Barnaamijkii Radio Xoriyo
11 Feb. 2005
- Ciidamo
diiday inay Ogadenya ka dagaallamaan oo
xidhxidhan
Itoobiya
oo hub uruursi ku jirta
Qanyare
Afrax iyo Caato oo diiday in ciidamo
Itoobiyaan ah Soomaaliya la keeno
Mucaaradka
Itoobiya oo xukuumadda ku eedeeyay inay dad
ka laysay
Iyo
Barnaamijkii Aragtida Halgamaaga
======================
Ciidamo diiday
inay Ogadenya ka dagaallamaan oo xidhxidhan
Wararka naga
soo gaadhaya magaalada Jigjiga waxay sheegayaan
in askar badan oo ka tirsan Ciidanka Gumeysiga
Itoobiya ay ku gacan saydheen inay ku sii jiraan
hawlgallada millatari ee ciidamada gumaysigu ka
wadaan Ogadenya.
Askarta
amar-diidadan sameeyay waxaa ka mid ah 180
askeri oo qaarkood ay hadda socoto Maxkamad
Ciidan, waxayna intooda badan ku xidhan yihiin
xabsiga Ciidanka ee magaalada Jigjiga.
Waxay kaloo
wararku intaas raaciyeen inay jiraan ciidan
Jigjiga lagu hayo oo tiro ahaan gaadhaya 300 oo
askari, kuwaasoo iyaguna ku gacan-saydhay
amarkii Dawladda Woyanaha. Askartan waxaa loo
qorsheeyay in lagu wareejiyo Maamulka Boliska,
si ay hawlo cusub uga billaabaan gudaha Ogadenya,
hase yeeshee waxay codsadeen in marka hore siiyo
mushaarkoodii seddexdii bilood ee Gu'gii la soo
dhaafay. Hawlgalladii ay ciidamadaasi qaban
lahaayeen ayaa hakad la geliyay ilaa iyo muddo
danbe.
Itoobiya oo hub
uruursi ku jirta
Xukuumadda
Itoobiya ayaa ku jirta hub uruursi iyo sidii ay
kor ugu qaadi lahayd cududeeda millatari.
Kaligii-taliye Meles Zenawi ayaa dhawaan wax
laga weydiiyay hubka faraha badan ee Itoobiya
gacanta ugu jira iyo ciidamada ay uruursanayso.
Keligii taliye
Meles Zenawi waxaa la waydiiyay in Itoobiya
baahi u qabto hub iyo ciidaamo fara badan ama ay
u baahan tahay nabadgelyo iyo horumar, wuxuuna
ku jwaabay in marka dib loo eego dhacdooyinkii
ku meermeersanaa dagaalkii Eritreya, isla
markaana la qiimeeyo xaaladda qasan ee Somaliya,
suurtagal ma noqon karto inaan keligano hub
dhimis sameyno, mar haddii ayna dalalka deriska
ahna sidaasoo kale samaynaynin.
Hadalka keligi
taliye Meles Zenawi wuxuu daliil u yahay in
xukuumadda Itoobiya ay ku hawllan tahay hub
uruursi iyo abuurida ciidamo hor-leh, sidaas
waxaa horrantii bishan qoray wargayska afka
amxaariga ku soo baxa Reporter.
Qanyare
Afrax iyo Caato oo diiday in ciidamo Itoobiyaan
ah Soomaaliya la keeno
Wasiirka amniga
gudaha ee dawlada ku meelgaadhka ah ee
Soomaaliya Maxamed Qanyare Afrax ayaa sheegay in
dadwaynaha soomaaliyeed ay aad u jecel yihiin
inay samaysataan dawlad dhexe, balse ay mari
la’yihiin caabiga ay xukuumadda Xabashidu
arrintaas kaga soo horjeedo.
Maxamed Qanyare
Afrax oo magaalada Muqdisho kula hadlayay
dadwayne aad u tiro badan oo isu soo baxay, ayaa
sheegay in xukuumadda Itoobiya ayaa kala
qaybisay dadwaynaha soomaaliyeed, isla markaana
colaado kala dhex dhigtay.
Wuxuu kaloo
intaas ku daray "waxaan magaca Eebe ku
dhaaranayaa in dadkayagu ay jecel yihiin inay
helaan dawlad dhexe, waxaana muuqata inay
Xabashida neceb yihiin".
Maxamed Qanyare
Afrax wuxuu kaloo sheegay in dawlada cusub ee ku
meelgaadhka ahi ay hawlaheeda ka billaabi doonto
dalka Soomaaliya, wuxuuna dadwaynaha
soomaaliyeed ka codsaday inay kalsooni iyo
taageero u muujiyaan dawlada cusub.
