Waxaa
laga jooga muddo laba todobaad ah Markii
Xildhibanada guud ee Xisbiga Dimuqraadiga dalka
maraykanku (The Democratic National
Convention) ay ku caleemo saareen, John
Forbes Kerry inuu noqdo Musharaxooga rasmiga ah ee
uga qayb geli doona dooroshooyinka guud ee gobolada
Midoobay ee ameerica sannadka 2004 November 2-deeda,
Hadaba maadama oo dalka maraykanku guud ahaan uu
saamayn weyn ku leeyahay dunida oo dhan, gaar
ahaanna kumanaan kun qof oo soomali ahi ay
sannadkani Nasiib u helayaan inay markii ugu
horaysay codkooda ka dhiibtaan gobolada dalka
maraykanka ayaan jecelahay inaan bildhaan waafiya ku
sameeyo Cidduu yahay Shakhsiyan John Kerry?
qorshayaasha uu kaga duwanyahay Madaxweynaha tallada
dalka maraykanka hadda haya Geroge Walker Bush iyo
Khibradahiisa siyaasadeed, waxaan kale oo aan guud
mar ku samayn doona qoyska Kerry iyo asalkiisa.
SHAKHSIYADDA JOHN KERRY
![John Kerry](k10.jpg)
J.F.Kerry |
John Kerry Wuxuu ku dhashay
Magaalada Aurora ee gobolka Colorado, Sannadkii
1943-kii Hospital ay lahaayeen Ciidamada waddanka
Maraykanku oo ku yaal duleedka Magaalada Danver,
Aabahii Richard Kerry wuxuu ahaa duuliye sare oo ka
tirsan ciidamada Cirka ee waddanka Maraykanka,
wakhtigaasi uu john Kerry dhashay, waxaa Aabahii
laga daweynaayey xanuun kaga dhacay feedhaha, Inyar
ka dib waxaa qoyskoogu usoo guuray Gobolka
Massachusettes.
John Kerry Awoowgii Wuxuu ka soo
jeeda ama ku dhashay Magaalo ku taalla Waddankii
loogu yeedhi Jiray Austria-Hungary, oo la yidhaahdo
Morovian Silsilian, oo hadda ah waddanka
Jamhuuriyadda Czech-ga Wuxuuna awoowgi Ku koray meel
u dhaw xarunta waddanka Austria ee Viena, ka dibna
wuxuu usoo haajiray Jasiiradaha Illios ee dalka
Maraykanka isaga iyo Xaaskiisa Ida Nee lewe, iyo
wiil uu dhalay Erich, 18 May 1905.
waxaa halkaasi ugu dhashay laba
wiil oo kale oo uu ka mid ahaa Aabaha John kerry,
labadaas wiil oo la kala odhan jiray Mildred oo
dhashay 1910-kii iyo John Kerry Aabahii oo la odhan
jiray Richard oo dhashay 1916-kii, Qoyska reer Kerry
waxay ku hadli jireen afka Jarmalka, waxaanay
aaminsanaayeen diinta Yuhuudda (Jewish Religion),
balse John Kerry Ayeydii, oo ah Aabahii hooyadeed,
waxay ka soo jeeda waddanka Ireland, waxaana la
sheega inay ahayd dadkii ka danbeeyey samaynta ama
Aasaska Gobolka New England ee dalka maraykanka,
waxaana la sheega in iyadu ay ahayd qofka u bedeshay
diinteeda (christian catholic) Mad-habta kaatoliga
ee diinta kiristaanka, waxay ka iibsatay guri halka
imika loo yaqaano gobolka New England, iyada oo u
ololayn jirtay in dadka asalkoogu ka soo jeedo
gobolada dalka U.K ay ka helaan dalka maraykanka
gobol u gaar ah oo ay dagaan.
