Jawaab qoraalkii Ururada Islaamiga
ah ee uu Fahad qoray.
Waxaan jeclaaday
inaan fikirkay ka dhiibto qoraalkaaga ku yaal SomaliTalk ee ku
saabsan mawduuca kor ku xusan. Qoraalkaaga waa mid runtii ka
turjumaaya aragtidaada ku saabsan ciidamada shisheeye ee wadanka
iman doona haddii ilaah idmo iyo sida aad u aragto qatarta ay
lee yihiin. Waxaa xaqiiq ah inay jiraan dad badan oo Somali ah
oo aragtidaas kula qaba (Ha ahaado wadaad ama warlord ama
sarkaal hore ama mid qabiil ama reer sheegta inuu madax u yahay).
Waxaa kale oo iyadana sidoo kale xaqiiqdii jira dad kale oo
Somaliyeed oo u arka xal iyo lama huraan in ciidan shisheeye
wadanka la keeno(Kuwaana waxay lee yihiin intaan kor ku soo
xusay iyo dawlada inteeda badan). Marka inaga oo aan waqtiga
isga lumin inta badan labada nican aan bal wax ka iraahdo tan
culimada.
Waxaa run ah inaad ururada Islaamka ah iga badiso, haddana
taas aniga waxba uma arko. Maxaa yeelay Islaam aniga macnihiisa
waa ii Ilaahay subxaana watacaalaa iyo Sunadii nabi Max'ed SCW,
mana arko macnaha ay samaynayso ururadaan islaamka ah ee tirada
badan. Sidaa awgeed waxaan isku jamcinayaa dhamaantood si aan u
taabto gunta qoraalkaygan.
Somaaliya muda 15 sanadood ah ayey dawlad la'aan ahayd.
Dawlada la'aantaas dhibaata badan ayey shacabkii, dhulkii,
hantidii, iyo sharaftii Somaliyeed u geysay, aduunkuna qaati
bilaahi ayuu ka gaaray wadankaan fawdada ah ee masaakiintiisii
intaa hardaamada, dhaca, dilka iyo boobka lagu hayo. Sida aad
maanta ku talinayso in laga hortaga ciidan shisheeye ee ay
Itobiya ku jirto, ayuu intaa adduunku ku talinayay in Somalia
sida loo dhaamo oo wax lala qabto. Dadka Somaaliyeed intay
dhibaatadan ku jireen wadaad Somaliya kama maqnayn, marka maxaa
keenay inay joogaan wadankii ay ku dhashayn ogolaadana in ummada
intaas oo silic ah loo geysto? please don not insult my
intelligence by pointing to the so called "Maxakamadaha
Islaamiga ah or Dalada culimada" many Somalis know that there
are not a solution but part of the problem. Jihaadku goorma ayuu
wajib yahay? Ma marka Itoobiya la maqlo ama la arko ayuu waajib
yahay mise mar alaale iyo marka ummada masaakiinta xadgudub
intaas le'eg loo gaysto ayuu waajib yahay? Maxaa keenay
wadaadadan hadda banaanbaxay inay barya ama baad ku maraan
meelaha Isbaarooyinka yaaliin, masaajidadana kaga hadlaan
Itoobiyaan halagu jihaado? Mise Jihaadku Mooryaanta fawdada wada
ma qabto?
Waxaa jira in la doortay dawlad, laguna doortay wadanka Kenya.
Dawladan waa tii sadexaad ee la doorto intii wadanku burburay.
Intaa shirarka la qabanaayey wadaada amiinsan in Somalia
Islaamka lagu maamulo waa tagi kareen (Tagaana ma ogi) Lakiin
intaba ma maqal mana arag Somali doorata dawlad Islaam ah (sababtu
nooc walba ha ahaato) Dabcan shacab wax ma dooran ee dad
shacabkii matalaaya ayaa doortay. Haddaba maxay ku dhacdaa in
mar walba ay wadaadadu ama ururada Islaamku googta heshiiska iyo
dhismaha dawlada ka maqnaadaan? Ma fawda doonbaa? Mise
hadalkooda waa hanaloo yeeray maxaa yeelay dadka ayaan qayrka
ugu dhawnahay? Mise afkay uga hartay oo itaal iyo xoolo iyo
aqoon dawladeed ayanan lahyn? Hadiise ay meeshii tagi waayaan.
Xagee ayey ka keensadeen inay diidaan go'aan ay dawladi qaadatay?
