- Wasiiradda
Maaliyadda iyo Maalgalinta Liibiya ayaa isku afgartay
in dib loo soo celiyo Mashruucii Libsoma oo u
dhaxeeyay Labada Dal.
- DFKMG oo ka Qayb Qaadanaysa
Aaska Pope-ka Kaatoliga oo lagu Aasayo Rooma
- Yuusuf Indhacadde oo soo dhoweeyay
xildhinaanadii soo gaaray muqdisho
- Qaar
ka mida xildhibaanadii la filayay oo maanta soo gaaray magaalada
muqdisho
- Shir Jaraa`id oo ku saabsan
cudurka Kaduudiyaha oo maanta lagu qabtay magaalada muqdisho
War... 06.. April..Tripoli..Libiya.. Wasiiradda
Maaliyadda iyo Maalgalinta Liibiya ayaa isku afgartay
in dib loo soo celiyo Mashruucii Libsoma oo u
dhaxeeyay Labada Dal.
Mudane Saalim Caliyow ibrow oo ah Raiisul ku-xigeenka
Soomaaliya, ahna Wasiirka Maaliyada iyo Alsayid
Maxamed Al-Saruuq Rajab oo ah Wasiirka Maalgalinata
Dowladda Jaamhiiriyadda Liibiya ayaa maanta kaga
dhawaaaqay kulan ay ku kulmeen Labadaasi masuul.
Kulankasi oo uu Goobjoog ka ahaayeen Raiisul wasaaraha
Dowladda Federaalka KMG ee Soomaaliya Mudane Prof Cali
Maxamed Geedi, La-taliyaha Raaisul Wasaaraha ee
Arrimaha Carabta iyo Islaamka Cabdulqadir Xasan
Yabarow,iyo Safiiradda Soomaaliya u kala fadhiya
Liibiya iyo Qaahira Dr.Maxamed Xuseen Ilka-dahab iyo
Danjire cabdulaahi Xasan & Afayeenka
Xukuumada C/rixmaan Nuur Maxamed Diinaari.
Waxay kaloo Wasiirka
Maaliyadda ee Soomaaliya iyo Wasiirka Maalgalinta
Dibadda ee libya iskula garteen in laga sameeyo
Soomaaliya Mashruuc lagu naaxiyo Xoolaha Soomaliya ee
la doonayo in dibadda loo iib-geeyo, iyadoo Dowladda
Liibiya ay balanqaaday in ay Maalgalinta arrintaasi ay
iyadu ka keeni doonto Bangiga Islaamka.
Mudane Salim Caliyow ibrow iyo Mudane AlMaxamed Al
-Saruuq waxay kaloo isku waafaqeen in dib loo soo
nooleeya Heshiis ay hore Soomaaliya iyo Liibiya u wada
galeen oo ku saabsanaa Iskaashi dhinaca Kallumeysiga
iyo iib-geyntiisa.
DFKMG oo ka Qayb Qaadanaysa Aaska Pope-ka
Kaatoliga oo Lagu Aasidoono Rooma
Wasiirka Arimaha Dibada ee
Xukuumada Federaalku Soomaaliya Prof Cabdulaahi Sh Ismaaciil
ayaa ka qayb Qaadanaya Aaska Pope John Paul'ka labaad
Wasiirka Arimaha Dibada ee
Xukuumada Federaalku Soomaaliya Prof Cabdulaahi Sh Ismaaciil
ayaa ka qayb Qaadanaya Aaska Pope John Paul'ka labaad oo dhintey
Sabtidii laguna aasi doona Magaalada Roma ee Dalka Talyaaniga.
Wasiirku waxa la socda
Afhayeenka Madaxwaynaha Soomaaliya Yuusuf Ismaaciil Yuusuf
Baribari waxa ayna sidaan dhanbaal ay ka wadaan madaxwaynaha
Soomaaliya Mudane Cabdulaahi Yuusuf Axmed.
Dhanbaalka ayaa tilmaamaya
Tacsida Pope John Paul'ka labaad oo isagu ku dhintay Maalinkii
Sabtida Rooma, Wasiirku waxa uu la kulmi doonaa Saraakiil ka
tirsan Kaniisada Fatikaanka.
Madax faro badan oo Aduunka ka
Tirsan ayaa Iminka ku sii qulqulaya Rooma iyaga oo ka
qaybqaadanayaan Aaska Pope John Paul'ka labaad ee Jimcaha fooda
inagu soo haya ka dhici Doona Roma.
