Hassan A.Dhaaleey
Dheel10@hotmail.com
Mogadishu ,Somalia
Wadada isku xirto
Muqdisho iyo Sh/hoose oo xayirantay maanta
Xayiraadan ayaa
timid markii ay soo bateen jidgooyada wadadaasi maalmihii la soo
dhaafay waxaana ay abuuratay in gaadiidleyda ka shaqeeysata
wadadaasi ay awoodi waayaan bixinta qarashka Isbaarada, taasina ay
ku xanbaartay joojinta howlihii ay hayeen ee u kala gooshida
Gobolada Banaadir iyo SH/hoose.
Xayiranka ku
yimid wadadaasi ayaa waxaa uu sababay in dhamaan magaalada muqdisho
aan la keenin waxyaabihii gobolka sh/hoose uga imaan jiray sida
Caanaha, Qudaarta iyo guud ahaanba saricii beeraha .
Inta u dhaxeysa
Muqdisho ilaa Afgooye waxaa yaala ilaa 12 Isbaaro oo ay joogaan
dableey hubaysan oo qaata halkii gaari oo ah nooca loo yaqaano
Caasiga adduun dhan 500,000sh/s maalintiiba .
Dableeydan
sameysatay goobaha jidgooyada ayaa lagu waramayaa in badankood ay ka
kala amar qaataan qaar ka mida ganasatada magaalada muqdisho,iyadoo
la sheego in ganacsatada aysan ka soo gelin wax lacag ah balse ay
ugu talagaleen in dableeydaa ay xaalad ugu abuuraan si ay u
badbaadiyaan hubkooda oo isugu dhafan mid culus iyo kuwo fudud
intaba.
Xayiraadaan oo ka
careysiisay dad badan ayaa haddana Isbaheysiga SNA garabka Caato
waxaa ay sheegeen inaysan u dulqaadan doonin culeyska ku yimid
isusocodka muqdisho iyo SH/hoose,waxayna sheegeen in dhamaan
Isbaarooyinkaas ay cagta marin doonaan.
Isbaheysiga SNA
ee ka amarqaata wasiirka howlaha guud iyo guriyeynta Cusmaan Xasan
cali Caato ayaa ballanqaadkan waxa ay ka sheegeen xilli maanta ay la
kulmeen qaar ka mida xildhibaanadii maalmahanba ku sugnaa magaalada
muqdisho.
Ma ahan markii
ugu horeeysay ee ay xiranto wadadani hase ahaatee laba sanno ka hor
ayaa waxaa isu taagay nadiifinta wadadaasi maxkamado Islaami ah iyo
xubno ka tirsanaa Ciidamaddii qalabka siday.
Shir
lagu yagleelayo maamul u sameynta J/hoose oo ka curtay Kismaanyo
Shir ay ka qeyb gelayeen Odayaasha
dhaqanka iyo siyaasiyiinta ku sugan G/J/hoose ayaa maanta ka
bilawday magaalada kismaanyo,kaasi oo looga arinsanayo talaabada ay
isbaheysiga dooxada jubba ay ku doonayaan maamul u sameynta gobolada
Jubbooyinka.
Doodii ugu horeysay ee kulanka
maanta ayaa lagu lafa guray sida ay meel mar u noqon karto maamul u
sameynta jubbooyinka iyo weliba sida wax looga qaban lahaa arimaha
la xiriira amaanka.
Isbedelkaan lagu baadigoobayo
maamul u sameynta gobolka ayaa ahaa mid in door ahba soo
jiitameysay,sida wararku ay sheegayaan xilligan meelmarinta arintaan
in ay isu taageen Aqoonyahanada,cullima`uddiinka,siyaasiyiinta ku
abtirsada jubbooyinka.
Wararka ayaa intaas ku daraya in
meelmarinta maamul u sameynta jubooyinka ay isku waafaqeen
nabadoonada beelaha iyo dadka wada dega halkaasi.
Dadka ku dhaqan kismaanyo iyo
nawaaxigeeda ayaa niyadsami ka muujiyay isbedelkan cusub ee la
doonayo in laga yagleelo goboladaasi ma ahan markii ugu horeeysay ee
gobolo ka tirsan soomaliya ay isu taagaan sameynta maamul iyaga u
gaar ah.
Hassan A.Dhaaleey
Dheel10@hotmail.com
Mogadishu ,Somalia
Faafin: SomaliTalk.com |
April 3, 2005
Wasiirro
Soomaali ah oo saraakiil Itoobiyaan ah la kulmay
ka akhri wararkii radio Xorriyo ee maanta...
Guji.. Apr
1
Odayaal
Dhexdhexaadin ah oo Maanta Gaarey Hobyo
Odayaashaan oo saakay kasoo ambabaxay
magaalada gaalkacyo ayaa waxaa ay soo mareen...
Guji...
April 1
Warbixin:
Soomaalida Deggan Dalka Jarmalka
Socdaalkii Hassan Cookaar(Salahuddin)...
Guji...
Apr 1
Koobka
Ciyaaraha ee Soomaalida Norway::
Waxaa baryahan magaalada Oslo ee dalka
Norway ka socday koob loogu magac daray..
Guji
Apr 1
Shirkii
Soomaalida Oslo Oo Guul Ku Dhammaaday
Dad tiradooda lagu
qiyaasay (1700) oo soomali ah ayaa soo gaba-gabeeyey shir islaami ah oo...
Guji...
Daabaco
Boggan | Print