Bayaan ka soo baxay wax garadka Jifida Reer ismaaciil ee Carab Saalax 

Bayaan ka soo baxay waxgaradka odoyaasha, aqoonyahanada, siyaasiyiinta, culumaa’u diinka, iyo ururka haweenka Jifida reer ismaaciil ee carabta maxamuud saalaax(Meheri) shir ay ku qabteen gudaha iyo debedda, waxay umadda soomaliyeed meel walba ay joogaanba gaar ahaan beela dhaqameedyada, gaar ahaan kuwa puntland, sida gobalada bari nugaal mudug sool iyo sanaagba in aan kalsoonidii suldaanimada kala laabanay suldaan C/qaadir Faarax Shabel hadaan nahay jifida reer ismaaciil ee carab maxamuud saalax (Meheri).

Waxyaalaha sababay inaan kala laabano kalsoonida waxaa ka mid ah

1. maqal la’aan, tix galin la’aan beesha wax garadkeeda iyo xushmad la’aan aad u badan
2. Sida aad la socotaanba beesha Meheri oo ka mid beesha 5aad ee shirka nayroobi wax ku qaybsaday, kana  madax banaan qabqablayaasha, nasiib daro waxaa dhacday in ergadii ay  beeshu lahaayeen inuu gacantiisa ku qortay qabqablaha c/laahi yuusuf ayna  masuul ka yihiin arintaa kaba qaadkiisa C/laahi cali cumar daad iyo suldaanka maqaar saarka ah suldaan C/qaadir faarax shabel.
3. Markii laga tagay ergadii Meherigu u soo dirsadeen inay u matalaan baarlamaanka laguna badashay rag C/laahi yuusuf u ah dabadhilifyo, caada qaatayaal ah, arintaas oo ku salaysan inay codka isaga siiyaan, kuwaas oo aan beesha matalin, sidaa darteen beesha Meheri waxay arintaas ku riday niyad jab iyo fadeexo, waxaana ceebtaa dhabarka u ritay Generaal c/laahi cali cumar daad iyo Suldaan cabdiqaadir faarax shabeel.
4. iska hor keen iyo isku dir beesha dhexdeeda ah, iyadoo beela dhaqameedka lagu yaqaano nabad iyo samaan ka talin.

Intaa dabadeed, afhayeen u hadlay beesha reer ismaaciil oo magaciisu yahay Cali Axmed Maxmud kooshin waxa uu xusay meesha fadeexadaasu ka dhacday inuusan joogin Suldaan cabdilaahi nuur(suldaan carab duur), oo shirkaan shirkii ka horeeyey ee lagu qabtay tuulada carta ee dalka jabuuti wax ku qaybiyey si cadaalad ah, una soo dhiciyey xuquuqda beesha Meheri. 

Haddaba wixii faahfaahin ah kala soo xiriir Afhayeenka beesha reer ismaaciil- Cali Axmed Maxamuud Kooshin Tal: 612-344-1574 ama ku dir emailka akhifilah@yahoo.com

Afeef: Aragtida Qoraalkan waxaa leh qoraaga ku saxiixan