- SHIR SAXAAFADEED UU MAANTA
QABTAY DUQQA DAGMADA GALKACYO.
- DAGAAL CUSUB KA
DHACAY DEGMADA GALINSOOR.
- Wafdigii labada gole ee
ku sugnaa muqdisho oo maanta gaaray d/balcad ee g/sh/dhexe
SHIR SAXAAFADEED UU MAANTA
QABTAY DUQQA DAGMADA GALKACYO.
Galkacyo. (Somalitalk)
| Sahro Sheikh
| sahrosiglan@hotmail.com
Axad: 17/04/05
Shir looga hadlayay marxaladda
amaanka iyo wadadaganaanshaha magaalada Galkacyo
ayaa saaka ka dhacay xarunta D/hoose ee magaalada Galkacyo.
Shirkan oo uu hogaaminayay
duqqa dagmada Galakacyo Xuseen Jamac Yabaq" ayaa waxaa ka
soo qaybgalay suxufiyiinta kusugan magaalada Galkacyo oo uu isugu
yeeray maalinyii shalay ahayd.
Sir saxaafadeedkan ayuu duqu kaga
hadlayay arimo dhowra oo salka kuhaya dagaalkii kadhacay magaalada
11,04,2005. kaas oo ay ku dhinreen illaa labaataneeyo halka ay
afartameeyo kalana ku dhaawacantay. dagaalkaas oo gaystay khasaaro
isugu jirta naf iyo maalba, laguna bililiqaystay qaar kamida
goobihii ganacsiga ee kuyaalay suuqa wayn ee Galkacyo.
Duqqa ayaa
tibaaxay dagaalkii maalintaa dhacay in uusan wax raada kulahayn
dadka lagu tuhmayo in ay kadanbeeyaan, duqqa oo si dhab ah oo caro
ay ka muuqato u hadlayay ayaa ku adkaystay in magaalada aysan wax
dhiba kajirin hadda iyo hadkalaba' waxa uuna sheegay in dagaalkaasi
uu kamid ahaa dagaaladii horay uga dhicijiray magaalada 1991, iyo
waliba kuwii kadanbeeyay balse ayuu yiri kani waxa uu ahaa mid
udhexeeyay labo beelood oo in muda ahaydba dagaalkoodu soo
jiitamayay.
Mar uu lahadlayay shacbka ayuu yiri"!
Hadaa-tihiin shacabka magaalada
waxaan idinleeyahay waxaan maalmahanba aan maqlayay oo internetyada
laguqorayay in dowladdu aysan ahayn mid la isku halaynkaro gaar
ahaanna lasheegay in ciidanka magaalada ee tuutaha labisan laftooda
aysan wax dhexgal iyo iska caabina aysan samayn maalintaa ayada ah,
sidoo kale waxaa lasheegay in loobaahanyahay in ciidamo labeeno
goobaha ganacsiga ee suuqa wayn si ay amaanka usugaan; taasi maaha
mid naqabata hadaannahay maamulka oo meelaan dhibi jirin aan anagu
dhib ka abuurno waxaan filayaa hadii maalintaa ayada ah ciidamo aan
gayno magaalada mawaxaad filaysaan in aad maanta sidan
ahaanlahaydeen.
Hadaa tihiin reer Galkacyo waad
garanaysaan dhibaato waxaytahay ee hala joojiyo dacaayadaha iyo been
abuurka la isla dhexmarayo oo dadka sheegaya in koofurta ciidamo
laga abaabulayo shacbka beenta haka, daayaan dagaalkanna waxa uu
udhacay si lama filaana ee maahayn mid ay ogaayeen maamulka iyo
shacbka koofurta iyo waliba kuwa maalmahanba lacarabbaabayay (Cismaan
Caato)!.
Duqqa ayaa
hadalkiisa dabasocda kadib markii uu Gudoomiyaha Gobolka "Maxamed
Warsame C/dulle (Jabhad) uu kahadlay xaaladda amaanka ee
magaalada asagoo shacba badidiisa usheegay in looga baahanyahay in
ay difaacdaan magaalada gaar ahaan hadii uu dhaco isku day lagu
doonayo in lagu abaabulo ama lagu soo weeraro magaalada waa muhiim
dhanka kale ayuu yiri in la ilaaliyo lana dhowro nabadda ilkaha iyo
gacmahana aysan ka baxsan!.
