Barnaamijkii Radio Xoriyo
05
Apr. 2005
-
Shir balaadhan oo ay iskugu
yimaadeen ururka haweenka Ogaadeenya ee magaalada London.
-
Jaaliyadda Ogaadeenya ee dalka
Norway oo shir isugu timid.
-
Dowlada Maraykanka oo jawaab ka
bixisay shaqaalihii Itoobiya ay caydhisay.
-
Ergayga Qaramada Midoobey u qaabilsan
Itoobiya iyo Eretaria oo codsaday in Itoobiya tallaabo laga
qaado.
-
Ciidamo Itoobiyaan ah oo gudaha
Soomaaliya soo galay.
-
Dhalinyaro Soomaali ah oo surka
lagaga jaray wadanka Boqortooyadda Sucuudi Carabiya.
======================
Shir
balaadhan oo ay iskugu yimaadeen ururka haweenka Ogaadeenya ee
magaalada London.
Haweenka Ogaadeenya ee ku dhaqan
magaalada London ee cariga Ingiriiska ayaa axaddii oo taariikhdu
ahayd 3 Abriil 2005 isugu yimid shir ballaadhan oo lagaga hadlayay
arrimaha halganka Ogaadeenya.
Haweenka ree Ogadenya ee iskugu
yimid shirkaas ayaa is-waydaarsaday xogihii ugu dembeeyay ee ku
saabsanaa halganka hubaysan ee ka socda dalka Ogaadeenya.
Kulankan waxay haweenku mu
martiqaadeen guddoomiyaha Hooggaanka Warfaafinta JWXO, oo khadka
tilifoonka ugu gudbiyay wararka Ogaadeenya iyo xaaladaha siyaasadeed
ee guud ahaan ka jira Itoobiya iyo gobolka Geeska Afrika.
Guddoomiyuhu wuxuu faahfaahiyay dagaallada ay ciidammada JWXO kula
jiraan gumaysiga Itoobiya, wuxuu kaloo gudoomiyuhu faah-faahiyey
cadaadiska uu gumaysigu ku hayo dadwaynaha rayadka ah iyo guul
darrada siyaasadeed ee haysata xukuumadda Meles Zenawi oo qarka u
saaran inay go’doon ka gasho dalalkii reer galbeedka ahaa ee
caawinayay, gaar ahaan Maraykanka oo niyad xumo wayn ka muujiyay
siyaasada xukuumadda Addis Ababa.
Haweenkii shirkan ka soo qayb galay
ayaa si wayn uga dooday halganka Ogaadeenya, waxayna dhinacyo badan
ka eegeen qaabka looga guulaysan karo gumaysiga Itoobiya, isla
markaana xornimo lagu gaadhsiin karo dadwaynaha Soomalida
Ogaadeenya. Haweenku waxay is-tusaaleeyeen sida ay suuragal u tahay
in la caawiyo dadka rayadka ah ee ku tabaalaysan Ogadeenya ee
dhibaatooyinka kala duwan kaga yimaadeen cadaadiska uu gumaysigu ku
hayo.
Ugu
dambayntiina waxay ballanqaadeen ka qayb-galayaasha shirkaas inay
laban-laabaan taageerada ay halganka u hayaan, isla markaana ay
bilaabaan dar-dar hor leh oo dadwaynaha Ogaadeenya ee ku dhaqan
London iyo nawaaxigeeda lagu wacyi gelinayo.
Jaaliyadda Ogaadeenya ee dalka Norway oo
shir isugu timid.
Jaaliyada Ogaadeenya ee dalka Norway
ayaa dhawaan isugu timid shir ballaadhan oo ay ka soo qayb galeen
xubnaha Jaaliyada oo dhami. Shirkaas ayaa lagaga hadlay sidii loo
xoojin lahaa waxqabadka Jaaliyada ee ku aaddan halganka Ogaadeenya.