Axmed Muusse
Cabdulle(Idaawaqaca) Kenya_Nairobi
axmeddheere65@hotmail.com
Yuusuf Indhacadde oo soo dhoweeyay
xildhinaanadii soo gaaray muqdisho
Sheekh Yuusuf Maxamad Siyaad oo ah
guddoomiyaha Maamulka G/SH/Hoose ayaa maanta ku biiray raggii soo
dhoweeyay xubnaha xildhibaanada iyo wasiirada soo gaaray Soomaaliya.
Wararka ayaa sheegaya in maamulka SH/Hoose
aysan qaban wax howl ah marka laga reebo soo dhoweynta wafdigaa ka socda
dowladda FKMG Soomaaliya.
Warka ayaa intaa ku daraya in Yuusuf
Indhacadde iyo kolonyo baabuura uu wato in ay gaareen halkaasi
islamarkaasina ay is gacan qaadeen qaar kamid ah xildhibaanada.
Horay ayaa maamulka SH/Hoose waxaa u
shaaciyay inuusan marnaba aqoonsaneyn Golaha wasiirada iyo madaxweynaha
C/laahi yuusuf isagoo ku eedeeyay in ay doonayaan inay shacabka gacanta
u gelinayaan dowladda Ethiopia oo iyadu cadaawad ba`an u heysa shacabka
soomaliyeed.
Inadhacadde ayaa sidoo kale waxaa uu ka
dhawaajiyay inuu soo dhoweynayo xubnaha baarlamaanka islamarkaasina uu
ku casuumayo Gobolka SH/Hoose oo uu isagu ka taliyo.
Illaa iminka ayaan la ogeyn sababaha ka
danbeeya kala taageeridda xilligan ku soo beegantay ee maamulka SH/Hoose
uu u kala hayo labada gole ee dowladda FKMG ah.
Qaar
ka mida xildhibaanadii la filayay oo maanta soo gaaray magaalada
muqdisho
Boqolaal dad ah ayaa
maanta ku xoonsan afaafka hore ee Hotelka Saxafi ee magaalada Muqdisho
waxaana dadkaasi wejiyadooda ka muuqatay farxad aad u heersareysa iyadoo
socodkooda soo dhoweynta ah ay ka soo bilaabeen EX-Afgooye Dadkan ayaa
sidoo kale waxaa ka mid ahaa xubno kalkaaliyaal caafimaad ah iyo qaar ka
tirsan ciidamada Boliiska.
Dadkan oo raxanraxan
ahaa ayaa waxaa ay lulayeen calanka soomaliya,waxayna wateen Boorar
waaweyn oo ay ku qornaayeen hadalo muujinaya sida ay raali uga yihiin
imaanshaha xildhibaanada ee muqdisho.
Xildhibaanada soo
gaaray maanta ayaa ka soo degay garoonka nambar50 ee shabeelada hoose.
Waxaana ku wehliyay
safarkooda wasiiro ka tirsan dowladda,Wafdigii maanta soo gaaray
muqdisho waxaa hogaaminayay G/K/Xigeenka 2aad ee baarlamanka Cismaan
Cilmi Boqorre.
Ujeedada
xildhibaanadan ayaa wararku sheegayaan in ay xoojinayaan mowqifkii ay
qabeen xildhibaanadii uga soo horeeyay ee ahaa in magaalada muqdisho
meel aan aheyn noqon Karin Caasimad iyo in amaan lagu soo dabbaalo.
Cismaan Cilmi Boqorre
oo hadal gaaban u jeediyay shacabkii faraha badnaa ayaa ugu hambalyeeyay
sida qiimaha leh ee ay u soo dhoweeyeen waxaana la filayaa in saacadaha
soo socda uu warfidiyeenka la hadlo
Hase ahaatee tirada
maanta soo gaartay muqdisho ayaa wax badan ka yar intii la filayay
tirada soo gaadhay ayaa u dhaxeysa 25-30meeyo.
Si kastaba ha ahaatee
xildhibaanadan ayaa ku biiraya kuwii horay u joogay islamarkaasina waxaa
looga fadhiyaa meelmarinta qodobadii 29ka ahaa ee ku wajahnaa caasimadda
muqdisho
Shir Jaraa`id oo ku saabsan cudurka
Kaduudiyaha oo maanta lagu qabtay magaalada muqdisho
Cusmaan Maxamuud Dufle oo isagu ah W/K/Xigeenka
W/ caafimaadka ee dowladda FKG soomaaliya.ayaa shirkiisii maanta waxaa
uu uga hadlay habkii uu cudurkani uu ku soo gaaray soomaliya isagoo
sheegay in uu soomaliya uga yimid dhinaca wadamada Aasiya.
Warka oo dhan...
Hassan Ali Dhaaleey
Dheel10@hotmail.com
Mogadishu ,Somalia
Daabaco
Boggan | Print