HORE.
Canab Mumtaz | SomaliTalk.com | Nairobi | Maarso 16, 2005
Email: cmmumtaz@somalitalk.com ama canabmumtaz@yahoo.com
Xiisaddi ugu kululayd ayaa maanta ka dhex furan labada gole ee baarlamaanka iyo
dowladda ka dib markii guddiga nidaaminta baarlamaanka ay soo dhajiyeen qoraal
muujinaya in bari (Maarso 17, 2005) laga doodayo ciidamada safka hore ee soomaaliya la gaynayo oo
waayadanba lawada sugayay in baarlamaanku u codayn doono xili ay noqotaba.
Doodan ayaa furmaysa bari,ka dib markii ay dowladda soo saartay qoraal uu ku
saxiixan yahay wasiirka koowaad ee dowlada FKMG ah ee soomaaliya oo cadaynaya in
gollaha uu madaxda ka yahay ee wasiiiradda isla ogolaaden bishii hore lixdeedi in la
keeno ciidamo ka socda IGAD,waxaana ku cad qoraalkan afar qodob uuna ka mid yahay in
wasiiraddu aysan u kala saarin saf hore iyo saf dambe ee baahiddu tahay ciidan in la
helo waxaana aqlabiyad ku ansaxiyay ciidamadaas 63 ka mid ah golaha wasiiradda
Dowlada FKMG ah ee soomaaliya.
Barnaamijkaas dowladda ay ansaxisay ee ciidamada IGAD ayaa bari baarlamaanka loo soo
bandhigayaa kadibna marka laga aqriyo ayay dhici doontaa in qodob qodob looga doodo
kadibna laga yeelo sidii cod loogu qaadi lahaa ciidamadda IGAD gaar ahaan kuwa safka
hore oo buuq wayni uu ka jiray tan iyo markii ururka midnimada afrika gollihiisa
amniga iyo nabad galyada IGAD u ogolaaday in ay soomaaliya gayso ciidamo ka qayb
qaata hub ka aruurinta maliishiyaadka iska soo horjeeda ee ku sugan dalka
soomaaliya.
Hoteladda ay dagan yihiin labada golle ayaa waxaa ka soo baxaya doodo kul kulul oo
ay is dhaafsanayaan xubnahani una muuqda fadhi ku dirir iyo sii mala awaalid waxa
dhaci kara bari inta lagu guda jiro doodan ciidamada safka hore looga
hadlayo,waxaana laga cabsi qabaa in dad badani ay isku feeraan sidii ka dhacday xil
ka qaadistii gollaha wasiiradi cali geedi intii aan dib loo soo magacaabin xiligaas
oo ku beegnayd 11-12-04 ee sanadkii hore.
Warar ku dhaw dhaw dowlada ayaa sheegaya in mas’uuliyiintu damacsan yihiin in ay
dalbadaan sidii dib loogu dhigi lahaa doodan codka loogu qaadayo ciidamda safka hore
sababo lagu macneeyaya in ay ka yimaadeen safar dalka masar ah xalay saq dhexe iyo
in ay la tashiyo samaynayaan dhexdooda ah ka hor inta aan la guda galin doodan.
Caadiyan marka ay dhacdo in la guda galo doodaha noocan ah waxaa soo baxa hoos
iskala hadal iyo gacan iskala hadal dhex mara dadka ay quseyso doodaas iyo cod
bixinteedaba,laakiin waxaa laga dhursugayaa waxa ay ku dhamaato codayntaas ciidamada
hadii aysan baaqanin bari.
Waxaa la saadaalinayaa in baarlamaanku u codaynayo ciidamada ka socda IGAD oo aan
loo fiirin saf hore iyo saf dambe,qaar ka mid ah labada golle oo aan maanta arrintan
wax ka waydiiyay ayaa ii sheegay in ay wadamada safka hore yihiin kuwii soomaaliya u
dhisay dowladda iyo baarlamaanka meelna aysan ka aadi doonin illaa soomaaliya hubka
laga aruurinayo ciidamdana ay kawada imaanayaan wadamada IGAD oo dhan arrintan oo ay
dowladdu si wayn ugu ololaynso hadii aysan caawa wax is badal ahi ku imaanin.
