- Xubno ka mid ah labada gole oo
digniin lagu siiyay in ay ka baxaan Aqalka Chaster house ee Nairobi.
- Kal fadhigii 3aad ee Board-ka
Dalsan ayaa lagu qabtay Nairobi
- Soomaliya iyoTantanka ciyaaraha
dhalinyarada islaamka
Xubno ka mid ah labada gole oo digniin lagu
siiyay in ay ka baxaan Aqalka Chaster house ee Nairobi.
Qoraal ka soo baxay maamulka hotelka
Chaster house ee magaalada Nairobi ayaa lagu dhajiyay hoolka cuntada ee
hotelkaas xalay qoraalkan ayaa muujiyanayay ku wargalin xubnaha soomaalida
ee ka mid ah labada golle in ay iskaga guuraan hotelkaas waxii ka horeeya 10
ka subaxnimo ee maanta hadii ay ku sii jiraana loo saari doono banaanka
alaabadooda.
Digniintan ayaa ka dambaysay ka dib markii
maamulka uu waayay sida ay sheegeen qarashkii ay ergada soomaaliyeed ku
daganaayeen hotelkaas oo aan la siin muddo gaaban,waxa ayna maamulka
sheegeen in aysan intaas ka badan u dulqaadan karin oo ay rabaan
qarashkoodaas.
Xubanaha labada golle oo aan wax ka
waydiiyay arrintan ayaa sheegay in ay tahay wax laga xumaado,in mar walba ay
la kulmaan handadaad iyo cagajuglayn ay u gaysanayaan maamulka hotelada ay
dagan yihiin,waxaana dhacda ayay dhaheen in marmarka qaarkood na loo gaysto
dhac qarsoon iyo mid toos ah amaankeena uu qatar galo,haddana ay noo
dheertahay in guryaha nalaku cabsi galiyo.
Mas’uuliyiinta IGAD Gaar ahaan kuwa ka
socda kenya ayaa wada dadaal ay kula hadlayaan maamulka hotelka si ay u
qaboojiyaan arrrintan, arrintan ayaa lagu wadaa in loo bandhigo deeq
bixiyayaasha shirka ee midowaga yurub,Jaamacada Carabta iyo Hay’adaha kale
ee bixiya lacaga ku baxa xubnaha soomaaliyeed.
Bilwalba waxaa ku baxda mid walba oo ka mid
ah labada golle lacag gaaraysa kun iyo shan boqol doolar $ 1,500,waxaana
hay'addahas aan soo sheegnay muddo ka badan laba sano iyo bar.
Hanjabaadahan waa kuwo inta badan ay la
kulmaan xubnahan labada golle,intii uu shirka socday xisaab malahan inta
jeer ee ay la kulmeen dhibtaadan oo kale,qaarkood banaanka ayaa loogu soo
saaray boorsooyinkoodi,waxaa ugu darnayd xili madax dhaqameedki laga saaray
hotelka 680 sanadkii hore ka dib markii ay guuri waayeen iyadoo raashinkii
iyo korontadiiba laga jaray.
Canab Mumtaz| Nairobi Kenya
canabmumtaz@yahoo.com
Dalsan Interanational
Shirkii 3aad ee Boarka Dalsan
Kal fadhigii 3aad ee
Board-ka Dalsan ayaa lagu qabtay Nairobi, 8th Ilaa 14 April, 2005.
Shirkaas oo ay ka soo
qayb galeen Boardka iyo hantiile-yaasha shirkadda waxa uu ku dhamaaday guul,
waxaana ka soo baxay go’aamo wax ku’ool ah oo ay ka mid ahaayeen:
-
Hirgalinta Bangiyada Dalsan ee
Soomaaliya: Muqdisho, Hargaysa, Boosaaso, Gaalkacyo, Garoowe,
Laascaanood iyo Kismaayo.
