WARAR GOOSGOOS AH:: APRIL 13, 2005
- Madaxweyne C/llaahi
Yuusuf "waxaa la ii yaqaanay Kornayl ma gudbe" & Munaasabada
Maalinta ciidanka oo lagu qabtay Nairobi.
- Wasiiirka koowad ayaa
magacaabay guddi ka shaqeeya arrimaha dastuurka iyo
federalka iyo xubno kale.
- Hal qof ayaa dhintay
laba kalana waa ay dhaawacantay kadib markii shalay ay tuulada
sanguuni ay ku dirireen laba malayshiyo
- Xubnaha Labada gole ee
jooga magaalada Muqdisho oo magacaabey Guddi wax ka qabanaya
arimaha gobalka Banaadir
- C/laahi Yuusuf oo ku
hanjabey in uu kalsoonida kala laabanayo golaha wasiirada ee
Cali Maxamed Geedi...
Wafdi uu Hogaamnayo Wasiirka
Hub ka digista iyo dhaqan celinta oo soo gaarey Muqdisho.
Madaxweyne C/llaahi Yuusuf "waxaa
la ii yaqaanay Kornayl ma gudbe" & Munaasabada Maalinta ciidanka
oo lagu qabtay Nairobi.
- Canab Mumtaz |
SomaliTalk | Nairobi
EMail: canabmumtaz@yahoo.com
Munaasabad balaaran oo lagu
xusayay 45 guuradii ka soo wareegtay markii dhibadad loo aasay
ciidanka xooga dalka soomaaliyeed ee 1960 12 kii april.
Munaasadan oo
meelo kala duwan oo dalka ah laga xusay ayaa mid la mid ahi waxa
ay ka dhacday xalay magaalada Nairobi waxaana qaban qaabadeeda
lahaa dowladda FKMG ah ee Somaliya.
Munaasabadan
waxaa ka soo qayb galay xubnaha labada golle ee
baarlamanka,gudoomiye ku xigeenka 1aad,Taliyaha ciidanka Qalabka
sida Gen Qaasim Naaji Sacad iyo saraakiil kala duwan oo ka mid
ahaa ciidamadii dalka soomaaliyadii hore.Waxaa looga hadlayay
guud ahaan ciidamada dalka soomaaliyeed iyo sida lagu soo celin
karom,waxaa ka hadlay Taliyaha ciidanka Qalabka sida ee
Soomaaliya Gen Ismaaciil qaasim naaji waxa uuna sheegay in uu
balan qaadayo soo celinta ciidankii xooga dalka soomaaliyeed iyo
qaybihii kale ee ciidanka oo dhan si loo helo ciidan midaysan oo
nabad galyada soo celiya.
Waxaa kale oo
ka hadlay munaasabadaas gudoomiye ku xigeenka Koowaad ee
baarlamaanka Prof.Maxamad Cumar dhalxa oo sheegay waxa uuna u
hambalyeeyay dhamaan ciidanka xooga dalka soomaaliyeed iyo iyo
qoysaskooda meel walba oo ay dunida ka joogaan munaasabada ku
beegan maalintii la aas aasay oo ku beegan 12 ka april isagoo ku
hadlaya magaciisa,kan gudoomiyaha iyo kan guud ahaan
baarlamaanka FKMG ah .
Munaasadan oo
dheerayd waxaa kale oo ka hadlay Wasiirka kowaad Cali geddi,oo
hambalyo u diray ciidanka iyo shacabka soomaaliyeed,waxa uuna
sheegay in uu ku faraxsan yahay in uu maanta magacaabay taliyaha
ciidanka xooga wax badana uu ka badali doona baahida ciidan ee
ay dowladdu u baahan tahay,waxa uuna intaas ku daray in isaga
iyo C/llaahi yuusuf aysan ka reebi doonin in ay dhibida u aasaan
ciidanka xooga dalka soomaaliyeed iyo keenis ciidan kaleba dalka
khilaafyada ka dhex jira labada golle ee dowladda iyo
baarlamaanka.
Madaxweyaha
oo ugu dambayn lagu soo dhaweeyay qudbada ayaa uga hadlay
heerarkii ciidan ee uu soo maray,ugu horeyn waxa uu u hambleeyay
ciidan waxii sheegta ee ku sugan dalka dibadiisa ama
dibadiisa,Mar uu ka hadlayay heerarkii uu soo maray ee xagga
milatariga waxa uuna jiri"Aniga mucaaradnimidaydii awgeed ayaa
keentay in aan ka gudbi waayo darajadii waagaas la ii
magacaabay,kadib markii dadkii isku darajada aan ahayn ay wada
dalaceen ayaa la ii baxshay Korneyl ma Gudbe".waxa uu xiligigaas
ka hadlayay mucaaradnimadii uu soo maray iyo jabhadayntii
dagaalka uu mudada dheer kula jiray inta ka soo horjeeday in
aysan meel sare gaarsiinin waxa uuna cabirayay in mucaaradnimo
dhib keento.