Waxaa cad in dawladu ay tahay mida kaliya ee ummada afkeeda ku
hadli karta lagalana tashan karo. Wadaadku haddii uu lee yahay
inaga awood ilaahiyan ah ayaan lee yahay oo anigaa dawlada ka
saxsan, hade isaga iyo dawladu way adag tahay inay wadanka wada
joogaa.
Keenista ciidanka shisheeye waa laga maarmaan biyo kama
dhibcaan ah (Aniga arigtidayda) Wadankii waxaa ka buuxa hub aan
cadadkiisa la aqoon, aminigiisa aad ayuu u xun yahay, dawladii
ma laha ciidan iyo awood ay hubkii ku qaado, waxaa wadankii
cunaha ku dhagan niman baada dadka ku dhargay oo aan xal ogolayn
marnabana aan ogolaanayn inay wadanka qoorsagaarada ka qaadaan.
Marka maxaa xal ah? barya laga daal ilaah ka cabsi haddalkiisa
daa, dawladkasta oo la soo dhiso cunaha ayay qabtaan, meel kasta
isbaara u taal. Xalku waa in marka xoog la isticmaala oo
sharciga dawlada oo ay fulinaayaan ciidamo ay lee yihiin
dawladihii dhismaha dawladan naga caawiyey lagu qaadaa oo umada
duliga laga xoreeyaa. Dawladu waa Somali, dhulku waa Somali,
dadkuna waa Somali. Itobiya kaliya maahan kuwa wadanka ciidanka
keenayaa. Maxaa Itobiya kaliya isha loogu hayaa kuwa kaleba saw
gaalo ma ahan. Waxaa cad in ilaahay ka jecal yahay gaalka xaqa
iyo cadaalada ummada ku dhaqa wadaad sheega danta gaarka ah leh
ee ummada raba inuu waliguu ceejada ku haya.
Gabagabadii hadalkayga. Waxaan dhawaan ka soo noqday Atlaanta,
Georgia. Waxaan halkaas ku soo arkay wiil deganaa gurigii aan
martida ku ahaa. Markaan iswaraysanay waxa uu ii sheegay inuu
ahaa dhalinyaradii ku dhashay Xamar kana qaxay dagalkii ahliga
ahaa ka dib. Waxaa uu degay Boosaaso oo uu markii danbe sarifle
ka noqday. Waxaa weydiiyay haddii uu yaaqaan Xasan Dahir Aweys
iyo haddii uu iisdheegi karo sida ay wax u dhaceen. Waxaa uu
iisheegay in dhalinta wadaadada ah aay aad u wanaagsanaayeen oo
ay magaalada amnigeeda ay wax badan ka qabtee, lakiin ay haayeen
ciidan qaalma rogad iyo tababaro ku sameeya magaalada daafaheeda.
Talona ay faraha ka baxday markay weerareen oo ay qabqabteen
odayadii gobalada oo shiraaya. Sababta aan u weydiiyay Mr. aways
waxay ahayd in ay aad ii dhibtay waraysiyadiisii kusoo baxay
shabakadaha Internetka kuwaas oo ku saabsanaa keenisya ciidan
shisheeyey wadan. Xasan waxa uu yiri "Hadaba i dhegeyso haddii
wadanka ciidan shisheeye la keeno walaahi Jihaad ayaan
iclaaminaayaa" Jihaadku ma mid Xasan uu meel ku qortayaa? yuu
laynayaa? Yaa isga la socda oo u dagaalamaya? Ma dhalinyaro
Somaliyeed oo madaxa ka xaday oo uusan dhalin ayuu xabada ku
dilayaa? Nimanka odayaal gurigoodii iyo gogoshoodii ku weeraray
ee afduubay adeer wax walba ka filo. Ciidan shisheeye, maadama
ciidankii wadanka uu caado qaatayaal wada noqday waa la keenayaa,
bal aan aragno Xasan iyo ragiisu inay Jihaadaan? Waxaadse
ogaataa in ciidanka dalka in badan lagaga soo dhaweyn doono.
Haddii soomalida soo dhaweysaana ay gaalo noqonayaan kuwa
jihaadaana ay janadii galayaan ilaahybaa xisaabteeda og, dalada
culiimada iyo maxkamada islaamka ee Moqdisho iyo Marka kal jirta
Musilnimadeena kuma xirna, wadankuna intaas waa ka badan yahay
Issa Jama Nur
issajama@hotmail.com
Afeef: Aragtida ra'yigan
waxaa leh qoraaga ku saxiixan
Daabaco
Boggan | Print