Hay'addo caalami ah iyo wadamo kale ayaa horey uga dayriyay ciidamada safka hore ee
la gaynayo soomaaliya,sheegayna in aysan wax dan ah u keeni doonin
soomaaliya,waxaana la filayaa in dagaal uu ka dhex qarxi karo ciidamada safka hore
ee la gaynayo halkaas taasna waxaa ka iman kara in dowladda FKMG ahi burburto waxii
loo fadhiyay labada sano ka badana eber ku dhamaadaan.
Diidmo tan la mid ah waxaa banaanbaxyo ku muujiyay shacabka soomaaliyeed,halka
culumadda iyo siyaasiyiinta shirka iyo kuwa ka baxsanba ay horay u diideen in
ciidamo ka socda safka hore la geeyo dalka soomaaliya,sababo la xiirira in
soomaaliya iyo wadamadan au ka dhexeeyaan dano siyaasadeed iyo istiraajiyadeed ay
kala dhexeeyaan wadamadan safka hore ee ay itoobiya ku jirro.
Maalintii isniinti ayay ahayd markii ay wasiiradda Gaashaandhiga ee urur goboleedka
IGAD Go’aamiyeen in soomaaliya loo dirayo ciidamo gaaraya 10’000 iyagoo aan ka
saarin safka hore sheegayna in ay ka imaanayaan wadamada IGAD ayna ku jiraan kuwa
safka hore.
Heshiis la isu
Gacan Qaaday lana is cafiyay oo dhexmaray xildhibaan Barre Hiiraale
iyo Jaamac Aadan dheere oo ka dhacay hotel Tawakal ee magaalada
Kismaayo
Kulan balaaran
oo shalay ka dhacay hotel Tawakal ee magaalada Kismayo ayaa waxaa
lagu heshisiiyay Jaamac dheere iyo Barre hiiraale oo ay ka dhaxaysay
xurguf siyaasadeed oo aan qoto dhayreeyn.
HAMBALYO:::::
Waxaa halakan hambalyo uga diraynaa hadan nahay ardayda
puntland ee ku dhaqan Qaahira, waxaan hambalyo u
diraynaa Faarax Ahmed Maxamed (Faarax Qubo) iyo Hodon
Hodon Yaasiin Abdi oo gabar ugu dhalatay Magaalada
Qaahira gabadhaaso loo bixiyey Caasho, waxaan leenahay
noqo tii soo korta dalkeeda iyo diinteeda anfacda.
Hambalyadan waxaa
Diraya.
Raage Osman Omar
Sharmarke Abdi risaaq
Elmi
Asad Abdi Gufure
Mahamed Abdi Shire
Maxamed Diis
Sharmarke Xuseen Barre
Cali Xuseen Bari
Abdi laahi Ali islaan
Maxamed Yaasiin
Maxamed Faarax Maad
Maxamed Faarax Mire
Cabaas Ismaacil
iyo Dhamaan ardayda
Puntland oo an halakan lagu so koobi karin
|
Kulanka oo ahaa
mid aan saxaafada loo ogolayn ayaa waxaa ka soo qayb galay
masuuliyiin waxgarad,gudigii horay ugu hawlanaa xalinta amuurtan,iyo
wax garadkale oo aad u faro badan, hadalo dheer dheer iyo dood kadib
ayaa waxaa halkaasi isku gacan qaaday labada masuul oo shafka shafka
isku saaray si loo ilaabo wixii horay u dhacay layskuna cafiyo.
Sida uu ii
xaqiijiyay afhayeenka isbahaysiga Bille Cabdule Cabdi oo kulankaasi
goobjoog ka ahaa.
