Odayaal dhexdhexaadin ah oo maanta
gaarey degmada hobyo ee gobolka
mudug
Odayaashaan oo saakay kasoo ambabaxay
magaalada gaalkacyo ee xarunta
gobolka mudug ayaa waxaa ay soo
mareen qaar ka mid ah tuulooyinkii
dagaalada sida ba’an ay uga dhaceen
sida Wargalo, Xiin dawaco, Gawaan
iyo Cawgula sida uu noo xaqiijiyey
Xasan Maxamed Kulmiye oo ka mid ah
odayaasha waan waanta wada ee soo
gaarey Hobyo.
Odoyaashaan samejeclayaasha ah oo
iyagu isu kala qeybiyey laba waji
ayaa qaar kale oo uu hogaaminayo
guddoomiyaha gobolka Galgaduud MD
Yuusuf Xasan Ciyoow Ayaa iyaguna ku
wajahan magaalada caddaado.
Ujeedada socdaalka odayaashaan ayaa
lagu sheegay sidii ay nabad ugu soo
dabaali lahaayeen beelaha walaalaha
ahaa ee muddooyinkii ugu danbeeyey
diriritu ay ku dhexmareeysay
deegaano ka kala tirsan Gobolada
Mudug iyo Gal-gaduud.
Odayaashan ayaa ugu baaqay guud
ahaan beelaha soomaaliyeed ee nabada
jecel ineey ku soo biiraan dadaalka
loogu jiro waanwaanta labada dhinac
iyo nabad ku soo dabaalida
deegaanada mudug iyo galgaduud
kuwaasoo sida ay sheegeen udub
dhexaad u ah isu sicodka gobalada
soomaaliya.
Ma
aha markii ugu horreeysay oo labada
beelood laga dhexsameeyo waan waan,
in kastoo aan lagu guuleeysan,
iyadoo isku daygii ugu horreeyey uu
hungoobey xasan daahir aweys iyo
odayaal uu horkacayey oo ka tagey
magaalada Muqdisho.
Hadaba Odayaasha maanta garey
magaalada Hobyo ayaa waxaa ka mid ah
Xasan
Maxamed Kulmiye, Axmed Macalin
Xuseen, Cali Sheekh Maxamed,
Cabdiraxmaan Qaali Huur iyo Suldaan
C/naasir Jaamac Seed.
Odayaashaan ayaa waxaa ay caddeeyeen
in tuulooyinkii ay soo mareen oo
dhan
Si
diiran loogu soo dhaweeyey dadkuna
ay u bisil yihiin nabada iyo
dibuheshiisiinta ay wadaan
odayaasha.
Odayaasha ayaa sheegay in maanta oo
jimce ah ay nasan doonaan oo ay dib
u bilaabi doonaan maalinta bari ah
waanwaanta nabadeed ee ay wadaan.
Hasan Cali maxamed dhaaleey
Dheel10@hotmail.com
muqdisho
Daabaco
Boggan | Print
