Xisbiga kulmiye oo kubaaqay in Xilka Laga
Qaado Madaxweyne Riyaale.
- Aadan yuusuf qodax hargaysa somaliland
Email: aadanqodax@somalitalk.com.
April 7, 2005
Xisbiga siyaasiga ah ee KULMIYE ayaa kubaaqay in madaxweyne rayaale
maamuuska laga xayuubiyo laguna soo oogo dambi culus ( impeachment),
waxaa xisbiga kulmiye sidaa kusheegay shir jaraa'id oo uu xafiiskiisa
kuqabtay afhayeenka xisbiga kulmiye maxamed kaahin axmed kadib markii
ay laba cisho fooda isdareen kulan ay lahaayeen masuuliyiinta kulmiye
oo kaga arinsanaayay baadhis ciidanka booliisku kusameeyeen xarunta
dhexe ee xisbiga KULMIYE ee magaalada hargaysa .
Afhayeenka KULMIYE maxamed kaahin axmed waxaa uu intaa raaciyay in ay
joojinayaan wada shaqayntii ay lalahaayeen xukuumada iyo xisbiga UDUB
,xisbiga kulmiye waxaa uu golaha sharci dajinta usoo jeediyay in xilka
laga qaado madaxweyne rayaale laguna soo oogo danbi culus (
impeachment) .
Shirkaas jaraa'id ee afhayeenka KULMIYE maxamed kaahin oo ay kamuuqatay
cadho waxaa uu kutilmaamay baadhistii booliisku kusameeyeen xaruntooda
talaabo sharci daro ah oo kahorimanaysa dastuurka , waa markii uhoraysay
ee xisbi mucaarad ahi soo jeediyo in xilka laga qaado madaxweyne rayaale
laguna soo oogo khiyaamo qaran waxyaabaha xisbiga KULMIYE adeegsanayo
waxaa kamida in madaxweynuhu soo raray xuduudkii somaliland ee gobolka
sool.
Dhinaca kalena gudoomiyaha xisbiga mucaaradka ah ee UCID eng.
faysal cali waraabe ayaa sikulul uweeraray siyaasadaha xukuumada
rayaale , faysal cali waraabe oo lahadlaayay kumanaan
taageerayaashiisa ah oo iskugusoobaxay magaalada burco ee gobolka
togdheer, mr waraabe gudoomiyaha xisbiga ucid waxaa uu cambaareeyay
falkii ay booliiska hargaysi ku galeen xarunta xisbiga KULMIYE,
gudoomiyaha UCID waxaa usoo jeediyay dadweynihii dhagaysanay in ay
codkooda siiyaan mucaaridka ( kulmiye iyo ucid) sibuu yiri aanu
uxakamayno xukuumadu marka ay dabarka goosato .
Sikastaba ha ahaatee culays siyaasadeed ayaa haysta madaxweyne riyaale
,iyadoo dhicana kalena maamulgoboleedka puntland hawlgalo siyaasadeed
kawado gobolka sool taas oo iyaduna culayskeeda kuleh madaxweyne
rayaale , iyadoo si isdaba jooga loogu eedaynayo madaxweynaha in
uu sooraray maamulkii somaliland ee gobolka sool gaar ahaana laas
caanood.
warbixin: aadan yuusuf qodax hargaysa somaliland
email: aadanqodax@somalitalk.com
WARARKII APRIL 5 EE HARGEYSA::::
Booliiska Hargaysa oo Xoog kugalay
xarunta xisbiga kulmiye iyo cadho dadwayne oo lagaga jawaabay.
warbixin Aadan yuusuf qodax | hargaysa
| SomaliTalk
email: aadanqodax@somalitalk.com ama qodax28@hotmail.coms
April 5, 2005
Booliiska magaalada hargaysa ayaa
shalay galab xoog ku galay xarunta dhexe ee xisbiga mucaaridka ah ee
KULMIYE ee uu hogaamiyo Md. ahmed mohamed (siilanyo), talaabadan oo
boolisku qaadeen oo markiiba dhalisay cadho dadweyne waxaa xarunta ku
soo ururay dadweyne kacsan oo ku dhaqaayayey ereyo xukumada lidi ku ah
kuna taageerayaan gudoomiyaha KULMIYE.
Booliska ayaa isku gadaamay oo markii
danbena xoog kugalay iyadoo ay saraakiisha booliska watay sheegeen in ay
ka baadhayaan idaacad cusub oo lagu magacaabo radio Horyaal oo dhawaan
hawada soo gashay lana sheegay in xarunteedu tahay yurub idaacadan oo ah
idaacad madaxbanaan waxaa xukuumadu ku eedaysay xisbiga KULMIYE in uu
kadanbeeyo ,balse gudoomiyaha kulmiye oo taas kajawaabayaa taas ayaa
sheegay in idaacadani tahay mid ay furteen qurbajooga somaliland oo
ubadan buu yidhi xisbiga kulmiye waxaanu siilaanyo intaa raaciyay in ay
KULMIYE ahaan taageersanyihiin idaacadan .