C/llaahi
yuusuf waxaa kale oo uu ka hadlay shirkii Addis ababa ka dhacay
ee uu isla xalay ka soo laabtay ee ku saabsanaa dhisid xoog
midaysan oo ay leeyihiin wadamada bariga afrika,iyadoo la isku
darayo ciidamo ka socda wadamada gobolka,kadibna wax looga qaban
doono halkii ay ka jirto amaan daro,ciidamadan ayaa hoos iman
doona ururka amaanka iyo nabad galyada ee Ururgoboleedka IGAD.
Shirkan waxaa
ka maqnaa Gudoomiyaha baarlamaanka shariif xasan Sh.Aadan,waxa
uun a sheegay ku xigeenkiisa koowaad in uu ka cudurdaartay
imaanshaha xaflada laakiin uu dirayo ciidanka xooga dalka
soomaaliyeed Hambalyo.
Khilaafkii u
dhaxeeyay Gudoomiyaha baarlamaanka iyo Ra'iisul wasaaraha ee ka
dhashay u codayntii ciidamada safka hore ayaan wali lagu
guulaysanin,waxaana la filayaa in dhexdhexaadin laga dhex
sameeyo dhawaan.
Wasiiirka koowad ayaa magacaabay
guddi ka shaqeeya arrimaha dastuurka iyo federalka iyo xubno kale.
Shir lagu qabtay mid ka mid ah
hotelada magaalada Nairobi(silver Springe Hotol) ayna iskugu
yimaadeen wasiiradda ayaa dood dheer ku saabsan qodobada dastuurka
kadib la isla ogolaaday in la magacaabo 13 xubnood oo loo xulo qaab
beeleed, in ay ka shaqeeyaan arrimaha dastuurka iyo federalka
xubnahan ayaa kala ahaa.
1- Avv. Sheekh Cumar Axmed
2- Max’ed Nuur Jiley
3- Max’ed Isaaq Ibraahim
4- Tahliil Xuseen Geeddi
5-Max’ed Buraale Ismaaciil.
6- Xasan Ugaas Daahir
7-Mukhtaar Cabdi Dhuubow
8- Avv. Ilyaas Max’uud Maalin
9- Eng. Max’ed Siyaad Naaleeye
10- Avv. Sheekh Ibraahim Sheekh Axmed
11- Ismaaciil Nuur Maxamed.
Labada xubnood ee ka maqan
guddigan ayaa wadatashi ahaan uga maqan la xiriira dhinaca
beelahooda,waxaana la filayaa in ay dhawaan soo magacaabaan
xubanah guddigaas uga mid noqonaya(beesha dir).
Waxaa kale oo uu wasiirku
magacaabay xubno kala ahaa.
Taliyaha Ciidamada Xoogga Dalka
Soomaaliyeed Jen.Ismaaciil Qaasim Naaji, Agaasimaha Bandhiga
Dhexe ayaa waxaa loo magaacabey Bashiir Ciise Cali halka Xeer
ilaaliyaha Guud loo magacaabey C/laahi Daahir Barre.
Dhinaca kale magaabista xubnahan
waxaa ku tilmaamay xadgudub wasiirka amniga qaranka Maxamad
Qanyare oo hadda ku sugan magaalada Mogadisho,isagoo sheegay
inaan la marin nidaamka dastuuriga ah iyo kan dowladdaba.
Wasiirka amniga maxamad qanyare
waxa uu horey u magacaabay taliyaha ciidanka booliska dalka
soomaaliya,iyo kan laanta socdaalka.
Canab Mumtaz | SomaliTalk |
Nairobi
EMail: canabmumtaz@yahoo.com
Hal qof ayaa dhintay laba kalana waa ay
dhaawacantay kadib markii shalay ay tuulada sanguuni ay ku dirireen laba
malayshiyo
Dadkan ku dhintay kuna dhaawacmay
tuuladaasi ayaa lagu soo waramayaa in ay ahaayeen dad rayid ah oo iyagu
gaari ka soo raacay magaalada muqdisho una soo socdeen magaalad kismaayo .
