Barnaamijka Radio Xoriyo wuxuu
caawa ka kooban yahay qodobadan soo socda
- Xukuumadda Itoobiya oo
caydhisay khubaro Maraykan ah.
- Safiirkii Israa?iil u
fadhiyay Itoobiya oo la dhaawacay.
- Wasiirro ka tirsan DFKMG ee
soomaaliya oo saraakiil itoobiyaan ah la kulmay.
- Miinada dhulka lagu aaso oo
wali dhibaato badan ku haysa Eritereya.
- Waraysi aanu la yeelanay
masuul ka tirsan jaaliyadda Ogadenya ee wadanka Denmark.
==============================
Xukuumadda Itoobiya oo caydhisay khubaro Maraykan ah
Xukuumadda Addis Ababa ayaa
arbacadii amar ku siisay seddex urur oo Maraykan ah oo fidinta
dimuqraadiyada ka shaqeeya inay Itoobiya 48 saacadood kudahood kaga
baxaan. Ururradan oo lagu kala magacaabo The National Democratic
Institute, the International Republic Institute iyo weliba Ururka
magiciisa loo soo gaabiyo IFES, waxay Itoobiya u joogeen inay ka
caawiyaan hab-sami u socodsiinta hawlaha doorashooyinka Itoobiya ka
dhici doonta 15 May.
Shaqaalaha ajnabiga ah ee seddexdan urur oo dhan ayaa arbacadii
looga yeedhay wasaarada arrimaha dibada ee xukuumadda Addis Ababa,
ka dibna waxaa amar lagu siiyay inay labo maalmood gudohood dalka
kaga baxaan.
Madaxda taliska Addis Ababa ayaa sheegay in uruurradan dalka looga
caydhiiyay rukhsad la?aan darteed, hase yeeshee ururradan ayaa
sheegay inay mar hore rukhsado dalbadeen.
Mid ka mid ah shaqaalaha ururradan ayaa rumaysan in caydhinta
Itoobiya laga soo caydhiyay ay la xidhiidho canbaarayntii ay dawlada
Maraykanku dhawaan ku canbaaraysay xukuumadda Addis Ababa ku
xadgudubka xuquuqda aadanaha.
Warbixin xuquuqul insaanka ku saabsan oo Maraykanku soo saaray
horraantii sannadkan ayaa si wayn loogu canbaareeyay xukuumadda
Addis Ababa, iyadoo lagu eedeeyay in ciidamdeedu ay sanadkii 2004
gaysteen denbiyada ay ka midka yihiin dad rayad ah oo si sharci
darro ah loo dilay, dad siyaasad ahaan loo dilay, dad la garaacay,
kuwo la jidhdilay iyo kuwo loo xidhay si aan sharciga waafaqsanayn.
Maraykanka ayaa sidoo kale xukuumadda Itoobiya ku eedeeyay inay
qaqabato oo xabsiga ku hayso dadka rayadka ah, gaar ahaan dadka lagu
tuhmo inay taageersan yihiin Ururka ONLF iyo Ururka Oromada ee OLF,
kuwaasoo xabsiga la iskaga hayo iyadoon wax maxkamad ah la horkeenin.
Waxay warbixintu sheegtay in kumanaan rayad ah xabsiyada lagu hayo
iyagoon maxkamad la saarin.
Safiirkii Israa'iil u fadhiyay Itoobiya oo la dhaawacay
Safiirkii dalka Israa?iil u fadhiyay Itoobiya ayaa dhaawiciisa laga
helay huteelka Hilton ee magaalada Addis Ababa, isagoo madaxa
xabbadi kaga taallo. Arbacadii ayaa safiirka dhaawiciisa laga helay
qolkii uu huteelka ka hurday, waxaana dhawiciisa diyaarad loogu
qaaday dalka Israa?iil.
Booliska Itoobiya iyo W/arimaha dibada ee dalka Israa?iil ayaa wada
sheegay in dhaawaca safiirka aan argagixiso lala xidhiidhin karin.
Booliska xukuumadda Itoobiyana wuxuu sheegay in safiirku uu doonayay
inuu is-dilo.
Raadyaha Israa?iil ayaa isaguna sheegay in safiirka dhawaan lagu
sheegay cudurka dilaaga ah ee kansarka, sidaas darteed uu doonayay
inuu is-dilo, hase yeeshee xukuumadda Israa?iil ayaa magaalada Addis
Ababa u soo dirtay labo denbi baadhe oo baadhis ku samayn doono
sidii ay arrintu u dhacday.
Safiirkan dhaawiciisa la helay wuxuu Itoobiya safiir ka ahaa muddo
seddex sano ah. Xukuumadaha Itoobiya iyo Israa?iil waxay leeyihiin
xidhiidh diblumaasi oo aad u sarreeya, waxayna Israa?iil ka caawisaa
xukuumadda Addis Ababa arrimo badan oo dhinaca amniga iyo
millatariga la xidhiidha.