Bile ayaa ii
sheegay in lagu heshiiyay qodobo dhowr ah oo ay ka mid yihiin,in
Jaamac uu ka tanaasulayo sheegashada gole siyaasadeed oo aan ahayn
midka isbahaysiga,in diyada dadkii ku dhintay dagaalkii dhex maray
labada dhan ay bixiyaan isbahaysiga,in maleesiyaadka dib ay ugu
xaroodaan goobaha ciidamada ay ku jiraan,& qodobo kale.
waxa uuna
kulkankani ahaa mid si wayn loogu lafo guray waxyaabihii lakala
tabanayay oo dhan,waxa uuna Jaamac soo dhaweeyay dhamaan qodobadii
lagu heshiiyay asaga oo dhankiisa qodobo dhowr ah soo bandhigay,
wada hadal ka dibna la qaatay qaar kamid ah qodobadaas oo uu soo
bandhigay Jaamac Aadan dheere oo ay ku jireen in xubnaha maamulka
isbahaysiga ay ka dhex muqdaan qaar ka mid ah jifada uu ka soo
jeedo,waana la aqbalay ayuu yiri Bile.
Labada masuul oo
halkaasi ka hadlay ayaa midba dhankiisa waxa uu ka cadeeyay in ay
nabada ka wada shaqeeyaan islamarkaana ay is cafiyeen aydoo mid
waliba uu sheegay in dhankiisa uu qancay uuna soo dhawaynaya
qodobada lagu gaaray shirkaan.
Masuuliyiinta
iyo wax garadkii kulankaasi ka soo qayb galay ayaa waxa ay muujiyeen
sida ay ugu faraxsantihiin in ay soo gaba gabowdo arintaasi isla
markaana la aqbalay go'aamadii ay gudigu soo bandhigeen,ayada oo ay
horay u jiratay kulamo dhowr ah oo looga hadlaayay arimahan iyo
sidii loo soo afmeeri lahaa.
15 Bishii
koobaad ee sanadkan ayay ahayd markii labada dhinac maleesiyaadkoodu
ku dagaalameen xaafada calanleey ee magaalada kismayo ayada oo
laysku adeegsaday hubka culus iyo midka fudud,oo ay ku wax
yeeloobeen dad aad u faro badan oo ay tiradioodu kor u dhaaftay
sodon dhaawac ah iyo lix dhimasho ah,halka ay ku gubteen guryo isugu
jira ganacsi iyo deegaanba.
Tan
iyo xiligaasi waxaa soconayay dadaalo iyo isku dayo ay wadeen
waxgaradka labada dhan oo ku hawlanaa in ay ka guul gaaraan arinta
ay hada ku guulaysteen.
Jaamac
aadan dheere oo ahaa nin ganacsade ah ayaa lagu xamanjiray in uu
xariir la leeyahay raga ay dhinaca siyaasada isaga soo horjeedaan
isbahaysiga asaga oo laf ahaantiisu muujin jiray inuu xariiri la
leeyahay ragaasi balse haatan ayaa waxaa soo baxaya in ay jirto arin
hoosaad ku saabsan in uu jaamac ka mid noqonayo madaxda isbahaysiga
loona dhiibayo xil uu u qabanayo isbahaysiga sida ay sheegayaan ilo
xog ogaal ah oo aan ka soo xiganay wararkaasi.
Guntii
iyo gabab gabadii hedhiiska shalay ayaa ah mid ay siwayn ugu farxeen
dadka reer kismayo oo walaac ka muujin jiray in ay suurto galtahay
in uu iska hor imaad hubaysani imaankaro hadii aan la heshiisiin
labad garab ee iska soo horjeeday, maleesiyaadkana aan xoyahoda lagu
celin.
cabdi
qadar nuur maxamed (filipiin)
kismaayo soomaaliya
cabdiqadar84@hotmail.com