CANADA: Wasiir Isku Casiley Arin La Xiriirta Pizza
- Tarjumadii SomaliTalk.com |
Jimce, Jan 14, 2005
Toronto, Canada:
Wasiiradii Socdaalka [Citizenship & Immigration] ee Canada oo magaceeda
la yiraahdo Judy Sgro ayaa maanta oo Jimce ah is casishey kaddib markii
uu nin leh meel Pizza-da lagu gado ku soo eedeeyey in markii ay
doorashada ku jirtey ay u ballan qaaday in ay ka caawin doonto arimo la
xiriira degganaanshaha dalka Cannada asaguna uu Pizza bilaash ah sidaas
ku siiyey dadkii ayada u ololaynayey.
Ra'iisul wasaaraha
Canada,
Paul Martin, ayaa isla maanta Aqbalay is casilaadaas, tan oo
ahayd wasiirkii ugu horeeyey ee dawladiisa iska casila ilaa 2003 oo uu ra'iisul wasaare noqday. Jagadaas
bannaanaatayna waxaa markiiba loo magcaabay wasiir cusub oo magaciisa la
yiraahdo Joe Volpe.
|
Ra'iisul wasaaraha Canada
Paul Martin |
Wasiirka socdaalka
Joe Volpe |
Ninka dacwada wasiirka ku furay oo
magaciisa la yiraahdo Harjit Singh, oo dukaan lagu gado Pizza ku
leeyahay Brampton, Ontaria, waxa uu sheegay in uu
Pizza ku gacan qabtay doorshadii wasiirada, taas oo uu sheegay
bedelkeeda in ay wasiiradu u ballan qaaday in ay ka gacan qabaneyso deganaasnsho ka helida Canada, arintaas oo ay Judy Sgro si waadax ah u beenisey
kuna tilmaantay wax aan caqliga gelayn.
Harjit Singh waxa uu
dacwada ka furay maxkamada dhexe ee Canada ee magaalada Toronto. Waxana uu ku mudacayaa in Sgro ay isaga weydisatey
in uu Pizza leh toon siiyo 15 ama 16 qof oo ayada si mutadawacnimo ah
ugu ololaynayey xilligii ay ku jirtey tartanka doorashada. Taas oo uu
sheegay in uu xaaladiisa u sheegtay ayna hadda ka baxday ballantii ahayd
in ay asaga ka caawin doonto arimaha la xiriira laanta socdaalka [Immigrationka]
Canada.
Singh waa aabbe leh saddex carruur
ah, Canada waxa uu ku sugnaa ilaa 1988. Waxaana qorshaysan in
Khamiista soo socota loo tarxiili doono dalkiisii Hindiya.
|
Wasiirkii hore ee socdaalka
Judy Sgro |
"Pizza ayaan ku bixiyey
Doorshadii wasiirka"
Singh |
Wasiirada is casishey waxay
TV-ga Canada ee CBC u sheegtay inta ay wasiirka tahay in aysan
si xor ah isaga difaaci karayn eedaynta ninkaasi u soo jeediyey, ayna
jagadaas iska casishey si ay eedynta isaga difaacdo.
Sgro waxay tiri
weligay ninkaas lama hadlin, eedayntaasna waxba kama jiraan, umana
baahnayn Pizza bilaash ah. Xaafada aniga xafiiskayga tartanka doorshadu
ku yaal waa xaafad Talyaani oo ay ku yaalaan makhaayado badan, ayey tiri.
Sgro waa 60-jir ka tirsan xisbiga
Liberal-ka Canada, waxaana laga soo doortaa xaafadda York West ee
magaalada Toronto.
Dhegeyso Warkii CBC
ee is casilaada...
Ciidamada
Canada oo Taariikhda Markii ugu Horeysey Loo Sameeyey Wadaad Islaam ah
Daabaco
Boggan | Print