- Kulan dhexmaray Sheekh Xasan
Daahir Aweys iyo Xildhibaanada ku sugan magaalada muqdisho
- Madaxwaynaha &
Rasulwasaaraha Soomaaliya Mudane Cabdulaahi Yuusuf Axmed & Prof
Cali Maxamed Geedi ayaa Booqday Wabiga Sanaaciga ah ee Liibiya..
Kulan dhexmaray Sheekh Xasan
Daahir Aweys iyo Xildhibaanada ku sugan magaalada muqdisho
Muqdisho (April 2, 2005): Kulankan
oo ah kii 1aad ee noociisa ah ee ay yeeshaan xubnaha baarlamaanka
iyo sheekh Xasan Daahir Aweys ayaa waxaa ay iskula soo qaadeen
arimaha la xiriira amaanka magaalada muqdisho iyo ciidamada
shisheeye.
Sheekh xasan oo saxaafada u
waramayay ayaa sheegay in ay isku aragti ka noqdeen mudanayaasha
baarlamaanka hanaanka ay mareeyso siyaasadda guud ee dalka.
Kulanka galabta ay xildhibaanadu la
yeesheen Sheekh Xasan Daahir ayaa waxaa uu qeyb ka yahay kulamo
dhowr ah oo ay la yeelanayeen qeybaha kaladuwan ee bulshada ku
dhaqan G/Banaadir sida ganacsatada ,siyaasiyiinta, ciidamada iyo
ururada bulshada rayidka ah.
Sheekh Xasan Daahir waxaa uu ka mid
yahay cullima `udiinka soomaaliyeed islamarkaana waxaa la sheegaa
inuu ka mid yahay aasasayaashii maxkamadaha islaamiga ee ka jira
magaalada muqdisho iyo weliba qaar ka tirsan gobolada dalka.
Wuxuuna ka mid yahay cullimada sida
weyn uga soo horjeesatay ciidamo shisheeye oo dalka la keeno si ay u
sugaan nabadda iyo kala danbeeynta gaarahaana dowladaha safka oo uu
marar badan ku celceliyay in dalka iyo dadkaba qabsanayaan,iyadoo uu
ku dhawaaqay si aan leexleexad laheyna uu u shaaciyay inuu la
jihaadayo ciidamada dowladaha safka hore gaarahaan waddanka Ethiopia
haddii ay dhulka soomaaliya cag soo dhigaan.
Hassan A.Dhaaleey
Dheel10@hotmail.com
Mogadishu,somalia
Madaxwaynaha & Rasulwasaaraha
Soomaaliya Mudane Cabdulaahi Yuusuf Axmed & Prof Cali Maxamed
Geedi ayaa Booqday Wabiga Sanaaciga ah ee Liibiya..
Axmed Muusse
Cabdulle(Idaawaqaca) Kenya_Nairobi
Axmeddheere65@hotmail.com | April 2, 2005
Wafdiga Madaxwaynaha Soomaaliya
uuna ka mid yahay Rasulwasaaraha Xukuumada Federaalka Prof Cali
Maxamed Geedi, ku xigeenada Wasiirka Koowaad Maaliyada& Arimaha
Gudaha& Dibada iyo Afayeenka Xukuumada Dr C/rixmaanNuur Diinaari&
Xuseen Ceelaabe Faahiye.
Wafdigan ayaa maalmihii nasoo
dhaafay ku Joogay Booqasho Shaqo Jamaahiiriyada Liibiya iyaga oo
kulamo kalla duwan la wadaagay Madaxwaynaha Jamaahiiriyada
Liibiya Asayid Mucamar Al Qadaafi.
Waxaa kaloo ay Booqasho ku
Tageen Magaalada Taariikhga ah ee Sabaraata iyagoo halkaa kula
kulmay Saraakiil ka tirsan Xukuumada Mucamar Al Qadaafi
wafdiga, waxana Madaxwaynaha Soomaaliya iyo waftigiisa ee Jooga
Liibaya ay Maanta Booqdeen Wabiga Sanaaciga ah ee Liibaya.
Wabiga ayaa Madaxwaynaha
Liibiya Mucamar Al Qadaafi Suuro galiyay iyadoo la sheegayo in
ay ku baxday ku dhawaad 20 Bilyan oo lacagta Maraykanka ah
wabiga waxaa ka faa iidaysta Beeralayda saxaaraha,
Wafdiga Madaxwaynaha ayaa
halkaa lagu siiyay warbixino ku saabsan Wabigaa Sanaaciga ah iyo
sida uu ku shaqeeyo iyo inta Dad ee ka faa iidaysata Maalinkii,
waxaa kaloo wafdiga Madaxwaynaha ay iyagun dhiibeen Warbixin ku
saabsan Xukuumada Soomaaliya.
Axmed Muuse Cabdulle(Idaawaqaca)
Kenya, Nairobi
axmeddheere65@hotmail.com
Faafin: SomaliTalk.com |
April 2, 2005
Wasiirro
Soomaali ah oo saraakiil Itoobiyaan ah la kulmay
ka akhri wararkii radio Xorriyo ee maanta...
Guji.. Apr
1
Odayaal
Dhexdhexaadin ah oo Maanta Gaarey Hobyo
Odayaashaan oo saakay kasoo ambabaxay
magaalada gaalkacyo ayaa waxaa ay soo mareen...
Guji...
April 1
Warbixin:
Soomaalida Deggan Dalka Jarmalka
Socdaalkii Hassan Cookaar(Salahuddin)...
Guji...
Apr 1
Koobka
Ciyaaraha ee Soomaalida Norway::
Waxaa baryahan magaalada Oslo ee dalka
Norway ka socday koob loogu magac daray..
Guji
Apr 1
Shirkii
Soomaalida Oslo Oo Guul Ku Dhammaaday
Dad tiradooda lagu
qiyaasay (1700) oo soomali ah ayaa soo gaba-gabeeyey shir islaami ah oo...
Guji...