Daabaco Boggan | Print

---

Wasiirka Warfaafinta DGPL oo Laanta Af-Soomaaliga ee BBC-da Ku Eedeeyey in aysan Soomaaliya si siman uga waramin

• Gen. Cadde Muuse oo u Amababaxay Gaalkacyo
• Caluula oo ay Ka Dhaceen Dabaylo Xooggan
• Heshiis laba beelood ku dhexmaray Rako, Karkaar
• Laba Qof oo gaari Saarnaa oo lagu diley Duleedka Kismaayo

Warbixinadii: c/fataax Jaamac (Boosaaso) iyo C/qadar Nuur (Kismaayo)| March 10, 2005

Madaxweynaha DGPL Gen. Cadde

Madaxweynaha DGPL Gen: Maxamuud Muuse Xirsi (Cade) ayaa u amba baxay Magaalada Gaalkacyo isagoo ay ku weheliyaan qaar ka mida Madaxda iyo Odayaal ka socday DGPL waxaa safarkaa oo aan hore loo sii sheegin Madaxweynaha uu ugu amba baxay Magaalada Gaalkacyo lagu sheegay in uu ku salaysanyahay sidii uu ula kulmi lahaa Gudigii Sadex Geesoodka ahaa ee ay Dhiseen Madaxweynaha DFKMG Soomaaliya iyo Reysal Wasaaraha DFKMG Soomaaliyeed Gudigaa oo ahaa Gudi Dhexdhexaadin ka dhex waday Labadii Beelood ee Dagaaladu ku dhex maraayey Magaalooyin ka tirsan Gobolada Mudug iyo Galgaduud oo hore ay Xabad joojin ay uga Saxiixeen Madaxweynaha iyo Raysal Wasaaraha DFKMG Soomaaliyeed Xabad Joojintaa oo Fashilantay kadib markii labada Beelood ay Xabad Joojintaa ay jabiyeen.

Madaxweynaha DGPL Gen: Cade oo ka mid ahaa Madaxda Gudigaa ay u magacaabeen Madaxweynaha iyo Raysal Wasaaraha DFKMG Soomaaliyeed ayaa waxaa ilo xogogaal ah aan ka helnay in Madaxweynuha DGPL uu mar labaad laga yaabo in uu soo Nooleeyo Xabad joojintaa uuna la kulmo in ka badan Gudiyadaa hore loo magacaabay lana raadiyo Dadka Xabad joojinta ka Qayb qaadan karana oo laga balaariyo intii hore iydoo hada la soo sheegayo in ay jiraan Hub urursi aad u balaaran oo labada beelood ay wadaan hub urur sigaa ayaa ka socad kiisa ugu Balaran MagaaladaMuqdisho sida wararka laga helayo.

Madaxweynaha DGPL ayaa intuu ka amba bixin Magaalada Garoowe ee Caasimada DGPL uu Dhagax Dhigay Dhisme loo dhisaayay Wasaarada Dowladaha Hoose DGPL iyadoo Wsaaradu hore u daganeeyd Guri kiraa oo ay leeyihiin Shaqsi.

"...BBC laanteeda Afka Soomaaliga oo aan si siman aan uga waramin Soomaaliya..." Cabdirisaaq Geesood

 

Wasiirka Warfaafinta DGPL

Waxaa maanta kalfadhiigii Caadigaa ee Golaha Wasiirada DGPL Khamiis kasata ay yeelan jireen ay ku yesheen Xarunta Madaxtooyada DGPL oo uu Gudoominayay Madaxweyne ku xigeenka ay kaga hadleen Arimo badan.

