Culimo ka timid G/Bari
ayaa wacdi iyo muxaadarooyin ka bilowday meelo ka mid ah
G/Sanaag.
Badhan: Culimaa'udiin
ka tirsan kuwa ugu magaca weyn gobolada Puntland ayaa
maalintii Isniinta ee bishu ahayd 27/06/2005 soo gaadhey
magaalada Badhan.
Culimada ayaa hawshooda
ka bilaabay iney la kulmaan Duqa degmada Badhan Md.
Maxamed Axmed Cismaan iyo odayaasha degaanka ee kala ah
:
- (1) Saalax Garaad
Cali shire.
- (2) Axmed Muse
Suldaan.
- (3) Xaaji Maxamud
Maxamed Shire.
- (4) Shiikh Axmed
Shiikh Saalax.
- (5) Shiikh
Khaliif Xuseen Kamiin.
- (6) Axmed Jaamac
Faarax.
- (7) Shire Saalax
Axmed.
- (8) Xasan Jamac
Dhegood.
- (9) C/casiis
Maxamuud Jaamac (guribar).
Waxayna u sheegeen in
safarkoodu yahay iney dadweynaha ku baraarujiyaan shukri
naqa barwaaqada ilaah ina siiyey , ayna meelo badan soo
mareen, hadafkooduna uu intaas ahaa. culimadaas oo kala
ahaa :
- (1) Shiikh Xasan
Xuseen.
- (2) Shiikh Axmed
Daahir.
- (3) Shiikh Daahir
Aw-cabdi.
- (4) Shiikh Maxamed
Macalin.
- (5) Shiikh C/raxmaan
Bukhaari.
oo dhamaantood ka mid
ah hay'adda culimada ee gobollada Puntland. kadib markii
culimadu hadalkooda dhamaysteen ayaa waxa hadalkii la
wareegey odayaashii ,waxayna culimada kusoo dhoweeyeen
magaalada , iyagoo sheegay in baahi weyn loo qabo dadka
in lagu baraarujiyo ka fogaanshaha waxa xun iyo samaynta
waxa fiican, waxayna intaas ku dareen iney la
shaqaynayaan maamul iyo odayaalba.
culimadu intii ay
joogeen magaalada Badhan oo ahayd 2 habeen waxay
muxaadarooyin ka jeediyeen masaajidada , iyadoo si toos
ah looga dhegeysanayey idaacadda FM-ta ah ee magaalada,
dadkuna ay su'aalo fara badan weydiinayeen.
mawduucyada ay
culimadaasi xoogga saartay ayaa ahaa : ilaalinta
dhaqanka suubban ee Islaamka iyo ku dadaalidda barashada
caqiidada Islaamka ee shardiga u ah camalka iyo
cibaadada.
culimada ayaa waxay
kale oo kulan la yeesheen culimada magaalada Badhan ,
kuwaas oo ay ka mid ahaayeen Shiikh Cabdi xayi Sh.Muuse
, Shiikh Qudubi ,Shiikh C/qaadir Axmed Ismaaciil iyo
Shiikh Siciid Cismaan .
saaka subaxnimadii ayey
culimadaasi u anba baxday dhanka magaalada Hadaaftimo oo
ay wacdi iyo muxaadarooyin ka jeedin doonaan.
Waxanse aad uga xumahay
warbixinta khaldan ee allpuntland lagu soo daabacay, ee
wax u dhimaysa degaanada Puntland iyo xidhiidhka dadka
walaalaha ah, iyadoo dhanka kalena aan waxba ka qorin
dhibta ka jirta magaalada Gaalakacayo ee bendooda ku
jirtey 3-da casho, Badhanna ka qortay warbixin aan jirin,
waa su'aale kumay u warhaysaa Badhan iyo Gaalkacayo ?
maxayse u huwatay magaca qaaliga ah ee la wadaago haddii
ay sidaas u kala saarayso magaalooyinka dadka walaalaha
wada yaalliin? mise allpuntland baan ahayn cidda aynu
moodney.
Iyadoo horena u
caadaysatay been abuurka arimahan oo kale, kwaas oo ka
dhcay Boosaaso iyo meelo kaleba.
Maxamud Ciyoon /
Badhan.z
ciyoon10@hotmail.com
Faafin: SomaliTalk.com |
June 30, 2005
Bishaaro : Kulankii 5-aad ee
Kulaylaha 2005/1426H -Toronto
Waxaan Dhammaan Jaaliyadda Soomaaliyeed
ee ku nool North America ugu baaqaynaa in uu
shirweynihii Kulankii 5-aad ee
Kulaylaha 2005/1426H uu ka dhici doono
dhawaan magaalada Toronto ee dalka Canada:
Taariikhda :
Sabti July 2, 2005 & Axad July
3, 2005.
Waqtiga :
9:00 am illaa 10:30 pm.
Goobta :
Toronto Congress Center
650 Dixon Road , Toronto, Canada.
Gelitaanka :
$ 10 (Labada Maalmoodba).
Babysitting:
$ 5/Child (Maalinti).
Cuntadu waa Iib (qiimo jaban).
Cinwaanka Kulanka: Mustaqbalka Islaamkaa Leh.
Culimada Ku
Martiqaadan waa:
- Sh.
Maxamed M. Umal
- Sh.
Maxamed Sh. Cismaan
- Sh.
Mustafe X. Haaruun
- Sh.
Maxamed Idriis Axmed
- Sh.
Cismaan X. Madad
- Sh.
C/raxmaan Sh. Cumar
- Sh.
Bashir Yusuf Shiil
Waxaa kaloo ku
martiqaadan shirkan odayaal iyo aqoonyahanno ka
tirsan Jaaliyaddeenna.
"
Walaalayaal Kororsada Aqoontiinna Diineed"
Wixii Faahfaahin ah
nagala soo xiriira :
Tel.
416-745-2888 Ext. 0, Fax. 416-745-9360,
Bazaar Tables
: Contact the Masjid @ 416-745-2888 Ext.
313.
"
Gacmo Furan Ku Soo Dhawaada".
Silsiladdii
Taariikhda Islaamka:
Qaybtii
11aad: Ka Akhri halkan... [W.D: Sh. C/risaq Macallim Abshir]
Daabaco
Boggan | Print