Duqqa ayaatan ay
isku mowqif noqdeen Wasiirka Maaliyadda
DGSPL, oo isna sheegagay in magaalada uusan wax abaabul
colaadeen kajirin lana joojiyo qulquladaha lala wareegaysanayo
Puntlana aysan keenay wax ciidana oo dagaal ku
qaada shacabka iyo maatada labada dhinac sidoo kalana ciidanka
PL, oo ladagaalo oo kaliya ciidan hubaysan hadii ay soo
weeraraan hantida iyo shacbka reer PL.
Hadaba maamulka ayaa qaarkood
noqday kuwo isku aragti, isku mowqif iyo isku ra,yi kamidaysan,
halka qaar kalana ay ka aragti duwanyihiin kuwa kale ayadoo ay
waliba si kul kulun isugu jawaabayaan, balse aysan dareensanayn in
shacbku uu yahay mid dusha ka eegaya jawaabaha canaantu
kudheehantahay ee soo yeer yeeraya mudadii dagaalkan uu bilowday.
Shacabka hadaba maxaa
udana yayse ku aragtiyihiin?
Qaar kamida shacabka ayaa maalintii
jimcaha ahayd shir layeeshay Gusoomiyaha iyo wasiirka maaliyadda,
waxayna isku raaceen in ay raacayaan ra,yiga Gudoomiyaya."
hadaba sheekadu waa Jug jugow meeshaada joog dhankay
doontana hakaaladhacdee."!
DAGAAL CUSUB OO GALABTA KA
DHACAY DEGMADA GALINSOOR.
Galinsoor:
(Somalitalk).
Axad: 17/04/05.
Dagaalo ayaa Maanta dhexmaray
labadii beelood ee horey ugu dagaalamijirtay Gobolada Mudug iyo
Galgaduud.
Dagaalkan oo goordhowayd ka dhacay
degmada galinsoor ayaan wali lsheegin inta uu le,egyahay
khasaarihiisa iyo ciddii kadanbaysay.
Dagaalkan ayaa haatan lagu soo
waramayaa in uu joogsaday balse iskii u joogsaday ayadoon cidi kala
dhexgalin.
Sahro Sheikh |
sahrosiglan@hotmail.com
Wafdigii labada gole ee
ku sugnaa muqdisho oo maanta gaaray d/balcad ee g/sh/dhexe
Wafdigaan ayaa
booqashadooda waxaa ay ka bilaabeen oo ay ku hakadeen xeradii tababarka
ciidamada ee hiilweyne,oo dhacda agagaarka degmada balcad,waxayna halkaasi
kula kulmeen macalimiintii hore ee tababarka ciidamada ee hiilweyne oo
goobtaasi ay qaarkood xaadir ku ahaayeen
Xerada hiilweyne ayaa
muuqaal ahaan aad u burbursan waxaana ka muuqda diiftii dagaalada
sokeeye,sida muuqatana waxaa ay u baahantahay dayactir xooggan sida ay ku
warameen dadka deegaanka iyo macalimiintii hore ee xeradaasi kulankii ay la
qaateen xubnaha labada gole ee halkaasi gaaray,sidoo kale waxaa ay
tilmaameen mas`uuliyiinta labada gole in xerada hiilweyne ay noqoneeyso tan
koobaad ee lagu xareynayo maliishiyaadka hubeysan iyo gawaaridooda ee ku
sugan caasimadda muqdisho sida ugu dhaqsiiyaha badan
Wax yar kadib waxaa ay
wafdigu bilaabeen socodkoodii,kaasi oo ku wajahnaa degmada balcad oo aan
sidaa uga sii fogeeyn,haseyeeshee waqti yar kadib ayay gaareen,degmada
balcad oo aan maanta wax shaqo ah laga qaban,xitaa waxaa xirnaa goobihii
ganacsiga oo idil,
Waxaa isu soo baxay oo
halkaasi ku soo dhoweeyay dadweyne la sheegay inay ka kala yimaadeen balcad
iyo tuulooyinka hoos yimaada,kuwaasi oo wejiyadooda laga dheehan karayay
sida ay raaliga uga yihiin soo dhoweynta wafdiga dowladda federaalka
soomaliya
Dadkaasi ayaa isugu jiray