-
Hagaajinta tayada adeega dadwaynaha iyo
macaamiisha, ayada oo la isticmaalayo qaabka cusub ee Web banking
system. Dalsan waxay ku shaqaynaysay “Web based” program laga bilaabo
January 2005. Macaamiishu waxay ku helikaraan lacagtooda 5-10 daqiiqo
meel kasta oo ay aduunka ka joogaan.
-
Sidoo kale waxaa dib u habayn lagu
sameeyay maamulkii shirkada Dalsan oo loo magacaabay maamul cusub oo a
qoon dheeraad ah u leh maamulka dhaqaalaha, kana kooban koox loo
carbiyey Shaqada maamulka una leh xirfad dheeraad ah.
-
Shirkadda Dalsan waxay qaataday qaab cusub
oo ku saabsan kordhinta wax soo saarka iyo kor u qaadida ribixa ay
helikaraan dadka hantida gashaday Dalsan.
-
Guud ahaan, Dalsan waxay u socotaa
dhinaca horumarka iyo casriyaynta khidmaadka ay u hayso dadwaynaha.
Waxayna u ballanqaadaysaa macaamiisha inay u qaban-doonto adeeg hufan oo
ay ku farxaan.
Marketing manager
Abdirahman Mohamed Jibriil
horumarintadalsan@hotmaill.com
Soomaliya iyoTantanka ciyaaraha
dhalinyarada islaamka
Tartankaan oo iminka ka soconaya waddanka
sucuudiga ayaa waxaa uu soo gaaray wareegiisii ugu dambeeyay,tartankaan ayaa
si rasmi ah uga furmay 9kii bishaan magaalooyinka Daa`if,Jeddah,Maka Al-Mukarama
iyo Madiina Al-Munawara ee dalkaasi
Tartankaan oo ah kii koowaad ee noociisa ah
ee la qabto ayaa waxaa ka qeyb qaadanayaa 700 oo ciyaartooy,kuwaasi oo ka
kala socda 54 waddan.oo ka tirsan wadamada islaamka
Kooxda kubadda koleyga ee ka socotay
soomaliya ayaa la kulantay wadamada Kuweyt,Aserbajan iyo wadanka Sucuudiga
oo martigelinayay,
Sidoo kale waxaa ka socda halkaasi ciyaaro
kala duwan oo ay soomaalidu ka qeeyb qadanayso sida Tenniska Miiska,
Dabbaasha, Boodada, Koleyga, Cagta, Orodka.
G/Ku-xigeenka 1aad ee Guddiga olompikada C/qaadir
Ibraahin Gacal Abkoow oo hogaaminayay wafdiga ayaa qiray in Soomaliya ay ku
ciyaareeysay niyad keliya,silamarkaasina aysan muujineeyn Natiijooyin la
taaban karo hase yeeshee looga faa`iideeysan karo Waaya- aragnimo Ispoorti.
Si kastaba ha ahaatee ciyaartoyda
soomaaliyeed ayaa caado joogtaa u noqotay inaysan wax libin ah ka soo hoynin
ciyaaraha kala duwan ee ay dibadaha ugu ambabaxaan iyadoo loo aaneynayo
karti xummo iyo dhaqaale la`aan waxaase jira dadaalo lagu doonayo
horumarinta ispoortiga iyo abuurista Jiil Sporti oo laga dhex baadi goobayo
dhalaanka soo koraya si ay u difaacaan sharafta qarankooda una soo hooyaan
guulo
Hassan dhaaleey
Dheel10@hotmail.com
Mogadishu Somalia
Faafin: SomaliTalk Apr 15, 2005
Minnesota: Soomaali Dembi Loogu Soo oogey Arrimo La Xiriira Cashuur Celinta
Dawlada
»Canada:
Hal qof oo loo xiray dilkii aqooyahankii Soomaaliyed
»USA:
Laba qoys oo Soomaaliyeed oo iskaga hor yimid gabar
»Baaritaan
lagu sameeyey cashuur celinta Soomaalida MN
Wararka oo dhan ka akhri halkan...Guji...
Kulaabo bogga www.SomaliTalk.com
Daabaco
Boggan | Print