Wasiirro Soomaali ah oo saraakiil Itoobiyaan ah la kulmay
Xubno ka tirsan wasiirrada dawlada ku meelgaadhka ah ee Soomaaliya
ayaa kulamo kala duwan kula yeeshay saraakiil itoobiyaan ah
magaalada Ceel Barde, kuwaasoo ay kala hadlayeenn sidii ay Itoobiya
uga caawin lahayd qabsashada magaalada Baydhabo oo dhawaan laga soo
saaray maleeshiyooyinka taabacsan.
Xubnaha dawlada ku meelgaadhka ah ee Soomaaliya ka tirsan ee
saraakiisha itoobiyaanka ah la shiraya waxaa ka mid ah kornayl
Shaati Guduud, Sheekh Aadan Madoobe, Cabdalla Deeroow iyo Ibraahim
Kiish-buur, oo dhammaantood wasiirro ka ah dawladii Soomaaliya ee
dhawaan lagu soo sameeyay dalka Kenya.
Xubnahan ayaa khamiistii dib ugu soo noqday magaalada Xuddur ee
xarunta gobolka Bakool, ka dib markii ay kulamo dhawr ah la yeesheen
saraakiisha Itoobiya. Lama sheegin wixii ay ku heshiiyeen, hase
yeeshee waxay taageero u raadsanayaan sidii ay mar kale u qabsan
lahaayeen magaalada Baydhabo oo malleeshiyada taabacsan Maxamed
Ibrahim Xaabsade ay dhawaan gacanta ku dhigtay.
Xubnahan la shiray saraakiisha itoobiyaanka ah ayaa diiday inay
Itoobiya taageero ka dalbanayaan mar arrintaas la waydiiyay markii
ay ka soo baxayeen dalak Kenya. Kooxdan ayaa ku gacan saydhay
waan-waan ay wadeen madax dhaqameedyada deegaannadaas oo doonayay in
nabadgelyo lagu dhammeeyo khilaafka u dhexeeya Xaabsade iyo kooxdan.
Dhinaca kale xukuumadda Itoobiya ayaa wali ku adkaysanaysa in
ciidammadeedu ka mid noqodaan ciidammada nabad ilaalinta loo keenayo
dalka Soomaaliya, waxayna sheegtay inayna ku qanacsanayn go?aankii
dhawaan ka soo baxay Baarlamaanka Soomaaliya ee lagu diiday in
ciidamo itoobiyaan ah la keeno dalka Soomaaliya.
Miinada dhulkalagu aaso oo wali dhibaato badan ku haysa Eritereya
Dadwaynaha Eritereya ee ku dhaqan dhulka ku dhaw xadka u dhexeeya
Eritereya iyo Itoobiya ayaa wali dhibaato badani ka haysataa
miinadii dhulka lagu aasay markii dagaalku dhex maray Eritereya iyo
Itoobiya sannadihii 1998-2000.
Dadwaynahan ayaa ka cabanaya inay dagaalkaas ku waayeen hantidoodii
iyo beerohoodii ku yaallay dhulka xuduudda ku dhaw oo la miineeyay.
Waxay kaloo dhibaato wayni soo gaadhay dadkii ku dhaqnaa dhulka 25
kiiloo mitir ah ee lama dagaanka laga dhigay markii la gaadhay
heshiiskii lagu joojiyay dagaalkii labada dhinac u dhexeeyay.
Eritereya iyo Itoobiya oo labo sano dagaalamayay ayaa dagaaladaas
iskaga dilay in ka badan 70,000 oo qof, hase yeeshee in kastoo
dagaalkaasi uu joogsaday haddana waxay dhibaatada ugu badani ka
taagan tahay miinadii dhulka lagu aasay ee aan wali qarxin.
Radio Xoriyo
01 Apr. 2005
C/nuur Sh. Mohamed
radioxoriyo@ogaden.com
raadioxoriyo@yahoo.com
Radio Xoriyo
waxaad ka dhegaysan kartaa Mawjadda 31 MB ee dhererkeedu yahay 15670
KHZ, Maalmaha Talaadada iyo Jimcaha 7: 30PM waqtiga Afrikada Bari
Faafin: SomaliTalk.com |
April 2, 2005
Odayaal
Dhexdhexaadin ah oo Maanta Gaarey Hobyo
Odayaashaan oo saakay kasoo ambabaxay
magaalada gaalkacyo ayaa waxaa ay soo mareen...
Guji...
April 1
Warbixin:
Soomaalida Deggan Dalka Jarmalka
Socdaalkii Hassan Cookaar(Salahuddin)...
Guji...
Apr 1
Koobka
Ciyaaraha ee Soomaalida Norway::
Waxaa baryahan magaalada Oslo ee dalka
Norway ka socday koob loogu magac daray..
Guji
Apr 1
Shirkii
Soomaalida Oslo Oo Guul Ku Dhammaaday
Dad tiradooda lagu
qiyaasay (1700) oo soomali ah ayaa soo gaba-gabeeyey shir islaami ah oo...
Guji...
Daabaco
Boggan | Print