Richard Kerry oo ah Aabaha John
Kerry wuxuu dhamaystay Jaamacadda Yale University,
isaga oo bartay cilmiga sharciga caalamiga ah,
dabadeedna wuxuu shahaadada sare (Master Degree) ka
qaatay kuuliyadda Harvard Law School, Awoowga Labaad
"John kerry awoogii Kerry Forbes Kerry Wuxuu ahaa
Ganacsada weyn oo ka ganacsan jiray waddanka China,
halkaasi oo uu ku dhallay caruur kale oo ay u
dhashay haweenay asalkeedu chinese ah, waxaana jira
caruur ay habrawadaag yahiin John Kerry oo hadda
degen Waddanka China.
WAXBARASHADII JOHN KERRY
John Richard Forbes Kerry, Waxaa
Aabahii loo diray inuu kal kaaliye xagga
gaashandhiga ah ka noqdo Safaaradda uu maraykanku ku
leeyahay waddanka Norway, caasimadda Oslo, halkaasi
oo si ku meel gaadh ah ay u dageen qoyska reer
Kerry, Ka dibna waxaa loo soo diray John kerry inuu
wax ka barto gobolkii uu degena ee Masshachusettes,
isaga halkaasi kaga biiray dugsi hoy leh (Boarding
School) magaalada Newton ee gobolka Massachusettes,
Fessenden boarding School,
dabdeedna afar sanno ka dib waxaa loo gudbiyey
dugsiga sare ee St Paul, halkaasi oo uu ka qallin
jabiyey sannadkii 1962-kii, John kerry Aabahii kama
uu bixin karaynin lacagta iskuulka uu ku dhigan
jiray , balse Haweenay ka macalimad ahayd dugsiga
St. Paul ayaa ka bixin jirtay lacagta gunada ah ee
looga qaadi jiray dhigashada dugsigiisa, maadama oo
uu john kerry ahaa Ardayga keliya ee aaminsana
Diinta Catholic-ga, iyada oo ardaydii la dhigan
jirtay ay dhamaan ahaayeen qaar aaminsan Mad habta
dadka maraykanku u badanyahiin ee Orthodox,
Sannadkii 1962-kii ayuu John Kerry
wuxuu ku biiray Jaamacaddii Aabahii ka qallin
jabiyey Yale University isaga oo ka bartay cilmiga
siyaasadda (Political Science) B.A , intii uu ku
hawlana cilmiga siyaasadda Wuxuu John Kerry nasiib u
hellay inuu la kulmo Madaxweynahii hore ee waddanka
Maraykanka oo dhinacyo badan la sheego inay John
kerry iskaga mid yahiin, iskaga mid ahaanshahaasi oo
uu ugu horeeyo xagga magaca JOHN F. KENEDY iyo JOHN
F. KERRY, Kerry wuxuu u sheegay Kenedy inuu doonay
inuu noqdo nin siyaasadda aad ugu cad cad, Kenedy
intuu qoslay ayuu ku yidhi ha ka war warin aniga
laftigaygu waxaan ahay reer Yale.
![Kerry](k11.jpg)
Dhinaca bidix John Kerry
dhinaca midig Madaxweyne John F. Keneddy
oo jooga Jasiiradda Rhode Island. |
1966-kii ayuu John Kerry
dhamaystay Jaamacadda Yale, intii uu Kerry joogay
Yale university wuxuu noqday Madaxweynaha ururka
siyaasadda ee jaamacadda Yale, marna wuxuu noqday
Madaxweynaha ururka jaamacadda yale ee xuquuqda
aadamaha, wuxuu markii danbana ku biiray
akadamiyadda J.F.K ee jaamacadda yale isaga oo ka
noqday Madaxa sare ee akadamiyadaasi,.
ADEEGYADII CIIDAMADA EE
JOHN KERRY
Ka dib muddo dheer oo John Kerry
ka sugaayey Jawaab, warqad codsi ah oo uu dirtay
Jaamacadda Defarment, Magaalada Paris ee dalka
faransiiska
si uu uga barto cilmiga siyaasadda
iyo dhaqaalaha, ayaa jaamacadda Defarmant ay diiday
codsigiisaasi, wuxuu John Kerry iska diiwaan geliyey
ciidamada Badda ee dalka maraykanka 18 Febraury
sannadkii 1966-kii, wuxuuna toos shaqada adeega
ciidamada bedda ee dalka maraykanka u bilaabay
22-kii August ee sannadkii 1966-kii, ka dib markii
uu dhamaystay tababar xagga sarkaalnimada ah
(officer candidate Training) oo u socday muddo lix
todobaad ah, waxaana shaqo ciidameed loogu diray
waddamo badan ay ka mid ahaayeen Swizerland,
Philipine, Gacanka Tunkin, iyo meelo badan.
