Doorashada Maraykanka Iyo Bulshada
Soomaaliyeed.Yussuf
Mohamed.
Lisbon, Maine U.S.A.
E-MAIL:
afdinle03@yahoo.com
Waxaa dhawaan ka dhacaysa wadanka
Maraykanka Doorashadii guud ee loogu tartamaayay jagada madaxwaynaha
ee wadankaas oo afartii sannaba mar la qabto, taasoo sida uu yahay
qorshuhu dhacaysa , November 2nd, 2004. Waxaa ka hadhay uun wakhti
yar oo xadidan,Waxaana ku tartami doona George W Bush oo ka socda
Republican Party ahna Madaxwaynaha hada xilka haya oo raba in
markiisii labaad la soo doorto, Iyo Senator: John Kerry oo ka socda
Democrat Party ahna senator laga soo doorto Massachusette State ,
Iyo Ralf Nadir oo isna iskii u taagan “independent” Sidaas darteedna
waxa uu marayaa ololihii Doorashadu halkii ugu saraysay.
Hadaba iyadoo ay taasi jirto ayaad
moodaa sannadkani inuu aad uga duwan yahay sannadihii hore ee ay
dhici jireen Doorashooyinka wadanka U.S.A, taana waxaa kuu
cadaynaaya sida ay u tahay tani Doorasho ka dhacda wadankan tii ugu
xammaasada badnayd, Waxaana lagu tilmaamaa inay noqon doonto
Doorashaddii ugu dadka badnayd, macnaha dadka codkooda bixin doona
inta la ogyahay.
Marka dhinaca kale laga eegana waxa
socda dadaal lagu kala jiidanaayo dadka codkooda bixinaaya gaar
ahaana dadka loo yaqaan “minority communities” oo ah dadka laga
tirada badan yahay. Waxaana u caado ah inta badan dadka u tartamaaya
Doorashadan inay qolo waliba dhinacooda u hawlgalaan inay soo
jiitaan dadka ay filayaan inay iyaga u codayn doonaan, iyagoo ku
dhiiri galinaaya uun dadkaas inay bixiyaan codkooda kuna dhaafa inta
badan intaas. Waayo waxa inta badan dadka Maraykanku ay qiimeeyaan
Inuu qofkaas akhtiyaarkiisa ugu codeeyo cida uu doono, iyadoo taa si
ka mid tahay waxyaalaha ugu qiimaha badan wadankan oo ay ku
sifeeyaan dadka Maraykanku inay ka mid tahay kuwa ugu muhiimsan waxa
ay u yaqaanaan “American Values”. ayaa hadana si dadban loo kala
jiitaa dadka aan iyagu wali go,aansan inay codeeyaan.
Sanadkanina waxa weeye sanad aad
ugu muhiim ah dadka laga tirada badan yahay sida Bulshada Soomaalida,
Waayo waxa uu u yahay mid ay ku cabiri karaan dareenkooda kuna
tusaan Dadka kale ee kula nool wadanka inay yihiin dad jira.
Hadaba waxaa maanta ku nool cariga
Maraykan Dad lagu qiyaaso ilaa 300,000 oo qof oo ah Soomaali, Waxaa
kaloo lagu qiyaasaa Dadka xaqa u leh inay bixiyaan codkooda ee
Soomaalida ah 50,000-65,000.
Arrinta hadaba ugu xiisaha badani
waxay tahay, Bulshada Soomaalidu waxay aad ugu badan tahay meelaha
maanta ugu xassasisan Ololaha Doorashada Wadanka U.S.A. ee loo
yaqaan “battleground States” sida OHIO STATE Iyo MINNESOTA STATE.
Waxaanan filayaa inay yihiin labada STATE ee ay Soomaalidu ugu xooga
badan tahay.
Hadaba maanta waxaa la gudboon
Bulshada Soomaaliyeed inay ka qayb qaataan siyaasada wadanka U.S.A.
ee ay ku noolyiin una fiirsadaan Murashaxiinta tartamaysa iyo
barnaamij yadooda oo ay eegaan ka dantu ugu jirto Codkoodana
bixiyaan.
Waxaana ogaataan maanta Siyaasada
wadanka Maraykanka wax wayn ayaa ka badali kartaan. Tusaale ahaan
haday ka codeeyaan OHIO STATE 10,000 oo qof oo ay u codeeyaan John
Kerry waxay noqonaysaa inuu John Kerry Sidaas ku badiyo OHIO oo
aanay waligood badin Xisbiga Dimuqraadigu, mida kale aanu waligii
soo baxin Madaxwayne Maraykan oo ka soo baxa dhinaca Republicanka
isagoon OHIO badin, Waxaanay noqonaysaa arrin macna wayn ku fadhida
oo gasha taarriikhda wadanka Maraykanka, Magaceedana waxaa
yeelanaaya Bulshada Soomaalida, Waxaan ula jeedaa ma moodayno inaynu
nahay dad samayn kara faraq wayn laakiin waynu samayn karnaa ee taas
ogaada.
Ugu danbay waxaan ku boorinayaa
Bulshada Soomaaliyeed inay ka qayb qaataan oo ay aad ugu soo baxaan
Doorashada ka dhacaysa Sannadkan Wadanka U.S.A November 2nd, 2004.
Qofkasta oo qaangaadh ah (18 jir
ah) isla markaana haysta Shahaadada Citizenship ka ee United States
xaq ayuu u leeyahay inuu codeeyo, Cidii uu rabo ee qancisana uu u
codeeyo.
By: Yussuf Mohamed.
Lisbon, Maine U.S.A.
E-MAIL:
afdinle03@yahoo.com