Dhinaca kale
wasiirka hawlaha guud iyo guriyaynta ee dawlada
ku meelgaadhka ah ee Soomaaliya Cismaan Xasan
Cali (Caato) ayaa aheegay inuu ka soo horjeedo
in ciidamo Itoobiyaan ah la keeno dalka
Soomaaliya.
Cismaan Caato wuxuu sheegay imaatinka ciidamo
Itoobiyaan ahi ay dhigan tahay in mar kale dib
loo soo nooleeyo colaad soomaalida dhexdeeda ah.
Wuxuu kaloo intaas ku daray in Itoobiya ay
damacsan tahay inay Soomaaliya ka aar-goosato.
Cismaan Caato
wuxuu intaas ku daray "waana la dagallamaynaa
haddii ciidamo Itoobiyaan ah gudaha Soomaaliya
la keeno. Dadka soomaaliyeedna waxaan ugu
baaqayaa inay la dagaallamaan oo iska dhiciyaan
cadowgooda soo-jireenka ah ee Xabashida".
Dadwaynaha
soomaaliyeed ayaa si wayn uga soo horjeeda in
Soomaaliya la keeno ciidamo Itoobiyaan ah oo
qayb ka noqda ciidamada nabad ilaalinta ah ee
dalalka IGAD ku deeqayaan. Dadwaynuhu waxay
rumaysan yihiin in Itoobiya dano siyaasadeed ka
leedahay ciidamada ay Soomaaliya keenayso, isla
markaana ay u adeegsan doonto sidii ay u kala
tuuri lahayd dadaalka loogu jiro in dib loo
dhiso qaran soomaaliyeed.
Mucaaradka
Itoobiya oo xukuumadda ku eedeeyay inay dad ka
laysay
Is-bahaysiga
mucaaradka Itoobiya ayaa maamulka EPRDF ku
eedeeyay inuu ka dilay 5 xubnood, 22 kalana ka
dhaawacay, ka dib markii dhawaan weerar lagu
qaaday xubno mucaarad ah.
Is-bahaysiga
mucaaradka ah ee CUD ayaa sheegay in bishii u
denbaysay weerarro kala duwan lagu qaaday
madaxda mucaaradka ee isu diyaarinaya doorashada
la qabanayo bisha May, iyadoo weerarradaas uu ka
denbeeyo ururka talada haysta ee EPRDF.
"Waxaan
wadaynaa halganka, dhegna uma dhigayno
xadgudubyada xuquuqda aadanaha ka dhanka ah iyo
sharci darrada ay xukuumaddu nagu samaynayso,
sidaas waxaa lagus heegay bayaan uu is-bahaysigu
talaadadii soo saaray. Masuul u hadlay xafiiska
doorashooyinka ee Itoobiya oo is-qariyay ayaa
sheegay in arrintan laga war-hayo.
Shantan xubnood
ee la dilay waxay ka tirsanaayeen xisbiga All
Amhara Unity, oo hoos yimaada is-bahaysiga CUD,
waxaana labadii toddobaad ee u denbeeyay lagu
dilay woqooyiga galbeed ee gobolka Gojam. Ugu
yaraan 11 madaxda mucaaradka ka mid ah ayaa
Itoobiya lagu dilay sannadkii 2004, sidaas waxaa
yidhi Hailu Shawel oo madax u ah is-bahaysiga
mucaaradka. Waxaa kaloo la afduubay oon la ogayn
meel ay ku denbeeyeen 17 mucaaradka ka mid ah.
Radio Xoriyo,
11 Feb. 2005
C/Nuur Sh.Mohamed
radioxoriyo@ogaden.com
raadioxoriyo@yahoo.com
Radio Xoriyo waxaad ka dhegaysan kartaa
Mawjadda 31 MB ee dhererkeedu yahay 9820 KHZ,
Maalmaha Talaadada iyo Jimcaha 7: 30PM waqtiga
Afrikada Bari
Afeef: Aragtida
qoraalkan waxaa leh qoraaga kusaxiixan
Faafin:
SomaliTalk.com | Feb 11, 2005
»Maxaa
Hortaagan in idaacado madax banaan la keeno SL
| Qodax
»Boobkii
Dhulka Soomaaliyeed oo Puntland laga bilaabay |
C/waxid
»Ha la
Aamusin Aragtidaada - Faalo | Afyare
»SOOMAALIDU
MA U BISISHAHAY DOWLADNIMO ?! |
Istiilla
»YAA
U GARNAQI DOONA SOOMAALIA IYO QAB-QABLAYAASHA?
»Muqdisho:-
Soo Dhaweyntu Daacad Maka Tahay. | Asad
»BANAADIR
LAMA BOOQAN KARO, BEEN DHEH! | Garaad