Mar uu ka hadlaayey Shirkaa Wasiirka Warfaaafinta DGPL Cabdirisaaq Geesood oo Xafiiskiisa ku qabtay Warsaxaafadeed ayaa sheegay in ay maanta Shirkaa looga hadlay sidii loo hormarin lahaa Wasaarada Xanaanada Xoolaha madaama Xoolaha ay yihiin Lafdhabarka Dhaqaale iyo Manaafacaad ee Ummada Soomaaliyeed kadib markii Xilayadii Abaaraha ay Xoolahoodii ka baaba'een Dadkii Xoola dhaqatada ahaa, taas si looga gudbana loo sameeyo Daaqsin, Ceelal iyo Biyo Qabadyo, waxaa kale oo uu Wasiirku ku daray war saxaafadeedkiisa oo Shirkaa looga hadlay in Waaxda Duulista hawada oo ka madaxbanideeda Wasaarada Howlaha Guud oo in muda ah Muran ka taagnaa iyadoo xiligii Madaxweynaha uu ka ahaa Cabdulaahi Yuusuf laga madaxbanaaneeyey Wasaarada Waaxdaa taasna ay Golaha Wasiiradu Maanta u Codeeyeen in ay Wasaarada ka mid tahay.

GARSOORAHA MAXKAMADDA BOSAASO OO BEENIYAY WARBIXIN BBC-DA IYO WARGEYSKA QARAN KALA XIGTEEN OO KU SAABSAN NAAGO ISKU GUURSADAY BOSAASO OO TOOGASHO LAGU XUKUMAy... Guji... Feb 2001

Waxaa kaloo Wasiirku uu Dhaleeceen Dusha kaga Tuuray Hay'ada Warbaahinta ee BBC laanteeda Afka Soomaaliga oo aan si siman aan uga waramin Soomaaliya Guud ahaan ayna wararka keena Dagaalo iyo Dhib kasii Cusboonaada ay ka faafiso meelo ka mida Soomaaliya taasna uu wasiirku ku eedeeyay Tafatiraha Laanta Afka Soomaaliga Yuusuf Garaad oo ka dhigay BBC meel uu isagu leeyehey ayuu yiri wasiirku. Waxaa kaloo oo wasiirku ku eedeeyay Laanta Afka Soomaaliga in ay Qaar ka mida Gobolada Soomaaliya ay siiso Wariyaal Tababaro Gobolada Puntland oo ah dhul degana oo ay nabadi ka jirto ay ka Gaabsato wariyeyasha ku dhaqan Puntland.

Caluula oo ay Ka Dhaceen Dabaylo Xooggan

Gudoomiyaha Degmada Caluula Xareed Ciise Cumar oo nagula soo xiriiray Isgaarsiinta Fooneeyaha ee Radiyaha ayaa sheegay in ay ka dhaceen Degmada Caluula Dabaylo Tariikhdu markay ahayd 06-03-2005 Dabaylahaa ayaa geystay Dhibaatooyin qasaaro leh oo ay burburiyeen Xafiisyadii Maamulka iyo Guryo degaan ah iyagoo Dibada u soo Saaray Doomahii kaluumaysiga iyagoo Burbursan, Dabeylahaa ayaa waxa uu sheegay in ay socdeen 15-20 Daqiiqo oo ay ka mid yihiin goobaha ay Burburisay Saldhigii Booliska oo daganaa dhisme lagu magacaabo Qoryoolay oo ay hore u lahaan jireen Ciidamadii Bada ee Soomaliyeed.

Gudoomiyaha oo aan wax ka waydiinay in xiligaan uu la soo xiriiro oo ka hore uu ula soo xiriiri waaya Warbaahinta iyo Maamulka Gobolka ayuu sheegay in ay Dabayshu usocotay si goosgoosa ah ayna ku dhiiran wayeen in la xiro Isgaarsiinta Fooneeyaha oo Biraha loo taago ay Dabayshu riday Badana ay ku dhiiran wayeen Doomihii marka manta oo Dabayshii ay yaraatay ayaa noogu horeysay in aan la soo xiriirno Gobolka iyo Saxaafada.

Gudoomiyaha ayaa ka codsaday in lala soo gaaro caawinaad Dadkii ay ka burbureen Guryaha oo aan haysan hoy ay galaan iyo wax ay ka xirtaan Qabowga iyo in laga Caawiyo Dhismayaasha Maamulka. oo burburayiyagana.