Dadkii dhaawacmay oo dhaawacooda la keenay
magaalada kismayo ayaa la ildaran dhawacii soo gaaray halka hal qofna wax
laga qaban waayey dhawac lugta ka soo gaaray oo ay daweyn waayeen
dhaqaatiirta isbitaalka.
Isbitaalka guud ayaa haatan gabay
howlahiisii caafimaad kadib markii ay ka guurtay hayadii M,S.F Belgium
sanadkii labada kun iyo kowda, dhaawacii xalayto oo wax looga qaban waayey
isbitaalka arimo dhaqaalo iyo daawo la,aan awgeed ayaa loo tiirinayaa
la'aanta isbitaalka uusan lahayn wax daboola kaabigii caafimaad ee loo
baahnaa.
Dhanka kale arinta amaan xuma ee ka jirta
wadada dheer ee isku xirta jilib iyo kismayo ayaa ah is baarooyin baro ku
yeeshay aagaas oo ay ka ariminayaan malayshiyaad aan cidina ka amar qaadan
taasoo lagu wax yeelaynaayo shacbiga aan awooda lahan ee isaga goosha
waddooyinkaasi ,ugu yaraan waxaa wadadaasi yaalo ku dhowaad labaatan
isbaaro oo si sharci daro ah lacago baad ah looga aruursado shacabka,
arintaasi waxay dhalisay in xitaa ay qiimaha badeecooyinka kala duwan ee
lagu gado degmada jilib ay noqdaan kuwa ka qaalisan badeecooyinka kale ee
degmooyinka kale arintaasina waxay dhabar jab kunoqotay dadka danyarta ah ee
aan awoodin sicir bararka badeecooyinka.
Mana jiraan ilaa iyo haatan cid iska xil
saartay wax ka qabashada xaalada amaan ee wadaadsi.
cabdi qadar nuur maxamed (filipiin)
kismaayo soomaaliya
cabdiqadar84@hotmail.com
C/laahi Yuusuf oo ku hanjabey in uu
kalsoonida kala laabanayo golaha wasiirada ee Cali Maxamed Geedi...
Madaxweynaha Dowladda federaalka ee
Soomaaliya Cabdullaahi Yuusuf Axmed ayaa ku hanjabey inuu casilayo
xukuumadda hadii ay ku guul-dareeysato waxa uu ugu yeerey wax ka qabashada
qorshaha horyaala ee shacabka loogu adeegayo waxaa kaloo intaas uu raaciyey
in uu jiro khilaaf ka dhex aloosan golaha wasiirada ee dowlada federaalka.
Madaxweynaha ayaa sheegay inaanu shacabka
soomaaliyeed dooneyn Ciddii ka gaabineeysa Howlaha wax loogu qabanayo
Qaranka somaaliyeed.
Wargeeyska Al khaleej ee ka soo baxa
Imaaraadka carabta oo uu hadalkaan siiyey ayaa sheegay in madaxweynaha uu ku
wargeliyey labada Gole ee xukuumadda in guud ahaan Umadda soomaaliyeed ay
dareemeen waxa ka dhex jira labada Gole.
Waxaa la gaarey xiligii umadda soomaaliyeed
ee mudada 14ka sano ku soo jirtey mashaqada dabada dheeraatey ee dagaalada
sokeeye ay haataan u baahan yihiin in wax loo qabto, balse aysan u baahneeyn
is qab-qabsi “sidaas waxaa yiri madaxweyne cabdillaahi yuusuf oo u waramayey
wargeeyska khaleej times waxaa kaloo oo intaa raaciyey in aysan caqli gal
ahayn in xubnaha labada Gole ay isaga damaashaadaan Nairobi iyadoo aan laga
fekereeyn Danta iyo maslaxada caamka ah.
Cabdulaahi yuusuf ayaa hadalkiisa intaa
raaciyey in dhawaan ay dowladdiisa sal dhigan doonto Gudaha soomaaliya
inkastoo uusan cayimin Goobta la geeynayo dowlada hadana Kal hore waxaa uu
sheegay in lakala geynayo magaalooyinka Jowhar iyo Baydhabo.
Madaxweenaha ayaa sidoo kale sheegay in
beesha caalamka ay diyaar ula tahay wax ka qabashada baahida dowladda hase
yeeshee Sharuud looga dhigay in Dowladdu ay tagto gudaha soomaaliya oo kal
hore looga baahnaa in ay gaarto.
Madaxweeynaha ayaan sheegin xiliga uu kala
eryayo dowladda Ra’iisal Wasaare Geedi
Hadalkaan ayaa ku soo beegmey Xili labada
Gole ee dowlada ay isaga so horjeedaan xagga afkaarta oo qaarkoodna ay
muqdisho ku sugan yihiin ayagoo wada Ol ole balaaran oo ay ku doonayaan
nabad buuxda oo ka aslaaxda Muqdisho.