Waxaa shirkaas goob-jooga ka ahaa
wariyaga Radio Xoriyo ee dalka Norway Maxamed Cabdi gayfane, isaga
ayaana warbixintan noo soo diray.
Dowlada Maraykanka oo jawaab ka bixisay
shaqaalihii Itoobiya ay caydhisay.
Wasaaradda Arimaha Dibadda ee dalka
Maraykanka ayaa daboolka ka qaaday inay aad uga xun tahay tallaabada
ay qaadday xukuumadda Itoobiya oo waddankeeda ka caydhisay lix
sargaal oo Maraykan ah, kuwaasoo u shaqaynayay saddex hay'adood oon
dowli ahayn oo dalka Maraykanka laga leeyahay.
Wasaaradda Arimaha Dibadda ee dalka
Maraykanku waxay sheegtay inay cabasho rasmi ah oo arrintaas ku
saabsan u gudbisay xukuumadda Itoobiya.Waxayna Wasaaradda Arrimaha
Dibada ee Maraykanku daboolka ka qaaday in saraakiishan Marayknaka
ah ee Itoobiya laga soo caydhiyay ay ka qeyb gelayeen
qaban-qaabooyinka doorashada Itoobiya.
Saraakiishan lasoo caydhiyey waxay u
kala shaqaynayeen hay'adood ee la kala yidhaahdo International
Republic Institute, National Democratic Institute iyo Ururka
International Foundation of Election Systems, Hay,adahaas iyo
ururkaas ayaa waxaa laga wada lahaa dhammaantood dalka Maraykanka.
Xukuumadda Itoobiya ayaa ku andacootay
in hay’adahani ayna haysanin oggolaansho ay dalka kaga shaqayn
karaan, sidaas darteedna dalka looga caydhiyay, hase yeeshee sargaal
sare oo u hadlay dawlada Maraykanka ayaa sheegay in hay’adahani ay
Itoobiya in muddo ah joogeen, hawlohoodana ay si caadi ah u wateen,
xukuumadda Itoobiyana ay arrintaas ka war-haysay.
Sargaalkani wuxuu kaloo intaas ku
daray in hay’adahani ay dadaal dheer u galeen inay oggolaansho
helaan, balse ay xukuumadda Itoobiya diidday inay oggolaansho siiso.
Sargaalkan Maraykanka ah wuxuu kaloo sheegay in xukuumadda Itoobiya
ay sidoo kale rukhsado u diidday ururro kale oo aan dawli ahayn.
Ergayga Qaramada Midoobey u qaabilsan
Itoobiya iyo Eretaria oo codsaday in Itoobiya tallaabo laga qaado.
Ergayga Qaramada Midoobey u qaabilsan
arrimaha Itoobiya iyo Eritereya ayaa beesha caalamka oo uu ka mid
yahay Golaha Ammaanku ka codsaday in Itoobiya iyo Eritereya laga
qaado tallaabooyinka daruuriga u ah inay dhammeeyaan colaadda u
dhaxaysa.
Beesha caalamku waa inay si wadajir ah
tallaabo uga qaado sidii loo qaboojin lahaa colaadda Itoobiya iyo
Eritereya u dhaxaysa, sidaasna waxaa yidhi ergayga Qaramada Modoobey
ee Itoobiya iyo Eritereya Legwaila Joseph Legwaila.
Ergaygu wuxuu kaloo intaas ku daray in
xataa haddii uuna dagaal dhicin ayna qorshaha nabadgelyada dan u
ahayn in labada dal isha uun iska dhawrtaan, wuxuuna dalalka
saaxiibada la ah ama caawimada siiya labadan dal ka codsaday inay
madaxda labada waddanba cadaadis ku saaraan sidii ay u soo afjari
lahaayeen colaadda u dhexaysa.