qeybaha kala duwan ee bulshada sida haweenka,dhalinta, Waxgaradka iyo
ganacsatada,
Wasiirka ganacsiga muuse
suudi yalaxoow oo isagu ka taliya halkaasi ayaa sheegay in dadka ku dhaqan
g/sh/dhexe ay si weyn u taageersan yihiin xubnaha labada gole ee soo gaaray
soomaliya dhowaan,waxaa uu carabka ku dhiftay kartida iyo soo dhoweynta ay
muujiyeen dadka g/sh/dhexe isagoo caddeeyay inay yihiin kuwo daacad u ah
barnaamijyada dowladda federaalka
Mas`uuliyiintii kale ee
halkaasi ka hadshay waxaa ka mid ahaa cusmaan cilmi boqore oo ah g/ku-xigeenka
2aad ee baarlamanka,maxamuud c/laahi jaamac sifir,cismaan xasan cali
‘caato’maxamad cabdi yuusuf,cali cismaan,cumar xaashi aadan caasho axmad
candalla, maxamad qanyare afrax,sheekh yuusuf maxamad siyaad ‘indhacadde’oo
ah guddoomiyaha g/sh/hoose iyo xubno kale
Waxayna dhamaantood
sheegeen inay balcad ay noqotay degmadii ugu horeysay ee si diiran u soo
dhoweysa dowladda federaalka,sidoo kale waxaa ay ku amaaneen sida dadka
balcad deggani ay u badbaadiyeen warshadii dharka iyo suufka,taasoo ka mid
ah bey yiraahdeen meelaha keliya ee ka badbaaday burburkii dalka aafeeyay
Si kastaba ha ahaatee
talaabooyinka mas`uuliyiintaan ayaa waxa ay soo dedejin kartaa meelmarinta
heshiiskii ka koobnaa 29ka qodob ee lagu gaaray nairobi kaasoo saldhigiisu
ahaa amaanka iyo nabadgelyada muqdisho,mar haddii laga soo dhoweeyay meel ka
baxsan
Hassan dhaaleey
Dheel10@hotmail.com
Mogadishu Somalia
Faafin: SomaliTalk Apr 17, 2005
Boqoradda Denmark: " Waa in aynu Islaamka Hor
Istaagnaa!"
Boqoradda ka talisa dalka Denmark ayaa ku dhawaaqday erayo aad u kul-kulul
oo ku wajahan muslimiinta
Guji..
Haamo Waaweyn oo kusoo Caariyey Xeebaha Gobolka Jubbada Hoose
»Barre
Hiiraale oo booqday jasiirado kamid ah G/J/Hoose
»Cudduro
aan la aqoon oo ku dhacay kalluumaysato...
Warka oo
dhan ka akhri halkan... Guji...
Xubno
katirsan DFKMG oo Muqdisho kula kulmay Horjoogayaasha
ciidamada Maleeshiyooyinka
»Xubno ka mid ah Labada Gole
oo ka Ambabaxay Nairobi
»G/Baarlamaanka
oo Muqdisho tegi doona aakhirka Bishan
»Galkacyo:
Shirar ay yeesheen DGPL iyo ganacsato..
»G/Bay
& Bakool: Khudbadihii jimce looga hadlay dagaalada
»Dowladda
malaawi oo qaabishay qaxooti Soomaaliyeed
»UK:
Mudaaharaad ka soconaya magaalada London
Wararka oo dhan ka akhri halkan... Guji...
Mindi ayaa Lagu
Diley Aqoonyahankii Soomaaliyeed ee reer Kanada
»Canada:
3 qof oo loo xiray dilkii marxuum Xassan M. Yusuf
»Minnesota:
Ismaaciil M.Cali oo
Qirtay Dilkii Yaasmiin Geelle
»USA:
Laba qoys oo Soomaaliyeed oo iskaga hor yimid gabar
»Baaritaan
lagu sameeyey cashuur celinta Soomaalida MN
Wararka oo dhan ka akhri halkan...Guji...
Apr 15
Xubno ka mid
ah DFKMG digniin lagu siiyay in ay ka baxaan Aqalka Chaster house ee
Nairobi
»Kal
fadhigii 3aad ee Board-ka Dalsan oo lagu qabtay Nairobi
»Soomaliya
iyoTantanka ciyaaraha dhalinyarada islaamka
Warka oo dhan
ka akhri halkan... Apr 15
Kulaabo bogga www.SomaliTalk.com