Xubnaha Labada gole ee jooga magaalada
Muqdisho oo magacaabey Guddi wax ka qabanaya arimaha gobalka Banaadir
Kulankan maanta ay isugu yimaadeen xubnaha
labada gole oo qaatey muddo Afar saacadod ah ayaa lagu magacaabey Guddi ka
kooban Shan iyo Labaan tan Xubnood kuwaasi oo ka soo kala jeeda beelaha
kala duwan ee ay dowladadu ka kooban tahay.
Cumar xaashi Aaden oo ah af hayeenka labada
Gole ee ku sugan Magaalada Muqdisho ayaa sheegay in gudigaan uu yahay
Gudiga Xiriirinta iyo Kormeerka Guddiyada Howl galka Gobolka Baraandir.waxa
uuna sheegay in Arintaan ay qayb ka tahay go’aankii lagu gaarey Nairobi ee
29kii Qodob ka koobnaa ee ku saabsanaa nabadeeynta Magaalada Xamar.
Cumar Xaashi Aaden ayaa ka biyo diidey
xubnihii uu u magacaabey Ra’iisal wasaare Geedi, aslaaxinta Gobolka
banaadir oo uu ka mid ahaa Xasan Abshir Faraax oo ah Wasiirka kalluumeeysiga
ee Dowladda federaalka.
Xubnahaan lamagaacaabey ayaaneey ka dhex
muuqan Haweenkii xildhibaanada ka mid ahaa ee dadaalka ugu jirey sidii
muqdisho u noqan lahayd meel xasiloon.
Hase ahaatee dadka ku dhaqan magaalada
muqdisho ayaa ayagu qaba aragtiyo kala duwan oo ku aadan meel marinta howsha
ay wadaan xubnaha ka tirsan labada gole ee ka soo jeedaa Banaadir, taasoo
horey loogu hungoobey ballan qadyadooda waloow dhanka kale ay muujinayaan
yididiilo taas ka duwan ayagoo la cuskanaya biseylka siyaasadeed ee xiligaan
Wafdi uu Hogaamnayo Wasiirka Hub ka digista
iyo dhaqan celinta oo soo gaarey Muqdisho.
Wafdigaan oo uu hogaaminayo Bootaan Ciise
Caalin oo ka soo ambabaxay Magaalada Nairobi ayaa barqonimadii maanta waxa
ay ka soo caga dhigteen garoonka diyaaradaha ee Balli Doogle ee Gobalka
Shabeelada hoose.
Wafdigaan waxaa garoonka ku soo dhaweeyey
taageerayashiisa iyo Dadweeyne aad u farabadan waxaana lagu soo gal biyey
Gaawarida dagaalka.
Wasiirka Hubka dhigista iyo dhaqan Celinta
maliishiyooyinka ayaa markii uu soo gaarey magaalada Xamar waxa uu qabtey
shir jaraa’id waxaa uu kaga Hadley Qorsheyaasha ku aadan wasaaraddiisa
isagoo sheegay in wasaaradiisa hawsha ugu Horreysa ay qabaneeyso ay tahay
Hub ka dhigista maliishiyooyinka ku baahsan magaalada muqdisho isla markaana
loogu abuuri lahaa xirfado ay ku shaqeystaan si caasimada u noqoto mid
hanata doorkeedii nabad galyo iyo waliba kaalinteedii caasimadeed.
Waxaa kaloo wasiirka uu soo hadal qaaadey
ujeedada socdaalkooda waxaana uu sheegay inuu la xiriiro howlihii ay u
wadeen qaar ka tirsan labada gole ee ku taxaluuqay meel marinta waxa ay ugu
yeereen 29 Qodob.
Hassan Dhaaleey
Dheel10@hotmail.com
Mogadishu Somalia
Faafin: SomaliTalk Apr 13, 2005
USA: Qof
Dumar ah oo Soomaaliyeed oo Loo Xiray Been Abuur ay Ka Samaysay Ninkeeda
»Khadra
Faarax Cali oo Lagu Xiray Columbus, Ohio
»Kismaayo oo Laga Xusay Aasaaskii
Ciidankii Xoogga Dalka
»Muqdisho
oo laga xusay Maalinta Ciidanka Xoogga Dalka
»Sh.
Aweys: Ciidanka Lagu Dhisayo Adis Ababa waa shirqool
Warka oo dhan
ka akhri halkan.... Guji... Apr 12
Kulaabo bogga www.SomaliTalk.com