Maxay isku Khilaafeen Madaxweyne C/llaahi
Yusuf iyo Ra'iisul Wasaare Cali Geddi.
Khilaafkan la soo afjaray Shalay galinkii
dambe ayaa ahaa mid socday mudo, una dhaxeeyay Mas'uuliyiinta Dowlada
FKMG ah ugu sareeya(Madaxweynaha iyo Ra'iisul wasaaraha) waxa uuna ka
dhashay arrimo u badnaa dhinaca guurista iyo kasbashada Xubnaha Labada
golle ee baarlamaanka iyo dowlada.
Haddaba khilaafka ugu dambeeyay ayaa
ka yimid kulan ay yeesheen ergayga dhawaan ay QM usoo magacowday
arrimaha Somaliya Qaar ka mid ah Beesha caalamka iyo Wasiirka
koowaad,kuna aadanaa halka ay dagayso dowlada kadib markii ay
xiisado colaadeed ka bilaawdeen baydhabo oo ahayd halka ugu wayn ee
ay dowladu isku halaynaysay in ay ka dhigato fariisin magaalada
jowhar oo iyadana laga baqayo in xiisado ay ka abuurmaan,waxa ayna
xubnahani kulan gaar ah la yeesheen Ra'iisul wasaaraha oo ay ka
dalbadeen in la geeyo dowlada caasimadda waan waana lala sameeyo
gudoomiyaha baarlamaanka si looga badbaadiyo dowlada colaad laba
garab noqota balse waxaa ku gacan sayray madaxweynaha.
Soo afjarida khilaafkan ayaa ku timid kulamo
badan oo ay maalmihii la soo dhaafay la yeelanayeen xubanaha
dowlada,wakiilo ka socda wadamada shirka dhaqaalaha ku bixiya ee midawga
yurub, iyo dowlahada IGAD qaarkood,waxa ayna ku guulasteen in ay
xaliyaan khilaafkaas oo wali aysan wax badan ka ogaanin xaqiiqda
heshiiskaas iyo khilaafkiisaba Warbaahinta laakiin ay jiran warar
xog-ogaal ah oo ka soo baxaya xarumaha labada hogaamiye ee ugu sareeya
dowlada.
Gunta Khilaafka.
Khilaafkan waxa uu ka dhashay kadib
markii uu Madaxweynaha Dowlada FKMG ahi marmar badan ka dalbaday
Ra'iisal wasaaraha in uu tago Caasimadda Soomaliya ee mogadisho, kana
samaysto saldhig, kadibna uu samayso xero ciidan oo uu maliishiyaad ay
leedahay dowlada ku xareeyo,isla markaana kasbado xeelad ahaan xubnaha
ugu muhiimsan hogaamiyayaasha mogadisho xooggana ku leh si ay ugu
fududaato wax qabashada caasimadda iyo fullinta howlaha siyaasadeed ee
dowladdu uga baahan tahay Si Gaar ah mogadisho.
Hadaba arrimahaas oo dhan ma dhicin
waxaana jirtay in Cali Geddi uu wax badan ka baaqday in uu tago
caasimadda,waxaana kaga hormaray Gudoomiyaha baarlamaanka FKMG ah
Shariif Xasan Sh.Aadan oo si wayn looga soo dhaweeyay caasimadda
Somaliya ee Mogadisho ka dib markii ay ku hungoobeen in uu Ra'iisul
wasaaruhu tago Caasimadda.
Madaxweynaha ayaa la yaab dhowr jeer ka
muujinayay sida uu cali geddi uga biya diidan yahay in uu tago
caasimadda Somaliya waxii uu farayna u diidan yahay, waxaana dhacaday
intaas kadib C/llaahi yuusuf ku eedeeyo Cali geddi uu kasban waayay in
uu isku keeno ugu yaraan shan hogaamiye oo hubaysan oo beeshiisa ka
soo jeeda xoog ama xeelad laakiin arrimahaas oo dhan waxba kama soo baxin
waxa ayna sii kordhisay khilaafkii u dhaxaysay labadooda.
Waxii ka dambeeyay safaradii ay ku tageen
magaalooyinka jowhar kuna soo dhamaaday Baydhabo waxa uu ahaa
khilaafkaasi mid taagan, waxa uuna madaxweynaha u aanaynayay khilaafka
soo kala dhexgalay dowlada iyo Baarlamaanka in uu sabab u yahay Ra'iisul
wasaaraha dowalada FKMG ah, waxa uuna dhowr jeer fagaare ka sheegay in
waxa u dhaxeeya isaga, waa C/llaahi yuuusufe, iyo Baarlamaanka uu yahay
Wasiirka koowaad.