Saraakiisha booliiska watay ayaa lagasooxigtay
in ay doonayaan computer laptop ah oo uu leeyahay xoghayaha xisbiga
kulmiye daa,uud maxamed geele kaas oo saraakiishu kutilmaameen in uu
yahay halka ay idaacadu kahadasho waxaase taasi yaab kukeentay dadweyne
goobta isugu soo ururay , sarkaalka ciidanka watay ayaa yidhi " waxaanu
doonaynaa computer lap-top ka ah ee manoo dhiibaysaan ".
Waxaase taas isagoo kajawaabaya
gudoomiyaha KULMIYE yidhi" computer la'idiin dhiibayaa majirto ee ama
sharci kuqaada ama xoog kuqaada", hase ahaatee waxay booliisku
iskudayeen in ay qabtaan xoghayaha guud waxaana taas ishortaagay madaxda
KULMIYE iyo dadwayne kacsanaa oo goobta sidagdag ah iskugu soo ururay ,isagoo
gudoomiyaha kulmiye shir dag dag ah iskugu yeedhay madaxda fulinta
xisbiga KULMIYE waxaanay galeen shir dag dag ah, majiro wax war ah oo
rasmi ah oo wali kasoobaxay shirkaasi iyadoo gudoomiyaha KULMIYE Axmed
maxamed maxamuud (siilaanyo) sheegay in shirkaa kadib ay soo saari
doonaan talaabada ay qaadayaan.
Talaabadan ay booliisku qaadeen oo ilaa
xaalay siweyn loohadal hayay ayaa xoghayaha kulmiye daa'uud maxamed
geele ayaa sikooban ugu sharaxay warbaahinta sida ay wax udhaceen
waxaanu yidhi "galabta(shalay) markay saacadu ahayd 5:00tii galabnimo
ayaa aniga oo fadhiya xafiiskayga waxaa ii yimid ciidan booliis ah
kadibna waxaan ku idhi maxaa dhacay waxay yidhaahdeen xafiiska ayaanu
baadhaynaa waxaan waydiiyay warqad sharci ah waxay yidhaahdeen mahaymo ,wayna
dhamaysteen baadhistoodii warna umahayo waxaa ay qaateen kadibna
waynaga tageen ,waan baxay waxaana iga horyimid gudoomiayaha siilaanyo ,waxaa
dhacday in hadana bilayskii soonoqdeen waxayna yidhaahdeen waxaanu
doonaynaa xoghayaha guud iyo lap_topkiisa waxaanan waydiiyay waxaa ay
iga rabaan waxaanay yidhaahdeen taliyaha ayaa nasoo diray, waxaanan ku
idhi baratakool ahaan anaa kasareeya ee isagu xafiiskayga ha'iigu
yimaado halkaasbaana buuqu kabilawday ".
Idaacadan sababtay in labaadho
xafiiska dhexe ee KULMIYE waxaa layidhaahdaa radio horyaal waxaana
masuuliyiinta idaacdu sheegeen in xarun teedu tahay yurub balse laga
dhaysto geeska africa iyo bariga dhexe waxaanay hore usabatay in laxidho
wariyeyaal katirsanaa radio hargaysa balse markii danbena lasiidaayay.
Sikastaba ha ahaatee wax war ahi
kama soobixin masuuliyiinta sare ee xukuumada oo kusaabsan sababta loo
baadhay xarunta dhexe ee kulmiye ayadoo aan ogolaansho lawaydiisan ,waxaana
arintaa shir dag dag ah kale masuuliyiinta kulmiye oo lasugaayo waxa
kasoobaxa iyo talaabada ay qaadaan.
Xisbiga kulmiye oo marka la,eego haysta
taageero xoog leh waxaa masuuliyiintiisu ubadan yihiin hogaamiyayaashii
ururkii SNM ee dagaalka kala horyimid dawladii maxamed siyaad bare.
warbixin aadan yuusuf qodax hargaysa
somaliland
email; aadanqodax@somalitalk.com ama qodax28@hotmail.com
Faafin: SomaliTalk.com |
April 5, 2005
Soomaaliya &
Liibiya oo Isku Afgartay in Dib Loo Soo Celiyo Mashruucii LIBSOMA
»W/Maaliyada
DFKMG oo la kulmay W/Maalgalinta Liibiya
»DFKMG
oo ka Qayb Qaadanaysa Aaska Pope-ka Kaatoliga
»Yuusuf
Indhacadde oo soo Dhoweeyay Xildhinaano
»Qaar
ka mida xildhibaanadii la filayay oo soo gaaray Xamar
»Muqdisho:
Shir Jaraa`id oo ku saabsan cudurka Kaduudiyaha
Warka oo dhan ka akhri halkan...
Guji...
Apr 6
Kulaabo bogga www.SomaliTalk.com