Sweden oo ay walaac Diimeed ka jirto
kadib markii nin waalani uu aflagadaayeye Nabi Muxamed.
Inkastoo aysan aheyn arrin layaab ku ah
mujtamaca Islaamka ah ee maanta jira in Diintooda had iyo goor la
aflagaadeeyo, hadana mida tacajabka lehi waxey tahay sida aysan
Muslimiintu aheyn kuwo mowqif mideysan ka qaadan kara arrimaha qaar oo
karaamadooda diimeed ku difaacan karra.
Dalkan Sweden oo kamid ah dalalka ay
Muslimiin badan ku nool yihiin goobkastana ay Diintoda ku caabudaan
ayaan noqon dal ay dadkiisu aflagaadeeyaan diimaha kale sida Islaamka
iyo kuwa soo saaraca. Hase dhowrkii maalmood ee ugu dambeeyey ayaa mid
kamid ah xagjirada ugu caqliga liita islamarkaasina isku magacaabay "wacyigeliya"
Si bareer ah ugu gafay diinta Islaamka iyo Nabi Muxamed NNKH ahaatee,
kadib marku ku sheegay nin guursaday carruur aan qaan gaar aheyn.
Hadalka ninkan oo dareen xoog leh ku
abuuray muslimiinta dalkan iyo guud ahaan meelo kale oo kamid ah
caalamka ayaa laga muujiyey cabsi xoog leh taasoo ay sababi karto kooxo
la sheegay iney xirriirla leeyihiin Usaama Bin Laadin ay ku raad joogaan
ninkan waalan ee aflagaadooday.
Labo kamid ah wargeysyada dalkan ayaa faallooyin
kala duwan oo arrintaasi ku saabsan ka hadlay. Wargeyska la yiraahdo
Aftonbladet oo amuurtan ka hadlaya ayaa cadadkiisi maanta soo baxay ku
qoray sidatan. "Runar oo Tv-ga been ka sheegay" Runar Sögaard-ka waa
ninka mintidka ah ee ku aflagaadooday Nabi Muxamed NNKH. Wargeyska oo ka
faalloonaya beenta ninkani sheegay isagoo la hadlayay channel-ka 4-ka
dalkan ayaa xusay in saxaafadddu ay si qaldan hadalkiisa u buun
buunisay, balse xaqiijiyey in ereyada qaar laga soo qaatay CD uu
dhawaan soo saari doono."Dhamaan
diimaha jira ayaan ka hadlay ee si gooni Islaamka ugama hadlin, laakinse
saxaafadda ayaa buun buunisay, taasina waxey keentay dhibka jira.
Shaqsiyan muslimiinta dhib uma arko. Muxamed-na podefile maaheyn ee waxa
uu guursaday carruur. Waxaanu leenahay sharci xakameynaya in dhibaato
loo geysto carruurta Qaramadda Midoobeyna arrinkaasi qaraar bey kasoo
saartay sidaas daraadeed waa inaan dhowrnaa" Ayuu yiri xagjir Runar oo
wareysi siiyey qeybta warka ee Channel 4-ka Sweden isagoo muujinaya sida
ay arrintan ugu noqotay mid keentay dhibaato naftiisa halis ku ah
waxaana uu diiday inuu raaligareyn buuxda ka baxsho hadalkii meel ka
dhaca ahaa ee kasoo yeeray.
Dhinaca kale Imaamka la yiraahdo Cabdul
Xaq Kielan ayaa gaashaanka u darruuray iney FADWO deg deg oo ninkaasi
lugu dilo la soo rogo "Waa wax lugu yaq yaqsoodo in muslimiin ahaana la
aamino inaan dil deg deg ah ku soo rogno qof bani'aadam ah sida ay
MAFIA-da yeesho, saxaafadda qaarkeedna waxey wad waday meelaha in wadaad
caan ahi uu amray dilka ninkaasi laakin taasi waa mid aan waxba ka jirin"
ayuu yiri Imaamkaasi oo saxaafada u xaqiijiyey ineysan marna jecleysan
dil lugu soo roggo ninkaasi.
Guud ahaan salaaddii Jimcaha ee shalay
lugu tukaday masaajidka Stockholm ayaa laga dareemayey walaac iyo niyad
jab aad u weyn oo la xirriirta hadalkii meel ka dhaca ahaa ee ninkaasi u
geystay Rassuulkii Eebbe NNKH. Maxamuud Khalfi oo ah Imaamka Masjidka oo
saxaafadda u warameyey ayaa sheegay in ninkan uu doonayo inuu saxaafadda
ka dhexmuuqdo balse aaney jaanis siineyn si arrintan awgeed uu magac ku
yeesho. Waxaa kale uu sheegay in meel looga dhaco diintooda aysan aheyn
mid hada cusub, dhowr sanno ka hor ayuu xusay in madaxaf ku yaala dalkan
lugu soo bandhigay sawir ay ku sheegeen inuu ahaa Nabi Ciise (CS) oo si
darran loo aflagaadeyey.
Isku soo dawada duubo hadalka sida weyn
muslimiinta uga careysiiyey ayey culumida Sweden doneysa iney ku dejisho
xiisadda kacsan si aysan u iman isku dhac diimeed oo dalkan hanaankiisa
siyaasadeed iyo dimoqoraadiyadeedba wax u dhima, maadama dalkan Sweden
uu yahay dalka keliya ee ku yaala waqooyiga Yurub ka jirto xornimo
buuxda oo diimeed muslimiinta ku dhaqanina ay goob kasta ku gudan karaan
waajibaadkooda diiniga ah.
Waxaa soo arruurisay; Ikraam Cali-kaar
ikraam_calikaar@hotmail.com
Daabaco
Boggan | Print
BOOSAASO
& LA DAGAALANKA ANSHAX XUMIDA