Safarkii uu Cali Geedi ku tagay Magaalada
Mogadisho oo ahaa mid aan horay loo sii qorshaynin waxa uu meesha ka
saaray in wax badani iska badalan xiriirka labada hogaamiye ee dowlada
ugu sareeya,arrimaha ugu waynaa ee Madaxweynaha uu ka walwalsanaa ayaa
ahayd in Cali Geeddi uu heshiis la soo galo hogaamiyaayaasha
xamar, dowladana uu ka dajiyo Mogadisho, maadaama ay safarkaas ku
wehliyeen xubno ka socda Jaamacada Carabta, Midawga yurub, Ururka
midnimada Afrika iyo Safiirada Jabuuti iyo Kenya ayna ahaayeen kuwo
warbaahinta siinayay warar ah in caasimada dadka joogaa ay yihiin dad
u baahan dowlada soona dhawaynaya kuna talinayay in dowlada ay usoo
wareegto caasimadda hadii kale aysan heli doonin taageero
dhaqaale,waxaana sii yaabiyay markii uu uu Cali Geddi ku sheegay
warbaahinta in uu u tanaasulay Hogaamiyaasha Mogadisho,laakiin iyadoo
wali laga sugayo ayuu maalin cad ka soo duulay garoonka Ceel macaan oo
ku yaala magaalada mogadisho dhinaceeda waqooyi xili ay sugayeen qaar ka
mid ah hogaamiyayaasha oo uu balan la lahaa.
Ra'iisulwasaaraha laf-ahaantiisa ma
shaacinin waxa uu ka tanaasulay, waxa ayna qaar badan oo ka mid ah
xubnaha baarlamaanka ku eedaynayeen in hadii uu sheego waxa uu ka
tanaasulay in ay sii kala fogayn karto isaga iyo Madaxweynaha,waxaana u
qorshaysnaa in marka uu madaxweynaha u yimaado uu si hoose ugala hadlo
waxa uu kala soo kulmay xamar ee ah hogaamiyayaasha Xamar iyo shacabka
halkaas ku noolba iyo waliba waxa sababay in uu sheego tanaasulaad xili
ay jirto siyaasad kala fog oo ku salaysneed aragti iyo Dastuur lagu
xadgudbay laakiin marka si hoose loogu daadago ka saraysay dhamaan
arrimahaas ay kala sheegayaan labada dhinac.
Soo laabashadii Cali Geddi wax badan kama
badalin khilaafkoodi,waayo C/llaahi yuusuf waxa uu ka sugayay in uu soo
celiyo Wasiiradii ka carooday shirka ee sheegay in ay xamar
nabadeynayaan ciidamadoodana ay ka dhigayaan kuwo qaran, in uu keeno aragti ka
badalan kuwa ay sheegeen wasiirada dowlada ee ku sugan ee xamar maadaama
uu ka dhashay beelaha xooga ku leh caasimadda,waxa uuna arkay Ra'iisul
wasaarihii uu soo laabtay fara marnaan.
Cali Maxamad Geddi waxa uu sheegay in uu
la soo baxsaday lafahiisa, iskaba daa in uu halkaas ka soo qabto
howle,waxa uuna u sheegayay wadamadii laga filayay ciidamada in halkaas
ay tahay meel ay xaaladeeda nabadeed aad u culustahay una baahan in la
geeyo ciidamo ka socda Ururka midnimada Afrika si ay u hantaan amaanka
dalka, Waxa uuna qaraxiii isbartiibada oo ay dad badani ku dhamaadeen
kuna dhaawacmeen darteed soo jeediyay in xamar ay noqoto halka ugu
horeeya ee ciidamada AU-da ka howlgalaan.
Balse C/llaahi yuusuf kuma qancin
wararkaasi waxa uuna Qabay in Cali geddi uu ku guuldaraystay in uu hanto
Ra'iisul wasaarenimadiisa, mar hadii uu keeni waayay hogaamiyayaasha
mogadisho, waxna meel la soo dhigi waayay,waxaana socotay maalmihii la
soo dhaafay in Ra'iisul wasaaraha laga qaadi doono xilka laguna badali
doono xubin ka mid ah Gollaha wasiiradda, Balse hadda sida muuqato kana
soo baxaya illo xog-ogaal ah waa mid la soo afjaray khilaafkaas.
Canab Mumtaz | Somalitalk | Nairobi |
canabmumtaz@hotmail.com
Faafin: SomaliTalk.com | June 4, 2005
Soomaalida Reer
Minnesota oo Helay Xaruntay Raadinayeen
Khudbaddii Jimcaha ayaa shaaca looga qaaday in
lahelay Xarun in mudo ah ay raadinayeen Soomaalida reer Minnesota, taasoo
lagu iibiyey lacag dhan $1,700,000..
Guji..
Waraysi:
Dr. Qaasim Xirsi Faarax
Xoghayaha joogtada ah ee wasaarada
deegaanka iyo maaraynta aafooyinka oo dhowaan safar ku tegaya xeebaha
Somalia oo ay waraysatay Canab Mumtaz
ka dhegeyso
halkan...
Jen.
Cadde Muuse: Hay'adaha shisheeye waxay rabaan in Dalka Maamulaan
Waraysi dheer oo uu Madaxweynaha DGPL siiyey
Telefishanka ETN ayuu shaaca kaga qaaday in...
Guji.. May 29
Daabaco
Boggan | Print