Xukuumadda Itoobiya ayaa ilaa iyo
hadda diiddan inay u hooggaansanto go’aankii ka soo baxay Maxkamadda
Adduunka, kaasoo horseedi lahaa in si kama denbays ah loo jeexo
xadka u dhexeeya Itoobiya iyo Eritereya. Itoobiya waxay doonaysaa in
labada waddan ay wada-hadlaan, ka hor intaan go’aankaas la fulinin,
arrintaasoo ay Eritereya ku gacan saydhay.
Ciidamo Itoobiyaan ah oo gudaha
Soomaaliya soo galay.
Ciidamo Itoobiyaan ayaa lagu soo
warramayaa inay soo galeen meelo kala duwan oo Soomaaliya ka mid
ah.
Meelaha ay ciidammada Itoobiyaanka ahi
soo galeen waxaa ka mid ah magaalada Boohoodle, oo ciidammo badan oo
saadkoodii iyo xaasaskoodii wata ay soo degeen. Ciidammadan
Itoobiyaanka ahi waxay degeen xaafadda lagu magacaabo Suweeto oo ku
taalla dhinaca xadka Ogaadeenya ee Itoobiya gumaysato.
Saraakiil ka tirsan ciidammadan
Itoobiyaanka ah ayaa la kulmay ciidammada ammaanka ee deegaanka
Buuhoodle, waxayna u sheegeen inay u yimaadeen adkaynta nabadgelyada,
iyagana waxay ku amareen inay wada-shaqayn la sameeyaan ciidammada
Itoobiyaanka ah.
Ciidammada Itoobiya waxaa sidoo kale
lagu arkay meelo ka mid ah gobolka Hiiraan, lamana garanayo sababta
ay meelahaas u soo galeen, hase yeeshee waxaa jira warar sheegaya
inay ciidammada Itoobiya isu diyaarinayaan sidii ay u qabsan
lahaayeen degaanno Soomaaliya ka mid ah.
Dhalinyaro Soomaali ah oo surka lagaga
jaray wadanka Boqortooyadda Sucuudi Carabiya.
Lix dhalinyaro
oo soomaali ah ayaa shalay lagu fuliyey dil qoor goyn ah wadanka
boqortooyada sucuudi carabiya,dhalinyaradan ayaa intii mudda
ahaydba ahaa dil sugayaa iyagoo ku xidhnaa wadankaas.
Dilka dhaliyaradan lixda ah ayaa waxaa
xaqiijiyey xoogsato soomaaliyeed oo jooga wadanka sucuudiga.
Wasaaradda arimaha gudaha ee
Sacuudi Carabiya ayaa iyana ka hadashay dilka dhalinyaradan
Soomaaliyeed oo ay ku eedeysay in ay la xiriirto dhac baabuurta
tagaasida ah oo dhalinyaradan Soomaaliyeed ay geysteen.
Hasa-yeeshee marar hore oo la
waraystay dhalinyaradaas la dilay iyagoo xidhan ayay gaashaanka ku
dhufteen inay gaysteen wax budhcadnimo ah,oo aysan garanaynin waxa
loo hasto,iyagoo intaas raaciyey in afka carabiga oo ay garanaynin
awgiis looga sixiisay inay dambiyo gaysteen.
Radio Xoriyo
05 Apr. 2005
C/nuur
Sh. Mohamed
radioxoriyo@ogaden.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 19 MB ee
dhererkeedu yahay 15670 KHZ, Maalmaha Talaadada iyo Jimcaha 7: 30PM
waqtiga Afrikada Bari
Ethiopia oo Hub & Saanad Soo Gaarsiisey Maamulka G/Hiiraan
»Wadada
isku xirta G/banaadir & Sh/hoose oo dib u furantay
»Shirkii lagu Taageerayay Go'aankii
DFKMG oo La soo Celinayo
»USA
oo taageertay go'aamadii W/Arrimaha dibada ee IGAD
»Wadamo
islaam ah oo ka hadlay geerida Pope-ka labaad
Wararka oo dhan... Guji...