![Kerry](k12.jpg)
![Kerry](k13.jpg)
John Kerry oo la
gudoonsiinayo Jagada sarkaalnimada
ciidamada Maraykanka.
![Kerry](k14.jpg)
John Kerry oo qudbad u
jeedinaya Gudida xidhidhka arrimaha
dibadda ee golaha Senateka
maraykanka Sannadkii 1971, 22 april |
toban cisho ka dib soo
noqoshadiisii safarkii dheera ee hawlaha
ciidamadiisa John kerry waxaa loo dalacay Jagada
Sarkaal Ciidameed (Lieutenant junior military rank),
ka dibna waxaa uu John kerry ku biiray Mac-hadka
tababarka doonyaha dagaalka iyo dhuumaha xanbaara,
halkaasi oo uu soo dhamaystay, waxaana loo diray
dalka Vietnam oo wakhtigaasi ka socday dagaal uu
maraykanku kula jiray dalka Vietnam, wuxuuna John
Kerry ku dhaawacmay Seddex Jeer dagaalkaasi, isaga
oo ka ahaa wade doonyaha dagaalka ee jooga goob uu
maraykanku ugu magac darray "free fire
zones" waxaana John kerry uu ku soo laabtay
dalka maraykanka bishii febraury 19-keedii 1968-kii,
wuxuuna John Kerry ku biiray "American
Vietnam Veterans" urur la odhan jiray oo ay
isku bahaysteen ciidamadii maraykanka ahaa ee sida
tabaruca ahaa uga dagaalamay waddanka Vietnam, oo
markii danbe ka soo horjeestay, waxaanay dhaleecayn
badan usoo jeediyeen maamulkii Madaxweyne Nixon oo
waagaasi dagaal kula jiray waddanka Vietnam, John
Kerry wuxuu ka noqday ururkaasi Afhayeenka Guud ee
ururka, isaga oo hadalo badan shacabka maraykanka
uga jeediyey goobo badan waxaa ka mid ahaa
hadaladiisa "ciidamada maraykanku waxay ku
fikirayaan maxaad noqon doontaan ninka ugu danbeeya
ee xaq darro ugu dhinta vietnam" isaga oo
wakhtigaasi dadka maraykanka u sheegaayey inay
ridaan xukunkii Nixon, John Kerry waxaa lagu
gudoonsiiyey dagaalkaasi Vietnam Bilad Maar ah
(Silver Star).
22 April sannadkii 1971, John
Kerry wuxuu ahaa dagaalyahinkii ugu horeeyey ee ka
soo dagaalamay vietnam ee caddayn u gudbiya guriga
Senate ka ee waddanka maraykanka, isaga oo xoog
dheer ka siiyey gudigii guriga senateka maraykanka u
qaabilsana xidhiidhka arrimaha dibadda, sida
ciidamada maraykanku go'doonka ugu yahiin
dagaalkaasi Vietnam.
![Kerry](k15.JPG)
John Kerry oo katiinad Gacmaha lagaga xidhay
xagga sare ee sawirka. |
John Kerry waxaa loo taxaabay
xabsiga isla sannadkii 1971-kii ka dib markii uu
abaabulay mudaharaad balaadhan oo lagu hor sameeyey
guriga cad ee dalka maraykanka ka dib markii uu
halkaa ka dhashay rabshad ay iskaga hor yimaadeen
ciidamada amaanka ee magaalada Washington iyo
Mudaradayaashii uu hogaaminaayey John Kerry iyo
Saaxiibadii kale ee ka mid ahaa ururkii
dagaalyahanada Vietnam (veterans of vietnam), ka
dibna waxaa ay iska bixiyeen $5 qofkiiba, iyada oo
laga soo daayey xabsiga dhexe ee Lexington.
Qaybta 2aad... GUJI