Heshiis laba beelood ku dhexmaray Magaalada Rako ee Gobolka Karkaar

Gudoomiyaha Gobolka Karkaar Cabdirashiid

Gudoomiyaha Gobolka Karkaar Cabdirashiid Yuusuf ayaa noo sheegay in ay xaliyeen Dhibkii kala gaaray Labo beelood oo dhiig ku kala dhex maray Magaalada Rako oo ka tirsan Gobolka Karkaar Bishaan 08-03-2005 labadaa Beelood oo ay wada degaan, Gudoomiyaha ayaa sheegay inay soo qabteen Gacan ku dhiiglayaashii dhibka geystey Qaarkood kuwa kalena ay daba joogaan ayna ogyihiin meelaha ay ku sugan yihiin.

Gudoomiyaha oo aan wax ka waydiinay in ay heleen waxyaabihii ay ka bilaabatay Dilalkaa oo keenay Gudoomiyaha oo ka jawaabaya ayaa noo sheegay in ay wali xaqiijinayaan oo ay ku howlan yihiin Taliye Xigeenka Ciidanka Booliska DGPL iyo Talihii Qaybta Booliska Karkaar oo ilaa hada lagu tala jiro Xaqiiqada in la helo.

Warbixinadii cabdifataax Jaamac | somalitalkpl@yahoo.com | March 10, 2005

---

Halqof ayaa dhintay qof kalena waa uu dhaawacmay saakay kadib markii maleeshiyo hubaysini ay rasaas ku fureen gaari rakaabsanaaa oo marayay deegaanka kuuba kibir ee ku yaala duleedka magaalada kismaayo. 

Cabdi qadar nuur maxamed (filipiin)
Kismaayo soomaaliya | March 10

Labadii qof ee gaarigaasi ku waxyeelowday ayaa waxa ay ahayeen laba qof oo dumar ah ayadoo baabuurkan saakay la xabadeeyay uu ahaa baabuur nooca UD oo ka anba baxay magaalada kismaayo kuna sii jeeday degmada jilib ee gobolka jubada dhexe. 

Hadaba labadii qof ee hakaasi lagu waxyeelayay ayaa waxaa islamarkiiba loola sii gudbiyay deegaanka kuuba kibir oo uu gaarigaasi sii marayay ayadoo la sheegayo in maleeshiyada baabuurka xabadaysay ay ahaayeen kuwo ay isbaaro u tiilay duleedka tuulada kuuba kibir islamarkaana la sheegayo marka ay maleeshiyada gaariga ay xabadaynayso uu darawalka gaariga isku dayay in uu xoog ku maro isbaarada ay maleeshiyada dhigteen sidaasna lagu xabadeeyay gaarigaas. 

Waa shilkii labaad  ee lagu waxyeelaynayao dadka shacabaka ee  ku safra wadadaaska ayadoo loo gaysanayo dil dhac  tan iyo intii ay isbahaysiga dooxada juba ay howol galka nabadeed oo ay ku kala dhexgalayaan beelahii ku dagaalamay deegaaanka uu hada shilka ka dhacay  

Cabdi qadar nuur maxamed (filipiin)
Kismaayo soomaaliya

Faafin: SomaliTalk.com | Maarso 10, 2005

100 Soomaali oo ah Ku Dhintay Badda Cas
»Tahriibayaasha waxaa laga daabulay xeebta Boosaaso
»Heshiis 30 qodob ah oo ay Gaareen Beelaha Muqdisho
»Xus Muqdisho loogu Sameeyey Elman
Wararka oo dhan ka akhri halkan... Guji Maarso 10

Warar Degdeg ah oo Khuseeya Soomaalida Deggan USA
War kasoo baxay Xafiiska Legal Aid ee Minneapolis ayaa shaaca ka qaaday in dad badan oo Soomaaliyeed loo soo diray warqado ka yimid wasaaradda Amniga Gudaha USA kuwaas oo... Guji... Mar 9