Wasiirka
Iskaashiga gobolka iyo xiriirka caalamiga ah
ee dalka Kenya Mr.John Koech ayaa sheegay
maanta in dowlada iyo baarlamaanka Somaliya
ay dhawaan ka ambabaxayaan dalka kenya
iyagoo ku sii jeeda magaalooyinka Jowhar iyo
baydhabo oo ka mid ah dalka Somaliya.
Wasiirka oo
maanta u waramayay Warbaahinta ayaa intaas
ku daray in dowladaha IGAD iyo kuwa
caalamiga ahba ay soo dhawaynayaan dib u
guurista dowlada iyo baarlamaanka,si ay uga
howlgalaan dalkooda Somaliya ka dib markii
dib u heshiisiin socotay muddo laba sano ah
ay ku guulaysteen ergooyinka Soomaaliyeed
iyo siyaasiyiintaba in la helo dowlad iyo
baarlamaan iyadoo beesha caalamka iyo
dowladaha urur goboledka IGAD-ba ku garab
taagnaayeen dhiirigalin Nabadeed iyo
dhaqaale sida uu hadalka u dhigay Mr.John
Koech Nabad ku soo dabaalida dalka Somaliya
awgeed.
Wax ka yar
laba todobaad ayaa laga yaabaa in ay ku
qaadato sii joogitaankooda Labada Golle
dalka kenya iyo Mas'uuliyiintoodaba ayaa ka
mid ahaa hadaladii uu maanta sheegay
wasiirka gobolka,waxa uuna xusay in qaar ka
mid ah labada golle oo ku sugan dalka
soomaaliya ay tababarayaan Maliishiyaadkii
dagaalka iyadoo ay joogaan ciidamadii hore
ee milatariga taasna waa guul wayn oo laga
fili karo in ay keento Amaan ka dhashay
dalka Soomaaliya.
Dalka
Kenya iyo Dowlada Somaliya.
Dowlada kenya waxa ay horay dhowr jeer ugu
celcelisay in ay ka baxaan dowlada iyo
baarlamankeeda dalka kenya,si loo arko wax
qabadkooda,waxa ayna u qabteen ugu dambayn
bishan juun tobankeeda oo maalmo ay harsan
yihiin,sidan si la mid ah ayay beesha
caalamku u sheegtay in labada Golle u
guuraan dalka gudahiisa hadii kale aysan wax
taageero ah siin doonin.
Dowlada
Somaliya Tixgalin badan kuma lahan dalka
Kenya,waxa ayna diblomaasiyiin la socda
shirka Somaliya iyo siyaasada wadamada
dariska ahi sheegayaan in Dowlada Kenya
aysan waxba ka qabanin khilaafkii
siyaasadeed ee u dhaxeeyay mas'uuliyiinta
ugu sareeya labada golle,taas oo keentay
aaqiritaankii in ay noqdaan laba quwadood oo
ku tartamaya Hanasho dhuleed oo ay ka
taliyaan halkaas oo ay marwalba waxyeelo ugu
gaysanayaan shacabkii ka sugayay wax qabad
iyo Nabad ka dhalata dalka.
IGAD waxa ay
si wayn idhaha ugu hayaan xaalada dalka
soomaaliya marayo,iyo in dowladii ay soo
dhiseen xaalad walba ha ku dhacdee ay hadda
tahay laba garab,xalka u furnaa IGAD waxa ay
ahayd in ay u furaan albaab kale oo wadahal
ku dhisan si loo yareeyo mucaaradnimada ay
isku muujinayaan Qaybaha dowlada iyo
baarlamaanka ugu sareeya,laakiin taas
malahan wali wax ka soo muuqda ama u eg
xalinta khilaafka siyaasadeed ee ka dhex
taagan dowlada iyo baarlamaanka oo awood
sheegad iskugu maqan dalka gudahiisa.
Canab Mumtaz
| SomaliTalk | Nairobi
Email:
canabmumtaz@yahoo.com
Daabaco
Boggan | Print